Biblia mli sane ni baanyɛ awa bo:

• 4Mo 13:​25-33—Israelbii ni atsu amɛ koni amɛyakpá shikpɔŋ lɛ shi lɛ ateŋ mɛi nyɔŋma yashe amɛhenyɛlɔi lɛ gbeyei, ni amaniɛbɔɔ ni amɛkɛba lɛ hã gbeyei mɔmɔ Israelbii krokomɛi lɛ

• Mat 26:​69-75—Akɛni bɔfo Petro yashe gbɔmɔ gbeyei hewɔ lɛ, etso shii etɛ sɔŋŋ akɛ eleee Yesu

Biblia mli sane ni baanyɛ awa bo:

• 1Mo 26:​12-15—Yehowa jɔɔ Isak yɛ bɔ ni ebɔɔ mɔdɛŋ waa lɛ hewɔ, ni Filistibii lɛ ahiɛ kɔ̃ enɔ

• 1Ma 21:​1-19—Maŋtsɛ Ahab yitsoŋwalɔ lɛ hiɛ kɔ̃ Nabot wain ŋmɔ lɛ nɔ, ni no hã etsɔ ŋaa ni agbe Nabot

 Biblia mli sane ni baanyɛ awa bo:

• 2Kr 36:​11-17—Maŋtsɛ Zedekia tee nɔ efee efɔŋ yɛ Yehowa hiɛ, ni efee ehe kuɛŋtilɔ, ni no hã emaŋbii lɛ na nɔ

• Bɔf 19:​8, 9—Bɔfo Paulo gbala ehe shi kɛje mɛi ni kɛ kuɛŋtimɔ kpoo akɛ amɛbaahe Maŋtsɛyeli lɛ he sane lɛ amɛye lɛ ahe

Biblia mli sane ni baanyɛ awa bo:

• 1Sa 8:​10-20—Be ni gbalɔ Samuel kɛɛ Israelbii lɛ nɔ hewɔ ni nilee bɛ mli akɛ amɛbaahã adesa aye amɛnɔ akɛ maŋtsɛ lɛ, amɛbooo lɛ toi; amɛnifeemɔ lɛ tsɔɔ akɛ amɛye kwashiaiasane

• 1Sa 25:​2-13, 34—Shwɛ sharao kulɛ Nabal hã agbe hii fɛɛ ni yɔɔ eshĩa lɛ, ejaakɛ yɛ ejurɔ kpele ni David kɛ ehii lɛ fee lɛ fɛɛ sɛɛ lɛ, ekpoo akɛ ebaatsu David nibimɔ ni jeee nɔ ko wulu tsɔ lɛ he nii ehã lɛ

Biblia mli sane ni baanyɛ awa bo:

• 1Sa 18:​6-9; 20:​30-34—Maŋtsɛ Saul yasusu akɛ David yeee lɛ anɔkwa, ni ebɔ mɔdɛŋ po akɛ ebaahã Yonatan ate shi awo David

Biblia mli sane ni baanyɛ awa bo:

• 1Mo 37:​18, 19, 23, 24, 31-35—Yosef nyɛmimɛi lɛ mɔ lɛ, ni amɛhɔ̃ɔ lɛ akɛ nyɔŋ, ni amɛlaka Yakob akɛ, ebinuu ni esumɔɔ lɛ waa lɛ egbo

• 1Mo 49:​5-7—Abu Simeon kɛ Levi fɔ yɛ amɛmlifu ni naa wa kɛ amɛyitsoŋ ni wa waa hewɔ

• 1Sa 20:​30-34—Akɛni Maŋtsɛ Saul mli fu ebinuu Yonatan waa hewɔ lɛ, ejɛ lɛ, ni eka akɛ ebaagbe lɛ

• 1Sa 25:​14-17—Nabal to jɛmɔ eshwie David hii lɛ anɔ, ni no hã ekɛ eshĩabii lɛ fɛɛ awala wo oshãra mli

Biblia mli sane ni baanyɛ awa bo:

• Oba 10-14—Abu Edombii lɛ fɔ, ejaakɛ amɛkɛ amɛnyɛmimɛi Israelbii lɛ ye kɛ mlijoomɔ

 Biblia mli sane ni baanyɛ awa bo:

• 2Sa 15:​1-6—Akɛni Absalom naa ehe tsɔ hewɔ lɛ, efee nibii kɛju Israelbii lɛ atsui, ni tsɔɔ akɛ efee nibii koni mɛi asumɔ esane fe Maŋtsɛ David, ni ji etsɛ lɛ

• Dan 4:​29-32—Akɛni Maŋtsɛ Nebukadnezar woɔ ehe nɔ hewɔ lɛ, Yehowa gbala etoi

Biblia mli sane ni baanyɛ awa bo:

• Mat 12:​1-7—Yesu wie eshi Farisifoi ni buɔ amɛhe jalɔi lɛ

• Luk 18:​9-14—Yesu gba nɔkwɛmɔnɔ ko kɛtsɔɔ akɛ, mɛi ni buɔ amɛhe jalɔi fe mɛi krokomɛi lɛ náŋ Nyɔŋmɔ hiɛ dromɔ

Biblia mli sane ni baanyɛ awa bo:

• 1Mo 13:​5-9—Béi ba Abram koolookwɛlɔi lɛ kɛ Lot koolookwɛlɔi lɛ ateŋ, shi Abraham saa béi lɛ ni toiŋjɔlɛ ba

• Koj 8:​1-3—Efraim hii lɛ ka akɛ amɛkɛ Kojolɔ Gideon baawu, shi ejɛ heshibaa mli ekɛ amɛ wie ni toiŋjɔlɛ ba

Biblia mli sane ni baanyɛ awa bo:

• Hio 31:​24-28—Eyɛ mli akɛ Hiob ji niiatsɛ moŋ, shi esumɔɔ Nyɔŋmɔ fe nibii ni eyɔɔ lɛ

• Mar 10:​17-27—Akɛni nuu niiatsɛ ko sumɔɔ nibii ni eyɔɔ lɛ fe nine hewɔ lɛ, enyɛɛɛ eshi enibii lɛ ni ebanyiɛ Yesu sɛɛ

Biblia mli sane ni baanyɛ awa bo:

• 1Mo 42:​21-24—Yosef nyɛmimɛi lɛ shwa amɛhe yɛ yiwalɛ nii ni amɛfee Yosef lɛ hewɔ

• Mar 3:​1-6—Yesu werɛ ho ehe waa yɛ bɔ ni Farisifoi lɛ ayitsoŋ wa lɛ hewɔ