YESU fɔmɔ lɛ sɛɛ etsɛɛɛ ni Yosef kɛ Maria kɛ lɛ tee maŋtiase ni eŋwɛi Tsɛ lɛ eha anu E-gbɛi lɛ he yɛ jɛmɛ lɛ—Yerusalem. (Luka 2:22-39) Yesu tee jɛmɛ ekoŋŋ kɛha Hehoo lɛ beni eye afii 12. Ekɛ esane shishinumɔ ni eyɔɔ lɛ ha tsɔɔlɔi lɛ ni yɔɔ sɔlemɔwe lɛ anaa kpɛ amɛhe. (Luka 2:41-51) Nakai sɔlemɔwe tsũi lɛ mli nitsumɔ ni ji Herode Kpeteŋkpele lɛ tsũ lɛ he nitsumɔ lɛ fã ko lɛ tee nɔ fe “afii nyɔŋmai ejwɛ.”—Yoh 2:20.

Yesu tee gbii juji ni aye yɛ Yerusalem lɛ shishi, he ni bei pii lɛ etsɔɔ asafoi anii yɛ esɔɔmɔ be lɛ mli yɛ lɛ. Eshwie shikatsakelɔi kɛ jarayelɔi kɛjɛ sɔlemɔwe lɛ kpo lɛ nɔ shii enyɔ.—Mat 21:12; Yoh 2:13-16.

Yesu tsá nuu ko ni epiŋ aahu afii 38 lɛ yɛ sɔlemɔtsu lɛ kooyigbɛ, yɛ Betesda kpaakpo lɛ masɛi. Nyɔŋmɔ Bi lɛ ha shwilafo ko hu na nii, ni ekɛɛ lɛ koni eyaju ehe yɛ Siloam kpaakpo lɛ ni yɔɔ maŋtiase lɛ wuoyigbɛ lɛ mli.—Yoh 5:1-15; 9:1, 7, 11.

Bei pii lɛ Yesu yasaraa enanemɛi ni ji Lazaro, Maria kɛ Marta yɛ Betania ‘aaafee shitooi enyɔ’ yɛ Yerusalem bokagbɛ. (Yoh 11:1, 18; 12:1-11; Luka 10:38-42; 19:29; kwɛmɔ “Yerusalem Dalɛ,” baafa 18.) Gbii fioo ko dani Yesu baagbo lɛ, etsɔ Mu Gɔŋ lɛ he kɛbɛŋkɛ Yerusalem. Feemɔ ehe mfoniri yɛ ojwɛŋmɔ mli ni ewa edamɔ shi, koni ekwɛ maŋtiase lɛ yɛ anaigbɛ, ni eefó yɛ maŋ nɛɛ hewɔ. (Luka 19:37-44) Nɔ ni ena lɛ baatamɔ nɔ ni onaa yɛ baafa ni nyiɛ sɛɛ lɛ yiteŋgbɛ lɛ. Kɛkɛ ni ebote Yerusalem ni eta teji bi ko nɔ, ni ebaanyɛ efee akɛ etsɔ maŋtiase lɛ agbói ni yɔɔ bokagbɛ lɛ ateŋ ekome mli. Asafoi nya ehe akɛ Israel wɔsɛɛ be mli Maŋtsɛ.—Mat 21:9-12.

Saji ni he hiaa ni ba ni tsɔ Yesu gbele lɛ hiɛ lɛ ba yɛ Yerusalem hei komɛi loo hei ni bɛŋkɛ jɛmɛ: Getsemane abɔɔ lɛ, he ni Yesu sɔle yɛ lɛ; Akuashɔŋ lɛ kpo lɛ nɔ; Kaiafa shia lɛ; Amralo Pilato maŋtsɛwe lɛ kɛ, naagbee lɛ Golgota.—Mar 14:32, 53–15:1, 16, 22; Yoh 18:1, 13, 24, 28.

Yɛ Yesu shitee lɛ sɛɛ lɛ, ejie ehe kpo yɛ Yerusalem kɛ hei ni bɛŋkɛ jɛmɛ. (Luka 24:1-49) Kɛkɛ ni ejɛ Mu Gɔŋ lɛ nɔ ekwɔ kɛtee ŋwɛi.—Bɔf 1:6-12.

 [Nitɛŋmɔ ni akɛmiitsɔɔ nɔ ko mli ni yɔɔ baafa 31]

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)

Yerusalem kɛ Sɔlemɔtsu ni Yesu le Lɛ

Sɔlemɔtsu Lɛ He Nibii

1. He Krɔŋkrɔŋ Fe Fɛɛ

2. He Krɔŋkrɔŋ

3. Shãa Afɔle Latɛ

4. Ŋshɔ ni Ashwie

5. Osɔfoi Akpo

6. Israel Kpo

7. Yei Akpo

8. Jeŋmaji Akpo

9. Husu (Soreg)

10. Odehei Ablanaa

11. Salomo Ablanaa

SƆLEMƆTSU

Agbó

Osɔfoi Akpo

Agbó

He Krɔŋkrɔŋ Fe Fɛɛ

Shãa Afɔle Latɛ

He Krɔŋkrɔŋ

Israel Kpo

Yei Akpo

Ŋshɔ ni Ashwie

Agbó

Salomo Ablanaa

Husu (Soreg)

Jeŋmaji Akpo

Agbó

Odehei Ablanaa

Agbó

Antonia Mɔɔ

Agba

Akuashɔŋ Asa?

TYROPOEON JƆƆ

Siloam Kpaakpo

Nɔ ni akɛtsɛɔ nu

Kaiafa Shia?

Amralo Maŋtsɛwe

Golgota?

Golgota?

Betesda Kpaakpo

Getsemane Abɔɔ?

MU GƆŊ

KIDRON JƆƆ

Gihon Nuhiŋmɛi

Rogel nubu

HINOM JƆƆ (GEHENA)

[Mfonirii ni yɔɔ baafa 30]

Bɔ ni anaa ŋmɛnɛŋmɛnɛ beaŋ Yerusalem bokagbɛ ahaa: (A) he ni sɔlemɔtsu lɛ ma, (B) Getsemane abɔɔ, (D) Mu Gɔŋ, (E) Yuda ŋa, (Ɛ) Ŋshɔ ni Egbo

[Mfoniri ni yɔɔ baafa 31]

Bɔ ni anaa anaigbɛ ahaa kɛjɛ Mu Gɔŋ lɛ nɔ yɛ Yesu gbii lɛ amli