FÃ 7
Yesu Shitee Kɛyashi Paulo Tsuŋwoo Lɛ
Atee Yesu shi yɛ egbele lɛ sɛɛ gbi ni ji etɛ lɛ nɔ. Nakai gbi lɛ nɔ lɛ, ejie ehe kpo etsɔɔ esɛɛnyiɛlɔi lɛ shii enumɔ sɔŋŋ. Yesu tee nɔ ejie ehe kpo etsɔɔ amɛ gbii 40. Kɛkɛ ni beni ekaselɔi lɛ ekomɛi kwɛɔ lɛ lɛ, Yesu kwɔ kɛtee ŋwɛi. Gbii 10 sɛɛ lɛ, Nyɔŋmɔ fɔse mumɔ krɔŋkrɔŋ eshwie Yesu sɛɛnyiɛlɔi ni mɛɔ yɛ Yerusalem lɛ anɔ.
Yɛ sɛɛ mli lɛ, Nyɔŋmɔ henyɛlɔi lɛ ha amɔmɔ bɔfoi lɛ awo tsuŋ, shi ŋwɛibɔfo ko bajie amɛ. Shitee-kɛ-wolɔi tswia kaselɔ Stefano tɛi ni amɛgbe lɛ. Shi wɔkaseɔ bɔ ni Yesu fee ehala nakai shitee-kɛ-wolɔi lɛ ateŋ mɔ kome koni ebafee etsulɔ krɛdɛɛ ko, ni ebatsɔ bɔfo Paulo. No sɛɛ afii etɛ kɛ fã yɛ Yesu gbele sɛɛ lɛ, Nyɔŋmɔ tsu bɔfo Petro ní eyashiɛ etsɔɔ Kornelio ni jeee Yudanyo lɛ kɛ eshiabii fɛɛ.
Aaafee afii 13 sɛɛ lɛ, Paulo je eklɛŋklɛŋ shiɛmɔ gbɛfaa lɛ shishi. Timoteo fata Paulo he yɛ egbɛfaa ni ji enyɔ lɛ mli. Wɔkaseɔ bɔ ni Paulo kɛ ehefatalɔi gbɛfalɔi lɛ kɛ nibii ni yɔɔ miishɛɛ babaoo kpe beni amɛsɔmɔɔ Nyɔŋmɔ lɛ. Yɛ naagbee lɛ, awo Paulo tsuŋ yɛ Roma. No sɛɛ afii enyɔ lɛ, aŋmɛɛ ehe kwraa, shi asaa awo lɛ tsuŋ ekoŋŋ ni agbe lɛ. Nibii ni ba ni yɔɔ Fã KPAWO lɛ hé aaafee afii 32.
YƐ FÃ NƐƐ MLI
SANE 102
Yesu Hiɛ Kã
Ŋwɛibɔfo ko koklo tɛ lɛ kɛje gbonyobu lɛ naa. Be ni asraafoi ni atsu amɛ ni amɛyabu jɛmɛ lɛ kwɛ gbonyobu lɛ mli lɛ, nɔ ni amɛna lɛ hã amɛnaa kpɛ amɛhe!
SANE 103
Ebote Tsũ Mli Beni Aŋmɛ Shinaa Lɛ Mli
Mɛni hewɔ Yesu kaselɔi lɛ yooo lɛ be ni atee lɛ shi lɛ?
SANE 104
Yesu Ku Esɛɛ Kɛtee Ŋwɛi
Dani Yesu baaya ŋwɛi lɛ, ekɛ famɔ ko hã ekaselɔi lɛ. No ji naagbee famɔ ni ekɛhã amɛ.
SANE 105
Amɛmiimɛ Yɛ Yerusalem
Mɛni hewɔ Yesu fɔse mumɔ krɔŋkrɔŋ lɛ eshwie kaselɔi lɛ anɔ yɛ Pentekoste gbi lɛ nɔ lɛ?
SANE 106
Ajie Amɛ Kɛjɛ Tsuŋwoo Mli
Yudafoi jamɔŋ hiɛnyiɛlɔi lɛ hã awo bɔfoi lɛ tsuŋ koni no ahã amɛkpa shiɛmɔ, shi Nyɔŋmɔ hãaa amɛyiŋtoo fɔŋ lɛ aba mli.
SANE 107
Atswia Stefano Tɛi
Be ni atswiaa Stefano tɛi koni agbe lɛ lɛ, Stefano sɔle, ni ewie nɔ ko ni sa kadimɔ waa yɛ esɔlemɔ lɛ mli.
SANE 108
Yɛ Damasko Gbɛ Lɛ Nɔ
La ko ni kpɛ yɛ Saulo nɔ lɛ hã eshwila, ni enɛ kɛ gbee ko ni enu kɛjɛ ŋwɛi lɛ hã eshihilɛ tsake kwraa.
SANE 109
Petro Yasara Kornelio
Ani Nyɔŋmɔ naa maŋ ko nɔ bii loo mɛi ni hiɛ hewolonɔ su ko lɛ akɛ amɛhi fe mɛi krokomɛi?
SANE 110
Timoteo—Paulo Yelikɛbualɔ Hee
Timoteo shi shĩa koni eyafata Paulo he kɛshiɛ, ni amɛná miishɛɛ waa.
SANE 111
Gbekɛ Nuu Ko Ni Wɔ Ye Lɛ
Be ni Paulo hãa e-klɛŋklɛŋ wiemɔ lɛ, Eutiko bɔi wɔɔ. Shi naakpɛɛ nii ko ni ba yɛ no sɛɛ lɛ hewɔ lɛ, be ni Paulo hãa wiemɔ ni ji enyɔ lɛ Eutiko wɔɔɔ dɔŋŋ. Mɛni ba?
SANE 112
Lɛlɛ Lɛ Yasha Shi Yɛ Ŋshɔkpɔ Ko Nɔ
Be ni mɛi ni fata Paulo he lɛ ahiɛnɔkamɔ fɛɛ etã lɛ, Nyɔŋmɔ kɛɛ Paulo nɔ ko ni hã ená hiɛnɔkamɔ.