Biblia mli sane ni baanyɛ awa bo:

• 1Mo 24:​1-4, 7—Nuumo Abraham tswa efai shi akɛ ebaatao yoo yɛ mɛi ni sɔmɔɔ Yehowa lɛ ateŋ ehã ebinuu Isak akɛ eŋa, etaooo yoo lɛ yɛ Kanaanbii ni jáa nyɔŋmɔi krokomɛi lɛ ateŋ

• 1Mo 28:​1-4—Isak kɛɛ ebi Yakob akɛ eyatao yoo yɛ Yehowa tsuji lɛ ateŋ ekɛhi shi, shi jeee yɛ Kanaanbii lɛ ateŋ

Biblia mli sane ni baanyɛ awa bo:

• 1Ma 11:​1-6, 9-11—Yehowa mli fu Maŋtsɛ Solomon waa diɛŋtsɛ, ejaakɛ Solomon ku ehiɛ eshwie Yehowa kɔkɔbɔi lɛ anɔ, ni ekɛ maŋ sɛɛ yei yabote gbalashihilɛ mli, ni amɛdɔ etsui kɛyanyiɛ nyɔŋmɔi krokomɛi asɛɛ

• Ne 13:​23-27—Tamɔ Yehowa fee lɛ, Amralo Nehemia hu mli fu waa be ni ená ele akɛ Israel hii komɛi kɛ maŋsɛɛ yei ni sɔmɔɔɔ Yehowa ebote gbalashihilɛ mli lɛ, no hewɔ lɛ egbala amɛtoi ni ejaje amɛ

Biblia mli sane ni baanyɛ awa bo:

• 1Sa 25:​2, 3, 14-17—No mli lɛ, Nabal lɛ shikatsɛ ji lɛ, shi eyitsoŋ wa ni ebɛ jeŋba, no hewɔ lɛ eyafeee wu kpakpa kɛhãaa Abigail

• Abɛ 21:9—Kɛ́ wɔkɛ hiɛshikamɔ halaaa wɔgbalashihilɛ mli hefatalɔi lɛ, ebaawa akɛ wɔbaaná miishɛɛ kɛ toiŋjɔlɛ

• Ro 7:2—Bɔfo Paulo tsɔɔ mli akɛ kɛ́ yoo bote gbalashihilɛ mli lɛ, ebajeɔ ewu ni yeee emuu lɛ yitsoyeli shishi; no hewɔ lɛ, yoo ni hiɛ kã shi lɛ baasusu nii ahe jogbaŋŋ dani ekpɛlɛ nɔ akɛ ekɛ nuu ko baahi shi

 Biblia mli sane ni baanyɛ awa bo:

• Abɛ 24:27—Dani nuu ko baabote gbalashihilɛ mli ni ekolɛ efɔ bii lɛ, esa akɛ efee mɔ ni tsuɔ nii waa bɔ ni ebaanyɛ ekwɛ weku

Biblia mli sane ni baanyɛ awa bo:

• Rut 2:​4-7, 10-12—Boaz kwɛ bɔ ni Rut tsuɔ nii ehãa, bɔ ni ekɛ eweku lɛ yeɔ ehãa, kɛ bɔ ni esumɔɔ Yehowa ehãa, ni ebo anɔkwa saji ni awieɔ yɛ ehe lɛ hu toi, ni ekɛle Rut jogbaŋŋ

• Rut 2:​8, 9, 20—Rut kwɛ bɔ ni Boaz kɛ mɛi yeɔ yɛ mlihilɛ mli, efeɔ ejurɔ, kɛ bɔ ni esumɔɔ Yehowa lɛ ni ekɛle Boaz jogbaŋŋ

Biblia mli sane ni baanyɛ awa bo:

• Abɛ 5:​18, 19—Nibii ni afeɔ kɛjeɔ suɔmɔ kpo lɛ ekomɛi yɛ ni gbalashihilɛ mli hefatalɔi ateŋ pɛ esa akɛ eje kpo yɛ

• Sol 1:2; 2:6—Be ni oblanyo tookwɛlɔ lɛ kɛ Shulam oblayoo lɛ nyiɛɔ kɛtsɔɔ gbalashihilɛ hiɛ lɛ, amɛtsɔ gbɛ kpakpa nɔ amɛkɛ suɔmɔ wiemɔi ni jeŋba sha bɛ mli tsu nii, jeee bɔlɛnamɔ wiemɔi

• Sol 4:12; 8:​8-10—Shulam oblayoo lɛ bɔ mɔdɛŋ ehiɛ jeŋba ni he tse mli ni etee nɔ eye ehe nɔ; akɛ lɛ to abɔɔ ko ni aŋmɛ naa he

 Biblia mli sane ni baanyɛ awa bo:

• 1Mo 21:​8-12—Yehowa kɛɛ Abraham akɛ ebo eŋa Sara toi, eyɛ mli akɛ no mli lɛ Abraham nyaaa Sara ŋaawoo lɛ he

• Abɛ 31:​10, 11, 16, 28—Wu hiɛshikalɔ ni yɔɔ ŋa kpakpa ni awie ehe yɛ ŋmalɛ nɛɛ mli lɛ famɔɔɔ eŋa lɛ, ni etaooo ehe tɔ̃mɔi; moŋ lɛ, eheɔ eŋa lɛ eyeɔ ni ejieɔ eyi

• Efe 5:33—Sane ni akɛ mumɔ tsirɛ bɔfo Paulo ni eŋma lɛ tsɔɔ mli akɛ esa akɛ nuu afee nibii ni baahã eŋa anu he akɛ esumɔɔ lɛ

Biblia mli sane ni baanyɛ awa bo:

• Abɛ 1:8; 1Ko 7:4—Nyɔŋmɔ kɛ hegbɛ ko ehã ŋamɛi kɛ mamimɛi yɛ weku lɛ mli

• 1Ko 11:3—Bɔfo Paulo tsɔɔ mli akɛ yɛ Yehowa gbɛjianɔtoo lɛ mli lɛ, mɔ fɛɛ mɔ yɛ yitsoyeli henɔ ko shishi, ja Nyɔŋmɔ Ofe lɛ pɛ

• Heb 13:​7, 17—Yɛ asafo lɛ mli lɛ, akpaa gbɛ akɛ hii kɛ yei fɛɛ baaba amɛhe shi amɛhã mɛi ni ahala akɛ amɛnyiɛ hiɛ lɛ, ni amɛbo amɛtoi

Biblia mli sane ni baanyɛ awa bo:

• 1Mo 18:12; 1Pe 3:​5, 6—Sara jie bulɛ kpo etsɔɔ ewu, ena lɛ akɛ “enuŋtsɔ,” loo eyitso yɛ esusumɔi amli po

Biblia mli sane ni baanyɛ awa bo:

• 1Mo 24:​62-67—Be ni Isak mami gbo lɛ, Rebeka ye ebua ewu Isak, ni eshɛje emii

• 1Sa 25:​14-24, 32-38—Abigail bu ewu buulu lɛ he, ni ekpa David fai koni David ana eshĩabii lɛ mɔbɔ, ni ekɛhere eshĩabii lɛ

• Est 4:​6-17; 5:​1-8; 7:​1-6; 8:​3-6—Maŋnyɛ Ester kɛ ewala wo oshara mli shii enyɔ sɔŋŋ be ni etee ewu ni ji maŋtsɛ lɛ ŋɔɔ be mli ni atsɛko lɛ lɛ, ni etee eyakpa fai koni abu Nyɔŋmɔ webii lɛ ahe