HII SHI AKƐ KRISTOFONYO
Hã Okɛ Yehowa Teŋ Wekukpaa Lɛ He Ahia Bo Fe Nɔ Fɛɛ Nɔ
Akɛ Yehowa Odasefoi lɛ, wɔyɛ hegbɛ ko ni nɔ bɛ. Akɛni wɔjɔɔ wɔhe nɔ wɔhã Nuŋtsɔ Ofe Yehowa, ni abaptisi wɔ hewɔ lɛ, wɔ kɛ lɛ teŋ yɛ jogbaŋŋ, ni wɔyaa nɔ wɔfeɔ nibii ni baahã wekukpaa nɛɛ ahi shi daa. Etsɔ e-Bi lɛ nɔ egbala wɔ kɛba emasɛi. (Yoh 6:44) Eboɔ wɔsɔlemɔi toi.—La 34:15.
Te wɔɔfee tɛŋŋ wɔhã wekukpaa ni nɔ bɛ ni yɔɔ wɔ kɛ Nyɔŋmɔ teŋ lɛ ahi shi daa lɛ? Nɔ kome ni wɔbaanyɛ wɔfee ji, ni wɔbaakwa gbɛ fɔŋ ni Israelbii lɛ kɔ lɛ. Be ni amɛkɛ Yehowa kpaŋ kpaŋmɔ lɛ sɛɛ etsɛɛɛ nɔŋŋ lɛ, amɛfee shika tsuru tsinabi amaga ni amɛjá lɛ. (2Mo 32:7, 8; 1Ko 10:7, 11, 14) Wɔbaanyɛ wɔbi wɔhe akɛ: ‘Kɛ́ mikɛ shihilɛ ni baanyɛ ahã mafee esha kpe lɛ, te mifeɔ minii mihãa tɛŋŋ? Ani minifeemɔi tsɔɔ akɛ wekukpaa ni yɔɔ mi kɛ Yehowa teŋ lɛ he hiaa mi fe nɔ fɛɛ nɔ?’ Kɛ́ wɔsumɔɔ wɔ-Tsɛ ni yɔɔ ŋwɛi lɛ waa lɛ, wɔbaajo nibii ni enyɛɔ lɛ anaa foi.—La 97:10.
KWƐMƆ VIDIO NI JI, BUU WEKUKPAA NI YƆƆ OKƐ YEHOWA TEŊ LƐ HE (KOL 3:5) LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:
-
Mɛni ji hiɛkɔ̃ɔ?
-
Mɛni hewɔ esa akɛ wɔtsi wɔhe kɛje amimyeli kɛ amagajamɔ he?
-
Mɛɛ tsakpaa yɔɔ gbalafitemɔ kɛ amagajamɔ teŋ?
-
Mɛni hewɔ mɛi ni akɛ sɔ̃i ewo amɛdɛŋ yɛ asafo lɛ mli lɛ ji mɛi titri ni esa akɛ amɛtsu amɛhefatalɔi ahiamɔ nii ahe nii amɛhã amɛ lɛ?
