4026 D.Ŋ.B. sɛɛ

“Onufu lɛ” wie eshi hegbɛ ni Yehowa yɔɔ akɛ eye nɔ, kɛ gbɛ ni etsɔɔ nɔ eyeɔ nɔ lɛ. Yehowa wo shi akɛ ebaatee ‘seshi’ ko shi, ni be ni yi aaawula shi lɛ seshi nɛɛ baakpãtã onufu lɛ, ni ji Satan hiɛ. (1 Mose 3:1-5, 15) Shi Yehowa ŋmɛ gbɛ ní gbɔmɛi diɛŋtsɛ aye amɛhe nɔ yɛ onufu lɛ kudɔmɔ naa.

943 D.Ŋ.B.

Yehowa kɛɛ Abraham akɛ eshwiei lɛ ateŋ mɔ kome ji mɔ ni baafee ‘seshi’ ni awo ehe shi lɛ.​—1 Mose 22:18.

1070 D.Ŋ.B. sɛɛ

Yehowa wo Maŋtsɛ David kɛ sɛɛ mli lɛ ebi Solomon shi akɛ ‘seshi’ ni awo ehe shi lɛ baajɛ amɛwekutɔkpãa lɛ mli eba.​—2 Samuel 7:12, 16; 1 Maŋtsɛmɛi 9:3-5; Yesaia 9:6, 7.

29 Ŋ.B.

Yehowa hã ana akɛ Yesu ji ‘seshi’ ni awo ehe shi ni abaaŋɔ David maŋtsɛ sɛi lɛ ahã lɛ akɛ Niyelɔ lɛ.​—Galatabii 3:16; Luka 1:31-33; 3:21, 22.

 33 Ŋ.B.

Onufu lɛ, ni ji Satan, hã agbe Yesu ni ekɛkumɔ ‘seshi’ ni awo ehe shi lɛ be kukuoo ko. Yehowa tee Yesu shi kɛtee ŋwɛi ni ekpɛlɛ nɔ ni Yesu wala ni eye emuu lɛ damɔ shi kɛhã lɛ nɔ, ni ekɛto nɔ ni abaadamɔ nɔ akɛ eshai afa ni akɛ naanɔ wala aduro Adam shwiei lɛ shishi.​—1 Mose 3:15; Bɔfoi lɛ Asaji 2:32-36; 1 Korintobii 15:21, 22.

1914 Ŋ.B.

Yesu shɛ onufu lɛ, ni ji Satan, efɔ̃ shikpɔŋ lɛ nɔ, ni ebaahi jɛmɛ niiaŋ be kukuoo ko.​—Kpojiemɔ 12:7-9, 12.

Wɔsɛɛ

Yesu baawo Satan tsuŋ afii 1,000, no sɛɛ lɛ ebaakpãtã ehiɛ, ni no baafee Satan yitso nɔ ni eeetswa yɛ okadifeemɔŋ. Yehowa yiŋ ni eto yɛ shikpɔŋ lɛ kɛ gbɔmɛi ahe lɛ baaba mli, abaatse egbɛ́i lɛ ni abɔ lɛ ahora lɛ he, ni ebaafee faŋŋ akɛ gbɛ ni etsɔɔ nɔ eyeɔ nɔ ja.​—Kpojiemɔ 20:1-3, 10; 21:3, 4.