Mɛi pii heee mɛi ni yɔɔ hegbɛ lɛ amɛyeee. Ebɛ naakpɛɛ akɛ amɛnuɔ he nakai. Kɛjɛ blema tɔ̃ɔ lɛ, mɛi ni yɔɔ hegbɛ lɛ ateŋ mɛi babaoo foɔ amɛ pɛ amɛnɔ mli. (Mik 7:3) Eŋɔɔ wɔnaa waa akɛ atsɔse asafoŋ onukpai lɛ koni amɛkɛ hegbɛ ni amɛyɔɔ lɛ aye abua Yehowa webii lɛ.—Est 10:3; Mat 20:​25, 26.

Esoro asafoŋ onukpai lɛ yɛ mɛi ni yɔɔ hegbɛ yɛ je lɛ mli lɛ ahe. Suɔmɔ ni amɛyɔɔ kɛhã Yehowa kɛ ewebii lɛ hewɔ amɛsɔmɔɔ akɛ nɔkwɛlɔi lɛ. (Yoh 21:16; 1Pe 5:​1-3) Tookwɛlɔi nɛɛ boɔ Yesu gbɛtsɔɔmɔ toi, ni no hewɔ lɛ amɛyeɔ amɛbuaa shiɛlɔ fɛɛ shiɛlɔ ni enu he akɛ efata Yehowa webii lɛ ahe, ni agbɛnɛ hu etsi ebɛŋkɛ Yehowa kpaakpa. Kɛ́ hewalɛwoo he bahia Yehowa webii lɛ, loo oshãra ko ba, loo amɛteŋ mɔ ko bɛ hewalɛ lɛ, amɛwaa amɛ oya nɔŋŋ. Kɛ́ yelikɛbuamɔ he miihia bo lɛ, kaashashao shi akɛ obaabi asafoŋ onukpai ni yɔɔ nyɛsafo lɛ mli lɛ ateŋ mɔ ko ni eye ebua bo.—Yak 5:14.

KWƐMƆ VIDIO NI JI, TOOKWƐLƆI NI KWƐƆ TOOKU LƐ NƆ JOGBAŊŊ LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:

• Te Mariana ná yelikɛbuamɔ ni asafoŋ onukpai lɛ kɛhã lɛ lɛ he sɛɛ ehã tɛŋŋ?

  Your answer

• Te Elias ná yelikɛbuamɔ ni asafoŋ onukpai lɛ kɛhã lɛ lɛ he sɛɛ ehã tɛŋŋ?

  Your answer

• Be ni okwɛ vidio nɛɛ ogbe naa lɛ, te ona nitsumɔ ni asafoŋ onukpai lɛ tsuɔ lɛ ohã tɛŋŋ?

  Your answer