Biblia mli sane ni baanyɛ awa bo:

• 3Mo 22:​17-22—Yehowa bi koni kooloi ni etsuji kɛbashãa afɔle lɛ afee kooloi ni yɔɔ hewalɛ loo “kpa ko kwraa bɛ he”; wiemɔ ni atsɔɔ shishi akɛ “kpa ko bɛ he” lɛ kɛ Hebri wiemɔ ni atsɔɔ shishi akɛ “anɔkwa ni ayeɔ Nyɔŋmɔ” lɛ yɛ tsakpãa kpaakpa, ni no tsɔɔ akɛ anɔkwa ni ayeɔ Yehowa lɛ biɔ ni wɔtu wɔhe fɛɛ wɔhã lɛ

• Hio 1:​1, 4, 5, 8; 2:3—Hiob shihilɛ tsɔɔ akɛ kɛ́ mɔ ko baanyɛ aye anɔkwa lɛ, ebiɔ ni ená shwelɛ ni mli kwɔ, ejɛ etsuiŋ fɛɛ ejá Yehowa pɛ, ni ekpoo nibii ni Yehowa naa akɛ ehiii lɛ

Biblia mli sane ni baanyɛ awa bo:

• Hio 31:​1-11, 16-33—Hiob kɛ eshihilɛ gbɛ tsɔɔ akɛ etu ehe fɛɛ ehã Yehowa, ejaakɛ ekpoo jeŋba sha, ni ekɛ mɛi ye yɛ mlihilɛ kɛ bulɛ mli. Ekɛ jamɔ krɔŋŋ hã Yehowa pɛ, ni etsi ehe kɛje amagajamɔ kɛ heloonaa nibii asɛɛtiumɔ he

• Dan 1:​6-21—Eyɛ mli akɛ no mli lɛ, Daniel kɛ enanemɛi etɛ lɛ yɛ mɛi ni heee Nyɔŋmɔ nɔ amɛyeee ateŋ moŋ, shi amɛtee nɔ amɛye Yehowa anɔkwa ni amɛye mlai ni kɔɔ niyenii ni esa akɛ amɛye lɛ ahe lɛ po anɔ