Jamɔi Krokomɛi Ni Akɛfeɔ Ekome Kɛjáa
Ani jamɔi srɔtoi lɛ fɛɛ jáa Nyɔŋmɔ kome too lɛ nɔŋŋ?
Ani Biblia lɛ tsɔɔ akɛ Yehowa kpɛlɛɔ jamɔi fɛɛ anɔ kɛ́ amɛtsɔɔmɔi lɛ teɔ shi ewoɔ emlai lɛ po?
Mat 7:13, 14; Yoh 17:3; Efe 4:4-6
-
Biblia mli sane ni baanyɛ awa bo:
-
Yos 24:15—Yoshua kɛɛ akɛ esa akɛ wɔhala kɛji wɔbaasɔmɔ Yehowa loo wɔbaasɔmɔ nyɔŋmɔi krokomɛi
-
1Ma 18:19-40—Yehowa tsɔ gbalɔ Elia nɔ ehã ana akɛ esaaa akɛ mɛi ni jáa lɛ lɛ kɛ amɛhe woɔ nyɔŋmɔi krokomɛi tamɔ Baal jamɔ mli
-
Te Yehowa naa majimaji lɛ anyɔŋmɔi lɛ kɛ jamɔi ni akɛhãa amɛ lɛ ehãa tɛŋŋ?
Kɛ́ mɛi kɛɛ amɛmiijá Yehowa shi amɛkɛ nifeemɔi ni esumɔɔɔ futu ejamɔ lɛ, te Yehowa nuɔ he ehãa tɛŋŋ?
Yes 1:13-15; 1Ko 10:20-22; 2Ko 6:14, 15, 17
-
Biblia mli sane ni baanyɛ awa bo:
-
2Mo 32:1-10—Aaron nyɛmimɛi Israelbii lɛ nyɛ enɔ ni efee tsinabi amaga, ni ekɛɛ akɛbaaye “gbi jurɔ ahã Yehowa,” ni nɔ ni efee nɛɛ wo Yehowa mli la waa
-
1Ma 12:26-30—Akɛni Maŋtsɛ Yeroboam sumɔɔɔ ni Nyɔŋmɔ webii lɛ aya sɔlemɔ shĩa ni yɔɔ Yerusalem lɛ hewɔ lɛ, efee amagai ni ekɛɛ maŋbii lɛ akɛ amagai lɛ damɔ shi kɛhã Yehowa, ni enɛ hã maŋbii lɛ fee esha
-
Mɛni Yehowa fee kɛtsɔɔ Israelbii lɛ akɛ esa akɛ amɛtsi amɛhe kɛje mɛi ni jáa nyɔŋmɔi krokomɛi lɛ ahe?
Be ni Yehowa webii lɛ yajá nyɔŋmɔi krokomɛi lɛ, mɛni Yehowa fee?
Koj 10:6, 7; La 106:35-40; Yer 44:2, 3
-
Biblia mli sane ni baanyɛ awa bo:
-
1Ma 11:1-9—Maŋsɛɛ yei lɛ ni Maŋtsɛ Solomon kɛhi shi lɛ nyɛ enɔ ni ejá nyɔŋmɔi krokomɛi, ni no wo mɛi krokomɛi hewalɛ ni amɛ hu amɛfee nakai nɔŋŋ, ni enɛ wo Yehowa mli la waa
-
La 78:40, 41, 55-62—Asaf tsɔɔ bɔ ni atua ni Israelbii lɛ tse kɛ amaga ni amɛjáa lɛ dɔ Yehowa waa, ni no hã Yehowa kpoo ewebii lɛ
-
Ani Yesu fi jamɔŋ tsɔɔmɔi ni teɔ shi ewoɔ Nyɔŋmɔ Wiemɔ lɛ sɛɛ?
-
Biblia mli sane ni baanyɛ awa bo:
-
Mat 16:6, 12—Yesu kɛ Farisifoi lɛ kɛ Sadukifoi lɛ atsɔɔmɔi lɛ to ashikishaŋ-sha he, ejaakɛ amale tsɔɔmɔi gbɛɔ eshwãa oyayaayai ni efiteɔ anɔkwale krɔŋŋ ni yɔɔ Nyɔŋmɔ Wiemɔ lɛ mli lɛ
-
Mat 23:5-7, 23-33—Yesu kɛ hiɛdɔɔ wie eshi bɔ ni woloŋmalɔi lɛ kɛ Farisifoi lɛ baa amɛjeŋ yɛ osatofeemɔ mli, ni ewie eshi amɛtsɔɔmɔi ni ejaaa lɛ hu
-
Mar 7:5-9—Yesu kpa woloŋmalɔi lɛ kɛ Farisifoi lɛ ahe mama yɛ bɔ ni amɛbuɔ gbɔmɛi akusumii fe tsɔɔmɔi ni yɔɔ Nyɔŋmɔ Wiemɔ lɛ mli lɛ hewɔ
-
Ani Yesu wo esɛɛnyiɛlɔi lɛ hewalɛ koni amɛtsetsee jamɔ kui srɔtoi?
-
Biblia mli sane ni baanyɛ awa bo:
-
Yoh 15:4, 5—Yesu kɛ tso nine fee nɔkwɛmɔnɔ kɛtsɔɔ bɔ ni esa akɛ esɛɛnyiɛlɔi lɛ kɛ lɛ afee ekome ni amɛkɛ amɛnyɛmimɛi Kristofoi lɛ hu afee ekome lɛ
-
Yoh 17:1, 6, 11, 20-23—Be ni Yesu bɔfoi lɛ yɔɔ emasɛi gbi gbɛkɛ ni enɔ jetsɛremɔ lɛ abaagbe lɛ lɛ, esɔle koni esɛɛnyiɛlɔi anɔkwafoi lɛ fɛɛ afee ekome
-
Ani blema Kristofoi asafoi srɔtoi lɛ hiɛ hemɔkɛyeli kome too lɛ nɔŋŋ, ni amɛjá Yehowa yɛ gbɛ kome too lɛ nɔŋŋ nɔ?
-
Biblia mli sane ni baanyɛ awa bo:
-
Bɔf 11:20-23, 25, 26—Asafoi ni hi Antiokia kɛ Yerusalem lɛ kɛ amɛnifeemɔ tsɔɔ akɛ ekomefeemɔ yɛ amɛteŋ
-
Ro 15:25, 26; 2Ko 8:1-7—Klɛŋklɛŋ afii 100 lɛ mli Kristofoi asafoi lɛ ye amɛbua amɛhe yɛ fimɔ beiaŋ kɛtsɔɔ akɛ ekomefeemɔ kɛ suɔmɔ yɛ amɛteŋ
-
Kɛ́ jamɔi komɛi kɛɛ amɛheɔ Kristo nɔ amɛyeɔ lɛ, ani no kɛkɛ tsɔɔ akɛ Nyɔŋmɔ kpɛlɛɔ amɛjamɔ lɛ nɔ?
Kɛ́ mɛi kɛ Kristo kɛ bɔfoi lɛ atsɔɔmɔi lɛ tsuuu nii lɛ, ani Nyɔŋmɔ baakpɛlɛ amɛjamɔ lɛ nɔ?
-
Biblia mli sane ni baanyɛ awa bo:
-
Mat 13:24-30, 36-43—Yesu kɛ amale Kristofoi lɛ to jwɛi ni adu afutu dumɔwui kpakpai ahe, ni ekɛɛ akɛ jwɛi nɛɛ baafa aahu akɛ, be baashɛ ni amɛbaaha dumɔwui kpakpai ni damɔ shi kɛhã anɔkwa Kristofoi lɛ anɔ
-
1Yo 2:18, 19—Be ni afɔ Yesu lɛ sɛɛ aaafee afii 100 lɛ, bɔfo Yohane ni no mli lɛ egbɔ lɛ wie akɛ antikristoi pii eba momo
-
Kɛ́ aŋmɛ amale tsɔɔmɔi kɛ jeŋbai ni kɛ Biblia mli shishitoo mlai kpãaa gbee lɛ gbɛ yɛ asafo lɛ mli lɛ, mɛni baaba?
Mɛni esa akɛ Kristofoi afee koni ekomefeemɔ aya nɔ ahi amɛteŋ?
Mɛni hewɔ esaaa akɛ Kristofoi kɛ amɛhe woɔ amale jamɔ mli lɛ?
Mɛni hewɔ eja gbɛ ni ehi hu akɛ abaakpa amale tsɔɔmɔi ahe mama lɛ?
Mɛni hewɔ kɛ́ jamɔi ni teɔ shi amɛwoɔ jamɔ krɔŋŋ lɛ amli bii lɛ tutua wɔ ni amɛwa wɔ yi lɛ, esaaa akɛ efeɔ wɔ naakpɛɛ lɛ?
Ekolɛ Obaasumɔ Enɛ Hu
SAJI NI MƐI FƆƆ BIMƆ
Ani Yehowa Odasefoi Kɛ Amɛhe Woɔ Jamɔi Krokomɛi Anifeemɔi Amli?
Mɛɛ Biblia mli tsɔɔmɔi anɔ amɛdamɔɔ amɛhãa sanebimɔ nɛɛ hetoo?
BUU-MƆƆ
Futufutu Hemɔkɛyeli
Ani esa akɛ atsɔ gbɛ fɛɛ gbɛ nɔ atiu ekomefeemɔ kɛ nyɛmifeemɔ sɛɛ? Ekolɛ hetoo ni Biblia lɛ kɛhaa lɛ baaha onaa akpɛ ohe.
SANEBIMƆI NI BIBLIA LƐ EHÃ HETOO
Ani Jámɔi Fɛɛ Lɛ Ekome Ni? Ani Fɛɛ Yaa Nyɔŋmɔ Ŋɔɔ?
Nibii ni enyɔ komɛi ni awie he yɛ Biblia lɛ mli lɛ hãa sanebimɔ nɛɛ hetoo.
