GBƆMƐI ni yɔɔ he fɛɛ he lɛ le gbɛfãa kɛ Mizraim Shimɔ lɛ he sane. Shi, mɛni ji nɔ ni baaba Mose kɛ Nyɔŋmɔ webii lɛ anɔ beni amɛfo Ŋshɔ Tsuru lɛ? Nɛgbɛ amɛkɛ amɛhiɛ tsɔ̃ɔ, ni te fee tɛŋŋ ni amɛyashɛ Yordan Faa lɛ naa koni amɛbote Shiwoo Shikpɔŋ lɛ nɔ lɛ?

Oti ni ma amɛhiɛ ji ni amɛshɛ Kanaan shikpɔŋ lɛ nɔ, ni kɛlɛ, Mose tsɔɔɔ gbɛ ni yɔɔ kuku fe fɛɛ—ŋshɔnaa shia gbɛ ni feɔ aaafee kilomitai 400 lɛ—ní kulɛ ekɛ amɛ baaya tɛ̃ɛ kɛtsɔ Filistia, henyɛlɔi ashikpɔŋkuku lɛ mli lɛ nɔ. Ni asaŋ ekɛ ehiɛ etsɔɔɔ Sinai Ŋshɔkpɔ lɛ teŋgbɛ lɛ ni nɔ lɛɛ waa lɛ nɔ, he ni shikpɔŋ ni ewó ehe nɔ ni nɔ efee tɛtrɛɛ ni ŋmilitsai kɛ kaaloo tɛi yɔɔ nɔ lɛ nɔ edɔ waa yɛ lɛ. Dabi, Mose nyiɛ gbɔmɛi lɛ ahiɛ kɛtee wuoyigbɛ, kɛtee ŋshɔnaa shikpɔŋ fintɔŋŋ lɛ nɔ. He ni amɛbɔ nsara yɛ klɛŋklɛŋ ji Mara, he ni Yehowa ha nu ní jooɔ lɛ tsɔ nuŋma yɛ lɛ. a Beni amɛshi Elim lɛ, gbɔmɛi lɛ wie huhuuhu yɛ niyenii hewɔ; Nyɔŋmɔ ha amɛ trakɔkɔi kɛ agbɛnɛ mana. Beni amɛshɛ Refidim lɛ, naataamɔ sane ko te shi yɛ nu he ekoŋŋ, ni amɛye Amalekbii ni tutuaa amɛ lɛ anɔ kunim, ni Mose shaanuu wo lɛ hewalɛ koni ená yelikɛbuamɔ kɛjɛ hii ni sa lɛ adɛŋ.—2 Mose yitso 15-18.

Kɛkɛ ni Mose nyiɛ Israelbii lɛ ahiɛ kɛtee gɔji ni yɔɔ wuoyigbɛ shɔŋŋ lɛ ahe, ni amɛyabɔ nsara yɛ Sinai Gɔŋ lɛ shishi. Nyɔŋmɔ webii lɛ anine shɛ Mla lɛ nɔ yɛ jɛmɛ, ni amɛma kpeebuu lɛ, ni amɛshã afɔlei. Yɛ afi ni ji enyɔ lɛ mli lɛ, amɛtsɔ “ŋã kpeteŋkpele ní nɔ yɔɔ gbeyei lɛ nɔ” kɛtee kooyigbɛ, gbɛfãa kɛmiiya he ni Kadesh (Kadesh-Barnea) yɔɔ lɛ gbɛ, ni eyɛ faŋŋ akɛ ehe amɛ gbii 11. (5 Mose 1:1, 2, 19; 8:15) Akɛni gbɔmɛi lɛ she gbeyei yɛ amaniɛbɔɔ fɔŋ ko ni saralɔi nyɔŋma lɛ kɛba lɛ hewɔ lɛ, ehe bahia ni amɛtsomlo afii 38. (4 Mose 13:1–14:34) Hei ni amɛto shi yɛ lɛ ekomɛi ji Abrona kɛ Ezeon-Geber, ni agbɛnɛ amɛku amɛsɛɛ kɛtee Kadesh.—4 Mose 33:33-36.

Beni yɛ naagbee lɛ be shɛ ni Israel baabɛŋkɛ Shiwoo Shikpɔŋ lɛ, Israelbii lɛ eyaaa kooyigbɛ tɛ̃ɛ. Amɛgbɛfãa lɛ kɛ amɛ bɔle Edom shikpɔŋ lɛ diɛŋtsɛ kɛtee “maŋtsɛ gbɛjegbɛ lɛ,” ni ji Maŋtsɛ Gbɛ Wulu lɛ nɔ. (4 Mose 21:22; 5 Mose 2:1-8) Ebɛ mlɛo akɛ maŋ muu fɛɛ—kɛ gbekɛbii, kooloi, kɛ buui—aaaho kɛtsɔ nɛkɛ gbɛ nɛɛ nɔ. Esa akɛ amɛlɔgɔ shi kɛkpeleke shi kɛkwɔ kɛje tɛsaai ateŋ gbɛ̀i fintɔŋŋi ni yɔɔ gbeyei amli—Zered kɛ Arnon (ni eshikpelekemɔ aaafee mitai 520) lɛ.—5 Mose 2:13, 14, 24.

Yɛ naagbee lɛ, Israelbii lɛ yashɛ Nebo Gɔŋ lɛ nɔ. Miriam egbo yɛ Kadesh, ni Aaron gbo yɛ Hor Gɔŋ lɛ nɔ. Mose gbo agbɛnɛ beni ekɛ ehiŋmɛi ena shikpɔŋ ni eshwe akɛ eeebote mli lɛ nɔ lɛ. (5 Mose 32:48-52; 34:1-5) Gbɛnaa nii baka Yoshua nɔ akɛ enyiɛ Israel hiɛ kɛya shikpɔŋ lɛ nɔ, ni ekɛgbe gbɛfãa ni je shishi afii 40 ni eho lɛ naa.—Yosh 1:1-4.

[Shishigbɛ niŋmaa]

 [Shikpɔŋ he mfoniri ni yɔɔ baafa 9]

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)

Gbɛfalɔi Agbɛ

Gbɛfãa Gbɛ ni Israel Tsɔ Nɔ

A7 MIZRAIM

A5 Rameses?

B5 Sukot?

D5 Etam?

D5 Pi-Hahirot

E6 Mara

E6 Elim

Ɛ6 SIN ŊA

Ɛ7 Dofka

F8 Refidim

F8 Sinai Gɔŋ (Horeb)

F8 SINAI ŊA

F7 Kibrot-Hataawa

G7 Hazerot

G6 Rimon-Perez

G5 Risa

G3 Kadesh

G3 Bene-Yaakon

G5 Hor-Hagidgad

H5 Yotbata

H5 Abrona

H6 Ezeon-Geber

G3 Kadesh

G3 ZIN ŊA

H3 Hor Gɔŋ

H3 Zalmona

I3 Funon

I3 Abarim gɔji

I2 MOAB

I1 Dibon

I1 Almon-Diblataim

H1 Yeriko

[Hei krokomɛi]

A3 GOSHEN

A4 On

A4 Memfis (Nof)

B3 Zoan

B3 Takpanes

D5 Migdol

E3 SHUR

E5 ETAM ŊA

F5 PARAN ŊA

G1 FILISTEA

G1 Ashdod

G2 Gaza

G2 Beersheba

G3 Azmon

G3 WUOYIGBƐ

H1 Yerusalem

H1 Hebron (Kiriat-Arba)

H2 Arad (Kanaannyo)

H4 SEIR

H4 EDOM

I7 MIDIAN

Gbɛjegbɛi Wuji

Gbɛ ni Atsɔɔ Nɔ Kɛyaa Filistibii lɛ Ashikpɔŋ Nɔ

Gbɛ ni Atsɔɔ Nɔ Kɛyaa Shur

I4 Maŋtsɛ Gbɛjegbɛ

Gbɛfalɔi Agbɛ

El Haj Gbɛ

[Gɔji]

F8 Sinai Gɔŋ (Horeb)

H3 Hor Gɔŋ

I1 Nebo Gɔŋ

[Nui]

Ɛ2 Mediterranean Ŋshɔ (Ŋshɔ Wulu)

E7/G7 Ŋshɔ Tsuru

I1 Ŋoo Ŋshɔ

[Fai kɛ nui ni hoɔ]

A6 Nilo Faa

F3 Mizraim Nujɔɔ

I2 Arnon

I3 Zered

[Mfoniri ni yɔɔ baafa 8]

Gbɛfalɔi akui nyiɛ kɛfo Sinai Ŋshɔkpɔ Lɛ

[Mfoniri ni yɔɔ baafa 8]

Israel bɔ nsara yɛ Sinai Gɔŋ lɛ hiɛgbɛ

[Mfoniri ni yɔɔ baafa 9]

Amɛná nu kɛjɛ nuhiŋmɛii amli yɛ Kadesh loo emasɛigbɛ

[Mfoniri ni yɔɔ baafa 9]

Ehe bahia ni Israel fɛɛ afa gbɛ kɛfo Arnon faa lɛ