Mɛni tsirɛɔ wɔ koni wɔya nɔ wɔnyiɛ Yesu sɛɛ? Bɔfo Paulo ha hetoo akɛ: “Kristo suɔmɔ lɛ nyɛɔ wɔnɔ.” (2 Korintobii 5:14) Yɛ fã nɛɛ mli lɛ, wɔbaakase suɔmɔ ni Yesu yɔɔ—kɛha Yehowa, kɛha adesai, kɛ agbɛnɛ hu kɛha wɔ ákɛ aŋkroaŋkroi lɛ he nii. Yɛ anɔkwale mli lɛ, nikasemɔ ni tamɔ nɛkɛ lɛ baakanya wɔ waa. Ebaata wɔtsuiiaŋ, ni ebaanyɛ wɔnɔ koni wɔtsu nɔ ni wɔkaseɔ lɛ he nii, ni wɔnyiɛ wɔ-Nuŋtsɔ lɛ nɔkwɛmɔnɔ lɛ sɛɛ jogbaŋŋ.