• La 108:9—Mɛni eeenyɛ efee akɛ no hewɔ ni atsɛ Moab akɛ “okpolu ni [Nyɔŋmɔ juɔ ehe] yɛ mli” lɛ? (it-2 420 kk. 4)

  Your answer

• Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?

  Your answer

Be ni Yehowa here Israelbii ni gbeyei emɔ amɛ waa lɛ kɛje Ejipt asraafoi ni he wala lɛ adɛŋ yɛ Ŋshɔ Tsuru lɛ naa lɛ, amɛhiɛ sɔ nɔ ni Yehowa fee lɛ, ni amɛlá kɛda lɛ shi. (2Mo 15:​1-19) Hii lɛ bɔi lala hee nɛɛ lamɔ. (2Mo 15:21) Yesu kɛ blema Kristofoi lɛ hu lá kɛjie Nyɔŋmɔ yi. (Mat 26:30; Kol 3:16) Wɔláa yɛ asafoŋ kpeei, kpokpaa nɔ kpeei, kɛ kpokpaa wulu nɔ kpeei ashishi kɛtsɔɔ akɛ wɔhiɛ sɔɔ nibii ni Yehowa feɔ ehãa wɔ lɛ. Akɛ nɔkwɛmɔnɔ lɛ, abɔi lala ni wɔlá bianɛ nɔŋŋ ni yitso ji, “Wɔmiida Bo Shi, Yehowa” lɛ lamɔ yɛ wɔkpeei lɛ ashishi kɛjɛ afi 1966.

Yɛ hei komɛi lɛ, efeɔ hii hiɛgbele akɛ amɛbaalá yɛ mɛi ateŋ. Hii kɛ yei komɛi hu sumɔɔɔ ni amɛláa ejaakɛ amɛsusuɔ akɛ amɛgbee eŋɔɔɔ. Shi esa akɛ wɔhã ehi wɔjwɛŋmɔ mli akɛ, gbɛ kome ni wɔtsɔɔ nɔ wɔjáa Yehowa ji ni wɔbaalá yɛ wɔkpeei ashishi. Yehowa asafo lɛ kwɛɔ koni afolɔ lalai ni ŋɔɔ, ni etsɔɔ lalai ni esa akɛ alá yɛ kpee fɛɛ kpee shishi, ni enɛ jeee nitsumɔ bibioo kwraa. Nɔ ni nɔŋŋ ni shwɛɔ wɔ ji ni wɔbaafee ekome kɛlá kɛtsɔɔ akɛ wɔsumɔɔ wɔŋwɛi Tsɛ lɛ, ni wɔhiɛ sɔɔ nibii ni efeɔ ehãa wɔ lɛ.

Jiemɔ VIDIO ni ji, Wɔyinɔsane Tsɔɔ Akɛ Wɔmiiya Wɔhiɛ—Lala Ji Nikeenii, Fã 2 lɛ. No sɛɛ lɛ bi toibolɔi lɛ akɛ:

• Mɛni ji nɔ ko ni sa kadimɔ ni ba yɛ afi 1944?

  Your answer

• Mɛɛ gbɛ nɔ wɔnyɛmimɛi ni yɔɔ Siberia lɛ tsɔɔ akɛ amɛsumɔɔ Maŋtsɛyeli lalai alamɔ?

  Your answer

• Mɛni hewɔ Yehowa Odasefoi shwɛɛɛ lamɔ he kwraa lɛ?

  Your answer