GƆJI akui srɔtoi enyɔ ni sa kadimɔ waa ebɔle ŋmɛnɛŋmɛnɛ Iran shikpɔŋ ni ewó ehe nɔ ni nɔ efee tɛtrɛɛ lɛ he kɛkpe—Elburz (Caspian Ŋshɔ lɛ wuoyigbɛ) kɛ Zagros (wuoyi-bokagbɛ kɛmiiya Persia Ŋshɔnine). Jɔɔi kakadaji ni nɔ yɔɔ frɔfrɔ ni tsei ehà nɔ kɛma eyi shi efolɔ mli. Jɔɔi lɛ náa kɔɔyɔŋ tsakemɔ ni hi saŋŋ, shi ŋa ni kwɔ waa ni nɔ egbĩ ni kɔɔyɔɔ tswaa yɛ nɔ waa lɛ nɔ bajɔɔ waa yɛ fɛ̃ibe mli. He ni bɛŋkɛ ji ŋa kplanaa ni ewó ehe nɔ ni nɔ efee tɛtrɛɛ ni mɛi faaa yɛ nɔ lɛ. Medo-Persia Maŋtsɛyeli lɛ ba shihilɛ mli yɛ nɛkɛ kpokpaa muu ni ji Mesopotamia bokagbɛ nɛɛ nɔ.

Mediabii lɛ yɛ shikpɔŋ ni ewó ehe nɔ ni nɔ efee tɛtrɛɛ lɛ kooyigbɛ lɛ teŋ tuuntu, eyɛ mli akɛ sɛɛ mli lɛ amɛgbɛ amɛshwã Armenia kɛ Kilikia moŋ. Shi kɛlɛ, Persiabii lɛ yɛ shikpɔŋ ni ewó ehe nɔ ni nɔ efee tɛtrɛɛ lɛ wuoyi-anaigbɛ lɛ teŋ tuuntu yɛ Tigris Jɔɔ lɛ bokagbɛ lɛ. Nɛkɛ maŋtsɛyelii enyɔ nɛɛ fee ekome yɛ Koresh nɔyeli shishi yɛ afii 600 D.Ŋ.B. lɛ teŋgbɛ, ni amɛbafee Medo-Persia Jeŋ Hewalɛ lɛ.

Koresh ye Babilon nɔ kunim yɛ afi 539 D.Ŋ.B. Emaŋtsɛyeli lɛ mli lɛɛ kɛtee bokagbɛ kɛtee India. Nɔ ni bafee emli eko yɛ anaigbɛ lɛ ji Mizraim kɛ he ni amrɔ nɛɛ eji Turkey lɛ. Daniel wie Medo-Persia Maŋtsɛyeli lɛ he yɛ gbɛ ni sa nɔ akɛ “oshishibrishi” ni yeɔ nii waa diɛŋtsɛ ni ‘ye loo babaoo.’ (Dan 7:5) Koresh to nɔyeli ko ni mlijɔlɛ kɛ tsuishiŋmɛɛ yɔɔ mli lɛ shishi. Ejara maŋtsɛyeli lɛ mli ewo nɔyeli shikpɔji  amli. Eko fɛɛ eko yɛ nɔyelɔ ni yeɔ nɔ, bei pii lɛ eji Persianyo, shi nɔyelɔ ko ni yɔɔ maŋ lɛ mli lɛ náa nɔyeli hegbɛ ko yɛ eshishi. Awo gbɔmɛi ni yɔɔ maŋtsɛyeli lɛ mli lɛ hewalɛ koni amɛhiɛ amɛkusumii kɛ jamɔi amli.

Akɛni Koresh kɛ nɛkɛ nifeemɔ gbɛ nɛɛ tsuɔ nii hewɔ lɛ, eŋmɛ Yudafoi lɛ agbɛ koni amɛkɛ anɔkwa jamɔ ama shi ekoŋŋ ni amɛtswa Yerusalem amɛma shi ekoŋŋ, taakɛ Ezra kɛ Nehemia tsɔɔ mli lɛ. Ani osusuɔ akɛ nɛkɛ gbɔmɛi asafo babaoo nɛɛ ku amɛsɛɛ kɛtsɔ gbɛ ni Abraham tsɔ nɔ kɛtee Eufrate kɛtee Karkemish lɛ nɔ, aloo ekolɛ amɛtsɔ gbɛ kuku ni tsɔɔ Tadmor kɛ Damasko maji lɛ amli kɛhoɔ lɛ nɔ? Biblia lɛ etsɔɔɔ. (Kwɛmɔ baafa 6-7.) Sɛɛ mli lɛ, Yudafoi lɛ hu bahi maŋtsɛyeli lɛ mli hei krokomɛi, tamɔ Nile Delta kɛ hei ni yɔɔ wuoyigbɛ shɔŋŋ lɛ. Yudafoi saŋŋ tee nɔ amɛhi shi yɛ Babilon, ni ekolɛ no tsɔɔ nɔ hewɔ ni bɔfo Petro tee eyasara jɛmɛ afii ohai komɛi asɛɛ lɛ. (1 Pet 5:13) Hɛɛ, Medo-Persia Maŋtsɛyeli lɛ ná gbɛfaŋnɔ ko yɛ Yudafoi lɛ ni ana amɛ yɛ hei babaoo yɛ be mli ni Hela maŋtsɛyeli lɛ kɛ Roma maŋtsɛyeli lɛ baye nɔ yɛ sɛɛ mli lɛ mli.

Beni Medo-Persiabii lɛ ye Babilon nɔ kunim sɛɛ lɛ, amɛkɛ maŋtiase lɛ ni ehulutsoo be naa wa waa lɛ tsu nii akɛ nɔyelihe. Shushan ni ji tsutsu Elambii amaŋtiase lɛ ji odehei amaŋtiasei lɛ ateŋ ekome. Yɛ sɛɛ mli lɛ, jɛmɛ ji he ni Persia Maŋtsɛ Ahashwerosh (yɛ anɔkwale mli lɛ, Xerxes I) ha Ester tsɔ̃ emaŋnyɛ ni ekɛfite ŋaa ni atsɔ koni akɛkpata Nyɔŋmɔ webii ahiɛ kwraa yɛ maŋtsɛyeli muu lɛŋ fɛɛ lɛ mli lɛ. Medo-Persia maŋtiasei enyɔ krokomɛi hu ji Akmeta (ni yɔɔ gɔŋ ni ekwɔlɛ yaa hiɛ fe mitai 1,900 ni hulu tsoɔ fɛfɛo yɛ jɛmɛ lɛ) kɛ Pasargadae (ni ekwɔlɛ tamɔ nakai nɔŋŋ, aaafee kilomitai 650 kɛmiiya wuoyi-bokagbɛ lɛ).

Nɛkɛ jeŋ hewalɛ nɛɛ ba naagbee yɛ mɛɛ gbɛ nɔ? Beni Medo-Persia hewalɛ lɛ shɛ he ni kwɔ fe fɛɛ lɛ, efee atuatsemɔi ni Helabii ni yɔɔ kooyi-anaigbɛ husu lɛ naa lɛ kɛba lɛ he nɔ ko. No mli lɛ, Hela ji maŋtiasei ni mli ejara ni etse ehe ni wuɔ ta, shi enɛɛmɛi fee ekome kɛye Persia asraafoi lɛ anɔ kunim kwraa yɛ tawuu srɔtoi amli yɛ Marathon kɛ Salami. Enɛ gbele gbɛ kɛha hewalɛ ni Hela maŋtiasei ni efee ekome lɛ ná yɛ Medo-Persia nɔ lɛ.

[Shikpɔŋ he mfoniri ni yɔɔ baafa 24]

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)

Medo-Persia Maŋtsɛyeli

A2 MAKEDONIA

A2 THRACE

A2 Kireene

A2 LIBIA

B2 Byzantium

B2 LIDIA

B3 Sarde

B4 Memfis (Nof)

B4 MIZRAIM

B5 No-Amon (Thebes)

B5 Sewene

D3 KILIKIA

D3 Tarso

D3 Issus

D3 Karkemish

D3 Tadmor

D3 SIRIA

D3 Zidon

D3 Damasko

D3 Tiro

D4 Yerusalem

E2 Phasis

E2 ARMENIA

E3 ASHUR

E3 Ninive

E4 Babilon

Ɛ3 MEDIA

Ɛ3 Akmeta (Achmetha)

Ɛ3 HYRCANIA

Ɛ4 Shushan (Susa)

Ɛ4 ELAM

Ɛ4 Pasargadae

Ɛ4 Persepolis

Ɛ4 PERSIA

F3 PARTHIA

F4 DRANGIANA

G2 Maracanda (Samarkand)

G3 SOGDIANA

G3 BACTRIA

G3 ARIA

G4 ARACHOSIA

G4 GEDROSIA

H5 INDIA

[Hei krokomɛi]

A2 HELA

A3 Marathon

A3 Ateene

A3 Salami

D1 SCYTHIA

D4 Elat (Elot)

D4 Tema

E4 ARABIA

[Gɔji]

Ɛ3 ELBURZ GƆJI

Ɛ4 ZAGROS GƆJI

[Nui]

B3 Mediterranean Ŋshɔ (Ŋshɔ Wulu)

D2 Ŋshɔ Diŋ

D5 Ŋshɔ Tsuru

Ɛ2 Caspian Ŋshɔ

Ɛ4 Persia Ŋshɔnine

[Fai]

B4 Nilo

D3 Eufrate

E3 Tigris

H4 Indus

[Mfoniri ni yɔɔ baafa 24]

Ehe bahia ni Koresh asraafoi lɛ atsɔ Zagros Gɔji lɛ anɔ kɛya Babilon

[Mfoniri ni yɔɔ baafa 25]

Yiteŋgbɛ: Jeŋmaji Agbó Lɛ, yɛ Persepolis

[Mfoniri ni yɔɔ baafa 25]

Mfoniri bibioo: Koresh gbonyobu, yɛ Pasargadae