STEFANO kɛ shikpɔji komɛi ni yɔɔ diɛŋtsɛ lɛ ahe anɔkwa saji je ewiemɔ ni ehe gbɛi waa lɛ shishi akɛ: “[Yehowa] anunyam Nyɔŋmɔ lɛ jie ehe kpo etsɔɔ wɔtsɛ Abraham, beni eyɔɔ Mesopotamia, ni enáko ebahi Haran lɛ, ni ekɛɛ lɛ akɛ: ‘[Yaa] . . . shikpɔŋ ni matsɔɔo lɛ nɔ.’” (Bɔf 7:1-4) Enɛ fee shishitoo nɔ kɛha saji komɛi ni he hiaa ni tee nɔ yɛ Shiwoo Shikpɔŋ lɛ nɔ ní kɔɔ Abraham, Isak, kɛ Yakob he, ni feɔ saji ni tee nɔ ni tsɔɔ Nyɔŋmɔ shiwoo akɛ ebaajɔɔ adesai lɛ.—1 Mose 12:1-3; Yosh 24:3.

Nyɔŋmɔ tsɛ́ Abraham (loo Abram) kɛjɛ Kaldeabii amaŋ Ur, ni ji maŋ ko ni yɔɔ nii babaoo ni yɔɔ Eufrate Faa lɛ toi ni yɔɔ bokagbɛ lɛ mli. Mɛɛ gbɛ Abraham baatsɔ nɔ? Kɛjɛ Kaldea ni ji kpokpaa ko ni atsɛɔ lɛ hu akɛ Sumer loo Shinear kɛmiiya lɛ, ebaafee tamɔ nɔ ni eyɛ mlɛo akɛ aaaya anaigbɛ tɛ̃ɛ. Mɛni hewɔ esa akɛ akwɔ kɛya Haran?

Ur yɛ Shikpɔŋ ni Tamɔ Nyɔɔŋtsere Fã ni Baa Nii, ni tamɔ nɔ ko kokoroo mlijaa fã ni jeɔ shishi kɛjɛ Palestina kɛyashi shikpɔŋ ni yɔɔ Tigris kɛ Eufrate faai lɛ ateŋ lɛ bokagbɛ naagbee gbɛ lɛ masɛigbɛ. Ekolɛ tsutsu lɛ, shikpɔŋ nɛɛ nɔ edɔɔɔ tsɔ̃. Anaa Siria kɛ Arabia Shia Ŋa lɛ ni kaaloo tɛ gɔji kɛ shia ŋa sɔŋŋ kadiɔ lɛ lɛ yɛ he ni shikpɔŋ ni tamɔ nyɔɔŋtsere fã lɛ dɔɔ yɛ lɛ wuoyigbɛ. The Encyclopædia Britannica lɛ kɛɔ akɛ, “shwɛ fioo ni etamɔ husu ko ni anyɛŋ ni ateke” ni kã Mediterranean Ŋshɔnaa kɛ Mesopotamia teŋ. Gbɛfalɔi akui komɛi baanyɛ afo mli kɛjɛ Eufrate lɛ kɛya Tadmor, kɛkɛ lɛ amɛtse mli kɛtee Damasko, shi Abraham enyiɛɛɛ eweku lɛ kɛ ekooloi akui lɛ ahiɛ kɛtsɔɔɔ ŋa ni tamɔ nɛkɛ nɔ.

Shi moŋ, Abraham nyiɛ kɛtee Eufrate Faa jɔɔ lɛ mli kɛtee Haran. Ebaanyɛ ejɛ jɛmɛ enyiɛ jarayeli gbɛjegbɛ ko nɔ kɛya faafoohe ko ni yɔɔ Karkemish lɛ, kɛkɛ lɛ etsɔ Damasko kɛba wuoyigbɛ, kɛkɛ lɛ etsa nɔ kɛtee he ni abatsɛ jɛmɛ akɛ Galilea Ŋshɔ lɛ. Via Maris loo “Ŋshɔ lɛ Gbɛ Lɛ” tsaa nɔ kɛtsɔɔ Megido kɛyaa Mizraim. Shi, Abraham fã gbɛ kɛtsɔ Samaria gɔji lɛ anɔ, ni yɛ naagbee lɛ eyahi buui amli yɛ Shekem. Beni be shwieɔ mli lɛ, efã kɛtee wuoyigbɛ kɛtsɔ nakai gɔji agbɛ lɛ nɔ. Nyiɛmɔ esɛɛ yɛ be mli ni okaneɔ 1 Mose 12:8–13:4 lɛ. Kadimɔ hei krokomɛi ni fata eniiashikpamɔi srɔtoi lɛ ahe lɛ: Dan, Damasko, Hoba, Mamre, Sodom, Gerar, Beersheba, kɛ Moria (Yerusalem).—1 Mose 14:14-16; 18:1-16; 20:1-18; 21:25-34; 22:1-19.

Shikpɔŋ he mfonirii lɛ ekomɛi ashishinumɔ haa wɔnuɔ saji ni tee nɔ yɛ Isak kɛ Yakob shihilɛ bei amli lɛ shishi. Ákɛ nɔkwɛmɔnɔ lɛ, beni Abraham yɔɔ Beersheba lɛ, nɛgbɛ etsu etsulɔ lɛ kɛtee koni  eyatao ŋa eha Isak lɛ? Kɛtee kooyigbɛ yɛ Mesopotamia (eshishi ji, “Shikpɔŋ ni Kã Faai Ateŋ”) kɛtee Paddan-aram. Agbɛnɛ susumɔ Rebeka gbɛfãa ni wa ni eta yoma nɔ kɛtee Wuoyigbɛ, ekolɛ yɛ Kadesh masɛi, koni ekɛ Isak ayakpe lɛ he okwɛ.—1 Mose 24:10, 62-64.

Sɛɛ mli lɛ, amɛbinuu Yakob (Israel) hu fã gbɛ kakadaŋŋ tamɔ nakai nɔŋŋ koni ekɛ Yehowa jálɔ ayabote gbalashihilɛ mli. Yakob tsɔ gbɛ ko ni yɔɔ srɔto fioo ko nɔ kɛku sɛɛ kɛtee eshikpɔŋ nɔ. Beni Yakob fo Yabok yɛ Peniel masɛigbɛ lɛ, ekɛ ŋwɛibɔfo ko nɔ. (1 Mose 31:21-25; 32:3, 23-31) Esau kɛ lɛ kpe yɛ nɛkɛ he nɛɛ, kɛkɛ ni amɛteŋ mɔ fɛɛ mɔ tee eyahi kpokpaa kroko nɔ.—1 Mose 33:1, 15-20.

Beni ato Yakob biyoo Dina kabonaa yɛ Shekem lɛ, Yakob fã kɛyahi Betel yɛ no sɛɛ. Ani obaanyɛ osusu hei ni yɔɔ shɔŋŋ ni Yakob bihii lɛ yalɛɔ amɛtooi lɛ yɛ, yɛ he ni yɛ naagbee lɛ Yosef yana amɛ yɛ lɛ he okwɛ? Nɛkɛ shikpɔŋ he mfoniri nɛɛ (kɛ baafa 18-19 lɛ) baanyɛ aye abua bo koni ona Betel kɛ Dotan teŋ jɛkɛmɔ. (1 Mose 35:1-8; 37:12-17) Yosef nyɛmimɛi hii lɛ hɔ̃ɔ lɛ amɛha jarayelɔi ni kɛ amɛhiɛ etsɔɔ Mizraim gbɛ lɛ. Mɛɛ gbɛ osusuɔ akɛ amɛbaatsɔ nɔ, yɛ sane ni ba ni ha Israelbii lɛ fã kɛyahi Mizraim kɛ amɛ Gbɛfaa Kɛmiijɛ jɛmɛ lɛ mli?—1 Mose 37:25-28.

[Shikpɔŋ he mfonirii babaoo ni yɔɔ baafa 7]

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)

Abraham Gbɛfaai (Kwɛmɔ wolo lɛ mli)

Isak Gbɛfaai (Kwɛmɔ wolo lɛ mli)

Yakob Gbɛfaai (Kwɛmɔ wolo lɛ mli)

Gbɛjegbɛi Wuji (Kwɛmɔ wolo lɛ mli)

Weku yitsei (hiɛkpamɔ)

A4 GOSHEN

A5 MIZRAIM

B4 SHUR

B5 PARAN

D3 Damasko

D3 Dan (Laish)

D4 Shekem

D4 Betel

D4 Hebron (Kiriat-Arba)

D4 Gerar

D4 Beersheba

D4 SEIR

D4 Kadesh

D5 EDOM

E1 Karkemish

E2 Tadmor

E3 Hoba

Ɛ1 PADDAN-ARAM

Ɛ1 Haran

F2 MESOPOTAMIA

G1 Ninive

G2 FÃ NI BAA NII

G3 Babilon

H4 KALDEA

H4 Ur

[Gɔji]

D4 Moria

[Nui]

B3 Mediterranean Ŋshɔ (Ŋshɔ Wulu)

[Fai]

Ɛ2 Eufrate

Ɛ2 Tigris

Weku yitsei (Yɛ Shiwoo Shikpɔŋ lɛ nɔ)

KANAAN

Megido

GILEAD

Dotan

Shekem

Sukot

Mahanaim

Peniel

Betel (Luz)

Ai

Yerusalem (Salem)

Betlehem (Efrat)

Mamre

Hebron (Makpela)

Gerar

Beersheba

Sodom?

WUOYIGBƐ

Rehobot?

Hiɛkãlɔ ni Naa Mi

Kadesh

Gbɛjegbɛi

Via Maris

Maŋtsɛ Gbɛjegbɛ

[Gɔji]

Moria

[Nui]

Ŋoo Ŋshɔ

[Fai kɛ nui ni hoɔ]

Yabok

Yordan

[Mfoniri ni yɔɔ baafa 6]

Eufrate Faa ni yɔɔ Babilon masɛi lɛ

[Mfoniri ni yɔɔ baafa 6]

Abraham hi Beersheba ni elɛ tooi yɛ hei ni bɛŋkɛ jɛmɛ lɛ

[Mfoniri ni yɔɔ baafa 6]

Yabok nujɔɔ