Kɛjɛ blema tɔ̃ɔ lɛ, Yehowa eye ebua etsuji ni amɛtsu nibii ni yɔɔ naakpɛɛ, nibii ni kulɛ amɛnyɛŋ amɛtsu yɛ amɛ diɛŋtsɛ amɛnyɛmɔ naa. Yɛ afi 1954 mli lɛ, Yehowa asafo lɛ jie fim ko kpo, ni eyitso ji, The New World Society in Action. Mɛi titri ni fee fim nɛɛ ji Betelbii, ni amɛleee fimfeemɔ he nɔ ko. Yehowa mumɔ krɔŋkrɔŋ lɛ ji nɔ ni wa amɛ ni amɛnyɛ amɛtsu nitsumɔ ni wa waa nɛɛ. Enɛ hãa wɔnaa akɛ, kɛ́ wɔkɛ wɔhe fɔ̃ Yehowa nɔ lɛ, nitsumɔ fɛɛ nitsumɔ ni akɛbaawo wɔdɛŋ lɛ, wɔbaanyɛ wɔtsu.​—Zak 4:6.

KWƐMƆ VIDIO NI JI, BƆ NI FEE NI AFEE “THE NEW WORLD SOCIETY IN ACTION” FIM LƐ,” KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• Mɛni hewɔ akpɛ yiŋ akɛ abaafee fim ko ni kɔɔ nitsumɔhe yitso lɛ he lɛ?

• Mɛɛ gbɛ nɔ fim lɛ hã ana akɛ, bɔ ni atsuɔ nii yɛ Betel lɛ tamɔ bɔ ni adesa gbɔmɔtso lɛ tsuɔ nii lɛ?​—1Ko 12:14-20

• Be ni nyɛmimɛi lɛ feɔ fim lɛ, mɛɛ naagbai amɛkɛkpe, ni te amɛfee tɛŋŋ amɛtsu he nii?

• Mɛni sane nɛɛ tsɔɔ bo yɛ Yehowa mumɔ krɔŋkrɔŋ lɛ he?