Yɛ afi 2023 lɛ, mɛi ni ekase helatsamɔ he nii lɛ bayɔse akɛ shoofeemɔ ebafee hela wulu ni miigba mɛi anaa waa. Ani abaanyɛ aná shoofeemɔ naa tsabaa?

•   United States datrɛfonyo onukpa ko ni atsɛɔ lɛ Dr. Vivek Murthy lɛ wie akɛ: “Kɛ́ wɔhe fee shoo ni wɔtse wɔhe kɛjɛ mɛi ahe lɛ, ebaanyɛ eye wɔgbɔmɔtsoŋ hewalɛnamɔ awui ni wɔnáŋ miishɛɛ.” Shi ekɛfata he akɛ: “Wɔbaanyɛ wɔfee nɔ ko yɛ he.” Mɛni wɔbaanyɛ wɔfee? Ewie akɛ: “Wɔbaanyɛ wɔfee nibii bibii komɛi kɛwaje naanyobɔɔ ni kã wɔ kɛ mɛi ateŋ lɛ.” a

 Jeee ja wɔtse wɔhe kɛje mɛi ahe dani wɔhe baafee shoo. Mɛi komɛi nuɔ shoofeemɔ he kɛ́ amɛyɛ mɛi ateŋ po. Ekɔɔɔ he eko nɔ ni hãa wɔhe feɔ shoo lɛ, Biblia lɛ baanyɛ aye abua wɔ. Ŋaawoi kpakpai komɛi yɛ mli ni baanyɛ aye abua wɔ koni wɔwaje naanyobɔɔ ni kã wɔkɛ mɛi krokomɛi ateŋ lɛ koni wɔhe akafee shoo loo wɔshoofeemɔ lɛ naa aba shi kwraa.

 Feemɔ ohe sanegbalɔ kpakpa. Enɛ biɔ ni wɔgba mɛi krokomɛi bɔ ni wɔnuɔ he wɔhãa, ni nakai beiaŋ nɔŋŋ lɛ wɔbo nɔ ni amɛyɔɔ kɛɛmɔ lɛ toi. Kɛ́ ofeɔ nibii ni tsɔɔ akɛ oyɛ mɔ ko he miishɛɛ lɛ, ehãa naanyobɔɔ ni kã okɛ mɔ lɛ teŋ lɛ mli waa.

•   Biblia mli shishitoo mla: ‘Taomɔ nibii ni hi hã mɛi krokomɛi, shi jeee nibii ni hi hã bo pɛ.’​—Filipibii 2:4.

 Okɛ mɛi srɔtoi babaoo abɔ naanyo. Bɔɔ mɔdɛŋ ni okɛ mɛi ni ye bo onukpa loo oye amɛ onukpa loo amɛjɛ maŋ kroko nɔ loo amɛjɛ shihilɛi srɔtoi amli lɛ abɔ naanyo.

•   Biblia mli shishitoo mla: “Nyɛgbelea nyɛtsuii anaa.”​—2 Korintobii 6:13.

 Kɛ́ ootao ole bɔ ni akɛ mɛi krokomɛi bɔɔ naanyo jogbaŋŋ lɛ he saji krokomɛi lɛ, kanemɔ sane ni ji “Satisfying Our Hunger for Friendship” lɛ.