Yɛ November mli lɛ, wɔbaabɔ mɔdɛŋ waa wɔgba mɛi sane kpakpa ni ji akɛ, etsɛŋ nibii baahi yɛ je lɛ mli. (La 37:10, 11; Kpo 21:3-5) Too obe he gbɛjianɔ koni onyɛ okɛ ohe awo tafãa nɛɛ mli kɛmɔ shi. Kɛ́ osɔmɔ akɛ gbɛgbalɔi awalɔ yɛ nyɔɔŋ nɛɛ mli lɛ, obaanyɛ ohã ŋmɛlɛtswai 30 loo 50.

Okɛ mɛi babaoo asusu ŋmalɛ ko ni kɔɔ jeŋ hee lɛ he lɛ he bɔ ni ooonyɛ. Hã sane ni oshikpɔŋkuku lɛ mli bii lɛ baanya he lɛ ahi ojwɛŋmɔ mli be ni ohalaa ŋmalɛ lɛ. Kɛ́ mɔ ko nya wiemɔ lɛ he yɛ klɛŋklɛŋ sanegbaa lɛ mli lɛ, hã lɛ Buu-Mɔɔ, No. 2 2021, ni ji maŋbii anɔ lɛ eko. No sɛɛ lɛ, kaahã osɛɛ miitsɛ ni ofee sɛɛkuukɛsaramɔ, ni obɔ mɔdɛŋ oje Biblia mli nikasemɔ shishi yɛ Oyi Aná Wala Kɛya Naanɔ! broshuɔ lɛ mli. Kɛ́ wɔshiɛ “nɔ ko kpakpa he sane kpakpa” kɛmɔ shi lɛ, wɔbaaná miishɛɛ waa!​—Yes 52:7.

KWƐMƆ LALA NI YITSO JI, JALƐ JEŊ HEE LƐ HE VIDIO LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• Mɛɛ jeŋ gbekɛ yoo fioo lɛ fee he mfoniri lɛ?

• Mɛɛ nibii komɛi okpaa gbɛ waa yɛ jeŋ hee lɛ mli?

• Kɛ́ ojwɛŋ ohiɛnɔkamɔ lɛ nɔ lɛ, mɛɛ gbɛ nɔ ebaawa bo ni osaa ohe oto, koni okɛ ohe awo November tafãa lɛ mli jogbaŋŋ?​—Luk 6:45