FÃ 1
Nibɔɔ Kɛbashi Nu Afua Lɛ
Nɛgbɛ ŋwɛi kɛ shikpɔŋ jɛ kɛba? Te fee tɛŋŋ ni hulu, nyɔɔŋtsere kɛ ŋulamii, kɛ agbɛnɛ nibii pii ni yɔɔ shikpɔŋ nɔ lɛ ba? Biblia lɛ kɛ hetoo ni ji anɔkwale haa beni ekɛɔ akɛ Nyɔŋmɔ bɔ amɛ lɛ. No hewɔ lɛ, wɔ wolo lɛ jeɔ shishi kɛ Biblia mli saji ni kɔɔ nibɔɔ he.
Wɔkase akɛ, klɛŋklɛŋ nii ni Nyɔŋmɔ bɔ ji mumɔŋ gbɔmɛi ni tamɔ lɛ nɔŋŋ. Ŋwɛibɔfoi ni. Shi abɔ shikpɔŋ lɛ aha gbɔmɛi ni tamɔ wɔ. No hewɔ lɛ, Nyɔŋmɔ fee nuu kɛ yoo ni atsɛɔ amɛ akɛ Adam kɛ Hawa, ni ekɛ amɛ yato abɔɔ fɛfɛo ko mli. Shi amɛbooo Nyɔŋmɔ toi, ni amɛlaaje hegbɛ ni amɛkɛaaya nɔ amɛhi wala mli lɛ.
Yɛ fɛɛ mli lɛ, kɛjɛ be mli ni abɔ Adam kɛbashi Nu Afua kpeteŋkpele lɛ nɔ lɛ, efeɔ afii 1,656. Gbɔmɛi gbohii pii hi shi yɛ nɛkɛ be nɛɛ mli. Mɛi ni yɔɔ ŋwɛi ji mumɔŋ gbɔmɛi ni anaaa amɛ, ni ji Satan kɛ ebɔfoi ni feɔ efɔŋ lɛ. Kain kɛ gbɔmɛi gbohii pii, kɛ gbɔmɛi komɛi ni he wa waa hu hi shikpɔŋ lɛ nɔ. Shi gbɔmɛi kpakpai hu hi shikpɔŋ lɛ nɔ—Habel, Henok, kɛ Noa. Wɔbaakane gbɔmɛi nɛɛ kɛ nibii ni ba lɛ fɛɛ ahe saji yɛ KLƐŊKLƐŊ FÃ lɛ mli.
YƐ FÃ NƐƐ MLI
SANE 1
Nyɔŋmɔ Je Shishi Efee Nibii
Bɔ ni Biblia lɛ gbálaa bɔ ni fee ni Nyɔŋmɔ bɔ je lɛ mli ehã lɛ kanemɔ ŋɔɔ waa, ni gbekɛbii po baanyɛ anu shishi.
SANE 2
Abɔɔ Fɛfɛo Ko
Mose Klɛŋklɛŋ Wolo lɛ hãa wɔnaa akɛ Nyɔŋmɔ saa Eden abɔɔ lɛ mli fɛfɛo. Nyɔŋmɔ miisumɔ ni shikpɔŋ lɛ fɛɛ nɔ afee fɛo tamɔ nakai abɔɔ lɛ.
SANE 3
Klɛŋklɛŋ Nuu kɛ Yoo Lɛ
Nyɔŋmɔ bɔ Adam kɛ Hawa, ni ekɛ amɛ wo Eden abɔɔ lɛ mli. Amɛji klɛŋklɛŋ nuu kɛ yoo ni bote gbalashihilɛ mli.
SANE 4
Nɔ Hewɔ ni Amɛlaaje Amɛshia Lɛ
Mose Klɛŋklɛŋ Wolo lɛ gbaa wɔ nɔ ni ba ni ashwie Adam kɛ Hawa kɛje Eden abɔɔ lɛ mli.
SANE 5
Shihilɛ ni Mli Wa Je Shishi
Be ni Nyɔŋmɔ shwie Adam kɛ Hawa kɛje Eden abɔɔ lɛ mli lɛ, amɛnáaa nibii mlɛo kwraa. Eji amɛbo Nyɔŋmɔ toi kulɛ, amɛ kɛ amɛbii lɛ fɛɛ baaná miishɛɛ.
SANE 6
Bi Kpakpa, kɛ Bi Fɔŋ
Kain kɛ Habel sane lɛ ni yɔɔ 1 Mose lɛ hãa wɔnaa bɔ ni Nyɔŋmɔ miisumɔ ni wɔhi shi wɔhã kɛ sui ni baanyɛ ahã wɔyafee esha.
SANE 7
Nuu Ekãalɔ
Henok sane lɛ hãa wɔnaa akɛ, wɔbaanyɛ wɔfee nɔ ni ja kɛ́ mɛi ni bɔle wɔ lɛ fɛɛ miifee nibii gbohii po.
SANE 8
Oblaŋi yɛ Shikpɔŋ lɛ Nɔ
Yɛ 1 Mose 6 lɛ, Biblia lɛ hãa wɔleɔ akɛ, be ko ni eho lɛ, bɔfoi komɛi shi ŋwɛi ni amɛkɛ yei bafɔ oblaŋi ni yitseiaŋ wala, ni atsɛɔ amɛ Nefilim yɛ shikpɔŋ lɛ nɔ.
SANE 9
Noa Kpɛ Adeka
Noa kɛ eweku lɛ yi ná wala be ni Nu Afua lɛ ba lɛ, ejaakɛ amɛbo Nyɔŋmɔ toi, shi mɛi ni hiɛ kpãtã lɛ efeee nakai.
SANE 10
Nu Afua Kpeteŋkpele Lɛ
Be ni Noa bɔ mɛi kɔkɔ akɛ Nu Afua lɛ miiba lɛ, amɛŋmɔ lɛ. Shi be ni nugbɔ bɔi nɛɛ lɛ, ŋmɔlɔ lɛ fɛɛ laaje yɛ amɛhiɛ! Nyɔŋmɔ baa Noa, eweku lɛ, kɛ kooloi pii ayi yɛ Noa adeka lɛ mli.
