1, 2. Mɛni hewɔ wɔnyɛŋ wɔbɛŋkɛ Yehowa yɛ wɔ diɛŋtsɛ wɔnyɛmɔ naa lɛ, ni mɛni Yesu Kristo efee eha wɔ yɛ enɛ gbɛfaŋ?

 ANI odu gbɛ pɛŋ? Ekolɛ obaakai be ko ni oofã gbɛ oyasara onaanyo loo owekunyo ko ní odu gbɛ lɛ. Beni onyiɛ gbɛ ni oleee nɔ jogbaŋŋ lɛ nɔ lɛ, ani owa ni obi mɔ ko ni etsɔɔ bo gbɛ? Susumɔ bɔ ni obaanu he oha lɛ he okwɛ, yɛ nɔ najiaŋ ni mɔ lɛ baasusu jɛmɛ atsɔɔ bo lɛ, ejɛ mlihilɛ mli ekɛɛ bo akɛ: “Bo lɛ nyiɛmɔ misɛɛ. Mi kɛ bo baaya jɛmɛ.” Kwɛ bɔ ni otsui baanyɔ omli oha!

² Yɛ gbɛ ko nɔ lɛ, Yesu Kristo hu feɔ nɔ ko tamɔ nakai nɔŋŋ kɛhaa wɔ. Wɔ diɛŋtsɛ wɔnyɛŋ wɔbɛŋkɛ Nyɔŋmɔ kɛ́ mɔ ko yeee ebuaaa wɔ. Yɛ emuu ni wɔyeee kɛ eshafeelɔi ni wɔji lɛ hewɔ lɛ, adesai fɛɛ edu gbɛ kɛjɛ Nyɔŋmɔ he, ni “mɛikpɔji ji amɛ yɛ Nyɔŋmɔ wala gbɛfaŋ.” (Efesobii 4:17, 18) Ehe miihia ni mɔ ko atsɔɔ wɔ gbɛ. Yesu, ni ji wɔ-Nɔkwɛmɔnɔ ni yɔɔ mlihilɛ lɛ woɔ wɔ ŋaa, ni ekɛ gbɛtsɔɔmɔi haa wɔ; ni jeee enɛ pɛ kɛkɛ, shi efeɔ babaoo kɛfataa he. Taakɛ wɔna yɛ Yitso 1 lɛ mli lɛ, Yesu fɔ̃ɔ wɔ nine akɛ: ‘Ba ni obanyiɛ misɛɛ.’ (Marko 10:21) Ni etsɔɔ wɔ yiŋtoo hewɔ hu ni esa akɛ wɔkpɛlɛ nakai ninefɔ̃ɔ lɛ nɔ lɛ. Be ko lɛ, Yesu kɛɛ akɛ: “Mi nɔŋŋ ji gbɛ lɛ kɛ anɔkwale lɛ kɛ wala lɛ; mɔ ko baaa tsɛ lɛ ŋɔɔ, akɛ ja etsɔ minɔ.” (Yohane 14:6) Nyɛhaa wɔsusua yiŋtoi komɛi ahewɔ ni Bi lɛ nɔ pɛ wɔbaanyɛ wɔtsɔ wɔbɛŋkɛ Tsɛ lɛ he wɔkwɛa. Kɛkɛ lɛ, beni yiŋtoi nɛɛ yɔɔ wɔjwɛŋmɔ mli lɛ, wɔbaasusu bɔ ni yɛ anɔkwale mli lɛ, Yesu ji “gbɛ lɛ kɛ anɔkwale lɛ kɛ wala lɛ” he.

3. Mɛni hewɔ Yesu nɔ atsɔɔ abɛŋkɛɔ Nyɔŋmɔ lɛ?

³ Klɛŋklɛŋ kwraa lɛ, dani wɔbaanyɛ wɔbɛŋkɛ Nyɔŋmɔ lɛ ja wɔtsɔ Yesu nɔ, ejaakɛ Yehowa eha e-Bi lɛ gbɛfaŋnɔ krɛdɛɛ ko. a Tsɛ lɛ kɛ lɛ tsuɔ nii akɛ mɔ titri yɛ E-yiŋtoi fɛɛ ahe nitsumɔ mli. (2 Korintobii 1:20; Kolosebii 1:18-20) Bɔni afee ni wɔnu gbɛfaŋnɔ ni he hiaa ni Bi lɛ tsuɔ lɛ shishi lɛ, esa akɛ wɔsusu nɔ ni ba yɛ Eden trom lɛ mli beni klɛŋklɛŋ adesai enyɔ lɛ kɛ Satan fee ekome kɛtse Yehowa hiɛ atua lɛ he.​—1 Mose 2:16, 17; 3:1-6.

4. Mɛɛ sane atua ni atse yɛ Eden lɛ tee lɛ shi, ni mɛni Yehowa tswa efai shi akɛ ebaafee ni ekɛtsu sane lɛ he nii?

⁴ Atua ni atse yɛ Eden lɛ tee sane ko ni kɔɔ Nyɔŋmɔ bɔɔ nii fɛɛ ahe lɛ shi, ni no ji: Ani Yehowa Nyɔŋmɔ yeɔ ebɔɔ nii anɔ yɛ gbɛ ni ja nɔ? Bɔni afee ni ana sane ni he hiaa waa nɛɛ naa lɛ, Yehowa tswa efai shi akɛ ebaaha emumɔŋ bii ni eye emuu lɛ ateŋ mɔ kome aba shikpɔŋ lɛ nɔ. Bi nɛɛ baatsu nɔ ko ni he hiaa waa he nii​—ekɛ ewala baaha kɛbu Yehowa nɔyeli lɛ bem, ni agbɛnɛ hu ekɛkpɔ̃ adesai. Kɛ́ bi ni ahala nɛɛ ye anɔkwa kɛtee gbele mli lɛ, ebaaha anyɛ atsu naagbai fɛɛ ni Satan atuatsemɔ lɛ kɛba lɛ he nii. (Hebribii 2:14, 15; 1 Yohane 3:8) Shi Yehowa yɛ mumɔŋ bii ni eye emuu akpekpe toi akpei abɔ. (Daniel 7:9, 10) Amɛteŋ namɔ ehala ní etsu nitsumɔ ni he hiaa nɛɛ he nii? Yehowa hala “ebi koome lɛ,” mɔ ni sɛɛ mli lɛ abale lɛ akɛ Yesu Kristo lɛ.​—Yohane 3:16.

5, 6. Mɛɛ gbɛ nɔ Yehowa tsɔɔ akɛ eyɛ hekɛnɔfɔɔ yɛ e-Bi lɛ mli, ni mɛni ha ená nakai hekɛnɔfɔɔ lɛ?

⁵ Ani esa akɛ wɔhiɛ afee wɔ yaa yɛ mɔ ni Yehowa hala lɛ lɛ he? Dabida! Tsɛ lɛ yɛ hekɛnɔfɔɔ diɛŋtsɛ yɛ e-Bi koome  lɛ mli. Afii ohai abɔ dani e-Bi lɛ aaaba shikpɔŋ lɛ nɔ lɛ, Yehowa gba akɛ Bi nɛɛ baaya nɔ aye anɔkwa yɛ amanehului ni ekɛbaakpe lɛ fɛɛ sɛɛ. (Yesaia 53:3-7, 10-12; Bɔfoi lɛ Asaji 8:32-35) Susumɔ nɔ ni baanyɛ ajɛ Yehowa wiemɔ nɛɛ mli kɛba lɛ he okwɛ. Taakɛ bɔɔ nii fɛɛ ni yɔɔ nilee lɛ ji lɛ, Bi lɛ hu yɛ hegbɛ ni ehalaa nɔ ni esumɔɔ. Shi kɛlɛ, Yehowa yɛ hekɛnɔfɔɔ yɛ e-Bi lɛ mli aahu akɛ egba anɔkwa ni e-Bi lɛ baaye lɛ he sane efɔ̃ shi. Mɛni ha ená hekɛnɔfɔɔ ni tamɔ nakai? Nɔ ni ele yɛ e-Bi lɛ he lɛ hewɔ. Yehowa le e-Bi lɛ jogbaŋŋ ni ele bɔ ni e-Bi lɛ sumɔɔ ni esa E-hiɛ. (Yohane 8:29; 14:31) Bi lɛ sumɔɔ e-Tsɛ lɛ, ni Yehowa hu sumɔɔ e-Bi lɛ. (Yohane 3:35) Suɔmɔ ni Tsɛ lɛ kɛ Bi lɛ yɔɔ kɛha amɛhe lɛ haa amɛfeɔ ekome waa, ni amɛnáa amɛmli hekɛnɔfɔɔ ni mli wa.​—Kolosebii 3:14.

⁶ Yɛ gbɛfaŋnɔ ni he hiaa ni Bi lɛ tsuɔ, hekɛnɔfɔɔ ni Tsɛ lɛ yɔɔ yɛ emli, kɛ suɔmɔ ni feɔ Tsɛ lɛ kɛ Bi lɛ ekome hewɔ lɛ, ani eyɛ naakpɛɛ akɛ Yesu nɔ pɛ abaanyɛ atsɔ abɛŋkɛ Nyɔŋmɔ? Kɛlɛ, yiŋtoo kroko hu yɛ ni tsɔɔ akɛ Bi lɛ nɔ pɛ wɔbaanyɛ wɔtsɔ wɔbɛŋkɛ Tsɛ lɛ.

7, 8. Mɛni hewɔ Yesu nyɛ ewie yɛ gbɛ ni ja nɔ akɛ mɔ ko mɔ ko leee Tsɛ lɛ jogbaŋŋ kɛmɔ shi akɛ “ja bi lɛ” pɛ lɛ?

⁷ Kɛ́ wɔmiitao wɔbɛŋkɛ Yehowa lɛ, no lɛ taomɔ nii komɛi yɛ ni esa akɛ wɔshɛ he. (Lala 15:1-5) Bi lɛ pɛ le bɔ ni wɔɔfee wɔshɛ Nyɔŋmɔ taomɔ nii lɛ ahe ni wɔná E-nɔkpɛlɛmɔ! Yesu kɛɛ akɛ: “Mitsɛ etu nii fɛɛ ewo midɛŋ; ni mɔ ko mɔ ko leee bi lɛ, akɛ ja tsɛ lɛ kɛkɛ; asaŋ tsɛ lɛ hu, mɔ ko mɔ ko leee lɛ, akɛ ja bi lɛ, kɛ mɔ ni bi lɛ sumɔɔ akɛ ejieɔ lɛ etsɔɔ lɛ.” (Mateo 11:27) Nyɛhaa wɔkwɛa nɔ hewɔ ni Yesu nyɛ ewie yɛ gbɛ ni ja nɔ akɛ, mɔ ko mɔ ko leee Tsɛ lɛ jogbaŋŋ kɛmɔ shi akɛ “ja bi lɛ” pɛ, ni jeee ni eewo nii ahe lɛ.

 ⁸ Ákɛ “bɔɔ nii fɛɛ ateŋ kromɔbi lɛ,” wekukpãa krɛdɛɛ ko kã Bi lɛ kɛ Yehowa teŋ. (Kolosebii 1:15) Feemɔ wekukpãa ni bɛŋkɛ kpaakpa ni bakã Tsɛ lɛ kɛ Bi lɛ teŋ yɛ afii akpekpei abɔ ni amɛyi enyɔ lɛ pɛ kɛhi shi, kɛjɛ adebɔɔ shishijee aahu kɛyashi beni abɔ mumɔŋ bɔɔ nii krokomɛi lɛ he mfoniri yɛ ojwɛŋmɔŋ okwɛ. (Yohane 1:3; Kolosebii 1:16, 17) Susumɔ hegbɛ kpele ni Bi lɛ ná beni ekɛ Tsɛ lɛ yɔɔ lɛ he okwɛ, ekase bɔ ni e-Tsɛ lɛ susuɔ nii ahe ehaa, esuɔmɔnaa nii, emlai kɛ egbɛi. Yɛ anɔkwale mli lɛ, jeee nii ahe Yesu woɔ beni ekɛɛ akɛ ele Tsɛ lɛ jogbaŋŋ fe mɔ fɛɛ mɔ lɛ. Eyɛ faŋŋ akɛ, wekukpãa ni mli wa nɛɛ ha Yesu nyɛ ejie mɔ ni e-Tsɛ lɛ ji lɛ shi etsɔɔ faŋŋ yɛ gbɛi ni mɔ ko mɔ ko nyɛŋ nakai afee nɔ.

9, 10. (a) Mɛɛ gbɛi anɔ Yesu tsɔ ejie e-Tsɛ lɛ shi etsɔɔ? (b) Mɛni esa akɛ wɔfee ni Yehowa akpɛlɛ wɔ nɔ?

⁹ Yesu nitsɔɔmɔi lɛ haa wɔnaa akɛ ele bɔ ni Yehowa susuɔ nii ahe kɛ bɔ ni enuɔ nii ahe ehaa kɛ agbɛnɛ hu nɔ ni E-taoɔ yɛ E-jálɔi adɛŋ. b Yesu jie e-Tsɛ lɛ shi etsɔɔ yɛ gbɛ kroko ni sa kadimɔ waa nɔ. Yesu kɛɛ akɛ: “Mɔ ni ena mi lɛ, ena tsɛ lɛ.” (Yohane 14:9) Yesu kɛ ewiemɔi kɛ enifeemɔi fɛɛ tsɔɔ akɛ ekase e-Tsɛ lɛ jogbaŋŋ. No hewɔ lɛ, kɛ́ wɔkane Yesu he saji ni yɔɔ Biblia lɛ mli lɛ​—wiemɔi ni náa mɔ nɔ hewalɛ ni ekɛtsu nii yɛ enitsɔɔmɔi amli, bɔ ni ejɛ musuŋtsɔlɛ mli etsa mɛi, kɛ niiahenumɔ ni ha efó lɛ​—wɔbaanyɛ wɔna nɔ ni Yehowa hu baakɛɛ kɛ nɔ ni ebaafee yɛ shihilɛi nɛɛ amli. (Mateo 7:28, 29; Marko 1:40-42; Yohane 11:32-36) Bi lɛ tsɔ ewiemɔi kɛ enifeemɔi anɔ eha ana Tsɛ lɛ gbɛi kɛ esuɔmɔnaa nii yɛ gbɛ ni yeɔ emuu nɔ. (Yohane 5:19; 8:28; 12:49, 50) No hewɔ lɛ, kɛ́ Yehowa baakpɛlɛ wɔ nɔ lɛ, esa akɛ wɔbo Yesu tsɔɔmɔi lɛ atoi ni wɔnyiɛ enɔkwɛmɔnɔ lɛ sɛɛ.​—Yohane 14:23.

 ¹⁰ Akɛni Yesu le Yehowa jogbaŋŋ ni ekase lɛ kɛmɔ shi hewɔ lɛ, ebɛ naakpɛɛ mɔ akɛ Yehowa ekpɛ mli akɛ atsɔ e-Bi lɛ pɛ nɔ abɛŋkɛ Tsɛ lɛ. Yɛ shishinumɔ ni wɔná akɛ Yesu pɛ nɔ wɔbaanyɛ wɔtsɔ wɔbɛŋkɛ Yehowa lɛ naa lɛ, agbɛnɛ, nyɛhaa wɔsusua nɔ ni Yesu wiemɔi akɛ, “Mi nɔŋŋ ji gbɛ lɛ kɛ anɔkwale lɛ kɛ wala lɛ; mɔ ko baaa tsɛ lɛ ŋɔɔ, akɛ ja etsɔ minɔ” lɛ tsɔɔ lɛ he.​—Yohane 14:6.

11. (a) Mɛni hewɔ Yesu nɔ pɛ wɔbaanyɛ wɔtsɔ wɔná wɔ kɛ Nyɔŋmɔ teŋ wekukpãa kpakpa lɛ? (b) Mɛɛ gbɛ nɔ Yohane 14:6 lɛ maa hegbɛ krɛdɛɛ ni Yesu yɔɔ lɛ nɔ mi? (Kwɛmɔ shishigbɛ niŋmaa lɛ.)

¹¹ Wɔtsɔ hiɛ wɔkase akɛ, Yesu pɛ nɔ wɔbaanyɛ wɔtsɔ wɔbɛŋkɛ Nyɔŋmɔ. Nyɛhaa wɔsusua nɔ ni enɛ tsɔɔ diɛŋtsɛ kɛha wɔ lɛ he wɔkwɛa. Yesu ji “gbɛ lɛ” kɛ shishinumɔ akɛ, lɛ pɛ enɔ wɔbaanyɛ wɔtsɔ ni wɔná wɔ kɛ Nyɔŋmɔ teŋ wekukpãa kpakpa. Mɛni hewɔ? Anɔkwa ni Yesu ye kɛtee gbele mli lɛ ha ekɛ ewala ha akɛ kpɔ̃mɔnɔ. (Mateo 20:28) Jeee kpɔmɔ afɔleshãa nɛɛ kulɛ wɔnyɛŋ wɔbɛŋkɛ Nyɔŋmɔ. Esha gbala adesai kɛ Nyɔŋmɔ teŋ, ejaakɛ Yehowa yɛ krɔŋkrɔŋ ni enyaaa nɔsha he. (Yesaia 6:3; 59:2) Shi Yesu afɔleshaa lɛ haa wɔnyɛɔ wɔbɛŋkɛɔ Nyɔŋmɔ; ni no haa wɔnáa eshaifaa loo ekpataa wɔ kɛ Nyɔŋmɔ teŋ. (Hebribii 10:12; 1 Yohane 1:7) Kɛ́ wɔkpɛlɛ gbɛjianɔ ni Nyɔŋmɔ eto kɛtsɔ Kristo nɔ lɛ nɔ, ni wɔná emli hemɔkɛyeli lɛ, wɔbaanyɛ wɔná Yehowa hiɛ duromɔ. Gbɛ ko kwraa bɛ ni abaanyɛ atsɔ nɔ ‘akpata wɔkɛ Nyɔŋmɔ teŋ.’ c​—Romabii 5:6-11.

12. Yesu ji “gbɛ lɛ” yɛ mɛɛ shishinumɔ naa?

¹² Yɛ sɔlemɔ gbɛfaŋ hu, Yesu ji “gbɛ lɛ.” Yesu nɔ pɛ kɛ́ wɔsɔle kɛtsɔ lɛ wɔbaanyɛ wɔná nɔmimaa akɛ Yehowa  baabo wɔtutɔmɔi ni jɛ wɔtsui mli lɛ atoi. (1 Yohane 5:13, 14) Yesu diɛŋtsɛ kɛɛ akɛ: “Nɔ fɛɛ nɔ he fai ni nyɛaakpa tsɛ lɛ yɛ migbɛ́i anɔ lɛ, eeeha nyɛ. . . . Nyɛkpaa fai, ni nyɛaaná, koni nyɛmiishɛɛ lɛ ayi.” (Yohane 16:23, 24) Esa jogbaŋŋ akɛ wɔbaanyɛ wɔtsɔ Yesu gbɛ́i anɔ wɔbɛŋkɛ Yehowa yɛ sɔlemɔ mli ni wɔtsɛ Lɛ akɛ ‘wɔ-Tsɛ.’ (Mateo 6:9) Yesu ji “gbɛ lɛ” yɛ shishinumɔ kroko naa​—no ji nɔkwɛmɔnɔ ni efee lɛ. Taakɛ wɔna kɛtsɔ hiɛ lɛ, Yesu kase e-Tsɛ lɛ jogbaŋŋ kɛmɔ shi. No hewɔ lɛ, Yesu nɔkwɛmɔnɔ lɛ tsɔɔ wɔ bɔ ni esa akɛ wɔhi shi wɔha koni wɔsa Yehowa hiɛ. Belɛ, kɛ́ wɔmiitao wɔbɛŋkɛ Yehowa lɛ, esa akɛ wɔnyiɛ Yesu nanemaahei lɛ asɛɛ.​—1 Petro 2:21.

13, 14. (a) Mɛɛ gbɛ nɔ Yesu wieɔ anɔkwale daa? (b) Mɛni esa akɛ Yesu afee koni ana akɛ lɛ ji “anɔkwale lɛ,” ni mɛni hewɔ?

¹³ Yesu wieɔ anɔkwale ni kɔɔ e-Tsɛ lɛ gbalɛ wiemɔi lɛ ahe be fɛɛ be. (Yohane 8:40, 45, 46) Anaaa apasa yɛ Yesu daaŋ. (1 Petro 2:22) Mɛi ni te shi amɛwo lɛ lɛ po kpɛlɛ nɔ akɛ, etsɔɔ “Nyɔŋmɔ gbɛ lɛ yɛ anɔkwale mli.” (Marko 12:13, 14) Shi beni Yesu kɛɛ akɛ “Mi nɔŋŋ ji . . . anɔkwale lɛ,” no mli lɛ jeee anɔkwale lɛ ni eha ale kɛtsɔ ewiemɔ, eshiɛmɔ kɛ enitsɔɔmɔ nɔ lɛ he sane kɛkɛ ewieɔ lɛ. Enɛ kɔɔ nibii babaoo ahe fe anɔkwa wiemɔi ni ewie lɛ.

¹⁴ Kaimɔ akɛ afii ohai abɔ ni tsɔ hiɛ lɛ mli lɛ, Yehowa kɛ emumɔ lɛ tsirɛ Biblia ŋmalɔi ni amɛŋmala Mesia lɛ loo Kristo lɛ he gbalɛi srɔtoi amɛshwie shi. Nɛkɛ gbalɛi nɛɛ gba eshihilɛ, esɔɔmɔ nitsumɔ lɛ kɛ egbele lɛ he saji fitsofitso. Kɛfata he lɛ, Mose Mla lɛ mli saji lɛ kɔɔ Mesia lɛ he. (Hebribii 10:1) Ani Yesu baaya nɔ aye anɔkwa kɛyashi gbele mli, ni eha gbalɛi ni agba yɛ ehe lɛ fɛɛ aba mli pɛpɛɛpɛ? Ja Yesu efee nakai dani abaanyɛ akɛɛ akɛ Yehowa ji Nyɔŋmɔ ni gbaa gbalɛi ni baa mli. Enɛ kɛ sɔ̃ ni tsii bafɔ̃  Yesu nɔ. Yesu ha gbalɛi ni agba lɛ ba mli kɛtsɔ bɔ ni ehi shi eha​—ewiemɔi kɛ nɔ fɛɛ nɔ ni efee lɛ nɔ. (2 Korintobii 1:20) No hewɔ lɛ, Yesu ji “anɔkwale lɛ.” Hɛɛ, eji anɔkwale lɛ kɛ shishinumɔ akɛ, eha Yehowa gbalɛ wiemɔi lɛ ba mli diɛŋtsɛ beni eba shikpɔŋ lɛ nɔ lɛ.​—Yohane 1:17; Kolosebii 2:16, 17.

15. Mɛni hemɔkɛyeli ni aaaná yɛ Nyɔŋmɔ Bi lɛ mli lɛ tsɔɔ, ni mɛni nakai feemɔ baaha wɔná?

¹⁵ Yesu ji “wala lɛ,” ejaakɛ lɛ pɛ enɔ wɔbaanyɛ wɔtsɔ wɔná wala​—ni ji “anɔkwa wala lɛ.” (1 Timoteo 6:19) Biblia lɛ kɛɔ akɛ: “Mɔ ni heɔ bi lɛ nɔ yeɔ lɛ, eyɛ naanɔ wala; shi mɔ ni booo bi lɛ toi lɛ, enaŋ wala, shi moŋ Nyɔŋmɔ mlifu hiɔ enɔ.” (Yohane 3:36) Mɛni hemɔkɛyeli ni aaaná yɛ Nyɔŋmɔ Bi lɛ mli lɛ tsɔɔ? Etsɔɔ akɛ wɔyɛ nɔmimaa akɛ lɛ pɛ enɔ wɔbaanyɛ wɔtsɔ wɔná wala. Kɛfata he lɛ, esa akɛ wɔtsɔ wɔnitsumɔi anɔ wɔha ana akɛ wɔyɛ hemɔkɛyeli, ní wɔbɔ mɔdɛŋ akɛ wɔbaanyiɛ etsɔɔmɔi lɛ kɛ enɔkwɛmɔnɔ lɛ sɛɛ. (Yakobo 2:26) No hewɔ lɛ, Nyɔŋmɔ Bi lɛ mli hemɔkɛyeli ni wɔɔná lɛ baaha wɔná naanɔ wala​—mumɔŋ shihilɛ ni gbele bɛ mli kɛha “asafoku bibioo” ni ji Kristofoi ni afɔ amɛ mu ni baaya ŋwɛi lɛ, kɛ adesa wala ni eye emuu yɛ paradeiso shikpɔŋ lɛ nɔ kɛha “asafo babaoo” lɛ ni jɛ “tooi krokomɛi” lɛ ateŋ lɛ.​—Luka 12:32; 23:43; Kpojiemɔ 7:9-17; Yohane 10:16.

16, 17. (a) Mɛɛ gbɛ nɔ Yesu ji “wala lɛ” kɛha mɛi ni egboi lɛ? (b) Mɛɛ nɔmimaa wɔbaanyɛ wɔná?

¹⁶ Ni mɛi ni egboi lɛ hu? Yesu ji “wala lɛ” kɛha amɛ hu. Beni eshwɛ fioo ni Yesu baatee enaanyo Lazaro shi lɛ, ekɛɛ Lazaro nyɛmi yoo Marta akɛ: “Mi lɛ miji shitee lɛ kɛ wala lɛ; mɔ ni heɔ minɔ eyeɔ lɛ, kɛji egbo tete lɛ, ehiɛ aaakã.” (Yohane 11:25) Yehowa kɛ “gbohiiaje kɛ gbele naa samfei lɛ” eha e-Bi lɛ, koni ená hewalɛ kɛtee gbohii ashi.  (Kpojiemɔ 1:17, 18) Yesu ni awo ehiɛ nyam lɛ kɛ samfei nɛɛ baagbele gbohiiaje agboi lɛ ni eha mɛi fɛɛ ni yɔɔ adesai akwamaŋ gbonyobu lɛ mli lɛ aje kpo.​—Yohane 5:28, 29.

¹⁷ “Mi nɔŋŋ ji gbɛ lɛ kɛ anɔkwale lɛ kɛ wala lɛ”​—Yesu kɛ wiemɔ kuku nɛɛ tsɔɔ yiŋtoo titri hewɔ ni eba shikpɔŋ lɛ nɔ ni ebasɔmɔ lɛ. Wiemɔi nɛɛ ahe yɛ sɛɛnamɔ jogbaŋŋ kɛha wɔ ŋmɛnɛ. Kaimɔ akɛ Yesu tsa ewiemɔ lɛ nɔ akɛ: “Mɔ ko baaa tsɛ lɛ ŋɔɔ, akɛ ja etsɔ minɔ.” (Yohane 14:6) Yesu wiemɔi lɛ ahe yɛ sɛɛnamɔ kɛha wɔ ŋmɛnɛ taakɛ eji beni ewie lɛ. No hewɔ lɛ, wɔbaanyɛ wɔná nɔmimaa diɛŋtsɛ akɛ kɛ́ wɔnyiɛ Yesu sɛɛ lɛ, wɔduŋ gbɛ kɔkɔɔkɔ. Lɛ pɛ ji mɔ ni baanyɛ atsɔɔ wɔ gbɛ kɛya “tsɛ lɛ ŋɔɔ.”

18. Mɛni Yesu sɛɛ ni wɔɔnyiɛ yɛ anɔkwale mli lɛ biɔ ni wɔfee?

¹⁸ Gbɛfaŋnɔ krɛdɛɛ ni Yesu tsuɔ kɛ Tsɛ lɛ he nii ni ele jogbaŋŋ hewɔ lɛ, wɔyɛ yiŋtoo kpakpa ni wɔɔdamɔ nɔ wɔnyiɛ Bi lɛ sɛɛ. Taakɛ wɔna yɛ yitso ni tsɔ hiɛ lɛ mli lɛ, wɔnifeemɔi ji nɔ ni tsɔɔ akɛ wɔmiinyiɛ Yesu sɛɛ lɛɛlɛŋ, shi jeee wɔwiemɔi loo bɔ ni wɔnuɔ he wɔhaa lɛ kɛkɛ. Kristo sɛɛ ni wɔɔnyiɛ lɛ biɔ ni wɔnyiɛ enitsɔɔmɔ kɛ enɔkwɛmɔnɔ lɛ sɛɛ yɛ wɔshihilɛ mli fɛɛ. (Yohane 13:15) Wolo ni okaneɔ amrɔ nɛɛ baaye abua bo ni ofee nakai.

19, 20. Mɛni yɔɔ wolo nɛɛ mli ni baaye abua bo yɛ ofai shi ni otswa akɛ obaanyiɛ Kristo sɛɛ lɛ mli?

¹⁹ Yɛ yitsei ni nyiɛ sɛɛ lɛ amli lɛ, wɔbaakase Yesu shihilɛ kɛ esɔɔmɔ nitsumɔ lɛ he nii jogbaŋŋ. Ajara yitsei nɛɛ amli awo fãi etɛ mli. Klɛŋklɛŋ lɛ, wɔbaakase esui kɛ bɔ ni efeɔ enii ehaa lɛ ahe nii. Nɔ ni ji enyɔ lɛ, wɔbaasusu hiɛdɔɔ ni ekɛtsu shiɛmɔ nitsumɔ lɛ kɛ bɔ ni etsɔɔ nii eha lɛ he. Nɔ ni ji etɛ lɛ, wɔbaasusu bɔ ni ejie suɔmɔ kpo eha lɛ he. Kɛjɛ Yitso 3 lɛ nɔ kɛyaa lɛ, wɔbaana akrabatsa ko ni akɛtiɔ nikasemɔ lɛ mli ni yitso ji “Te Ooofee Tɛŋŋ  Onyiɛ Yesu Sɛɛ?” Ato ŋmalɛi kɛ sanebimɔi ni yɔɔ akrabatsa nɛɛ mli lɛ ahe gbɛjianɔ koni eye ebua wɔ ni wɔjwɛŋ bɔ ni wɔɔfee wɔkase Yesu yɛ wɔwiemɔi kɛ wɔnifeemɔi amli lɛ nɔ.

²⁰ Yɛ yelikɛbuamɔ ni Yehowa Nyɔŋmɔ kɛha nɛɛ naa lɛ, esaaa akɛ ohaa esha gbalaa okɛ Nyɔŋmɔ teŋ ni no haa oduɔ gbɛ. Yehowa jɛ esuɔmɔ mli etsu e-Bi ni jara wa waa kɛha lɛ lɛ kɛba shikpɔŋ lɛ nɔ koni ebatsɔɔ wɔ bɔ ni wɔɔfee wɔná wɔ kɛ Nyɔŋmɔ teŋ wekukpãa kpakpa. (1 Yohane 4:9, 10) Eba akɛ enɛ baatsirɛ bo koni ohiɛ asɔ suɔmɔ kpele ni tamɔ nɛkɛ lɛ, kɛtsɔ Yesu ninefɔ̃ɔ akɛ, “Nyiɛmɔ misɛɛ!” lɛ nɔ ni ooohere, ni ohi shi yɛ nakai feemɔ naa lɛ nɔ.​—Yohane 1:43.