FÃ 3
Kpɔmɔ Kɛmiijɛ Mizraim Kɛbashi Israel Klɛŋklɛŋ Maŋtsɛ lɛ Nɔ
Mose nyiɛ Israelbii lɛ ahiɛ kɛjɛ nyɔŋyeli mli yɛ Mizraim kɛtee Sinai Gɔŋ lɛ nɔ, he ni Nyɔŋmɔ kɛ emlai ha amɛ yɛ lɛ. Yɛ sɛɛ mli lɛ, Mose tsu hii 12 koni amɛyakpá Kanaan shikpɔŋ lɛ shi. Shi amɛteŋ mɛi 10 kɛ amaniɛbɔɔ ni ehiii ba. Amɛha gbɔmɛi lɛ shwe akɛ amɛaaku amɛsɛɛ ni amɛya Mizraim ekoŋŋ. Nyɔŋmɔ gbala Israelbii lɛ atoi ni eha amɛkpa shi yɛ ŋa lɛ nɔ afii 40 yɛ hemɔkɛyeli ni amɛbɛ yɛ emli lɛ hewɔ.
Yɛ naagbee lɛ, ahala Yoshua koni enyiɛ Israelbii lɛ ahiɛ kɛya Kanaan shikpɔŋ lɛ nɔ. Yehowa ha naakpɛɛ nibii komɛi ba ni ekɛye ebua amɛ koni amɛnine ashɛ shikpɔŋ lɛ nɔ. Eha Yordan Faa lɛ kpa hoo, eha Yeriko gbogboi lɛ kumɔ shwie shi, ni eha hulu lɛ wa edamɔ shi gbi muu fɛɛ. Yɛ afii ekpaa sɛɛ lɛ, ahe shikpɔŋ lɛ yɛ Kanaanbii lɛ adɛŋ.
Kɛjɛ Yoshua nɔ kɛbaa lɛ, kojolɔi lɛ kɛ afii 356 sɔŋŋ ye Israelbii lɛ anɔ. Wɔbaakase amɛteŋ mɛi babaoo ahe nii, tamɔ Barak, Gideon, Yefta, Samson kɛ Samuel. Wɔbaakane yei tamɔ Rahab, Debora, Yael, Rut, Naomi kɛ Delila he sane. Yɛ sɛɛ mli lɛ, Fã ETƐ lɛ wieɔ afii 396 yinɔsane he.
YƐ FÃ NƐƐ MLI
SANE 36
Shika Tsina Bi Lɛ
Mɛni ba ni asere toiaŋnii ni akɛfee nyɔŋma ahã Israelbii lɛ ni amɛbɔi jamɔ?
SANE 38
Maŋ Shikpálɔi 12 Lɛ
Shikpálɔi lɛ ateŋ mɛi nyɔŋma bawie nɔ kome, shi amɛteŋ mɛi enyɔ hu wie nɔ kroko. Namɛi Israelbii lɛ he amɛye?
STORY 39
Aaron Tso lɛ Gbá Afoforo
Te efee tɛŋŋ ni tso ko ni egbo lɛ nyɛ egbá afoforo ni ewo ŋmɛi ni etsu yɛ gbɛkɛ kome pɛ mli?
SANE 44
Rahab Kɛ Maŋ Shikpálɔi Lɛ To
Mɛɛ gbɛ nɔ Rahab ye ebua hii enyɔ lɛ, mɛni ekpa amɛ fai akɛ amɛfee amɛhã lɛ?
SANE 48
Gibeonbii ni Le Nii Lɛ
Amɛlaka Yoshua kɛ Israelbii lɛ koni amɛwo amɛ shi, shi Israelbii lɛ ye amɛshiwoo lɛ nɔ.
SANE 50
Yei Ekãalɔi Enyɔ
Barak nyiɛ Israel asraafoi lɛ ahiɛ kɛtee ta lɛ, shi mɛni hewɔ akɛ anunyam lɛ hã Yael?
SANE 52
Gideon kɛ Ehii 300 Lɛ
Nyɔŋmɔ damɔ bɔ ni asraafoi nu nu amɛhã lɛ nɔ ehala amɛteŋ mɛi ni kɛ Gideon baaya ta lɛ.
SANE 55
Gbekɛ Nuu Bibioo ko Sɔmɔ Nyɔŋmɔ
Nyɔŋmɔ kɛ shɛɛ ko ni naa wa hã gbekɛ nuu fioo Samuel koni eyakɛɛ Osɔfonukpa Eli.