NƆ NI bafee Hela Maŋtsɛyeli lɛ mlilɛɛmɔ lɛ je shishi yɛ Makedonia gɔji lɛ anɔ. Beni Aleksandro ni eye aaafee afii 22 lɛ shɛ jɛmɛ lɛ, eje shishi ekɛ ehiɛ tsɔɔ bokagbɛ kɛha kunimyeli. Yɛ afi 334 D.Ŋ.B. lɛ, enyiɛ esraafoi lɛ ahiɛ kɛtsɔ Hellespont (Dardanelles) ni gbálaa Europa kɛ Asia teŋ lɛ. Helabii ni yɔɔ Aleksandro shishi lɛ je kunimyelii srɔtoi ashishi yɛ oyaiyeli mli tamɔ “kootsɛ” ni efã kɛ foi. (Dan 7:6) Aleksandro ye Persiabii lɛ anɔ kunim yɛ Troy masɛi yɛ Granicus Faa lɛ ŋa kpataa lɛ nɔ, ni amɛye amɛnɔ kunim kwraa kɛmɔ shi yɛ Issus.

Helabii lɛ yatutua Siria kɛ Foenike, ni amɛye Tiro nɔ kunim yɛ nyɔji kpawo hekawoo lɛ sɛɛ. (Ezek 26:4, 12) Aleksandro ŋmɛɛ Yerusalem he, ni eye Gaza nɔ kunim. (Zak 9:5) Beni eshɛ Mizraim pɛ kɛkɛ ni eto Aleksandria, maŋ ni batsɔ jarayeli kɛ nikasemɔ shikwɛ̃ɛhe lɛ shishi. Beni eku esɛɛ kɛtsɔ Shiwoo Shikpɔŋ lɛ nɔ ekoŋŋ lɛ, eyaye Persiabii lɛ anɔ kunim kwraa kɛmɔ shi yɛ Gaugamela, yɛ Ninive amaŋfɔi lɛ masɛi.

Aleksandro dɔ kɛtee wuoyigbɛ ni eyaye Babilon, Shushan (Susa), kɛ Persepolis—ni ji Persia maŋnɔkwɛmɔ maji lɛ anɔ kunim. Kɛkɛ ni ekɛ oyaiyeli sha foi kɛtsɔ Persia maŋtsɛyelihe lɛ mli, kɛyashɛ Indus Faa ni yɔɔ he ni ale ŋmɛnɛ akɛ Pakistan lɛ naa. Aleksandro ye nakai jeŋ maji ni ehe gbɛi lɛ anɔ kunim yɛ afii kpaanyɔ pɛ mli. Shi afi 323 D.Ŋ.B., beni eye afii 32 lɛ, atridii hela gbe lɛ yɛ Babilon.—Dan 8:8.

 Hewalɛ ni Helabii ahiŋmɛigbelemɔi lɛ ná yɛ Shiwoo Shikpɔŋ lɛ nɔ lɛ mli wa. Aleksandro tsutsu asraafoi lɛ ateŋ mɛi komɛi yahi nɛkɛ héi nɛɛ. Beni shɛɔ klɛŋklɛŋ afii 100 lɛ mli lɛ, maŋtiasei ni awieɔ Hela wiemɔ yɛ mli (ni ji, Dekapoli) lɛ eto ekomefeemɔ kpaŋmɔ he gbɛjianɔ. (Mat 4:25; Mar 7:31) No mli lɛ nine eshɛ Hebri Ŋmalɛi lɛ anɔ yɛ Hela wiemɔ mli. Koine (no be lɛ mli Hela wiemɔ) tsu nii akɛ majimaji ateŋ wiemɔ kɛha Kristofoi anitsɔɔmɔ ni gbɛɔ eshwãa lɛ.

Roma Maŋtsɛyeli

Mɛni yaa nɔ yɛ anaigbɛ lɛ? Roma—ni tsutsu ko lɛ eji akrowai akuu ko yɛ Tiber Faa lɛ naa lɛ—bahe gbɛi. Yɛ naagbee lɛ, Roma tawuu he gbɛjianɔtoo kpakpa lɛ kɛ maŋkwramɔŋ hewalɛ ni yɔɔ hé kome lɛ ha enyɛ eye hei ni Aleksandro tatsɛmɛi ejwɛ lɛ yeɔ nɔ lɛ anɔ kunim. Beni shɛɔ afi 30 D.Ŋ.B. lɛ, no mli lɛ Roma Maŋtsɛyeli lɛ ji hewalɛ ni yeɔ nɔ yɛ faŋŋ mli, eji ‘kooloo ni he yɔɔ gbeyei’ ni Daniel na yɛ ninaa mli lɛ kpojiemɔ yɛ mra be mli.—Dan 7:7.

Roma Maŋtsɛyeli lɛ mli lɛɛ kɛjɛ Britania kɛkpeleke shi kɛbashi Afrika Kooyigbɛ, kɛjɛ Atlantic Ŋshɔ lɛ naa kɛbashi Persia Ŋshɔnine lɛ naa. Akɛni maŋtsɛyeli lɛ ebɔle Mediterranean he hewɔ lɛ, Romabii lɛ tsɛ lɛ Mare Nostrum (Wɔ Ŋshɔ Lɛ).

Roma hu ná Yudafoi ni amɛshikpɔŋ lɛ ji Roma Maŋtsɛyeli lɛ fã lɛ nɔ hewalɛ. (Mat 8:5-13; Bɔf 10:1, 2) Abaptisi Yesu, ni egbo yɛ Maŋtsɛ Tiberio nɔyeli beaŋ. Roma nɔyelɔi komɛi kɛ yiwalɛ wa Kristofoi lɛ ayi, shi amɛnyɛɛɛ amɛye anɔkwa jamɔ nɔ kunim. Yɛ afii ohai 13 sɛɛ lɛ, maŋtsɛyeli lɛ fite yɛ tutuamɔi ni Germany wekui ni yɔɔ kooyigbɛ lɛ kɛ tutualɔi ni ji kooloi akwɛlɔi ni kpaa shi ni jɛ bokagbɛ lɛ kɛba amɛnɔ lɛ hewɔ.

[Shikpɔŋ he mfoniri ni yɔɔ baafa 26]

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)

Hela Maŋtsɛyeli

Aleksandro sɛɛ lɛ, etatsɛmɛi ejwɛ baye maŋtsɛyeli ni da waa lɛ nɔ

▪ Cassander

▫ Lysimachus

○ Ptolemy I

• Seleucus I

A2 ▪ HELA

A2 ▪ Ateene

A2 ▪ AKAIA

A3 ○ Kireene

A3 ○ LIBIA

B2 ▫ Byzantium

B3 ○ KIPRO

B4 ○ No-Amon (Thebes)

D3 Palmyra (Tadmor)

D3 ○ Gerasa

D3 ○ Filadelfia

D3 ○ Yerusalem

D5 ○ Sewene

G2 • Aleksandria Margiana

Gbɛ ni Aleksandro Tsɔ Nɔ

A2 ▪ MAKEDONIA

A2 ▪ Pella

A2 ▫ THRACE

B2 ▫ Troy

B2 ▫ Sarde

B2 ▫ Efeso

B2 ▫ Gordium

D2 ▫ Ankara

D3 • Tarso

D3 • Issus

D3 • Antiokia (ni yɔɔ Siria)

D3 ○ Tiro

D4 ○ Gaza

B4 ○ MIZRAIM

B4 ○ Memfis

B4 ○ Aleksandria

A4 ○ Amon shia-ŋa teŋ shikpɔŋ kpakpa ni nu yɔɔ nɔ

B4 ○ Memfis

D4 ○ Gaza

D3 ○ Tiro

D3 ○ Damasko

D3 • Aleppo

E3 • Nisibis

E3 • Gaugamela

E3 • Babilon

Ɛ3 • Shushan

Ɛ4 • PERSIA

Ɛ4 • Persepolis

Ɛ4 • Pasargadae

Ɛ3 • MEDIA

Ɛ3 • Akmeta

Ɛ3 • Rhagae

Ɛ3 • Hecatompylos

F3 • PARTHIA

G3 • ARIA

G3 • Aleksandria Ariusbii

G3 • Aleksandria Prophthasia

F4 • DRANGIANA

G4 • ARACHOSIA

G4 • Aleksandria Arachoton

H3 • Kabul

G3 • Drapsaca

H3 • Aleksandria Oxiana

G3 • Drapsaca

G3 • BACTRIA

G3 • Bactra

G2 • Derbent

G2 • SOGDIANA

G2 • Maracanda

G2 • Bukhara

G2 • Maracanda

H2 • Aleksandria Eschate

G2 • Maracanda

G2 • Derbent

G3 • Bactra

G3 • BACTRIA

G3 • Drapsaca

H3 • Kabul

H3 • Taxila

H5 • INDIA

H4 • Aleksandria

G4 • GEDROSIA

F4 • Pura

Ɛ4 • PERSIA

F4 • Aleksandria

F4 • CARMANIA

Ɛ4 • Pasargadae

Ɛ4 • Persepolis

Ɛ3 • Shushan

E3 • Babilon

[Hei krokomɛi]

A3 KRETA

E4 ARABIA

[Nui]

B3 Mediterranean Ŋshɔ

D5 Ŋshɔ Tsuru

Ɛ4 Persia Ŋshɔnine

G5 Arabia Ŋshɔ

[Fai]

B4 Nilo

E3 Eufrate

E3 Tigris

G4 Indus

[Shikpɔŋ he mfoniri ni yɔɔ baafa 27]

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)

Roma Maŋtsɛyeli

A1 BRITANIA

A3 SPANIA

B1 GERMANIA

B2 GAUL

B2 ITALIA

B2 Roma

B3 Carthage

D2 ILIRIKUM

D3 HELA

D3 Actium

D3 Kireene

E2 Byzantium (Constantinople)

E3 ASIA BIBIOO

E3 Efeso

E3 Aleppo

E3 Antiokia (ni yɔɔ Siria)

E3 Damasko

E3 Gerasa (Jarash)

E3 Yerusalem

E3 Aleksandria

E4 MIZRAIM

[Nui]

A2 Atlantic Ŋshɔ

D3 Mediterranean Ŋshɔ

E2 Ŋshɔ Diŋ

E4 Ŋshɔ Tsuru

[Mfoniri ni yɔɔ baafa 26]

Beni eku sɛɛ ema Rabat ekoŋŋ lɛ, Ptolemy II wo lɛ gbɛi akɛ Filadelfia. Roma hiɛtserɛjiemɔhe agbo ko ni etsɔ amaŋfɔ eshwɛ yɛ jɛmɛ

[Mfoniri ni yɔɔ baafa 27]

Dekapoli maŋtiase Gerasa (Jarash)

[Mfoniri ni yɔɔ baafa 27]

Roma gbɛjegbɛi tamɔ enɛ ni bɛŋkɛ Aleppo lɛ yaa Europa, Afrika Kooyigbɛ, kɛ Boka Teŋgbɛ. Kristofoi fã gbɛ kɛtsɔ nɛkɛ gbɛjegbɛi nɛɛ anɔ kɛyagbɛ Biblia mli anɔkwale lɛ amɛshwã