NYƐYAA NƆ NYƐBUA!
Nu Afuai Ni Kpãtãa Nibii Ahiɛ—Mɛni Biblia Lɛ Kɛɔ Yɛ He?
Nu Afuai miigba mɛi anaa waa yɛ jeŋ fɛɛ. Kadimɔ amaniɛbɔi nɛɛ:
“Gbii fioo ni eho nɛɛ, nugbɔ nɛ waa bɔ ni enɛko nakai dã yɛ China maŋtiase lɛ mli kɛ́ hooo kwraa lɛ afii 140 nɛ, . . . enɛ waa bɔ ni nu lɛ mli kwɔlɛ shɛ milimitai 744.8 (waotalɔi 29.3) kɛjɛ Hɔɔ kɛyashi Shɔ.”—AP News, August 2, 2023.
“Typhoon Khanun hã nugbɔ nɛɛ waa ni ahum ni naa wa tswa waa gbii enyɔ sɔŋŋ, enɛ Shɔ kɛ Soo fɛɛ yɛ Japan wuoyigbɛ, ni kɛ́ hooo kwraa lɛ egbe mɛi enyɔ. . . . Aakpa gbɛ akɛ ahum lɛ baahã nugbɔ ni naawalɛ shɛɔ mitai 0.6 loo nanetalɔi 2 anɛ yɛ Taiwan gɔji lɛ anɔ.”—Deutsche Welle, August 3, 2023.
“Nugbɔ ni nɛ gbeyeigbeyei [yɛ Nova Scotia] yɛ otsi naagbee ni ho lɛ ji nugbɔ ni enɛ fe fɛɛ yɛ Atlantic Canada nii amli yɛ afii 50 ni eho nɛɛ mli.”—BBC News, July 24, 2023.
Mɛni Biblia lɛ kɛɔ yɛ nibii tamɔ nakai ahe?
“Naagbee gbii lɛ” he okadi
Biblia lɛ tsɔɔ akɛ wɔyɛ be ni atsɛɔ lɛ “naagbee gbii lɛ” amli. (2 Timoteo 3:1) Yesu gba akɛ yɛ wɔbei nɛɛ amli lɛ, wɔbaana “gbeyei nibii” loo nibii ni hãa mɔ tsui fãa. (Luka 21:11) Kɔɔyɔɔŋ tsakemɔ ehã nugbɔ fɔɔ nɛmɔ waa loo hulu tsoɔ waa fe nine yɛ hei pii, ni bei komɛi lɛ, kɔɔyɔɔŋ tsakemɔ he nilelɔi nyɛɛɛ ana enɛ kɛtsɔ hiɛ.
Nɔ hewɔ ni wɔbaanyɛ wɔná hiɛnɔkamɔ
Biblia lɛ hãa wɔleɔ akɛ esa akɛ nibii gbeyeigbeyei ni yaa nɔ yɛ shikpɔŋ lɛ nɔ ŋmɛnɛ lɛ ahã wɔná hiɛnɔkamɔ. Mɛni hewɔ? Yesu kɛɛ akɛ: “Kɛ́ nyɛna akɛ nibii nɛɛ miiba mli lɛ, nyɛnáa nyɛlea akɛ Nyɔŋmɔ Maŋtsɛyeli lɛ ebɛŋkɛ.”—Luka 21:31; Mateo 24:3.
Nibii ni wɔnaa ni miiya nɔ ŋmɛnɛ lɛ tsɔɔ akɛ, etsɛŋ Nyɔŋmɔ Maŋtsɛyeli lɛ baakudɔ adebɔɔ hewalɛi lɛ, tamɔ nu shibɔlemɔ nɛkɛ, koni amɛkafite nii dɔŋŋ.—Hiob 36:27, 28; Lala 107:29.
Kɛ́ ootao ole bɔ ni Nyɔŋmɔ Maŋtsɛyeli lɛ baasaa shikpɔŋ lɛ fɛfɛo koni efee tamɔ bɔ ni eji kɛjɛ shishijee lɛ he nii babaoo lɛ, kanemɔ sane ni ji “Namɔ Baabaa Shikpɔŋ Lɛ Yi?” lɛ.
Ekolɛ Obaasumɔ Enɛ Hu
SANEBIMƆI NI BIBLIA LƐ EHÃ HETOO
Mɛni Ji “Naagbee Gbii Lɛ” Ahe Okadi Lɛ?
Biblia lɛ gba nibii babaoo ni baaya nɔ yɛ be kome too mli ni baafee naagbee gbii lɛ he okadi.
SAJI KROKOMƐI
Nɔ Ni Biblia Lɛ Kɛɔ Yɛ Kɔɔyɔɔŋ Tsakemɔ Kɛ Nɔ Ni Baaba Je Lɛ Nɔ Wɔsɛɛ Lɛ He
Ani wɔshikpɔŋ lɛ kɛ mɛi ni yɔɔ nɔ lɛ asane kã wɔ-Bɔlɔ lɛ tsui nɔ?
BIBLIA TSƆƆMƆI NI HE HIAA WAA
Ani Nyɔŋmɔ Ji Mɔ Ni Hãa Nibii Ni Mɛi Tsɛɔ Amɛ Adebɔɔ Naa Osharai Lɛ Baa?
Mɛi enyɔ komɛi ni nibii ni mɛi tsɛ amɛ akɛ adebɔɔ naa osharai eko ba amɛnɔ lɛ tsɔɔ nibii ni amɛkase kɛjɛ Biblia lɛ mli.
SAJI KROKOMƐI
Hiɛnɔkamɔ Diɛŋtsɛ Ni Tsɔɔ Akɛ Nibii Baahi Wɔsɛɛ
Mɛni hewɔ esoro shiwoi ni yɔɔ Biblia lɛ mli lɛ yɛ shi ni gbɔmɛi woɔ kɛ nibii ni amɛkɛɔ akɛ ebaaba lɛ ahe lɛ?
