ASHURBII lɛ ye Samaria ni ji Israel kooyigbɛ maŋtsɛyeli lɛ maŋtiase lɛ nɔ kunim yɛ afi 740 D.Ŋ.B. No hewɔ lɛ, Israelbii lɛ yagbee maŋtsɛyeli ko ni yitsoŋ wa waa lɛ dɛŋ. Ashur yɛ Mesopotamia ŋa lɛ kooyigbɛ lɛ naagbee gbɛ, he ni bɛŋkɛ Tigris ni ji Shikpɔŋ ni Tamɔ Nyɔɔŋtsere Fã ni Baa Nii lɛ faai wuji lɛ ateŋ ekome lɛ. Nimrod to Ashur maŋtiasei wuji ni ji Ninive kɛ Kala shishi. (1 Mose 10:8-12) Yɛ Shalmaneser III gbii lɛ amli lɛ, Ashur mli gbele kɛtee anaigbɛ, kɛbote Siria kɛ Israel kooyigbɛ kpokpai ni nu babaoo yɔɔ nɔ, ní baa nii lɛ nɔ.

Ashur bɔi Israel yiwaa yɛ Maŋtsɛ Tiglat-Pileser III (Pul) ni atsĩ etã yɛ Biblia lɛ mli lɛ shishi. Etafaa lɛ sa Yuda hu he kɛtee wuoyigbɛ lɛ. (2 Maŋ 15:19; 16:5-18) Yɛ be ko sɛɛ lɛ, Ashur “nui” ni hoɔ babaoo lɛ gbɛ shwã Yuda, ni yɛ naagbee lɛ eyashɛ emaŋtiase Yerusalem he.—Yes 8:5-8.

Ashur Maŋtsɛ Sanherib tutua Yuda yɛ afi 732 D.Ŋ.B. (2 Maŋ 18:13, 14) Eye Yuda maŋtiasei 46 anɔ kunim, kɛ Lakish ni yɔɔ he ko ni hi jogbaŋŋ yɛ Ŋanɔ Shikpɔŋ lɛ nɔ lɛ. Taakɛ shikpɔŋ he mfoniri lɛ tsɔɔ lɛ, enɛ ha esraafoi lɛ yaje Yerusalem sɛɛgbɛ, ni yɛ no hewɔ lɛ amɛbɔle Yuda maŋtiase lɛ he kɛkpe. Sanherib shwã yɛ eyinɔsane woji lɛ amli akɛ ekɛ Hezekia to “tamɔ loofɔlɔ yɛ loofɔlɔ tsũ ko mli,” shi Ashur woji lɛ etsĩii hiɛkpatamɔ ni Nyɔŋmɔ bɔfo kɛba Sanherib asraafoi lɛ anɔ lɛ tã.—2 Maŋ 18:17-36; 19:35-37.

Ákane Ashur Maŋtsɛyeli lɛ gbii lɛ. Mediabii ni yɔɔ shikpɔŋ ni ewó ehe nɔ ni nɔ efee tɛtrɛɛ ni gɔji babaoo yɔɔ nɔ lɛ nɔ, ní amrɔ nɛɛ jɛmɛ ji Iran lɛ, bɔi Ashur asraafoi lɛ ateŋ mɛi ni shwɛ lɛ anaagbamɔ. Enɛ gbala Ashur jwɛŋmɔ kɛjɛ enaigbɛ nɔyeli shikpɔji ni no hu bɔi atuatsemɔ lɛ anɔ. Yɛ nakai beaŋ nɔŋŋ lɛ, Babilonbii lɛ miiná hewalɛ babaoo, ni amɛŋɔ Ashur loo Asshur maŋtiase lɛ po. Babilonbii, Mediabii, kɛ Skitebii ni ji gbɔmɛi ni sumɔɔ tawuu ni amɛjɛ Ŋshɔ Diŋ kooyigbɛ lɛ kɛ ekomefeemɔ ye Ninive—“láshishwiemɔ maŋ”—lɛ nɔ kunim yɛ afi 632 D.Ŋ.B. Enɛ ha Nahum kɛ Zefania gbalɛi lɛ ba mli.—Nah 3:1; Zef 2:13.

Ashur naagbee ba yɛ Haran. Akɛni Babilon asraafoi ni etswa amɛ fai shi lɛ tutua Ashurbii lɛ hewɔ lɛ, Ashurbii lɛ bɔ mɔdɛŋ koni amɛdamɔ naa aahu kɛyashi be mli ni yelikɛbuamɔ ni jɛ Mizraim lɛ aaaba. Shi beni Farao-Neko yaa kɛyaa kooyigbɛ lɛ, Yudea Maŋtsɛ Yosia ta lɛ tsĩ enaa yɛ Megido. (2 Maŋ 23:29) Beni Neko shɛ Haran yɛ naagbee mli lɛ, ekpe sɛɛ tsɔ̃—Ashur Maŋtsɛyeli lɛ egbee shi.

Babilon Maŋtsɛyeli

Mɛɛ maŋtiase ji nɔ ni wiemɔ ni ji “abɔɔi ni tsotsoro shi” lɛ kɛbaa ojwɛŋmɔ mli? Babilon, ni ji jeŋ hewalɛ lɛ maŋtiase lɛ hiɛ nakai gbɛi lɛ, ni afee ehe mfoniri yɛ gbalɛ mli akɛ jata ni hiɛ fiji. (Dan 7:4) Ale maŋtiase lɛ jogbaŋŋ yɛ enínamɔ, ejarayeli, kɛ ejamɔ kɛ eŋulamiiaŋkwɛmɔ ni yaa hiɛ lɛ hewɔ. Maŋtsɛyeli lɛ yɛ Mesopotamia wuoyigbɛ shikpɔŋ ni nu sɔŋŋ yɔɔ nɔ lɛ teŋ tuuntu, he ni yɔɔ Tigris faa kɛ Eufrate faa lɛ teŋ lɛ. Eufrate lɛ tsɔɔ maŋtiase lɛ mli kɛhoɔ, ni egbogboi lɛ ha efee tamɔ nɔ ni anyɛŋ aye nɔ kunim.

 Babilonbii lɛ fee jarayeli gbɛ̀i kɛtsɔ ŋa ni nɔ efee tɛitɛi ni yɔɔ Arabia kooyigbɛ lɛ nɔ. Yɛ be ko mli lɛ, Maŋtsɛ Nabonidus yahi Tema, ni eshi Belshazar koni eye Babilon nɔ.

Babilon tutua Kanaan shii etɛ. Beni Nebukadnezar eye Mizraimbii lɛ anɔ kunim yɛ Karkemish yɛ afi 625 D.Ŋ.B. lɛ, Babilonbii lɛ tee wuoyigbɛ kɛtee Hamat, ni amɛsaa amɛye Mizraimbii ni gbalaa amɛhe shi lɛ anɔ kunim ekoŋŋ yɛ jɛmɛ. Kɛkɛ ni Babilonbii lɛ tee nɔ aahu kɛtee Mizraim faa lɛ naa, ni amɛfite Ashkelon yɛ gbɛ lɛ nɔ. (2 Maŋ 24:7; Yer 47:5-7) Yuda batsɔ Babilon sɔɔlɔ yɛ nɛkɛ tafaa nɛɛ mli.—2 Maŋ 24:1.

Maŋtsɛ Yehoiakim ni jɛ Yuda lɛ tse atua yɛ afi 618 D.Ŋ.B. Kɛkɛ ni Babilon tsu maji ni bɛŋkɛ lɛ amli asraafoi lɛ koni amɛte shi amɛwo Yuda, ni Babilon asraafoi lɛ diɛŋtsɛ gbá amɛbɔle Yerusalem ni amɛye nɔ kunim. Etsɛɛɛ kwraa kɛkɛ ni yɛ be mli ni Maŋtsɛ Zedekia kɛ emaŋtsɛyeli lɛ kɛ Mizraim fee ekome lɛ, eha Babilonbii lɛ amli fũ Yuda waa diɛŋtsɛ fe nine. Amɛtutua amɛ ekoŋŋ ni amɛbɔi Yuda maŋtiasei lɛ fitemɔ. (Yer 34:7) Yɛ naagbee lɛ, Nebukadnezar gbala esraafoi lɛ ajwɛŋmɔ kɛtee Yerusalem nɔ, ni eye nɔ kunim yɛ afi 607 D.Ŋ.B.—2 Kron 36:17-21; Yer 39:10.

[Shikpɔŋ he mfoniri ni yɔɔ baafa 23]

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)

Babilonia/Ashur Maŋtsɛyelii

Ashur Maŋtsɛyeli

B4 Memfis (Nof)

B4 Zoan

B5 MIZRAIM

D2 KIPRO (KITIM)

D3 Zidon

D3 Tiro

D3 Megido

D3 Samaria

D4 Yerusalem

D4 Lakish

E2 Haran

E2 Karkemish

E2 Arpad

E2 Hamat

E3 Ribla

E3 SIRIA

E3 Damasko

Ɛ2 Gozan

Ɛ2 MESOPOTAMIA

F2 MINI

F2 ASHUR

F2 Khorsabad

F2 Ninive

F2 Kala

F2 Ashur

F3 BABILONIA

F3 Babilon

F4 KALDEA

F4 Erek

F4 Ur

G3 Shushan

G4 ELAM

Babilonia Maŋtsɛyeli

D3 Zidon

D3 Tiro

D3 Megido

D3 Samaria

D4 Yerusalem

D4 Ashkelon

D4 Ashkelon

D4 Lakish

E2 Haran

E2 Karkemish

E2 Arpad

E2 Hamat

E3 Ribla

E3 SIRIA

E3 Damasko

E5 Tema

Ɛ2 Gozan

Ɛ2 MESOPOTAMIA

Ɛ4 ARABIA

F2 MINI

F2 ASHUR

F2 Khorsabad

F2 Ninive

F2 Kala

F2 Ashur

F3 BABILONIA

F3 Babilon

F4 KALDEA

F4 Erek

F4 Ur

G3 Shushan

G4 ELAM

[Hei krokomɛi]

G2 MEDIA

Gbɛjegbɛi Wuji (Kwɛmɔ wolo lɛ mli)

[Nui]

B3 Mediterranean Ŋshɔ (Ŋshɔ Wulu)

D5 Ŋshɔ Tsuru

H1 Caspian Ŋshɔ

H5 Persia Ŋshɔnine

[Fai]

B5 Nilo

Ɛ2 Eufrate

F3 Tigris

[Mfoniri ni yɔɔ baafa 22]

Lakish gɔŋ bibioo

[Mfoniri ni yɔɔ baafa 22]

Blema Megido he nɔkwɛmɔnɔ

[Mfoniri ni yɔɔ baafa 23]

Babilon abɔɔi ni tsotsoro shi lɛ ni atɛŋ