Be ni Yesu tsɔ naakpɛɛ gbɛ nɔ elɛ hii 5,000, kɛ yei kɛ gbekɛbii lɛ sɛɛ lɛ, ekɛɛ ekaselɔi lɛ akɛ: “Nyɛbuaa blodoi kukuji ni eshwɛ lɛ anaa, koni nɔ ko nɔ ko akafite.” (Yoh 6:12) Yesu hiɛ sɔ nibii ni Yehowa kɛhã lɛ, no hewɔ lɛ, ehãaa eko afite.

Ŋmɛnɛ lɛ, Gbɛtsɔɔmɔ Kuu lɛ bɔɔ mɔdɛŋ ni amɛkase Yesu, no hewɔ lɛ, amɛkɛ oniai kɛ nibii ni nyɛmimɛi lɛ kɛhãa lɛ tsuɔ nii yɛ hiɛshikamɔ mli. Akɛ nɔkwɛmɔnɔ lɛ, be ni amaa wɔnitsumɔhe yitso lɛ yɛ Warwick, yɛ New York lɛ, ama lɛ bɔ ni baahã akɛ oniai ni atsuɔ lɛ atsu nii jogbaŋŋ.

MƐNI WƆBAAFEE KONI NƆ KO AKAFITE . . .

• kɛ́ wɔtee Kristofoi akpeei?

• kɛ́ wɔyakɔlɔ woji kɛhã wɔ diɛŋtsɛ wɔhe? (km 5/09 3 kk. 4)

• kɛ́ wɔyaakɔlɔ woji ni wɔkɛbaaya shiɛmɔ? (mwb17.02 “Okɛ Biblia Kasemɔ Woji Lɛ Atsu Nii Jogbaŋŋ” kk. 1)

• kɛ́ wɔnyiɛ shiɛmɔ nɔ? (mwb17.02 “Okɛ Biblia Kasemɔ Woji Lɛ Atsu Nii Jogbaŋŋ” kk. 2, kɛ akrabatsa lɛ)