Sane 1

1. Namɔ ŋɔɔ nibii kpakpai fɛɛ jɛ kɛba, ni ani obaanyɛ otsɔɔ nibii nɛɛ eko?

2. Mɛni ji klɛŋklɛŋ nii ni Nyɔŋmɔ fee?

3. Mɛni hewɔ ŋwɛibɔfo ni abɔ lɛ klɛŋklɛŋ lɛ yɔɔ srɔto kwraa lɛ?

4. Te shikpɔŋ lɛ yɔɔ tɛŋŋ kɛjɛ shishijee. (Kwɛmɔ mfoniri lɛ.)

5. Mɛɛ gbɛ nɔ Nyɔŋmɔ tsɔ eje shishi esaa shikpɔŋ lɛ kɛha kooloi kɛ gbɔmɛi?

Sanebimɔi ni fata he:

1. Kanemɔ Yeremia 10:12.

   Mɛɛ Nyɔŋmɔ sui anaa kɛtsɔɔ ebɔɔ nii lɛ anɔ? (Yes. 40:26; Rom. 11:33)

2. Kanemɔ Kolosebii 1:15-17.

   Mɛɛ gbɛfaŋnɔ Yesu ná yɛ adebɔɔ mli, ni te esa akɛ enɛ asa bɔ ni wɔsusuɔ ehe wɔhaa lɛ he eha tɛŋŋ? (Kol. 1:15-17)

3. Kanemɔ 1 Mose 1:1-10.

   1. Nɛgbɛ shikpɔŋ lɛ jɛ kɛba? (1 Mose 1:1)

   2. Mɛni ba yɛ klɛŋklɛŋ adebɔɔ gbi lɛ nɔ? (1 Mose 1:3-5)

   3. Tsɔɔmɔ nɔ ni ba yɛ adebɔɔ gbi ni ji enyɔ lɛ nɔ. (1 Mose 1:7, 8)

Sane 2

1. Mɛɛ gbɛ nɔ Nyɔŋmɔ tsɔ esaa shikpɔŋ lɛ koni efee wɔshia?

2. Tsɔɔmɔ bɔ ni kooloi srɔtoi babaoo ni Nyɔŋmɔ fee lɛ yɔɔ ha lɛ mli. (Kwɛmɔ mfoniri lɛ.)

3. Mɛni hewɔ Eden abɔɔ lɛ yɔɔ fɛo waa lɛ?

4. Mɛni Nyɔŋmɔ taoɔ ni shikpɔŋ muu lɛ fɛɛ atsɔ?

Sanebimɔi ni fata he:

1. Kanemɔ 1 Mose 1:11-25.

   1. Mɛni Nyɔŋmɔ bɔ yɛ adebɔɔ gbi ni ji etɛ lɛ nɔ? (1 Mose 1:12)

   2. Mɛni ba yɛ adebɔɔ gbi ni ji ejwɛ lɛ nɔ? (1 Mose 1:16)

   3. Mɛɛ kooloi srɔtoi nɛkɛ Nyɔŋmɔ fee yɛ gbii ni ji enumɔ kɛ ekpaa lɛ nɔ? (1 Mose 1:20, 21, 25)

2. Kanemɔ 1 Mose 2:8, 9.

   Mɛɛ tsei krɛdɛɛi enyɔ Nyɔŋmɔ tɛo yɛ abɔɔ lɛ mli, ni mɛni amɛdamɔ shi kɛha?

Sane 3

1. Mɛɛ srɔtofeemɔ onaa yɛ mfoniri ni yɔɔ Biblia Mli Sane 3 lɛ kɛ nɔ ni yɔɔ Biblia Mli Sane 2 lɛ teŋ?

2. Namɔ fee klɛŋklɛŋ nuu lɛ, ni mɛni ji nuu lɛ gbɛi?

3. Mɛni nitsumɔ Nyɔŋmɔ kɛha Adam akɛ etsu?

4. Mɛni hewɔ Nyɔŋmɔ ha Adam wɔ vii lɛ?

5. Adam kɛ Hawa baanyɛ ahi shi kɛyashi mɛɛ be, ni mɛɛ nitsumɔ Yehowa sumɔɔ ni amɛtsu?

Sanebimɔi ni fata he:

1. Kanemɔ Lala 83:19.

   Mɛni ji Nyɔŋmɔ gbɛi, ni mɛɛ gbɛhe ni eko kɛ lɛ yeee egbɔ eyɔɔ yɛ shikpɔŋ lɛ nɔ? (Yer. 16:21; Dan. 4:17)

2. Kanemɔ 1 Mose 1:26-31.

   1. Mɛni Nyɔŋmɔ bɔ naagbee yɛ gbi ni ji ekpaa lɛ nɔ, ni te adebɔɔ nɛɛ yɔɔ srɔto yɛ kooloi lɛ ahe tɛŋŋ? (1 Mose 1:26)

   2. Mɛɛ gbɛjianɔ Yehowa to kɛha gbɔmɔ kɛ kooloi fɛɛ? (1 Mose 1:30)

3. Kanemɔ 1 Mose 2:7-25.

   1. Mɛni fata Adam nitsumɔ akɛ ewo kooloi lɛ agbɛi lɛ he? (1 Mose 2:19)

   2. Mɛɛ gbɛ nɔ 1 Mose 2:24 lɛ yeɔ ebuaa wɔ koni wɔnu bɔ ni Yehowa susuɔ gbalashihilɛ, mligbalamɔ, kɛ gbalamlitsemɔ he ehaa lɛ shishi? (Mat. 19:4-6, 9)

Sane 4

1. Mɛni eba Adam kɛ Hawa nɔ yɛ mfoniri lɛ mli lɛ?

2. Mɛni hewɔ Yehowa gbala amɛtoi lɛ?

3. Mɛni onufu lɛ kɛɛ Hawa?

4. Namɔ ha onufu lɛ wie etsɔɔ Hawa lɛ?

5. Mɛni hewɔ Adam kɛ Hawa laaje amɛ Paradeiso shia lɛ?

Sanebimɔi ni fata he:

1. Kanemɔ 1 Mose 2:16, 17 kɛ 3:1-13 24.

   1. Yɛ mɛɛ gbɛ nɔ onufu lɛ male Yehowa he kɛtsɔ sane ni ebi Hawa lɛ nɔ? (1 Mose 3:1-5; 1 Yoh. 5:3)

   2. Hawa ji kɔkɔbɔɔ he nɔkwɛmɔnɔ kɛha wɔ yɛ mɛɛ gbɛ nɔ? (Fil. 4:8; Yak. 1:14, 15; 1 Yoh. 2:16)

   3. Yɛ mɛɛ gbɛ nɔ Adam kɛ Hawa ekpɛlɛɛɛ amɛtɔmɔi lɛ anɔ lɛ? (1 Mose 3:12, 13)

   4. Kerubim ni damɔ Eden abɔɔ lɛ bokagbɛ lɛ fi jeŋ muu fɛɛ maŋtsɛ ni Yehowa ji lɛ sɛɛ yɛ mɛɛ gbɛ nɔ? (1 Mose 3:24)

2. Kanemɔ Kpojiemɔ 12:9.

   Mɛɛ omanye Satan eye yɛ adesai ni ehaa amɛteɔ shi amɛwoɔ Nyɔŋmɔ nɔyeli lɛ mli? (1 Yoh. 5:19)

Sane 5

1. Te shihilɛ lɛ bafee tɛŋŋ kɛha Adam kɛ Hawa yɛ Eden abɔɔ lɛ sɛɛ?

2. Mɛni bɔi Adam kɛ Hawa nɔ baa, ni mɛni hewɔ?

3. Mɛni hewɔ bii ni Adam kɛ Hawa fɔ́ lɛ baagbɔlɔ ni amɛgboi lɛ?

4. Eji Adam kɛ Hawa bo Yehowa toi kulɛ, te shihilɛ baatamɔ aha kɛha amɛ kɛ amɛbii lɛ tɛŋŋ?

5. Hawa toigbele lɛ ha epiŋ yɛ mɛɛ gbɛ nɔ?

6. Mɛni ji Adam kɛ Hawa klɛŋklɛŋ bihii enyɔ lɛ agbɛi?

7. Namɛi ji bii krokomɛi ni yɔɔ mfoniri lɛ mli lɛ?

Sanebimɔi ni fata he:

1. Kanemɔ 1 Mose 3:16-23 kɛ 4:1, 2.

   1. Shikpɔŋ ni alomɔ lɛ sa Adam shihilɛ he yɛ mɛɛ gbɛ nɔ? (1 Mose 3:17-19; Rom. 8:20, 22)

   2. Mɛni hewɔ Hawa gbɛi ni eshishinumɔ ji “Hiɛkalɔ” lɛ sa jogbaŋŋ lɛ? (1 Mose 3:20)

   3. Yɛ mɛɛ gbɛ nɔ Yehowa jie mɔ he susumɔ kpo etsɔɔ Adam kɛ Hawa be ni amɛfee esha lɛ sɛɛ po? (1 Mose 3:7, 21)

2. Kanemɔ Kpojiemɔ 21:3, 4.

   Mɛɛ “tsutsu nii” obaasumɔ ni ajie kɛya?

Sane 6

1. Mɛɛ nitsumɔi Kain kɛ Habel tsuɔ?

2. Mɛɛ nikeenii Kain kɛ Habel kɛbaha Yehowa?

3. Mɛni hewɔ Yehowa hiɛ sɔ Habel nikeenii lɛ, ni mɛni hewɔ ehiɛ esɔɔɔ Kain nɔ̃ lɛ?

4. Mɛɛ gbɔmɔ nɛkɛ Kain ji, ni mɛɛ mɔdɛŋ Yehowa bɔ koni ejaje lɛ?

5. Mɛni Kain fee be ni ekɛ enyɛmi nuu lɛ pɛ yɔɔ ŋa lɛ nɔ lɛ?

6. Tsɔɔmɔ nɔ ni ba Kain nɔ lɛ mli be ni egbe enyɛmi lɛ.

Sanebimɔi ni fata he:

1. Kanemɔ 1 Mose 4:2-26.

   1. Te Yehowa tsɔɔ oshara shihilɛ ni Kain yɔɔ mli lɛ mli eha tɛŋŋ? (1 Mose 4:7)

   2. Te Kain jie su ni yɔɔ etsui mli lɛ kpo eha tɛŋŋ? (1 Mose 4:9)

   3. Mɛni ji Yehowa susumɔ yɛ lá ni yeɔ bem ni afɔseɔ ashwieɔ shi lɛ he? (1 Mose 4:10; Yes. 26:21)

2. Kanemɔ 1 Yohane 3:11, 12.

   1. Mɛni hewɔ Kain mli wo la waa lɛ, ni mɛɛ gbɛ nɔ enɛ feɔ kɔkɔbɔɔ nɔ̃ kɛhaa wɔ ŋmɛnɛ? (1 Mose 4:4, 5; Abɛi 14:30; 28:22)

   2. Mɛɛ gbɛ nɔ Biblia lɛ tsɔɔ yɛ akɛ, kɛji ákɛ wɔ weku lɛ mli bii fɛɛ te shi wo Yehowa po lɛ, wɔbaanyɛ wɔhiɛ emuuyeli mli lolo? (Lala 27:10; Mat. 10:21, 22)

3. Kanemɔ Yohane 11:25.

   Mɛɛ nɔmimaa Yehowa kɛhaa yɛ mɛi ni gboiɔ yɛ jalɛ hewɔ lɛ ahe? (Yoh. 5:24)

Sane 7

1. Henok yɛ srɔto yɛ mɛɛ gbɛ nɔ?

2. Mɛni hewɔ gbɔmɛi ni yɔɔ Henok gbii lɛ amli lɛ fee nibii fɔji babaoo lɛ?

3. Mɛɛ nibii fɔji gbɔmɛi lɛ feɔ? (Kwɛmɔ mfoniri lɛ.)

4. Mɛni hewɔ ehe hiaa ni Henok afee ekãa lɛ?

5. Be sɛɛkɛlɛ enyiɛ gbɔmɛi kɛhiɔ shi yɛ no bei amli, shi Henok hi shi afii enyiɛ?

6. Mɛni ba yɛ Henok gbele sɛɛ?

Sanebimɔi ni fata he:

1. Kanemɔ 1 Mose 5:21-24, 27.

   1. Mɛɛ naanyobɔɔ nɛkɛ kã Henok kɛ Yehowa teŋ? (1 Mose 5:24)

   2. Taakɛ Biblia lɛ tsɔɔ lɛ, namɔ ji nuu ni ewala sɛɛ kɛ fe mɛi fɛɛ ni ehi shi pɛŋ lɛ, ni be ni egbo lɛ no mli lɛ afii enyiɛ eye? (1 Mose 5:27)

2. Kanemɔ 1 Mose 6:5.

   Shihilɛi fɔji ni yɔɔ shikpɔŋ nɔ lɛ fite kɛyashɛ nɛgbɛ yɛ Henok gbele sɛɛ, ni kɛ́ akɛto wɔgbii nɛɛ ahe lɛ te anaa lɛ tɛŋŋ? (2 Tim. 3:13)

3. Kanemɔ Hebribii 11:5.

   Mɛɛ Henok su ko ‘sa Nyɔŋmɔ hiɛ jogbaŋŋ,’ ni mɛni jɛ mli ba? (1 Mose 5:22)

4. Kanemɔ Yuda 14, 15.

   Te Kristofoi ni yɔɔ ŋmɛnɛ lɛ aaafee tɛŋŋ amɛkase ekãa ni Henok fee lɛ, be ni amɛbɔɔ gbɔmɛi lɛ kɔkɔ yɛ Harmagedon ta ni baa lɛ he lɛ? (2 Tim. 4:2; Heb. 13:6)

Sane 8

1. Mɛni ba be ni Nyɔŋmɔ ŋwɛibɔfoi lɛ ateŋ mɛi komɛi bo Satan toi lɛ?

2. Mɛni hewɔ ŋwɛibɔfoi lɛ ateŋ mɛi komɛi kpa amɛnitsumɔ yɛ ŋwɛi ni amɛba shikpɔŋ lɛ nɔ lɛ?

3. Mɛni hewɔ ejaaa akɛ ŋwɛibɔfoi lɛ aaaba shikpɔŋ lɛ nɔ ni amɛbafee adesai agbɔmɔtsei amɛha amɛhe lɛ?

4. Mɛni yɔɔ srɔto yɛ ŋwɛibɔfoi lɛ abii lɛ ahe?

5. Taakɛ obaanyɛ ona yɛ mfoniri lɛ mli lɛ, mɛni ŋwɛibɔfoi lɛ abii lɛ fee be ni amɛbatsɔmɔ oblaŋi lɛ?

6. Yɛ Henok sɛɛ lɛ, mɛɛ gbɔmɔ kpakpa ko hi shikpɔŋ lɛ nɔ, ni mɛni hewɔ Nyɔŋmɔ sumɔɔ esane lɛ?

Sanebimɔi ni fata he:

1. Kanemɔ 1 Mose 6:1-8.

   Mɛni 1 Mose 6:6 lɛ jieɔ lɛ kpo yɛ bɔ ni wɔjeŋba baanyɛ asa Yehowa henumɔi ahe lɛ he? (Lala 78:40, 41; Abɛi 27:11)

2. Kanemɔ Yuda 6.

   Yɛ mɛɛ gbɛ nɔ ŋwɛibɔfoi ‘ni ehiɛɛɛ amɛ shishijee gbɛhe lɛ mli’ yɛ Noa gbii lɛ amli lɛ ji kaimɔ nɔ̃ kɛha wɔ ŋmɛnɛ? (1 Kor. 3:5-9; 2 Pet. 2:4, 9, 10)

Sane 9

1. Mɛi enyiɛ yɔɔ Noa weku lɛ mli, ni mɛni ji ebihii etɛ lɛ agbɛi?

2. Mɛni ni yɔɔ naakpɛɛ waa Nyɔŋmɔ kɛɛ Noa akɛ efee, ni mɛni hewɔ?

3. Te Noa akutsoŋbii lɛ fee amɛnii amɛha tɛŋŋ be ni egba amɛ adeka lɛ he sane lɛ?

4. Mɛni Nyɔŋmɔ kɛɛ Noa akɛ efee yɛ kooloi lɛ ahe?

5. Be ni Nyɔŋmɔ ŋa adeka lɛ shinaa lɛ naa lɛ, mɛni he bahia ni Noa kɛ eweku lɛ afee?

Sanebimɔi ni fata he:

1. Kanemɔ 1 Mose 6:9-22.

   1. Mɛni ha Noa bafee anɔkwa Nyɔŋmɔ lɛ jálɔ ni esoro lɛ kwraa lɛ? (1 Mose 6:9, 22)

   2. Te Yehowa nuɔ yiwalɛ he ehaa tɛŋŋ, ni te esa akɛ enɛ asa hiɛtserɛjiemɔ ni wɔhalaa lɛ he aha tɛŋŋ? (1 Mose 6:11, 12; Lala 11:5)

   3. Te wɔɔfee tɛŋŋ wɔkase Noa be ni wɔnine eshɛ gbɛtsɔɔmɔ nɔ kɛtsɔ Yehowa asafo lɛ nɔ lɛ? (1 Mose 6:22; 1 Yoh. 5:3)

2. Kanemɔ 1 Mose 7:1-9.

   Yɛ mɛɛ gbɛ nɔ anɔkwale ni eji akɛ Yehowa bu Noa ni yeee emuu lɛ akɛ jalɔ lɛ woɔ wɔ hewalɛ ŋmɛnɛ? (1 Mose 7:1; Abɛi 10:16; Yes. 26:7)

Sane 10

1. Mɛni hewɔ mɔ ko mɔ ko nyɛɛɛ abote adeka lɛ mli be ni nugbɔ lɛ bɔi nɛmɔ lɛ?

2. Gbii enyiɛ Yehowa ha nu lɛ nɛ shwaneshwane kɛ nyɔɔŋnyɔɔŋ fɛɛ, ni nu lɛ mli kwɔ kɛyashɛ nɛgbɛ?

3. Mɛni ba adeka lɛ nɔ be ni nu lɛ bɔi shikpɔŋ lɛ nɔ haa lɛ?

4. Ani oblaŋi lɛ ayi ná wala yɛ Nu Afua lɛ mli, ni mɛni ba oblaŋi lɛ atsɛmɛi lɛ anɔ?

5. Mɛni ba adeka lɛ nɔ yɛ nyɔji enumɔ sɛɛ?

6. Mɛni hewɔ Noa ŋmɛɛ kwãakwãalabite he kɛjɛ adeka lɛ mli lɛ?

7. Te fee tɛŋŋ ni Noa le akɛ nui ni yɔɔ shikpɔŋ lɛ nɔ lɛ eba shi lɛ?

8. Mɛni Nyɔŋmɔ kɛɛ Noa be ni ekɛ eweku lɛ ehi adeka lɛ mli fe afi kome lɛ?

Sanebimɔi ni fata he:

1. Kanemɔ 1 Mose 7:10-24.

   1. Te akpata wala ni yɔɔ shikpɔŋ nɔ lɛ hiɛ butuu aha tɛŋŋ? (1 Mose 7:23)

   2. Be enyiɛ Nu Afua lɛ hé dani fɛɛ mĩi? (1 Mose 7:24)

2. Kanemɔ 1 Mose 8:1-17.

   Yɛ mɛɛ gbɛ nɔ 1 Mose 8:17 tsɔɔ yɛ akɛ Yehowa shishijee yiŋtoo kɛha shikpɔŋ lɛ tsakeee? (1 Mose 1:22)

3. Kanemɔ 1 Petro 3:19, 20.

   1. Be ni ŋwɛibɔfoi atuatselɔi lɛ ku amɛsɛɛ kɛtee ŋwɛi lɛ, mɛɛ kojomɔ amɛnine shɛ nɔ? (Yuda 6)

   2. Noa kɛ eweku lɛ ahe sane lɛ woɔ hekɛnɔfɔɔ ni wɔyɔɔ akɛ Yehowa baanyɛ ahere ewebii ayiwala lɛ mli hewalɛ yɛ mɛɛ gbɛ nɔ? (2 Pet. 2:9)

Sane 11

1. Taakɛ atsɔɔ yɛ mfoniri lɛ mli lɛ, mɛni ji klɛŋklɛŋ nii ni Noa fee be ni eje kpo kɛjɛ adeka lɛ mli lɛ?

2. Mɛɛ famɔ Nyɔŋmɔ kɛha Noa kɛ eweku lɛ yɛ Nu Afua lɛ sɛɛ?

3. Mɛɛ shiwoo Nyɔŋmɔ kɛha?

4. Kɛ́ wɔna kwaabuɛtɛ lɛ, mɛni esa akɛ ekai wɔ?

Sanebimɔi ni fata he:

1. Kanemɔ 1 Mose 8:18-22.

   1. Te wɔɔfee tɛŋŋ ni wɔkɛ ‘ŋma jurɔ ko’ aha Yehowa ŋmɛnɛ? (1 Mose 8:21; Heb. 13:15, 16)

   2. Mɛni Yehowa yɔse yɛ bɔ ni gbɔmɔ tsui ji lɛ he, no hewɔ lɛ esa akɛ wɔkwɛ wɔhe nɔ jogbaŋŋ yɛ mɛni he? (1 Mose 8:21; Mat. 15:18, 19)

2. Kanemɔ 1 Mose 9:9-17.

   1. Mɛɛ kpaŋmɔ Yehowa kɛ shikpɔŋ nɔ bɔɔ nii fɛɛ fee? (1 Mose 9:10, 11)

   2. Kwaabuɛtɛ kpaŋmɔ lɛ baaya nɔ ahi shi kɛyashi mɛɛ be? (1 Mose 9:16)

Sane 12

1. Namɔ ji Nimrod, ni te Nyɔŋmɔ susu ehe ha tɛŋŋ?

2. Mɛni hewɔ gbɔmɛi lɛ feɔ ŋtayaai yɛ mfoniri lɛ mli lɛ?

3. Mɛni hewɔ Yehowa sumɔɔɔ tsũ ni amaa lɛ?

4. Mɛɛ gbɛ nɔ Nyɔŋmɔ tsɔ ni eha akpa mɔɔ lɛ maa?

5. Te atsɛ́ maŋ lɛ gbɛi tɛŋŋ, ni mɛni ji nakai gbɛi lɛ shishinumɔ?

6. Mɛni ba gbɔmɛi lɛ anɔ be ni Nyɔŋmɔ futu amɛwiemɔi lɛ?

Sanebimɔi ni fata he:

1. Kanemɔ 1 Mose 10:1, 8-10.

   Mɛni subaŋi komɛi Nimrod jie lɛ kpo, ni mɛɛ kɔkɔbɔɔ enɛ kɛhaa wɔ? (Abɛi 3:31)

2. Kanemɔ 1 Mose 11:1-9.

   Mɛɛ jwɛŋmɔ hɔ mɔɔ ni amaa lɛ sɛɛ, ni mɛni hewɔ nitsumɔ lɛ yeŋ omanye kɔkɔɔkɔ lɛ? (1 Mose 11:4; Abɛi 16:18; Yoh. 5:44)

Sane 13

1. Mɛɛ gbɔmɛi nɛkɛ hi Ur maŋtiase lɛ mli lɛ?

2. Namɔ yɔɔ mfoniri lɛ mli lɛ, mɛɛ be afɔ́ lɛ, ni nɛgbɛ ehi?

3. Mɛni Nyɔŋmɔ kɛɛ Abraham akɛ efee?

4. Mɛni hewɔ atsɛ́ Abraham akɛ Nyɔŋmɔ naanyo lɛ?

5. Namɛi fata Abraham he kɛtee be ni eshi Ur lɛ?

6. Mɛni Nyɔŋmɔ kɛɛ Abraham akɛ efee be ni eyashɛ Kanaan shikpɔŋ lɛ nɔ lɛ?

7. Mɛɛ shiwoo Nyɔŋmɔ kɛha Abraham be ni eye afii 99 lɛ?

Sanebimɔi ni fata he:

1. Kanemɔ 1 Mose 11:27-32.

   1. Mɛɛ wekukpaa kã Abraham kɛ Lot teŋ? (1 Mose 11:27)

   2. Eyɛ mli akɛ akɛɛ Tera ji mɔ ni kɛ eweku lɛ fa kɛtee Kanaan moŋ, shi te wɔfeɔ tɛŋŋ wɔleɔ akɛ Abraham diɛŋtsɛ moŋ to nakai gbɛjianɔ lɛ, ni mɛni hewɔ efee nakai? (1 Mose 11:31; Bɔf. 7:2-4)

2. Kanemɔ 1 Mose 12:1-7.

   Te Yehowa lɛɛ Abraham kpaŋmɔ lɛ mli eha tɛŋŋ be ni Abraham yashɛ Kanaan shikpɔŋ lɛ nɔ lɛ? (1 Mose 12:7)

3. Kanemɔ 1 Mose 17:1-8, 15-17.

   1. Mɛɛ gbɛi tsakemɔ Abram nine shɛ nɔ be ni eye afii 99 lɛ, ni mɛni hewɔ? (1 Mose 17:5)

   2. Mɛɛ wɔsɛɛ be jɔɔmɔi Yehowa kɛwo Sara shi? (1 Mose 17:15, 16)

4. Kanemɔ 1 Mose 18:9-19.

   1. Mɛɛ gbɛnaa nii aŋmala ashwie shi aha tsɛmɛi yɛ 1 Mose 18:19 lɛ? (5 Mose 6:6, 7; Efe. 6:4)

   2. Mɛɛ Sara niiashikpamɔ ko tsɔɔ akɛ wɔnyɛŋ wɔkɛ nɔ ko atee Yehowa? (1 Mose 18:12, 15; Lala 44:22)

Sane 14

1. Mɛɛ shiwoo Nyɔŋmɔ kɛha Abraham, ni Nyɔŋmɔ ye eshiwoo lɛ nɔ yɛ mɛɛ gbɛ nɔ?

2. Taakɛ atsɔɔ yɛ mfoniri lɛ mli lɛ, mɛɛ gbɛ Nyɔŋmɔ tsɔ nɔ eka Abraham hemɔkɛyeli lɛ?

3. Eyɛ mli akɛ Abraham nuuu yiŋtoo hewɔ ni Nyɔŋmɔ kɛ famɔ haa lɛ lɛ shishi moŋ, shi mɛni efee?

4. Mɛni ba be ni Abraham kɔ kakla koni egbe ebi lɛ?

5. Te hemɔkɛyeli ni Abraham ná yɛ Nyɔŋmɔ mli lɛ mli wa ha tɛŋŋ?

6. Mɛni Nyɔŋmɔ kɛha Abraham koni ekɛsha afɔle lɛ, ni yɛ mɛɛ gbɛ nɔ?

Sanebimɔi ni fata he:

1. Kanemɔ 1 Mose 21:1-7.

   Mɛni hewɔ Abraham fo ebi lɛ ketia yɛ gbi ni ji kpaanyɔ lɛ nɔ lɛ? (1 Mose 17:10-12; 21:4)

2. Kanemɔ 1 Mose 22:1-18.

   Isak ba ehe shi eha etsɛ Abraham yɛ mɛɛ gbɛ nɔ, ni enɛ feɔ wɔsɛɛ be mli nifeemɔ ko ni he hiaa waa lɛ he mfoniri yɛ mɛɛ gbɛ nɔ? (1 Mose 22:7-9; 1 Kor. 5:7; Fil. 2:8, 9)

Sane 15

1. Mɛni hewɔ Abraham kɛ Lot gbála mli lɛ?

2. Mɛni hewɔ Lot hala akɛ eesumɔ ni ehi Sodom lɛ?

3. Te Sodombii lɛ asubaŋ yɔɔ ha tɛŋŋ?

4. Mɛɛ kɔkɔ ŋwɛibɔfoi enyɔ bɔ Lot?

5. Mɛni hewɔ Lot ŋa lɛ tsɔ ŋoo kpɔ lɛ?

6. Mɛni wɔbaanyɛ wɔkase yɛ Lot ŋa lɛ he sane lɛ mli?

Sanebimɔi ni fata he:

1. Kanemɔ 1 Mose 13:5-13.

   Mɛni wɔbaanyɛ wɔkase kɛjɛ Abraham ŋɔɔ yɛ naagbai ni baa aŋkroaŋkroi ateŋ ni asáa lɛ gbɛfaŋ? (1 Mose 13:8, 9; Rom. 12:10; Fil. 2:3, 4)

2. Kanemɔ 1 Mose 18:20-33.

   Yɛ mɛɛ gbɛ nɔ bɔ ni Yehowa kɛ Abraham ye ha lɛ haa wɔnáa hekɛnɔfɔɔ akɛ Yehowa kɛ Yesu baakojo yɛ jalɛ naa? (1 Mose 18:25, 26; Mat. 25:31-33)

3. Kanemɔ 1 Mose 19:1-29.

   1. Mɛni Biblia mli sane nɛɛ tsɔɔ yɛ bɔ ni Nyɔŋmɔ susuɔ hii kɛ hii ni kɛ amɛhe feɔ yakayakanii lɛ he ehaa lɛ he? (1 Mose 19:5, 13; 3 Mose 20:13)

   2. Mɛɛ srɔtofeemɔ wɔnaa yɛ gbɛ̀i ni Lot kɛ Abraham tsɔ nɔ amɛkpɛlɛ Nyɔŋmɔ gbɛtsɔɔmɔ nɔ lɛ mli, ni mɛni wɔbaanyɛ wɔkase kɛjɛ enɛ mli? (1 Mose 19:15, 16, 19, 20; 22:3)

4. Kanemɔ Luka 17:28-32.

   Mɛɛ sú ko Lot ŋa lɛ hiɛ yɛ heloo gbɛfaŋ nibii ahe yɛ etsui mli, ni enɛ feɔ kɔkɔbɔɔ nɔ̃ kɛhaa wɔ yɛ mɛɛ gbɛ nɔ? (Luka 12:15; 17:31, 32; Mat. 6:19-21, 25)

5. Kanemɔ 2 Petro 2:6-8.

   Mɛni esa akɛ efee wɔsu yɛ jeŋ ni ebɔle wɔ ni leee Nyɔŋmɔ lɛ he, ni wɔkɛkase Lot? (Ezek. 9:4; 1 Yoh. 2:15-17)

Sane 16

1. Namɛi ji nuu kɛ yoo ni wɔnaa yɛ mfoniri nɛɛ mli lɛ?

2. Mɛni Abraham fee koni ená ŋa eha ebinuu lɛ, ni mɛni hewɔ?

3. Mɛɛ gbɛ nɔ atsɔ abo Abraham tsulɔ lɛ sɔlemɔ toi?

4. Mɛɛ hetoo Rebeka kɛha be ni abi lɛ akɛ eesumɔ ni ekɛ Isak abote gbalashihilɛ mli lo lɛ?

5. Mɛni ha Isak ná miishɛɛ ekoŋŋ lɛ?

Sanebimɔi ni fata he:

1. Kanemɔ 1 Mose 24:1-67.

   1. Mɛɛ sui kpakpai komɛi Rebeka jie lɛ kpo be ni ekɛ Abraham tsulɔ lɛ kpe yɛ nubu lɛ he lɛ? (1 Mose 24:17-20; Abɛi 31:17, 31)

   2. Gbɛjianɔ ni Abraham to kɛha Isak lɛ kɛ mɛɛ nɔkwɛmɔnɔ kpakpa haa Kristofoi ŋmɛnɛ? (1 Mose 24:37, 38; 1 Kor. 7:39; 2 Kor. 6:14)

   3. Mɛni hewɔ esa akɛ wɔtao be ni wɔkɛsusu saji ahe, tamɔ bɔ ni Isak fee lɛ? (1 Mose 24:63; Lala 77:13; Fil. 4:8)

Sane 17

1. Namɛi ji Esau kɛ Yakob, ni esoro amɛ yɛ mɛɛ gbɛ nɔ?

2. Afii enyiɛ Esau kɛ Yakob eye be ni amɛnii Abraham gbo lɛ?

3. Mɛni Esau fee ni no ha enyɛ kɛ etsɛ ye awerɛho waa lɛ?

4. Mɛni hewɔ Esau mli fu enyɛmi nuu Yakob waa lɛ?

5. Mɛɛ fãmɔ Isak kɛha ebinuu Yakob?

Sanebimɔi ni fata he:

1. Kanemɔ 1 Mose 25:5-11, 20-34.

   1. Mɛni Yehowa gba yɛ Rebeka bihii enyɔ lɛ ahe? (1 Mose 25:23)

   2. Mɛɛ srɔtofeemɔ kã Yakob kɛ Esau teŋ yɛ su ni amɛjie lɛ kpo yɛ kromɔbi gbɛnaa lɛ he? (1 Mose 25:31-34)

2. Kanemɔ 1 Mose 26:34, 35; 27:1-46; kɛ 28:1-5.

   1. Hiɛsɔɔ ni Esau bɛ kɛha mumɔŋ nibii lɛ je kpo yɛ mɛɛ gbɛ nɔ? (1 Mose 26:34, 35; 27:46)

   2. Bɔni afee ni Yakob nine ashɛ Nyɔŋmɔ jɔɔmɔ nɔ lɛ, mɛni Isak kɛɛ lɛ akɛ efee? (1 Mose 28:1-4)

3. Kanemɔ Hebribii 12:16, 17.

   Mɛni Esau nɔkwɛmɔnɔ lɛ jieɔ lɛ kpo yɛ nɔ ni baaba mɛi ni gbeɔ krɔŋkrɔŋ nii ahe guɔ lɛ he?

Sane 18

1. Namɔ ji oblayoo ni yɔɔ mfoniri lɛ mli lɛ, ni mɛni Yakob fee eha lɛ?

2. Mɛni Yakob sumɔɔ ni efee koni enyɛ ekɛ Rahel abote gbalashihilɛ mli?

3. Mɛni Laban fee be ni eshɛ be ni Yakob kɛ Rahel baabote gbalashihilɛ mli lɛ?

4. Mɛni Yakob kpɛlɛ nɔ akɛ ebaafee koni enine ashɛ Rahel nɔ akɛ eŋa?

Sanebimɔi ni fata he:

1. Kanemɔ 1 Mose 29:1-30.

   1. Be ni Laban laka Yakob po lɛ, ejie ehe kpo akɛ mɔ ko ni ebuɔ ehe yɛ mɛɛ gbɛ nɔ, ni mɛni wɔbaanyɛ wɔkase kɛjɛ enɛ mli? (1 Mose 25:27; 29:26-28; Mat. 5:37)

   2. Yakob nɔkwɛmɔnɔ lɛ tsɔɔ srɔtofeemɔ ni yɔɔ suɔmɔ kɛ akɔnɔ teŋ yɛ mɛɛ gbɛ nɔ? (1 Mose 29:18, 20, 30; Sal. Lal. 8:6)

   3. Mɛɛ yei ejwɛ batsɔmɔ Yakob weku lɛ fã ní sɛɛ mli lɛ amɛfɔ bihii amɛha lɛ lɛ? (1 Mose 29:23, 24, 28, 29)

Sane 19

1. Mɛni ji Yakob bihii ekpaa ni ekɛ eklɛŋklɛŋ ŋa Lea fɔ́ lɛ agbɛi?

2. Namɛi ji bihii enyɔ ni Lea weyoo Zilpa fɔ́ eha Yakob lɛ?

3. Te atsɛ́ɔ bihii enyɔ ni Rahel weyoo Bilha fɔ́ eha Yakob lɛ tɛŋŋ?

4. Namɛi ji bihii enyɔ ni Rahel diɛŋtsɛ fɔ́ amɛ lɛ, shi mɛni ba be ni afɔ́ binuu ni ji enyɔ lɛ?

5. Taakɛ mfoniri lɛ tsɔɔ lɛ, bihii enyiɛ Yakob fɔ́, ni mɛni jɛ amɛmli kɛba?

Sanebimɔi ni fata he:

1. Kanemɔ 1 Mose 29:32-35; 30:1-26; kɛ 35:16-19.

   Taakɛ atsɔɔ Yakob bihii 12 lɛ asane lɛ mli lɛ, bei pii lɛ awoɔ blema Hebri gbekɛbii hii agbɛi yɛ mɛɛ gbɛ nɔ?

2. Kanemɔ 1 Mose 37:35.

   Eyɛ mli akɛ atsĩ Dina pɛ gbɛi tã yɛ Biblia lɛ mli moŋ, shi te wɔfeɔ tɛŋŋ wɔleɔ akɛ Yakob fɔ́ biyei babaoo fe ekome lɛ? (1 Mose 37:34, 35)

Sane 20

1. Mɛni hewɔ Abraham kɛ Isak sumɔɔɔ ni amɛbii lɛ kɛ gbɔmɛi ni yɔɔ Kanaan shikpɔŋ lɛ nɔ lɛ boteɔ gbalashihilɛ mli lɛ?

2. Ani Yakob kpɛlɛ ni ebiyoo lɛ kɛ Kanaan gbekɛbii yei lɛ abɔ naanyo?

3. Namɔ ji nuu ni kwɛɔ Dina yɛ mfoniri lɛ mli lɛ, ni mɛɛ nɔ fɔŋ efee?

4. Mɛni Dina nyɛmimɛi hii Simeon kɛ Levi fee be ni amɛnu nɔ ni eba lɛ he lɛ?

5. Ani Yakob kpɛlɛ nɔ ni Simeon kɛ Levi fee lɛ nɔ?

6. Te fee tɛŋŋ ni weku lɛ mli haomɔi lɛ fɛɛ je shishi?

Sanebimɔi ni fata he:

1. Kanemɔ 1 Mose 34:1-31.

   1. Ani naanyobɔɔ ni tee nɔ yɛ Dina kɛ Kanaan shikpɔŋ lɛ nɔ gbekɛbii yei lɛ ateŋ lɛ ji nɔ ko ni eko bako dã? Tsɔɔmɔ mli. (1 Mose 34:1)

   2. Mɛni hewɔ Dina blayeiaŋ ni eha afite lɛ he sɔ̃ ko bakã lɛ diɛŋtsɛ enɔ lɛ? (Gal. 6:7)

   3. Te gbekɛbii ni yɔɔ ŋmɛnɛ lɛ aaafee tɛŋŋ amɛtsɔɔ akɛ, amɛkɛ Dina nɔkwɛmɔnɔ lɛ he kɔkɔbɔɔ lɛ eto amɛtsuii amli lɛ? (Abɛi 13:20; 1 Kor. 15:33; 1 Yoh. 5:19)

Sane 21

1. Mɛni hewɔ Yosef nyɛmimɛi lɛ sumɔɔɔ esane lɛ, ni mɛni amɛfee?

2. Mɛni Yosef nyɛmimɛi lɛ taoɔ ni amɛfee lɛ, shi mɛni Ruben kɛɛ?

3. Mɛni ba be ni Ishmaelbii jarayelɔi komɛi bashɛ jɛmɛ lɛ?

4. Mɛni Yosef nyɛmimɛi lɛ fee koni amɛha amɛtsɛ ahe aye akɛ Yosef egbo?

Sanebimɔi ni fata he:

1. Kanemɔ 1 Mose 37:1-35.

   1. Te Kristofoi aaafee tɛŋŋ amɛkase Yosef nɔkwɛmɔnɔ lɛ kɛtsɔ nɔ fɔŋ feemɔ ni yɔɔ asafo lɛ mli lɛ he amaniɛ ni amɛaabɔ lɛ nɔ? (1 Mose 37:2; 3 Mose 5:1; 1 Kor. 1:11)

   2. Mɛni haaa Yosef nyɛmimɛi lɛ asumɔ esane lɛ? (1 Mose 37:11, 18; Abɛi 27:4; Yak. 3:14-16)

   3. Mɛɛ Yakob nifeemɔ ji nɔ ni afɔɔ feemɔ kɛ́ aaye awerɛho? (1 Mose 37:35)

Sane 22

1. Afii enyiɛ Yosef eye be ni akɛ lɛ tee Mizraim lɛ, ni mɛni ba be ni eyashɛ jɛmɛ lɛ?

2. Te fee tɛŋŋ ni awo Yosef tsuŋ lɛ?

3. Mɛɛ nitsumɔ akɛha Yosef yɛ tsuŋwoohe lɛ?

4. Mɛni Yosef fee kɛha Farao dãawolɔ lɛ kɛ ebolooshãlɔ lɛ yɛ tsuŋwoohe lɛ?

5. Mɛni ba be ni ajie dãawolɔ lɛ kɛjɛ tsuŋwoohe lɛ?

Sanebimɔi ni fata he:

1. Kanemɔ 1 Mose 39:1-23.

   Akɛni mla ko bɛ ni jɛ Nyɔŋmɔ ŋɔɔ ni aŋma afɔ shi ni buɔ gbalafitemɔ fɔ́ yɛ Yosef gbii lɛ amli hewɔ lɛ, mɛni nyɛ enɔ ni ejo foi kɛjɛ Potifar ŋa lɛ he lɛ? (1 Mose 2:24; 20:3; 39:9)

2. Kanemɔ 1 Mose 40:1-23.

   1. Tsɔɔmɔ dãawolɔ lɛ lamɔ lɛ kɛ shishitsɔɔmɔ ni Yehowa kɛha Yosef lɛ mli kuku. (1 Mose 40:9-13)

   2. Mɛni ji abolooshãlɔ lɛ lamɔ lɛ, ni mɛni ji eshishitsɔɔmɔ? (1 Mose 40:16-19)

   3. Tsulɔ anɔkwafo kɛ nilelɔ kuu lɛ ekase su ni Yosef jie lɛ kpo lɛ ŋmɛnɛ yɛ mɛɛ gbɛ nɔ? (1 Mose 40:8; Lala 36:10; Yoh. 17:17; Bɔf. 17:2, 3)

   4. Yɛ mɛɛ gbɛ nɔ 1 Mose 40:20 lɛ haa wɔnuɔ jwɛŋmɔ ni Kristofoi hiɛ yɛ fɔmɔgbii juji ayeli he lɛ shishi jogbaŋŋ? (Jaj. 7:1; Mar. 6:21-28)

Sane 23

1. Mɛni ba Farao nɔ gbɛkɛ ko?

2. Yɛ naagbee lɛ mɛni hewɔ dãawolɔ lɛ kai Yosef lɛ?

3. Taakɛ onaa yɛ mfoniri lɛ mli lɛ, mɛɛ lamɔi enyɔ Farao la?

4. Te Yosef tsɔɔ lamɔi lɛ ashishi eha tɛŋŋ?

5. Te fee tɛŋŋ ni Yosef batsɔ mɔ ni he hiaa fe fɛɛ yɛ Mizraim yɛ Farao sɛɛ lɛ?

6. Mɛni hewɔ Yosef nyɛmimɛi lɛ ba Mizraim, ni mɛni hewɔ amɛyɔseee lɛ lɛ?

7. Mɛɛ lamɔ Yosef kai, ni eye ebua lɛ koni enu mɛni shishi?

Sanebimɔi ni fata he:

1. Kanemɔ 1 Mose 41:1-57.

   1. Yɛ mɛɛ gbɛ nɔ Yosef gbala jwɛŋmɔ kɛtee Yehowa nɔ, ni Kristofoi baanyɛ akase enɔkwɛmɔnɔ lɛ ŋmɛnɛ yɛ mɛɛ gbɛ nɔ? (1 Mose 41:16, 25, 28; Mat. 5:16; 1 Pet. 2:12)

   2. Afii ni baa nii babaoo yɛ Mizraim kɛ hɔmɔ afii ni nyiɛ sɛɛ ba lɛ tsɔɔ srɔtofeemɔ ni kã mumɔŋ shihilɛ ni Yehowa webii yɔɔ mli ŋmɛnɛ lɛ kɛ Kristendom nɔ̃ lɛ teŋ lɛ mli pɛpɛɛpɛ yɛ mɛɛ gbɛ nɔ? (1 Mose 41:29, 30; Amos 8:11, 12)

2. Kanemɔ 1 Mose 42:1-8 kɛ 50:20.

   Ani ejaaa gbɛ akɛ Yehowa jálɔi aaakula shi yɛ gbɔmɔ ko hiɛ yɛ woo kɛ bulɛ ni amɛyɔɔ kɛha gbɛhe ni mɔ lɛ yɔɔ lɛ hewɔ, kɛji ákɛ no ji kusum ni yɔɔ maŋ lɛ mli lɛ? (1 Mose 42:6)

Sane 24

1. Mɛni hewɔ Yosef folɔ enyɛmimɛi lɛ anaa akɛ amɛji saralɔi lɛ?

2. Mɛni hewɔ Yakob ha akɛ ebinuu fioo Benyamin tee Mizraim lɛ?

3. Te fee tɛŋŋ ni Yosef jwiɛtɛi kpulu lɛ yaje Benyamin kotoku lɛ mli lɛ?

4. Mɛni Yuda kɛɛ ebaafee koni eha aŋmɛɛ Benyamin he?

5. Yosef nyɛmimɛi lɛ etsake yɛ mɛɛ gbɛ nɔ?

Sanebimɔi ni fata he:

1. Kanemɔ 1 Mose 42:9-38.

   Yosef wiemɔi ni yɔɔ 1 Mose 42:18 lɛ ji kaimɔ nɔ ni sa jogbaŋŋ kɛha mɛi ni akɛ gbɛnaa nii ewo amɛdɛŋ yɛ Yehowa asafo lɛ mli ŋmɛnɛ lɛ yɛ mɛɛ gbɛ nɔ? (Neh. 5:15; 2 Kor. 7:1, 2)

2. Kanemɔ 1 Mose 43:1-34.

   1. Eyɛ mli akɛ Ruben ji kromɔbi moŋ, shi te fee tɛŋŋ ni Yuda batsɔ enyɛmimɛi lɛ anaawielɔ lɛ? (1 Mose 43:3, 8, 9; 44:14, 18; 1 Kron. 5:2)

   2. Mɛɛ gbɛ nɔ Yosef tsɔ eka enyɛmimɛi lɛ yɛ faŋŋ mli, ni mɛni hewɔ? (1 Mose 43:33, 34)

3. Kanemɔ 1 Mose 44:1-34.

   1. Bɔni afee ni Yosef kɛ ehe atee enyɛmimɛi lɛ, ejie ehe kpo etsɔɔ amɛ akɛ eji namɔ? (1 Mose 44:5, 15; 3 Mose 19:26)

   2. Mɛɛ gbɛ nɔ Yosef nyɛmimɛi lɛ tsɔɔ yɛ akɛ hetsɛ̃ mumɔ ni amɛyɔɔ tsutsu lɛ fɛɛ etã? (1 Mose 44:13, 33, 34)

Sane 25

1. Mɛni ba be ni Yosef jie ehe kpo etsɔɔ enyɛmimɛi lɛ?

2. Mɛni Yosef kɛ mlihilɛ tsɔɔ mli eha enyɛmimɛi lɛ?

3. Mɛni Farao wie be ni enu Yosef nyɛmimɛi lɛ ahe lɛ?

4. Te Yakob weku lɛ dalɛ yɔɔ ha tɛŋŋ be ni amɛfã kɛba Mizraim lɛ?

5. Mɛɛ gbɛi akɛwo Yakob weku lɛ, ni mɛni hewɔ?

Sanebimɔi ni fata he:

1. Kanemɔ 1 Mose 45:1-28.

   Mɛɛ gbɛ nɔ Biblia mli sane ni kɔɔ Yosef he lɛ tsɔɔ akɛ, Yehowa baanyɛ atsake nɔ ni ato afɔ shi ni akɛbaaye etsuji awui lɛ koni efee nɔ kpakpa? (1 Mose 45:5-8; Yes. 8:10; Fil. 1:12-14)

2. Kanemɔ 1 Mose 46:1-27.

   Mɛɛ nɔmimaa Yehowa kɛha Yakob be ni eyaa Mizraim lɛ? (1 Mose 46:1-4)

Sane 26

1. Namɔ ji Hiob?

2. Mɛni Satan bɔ mɔdɛŋ ni efee, shi ani eye omanye?

3. Yehowa ŋmɛ Satan gbɛ ni efee mɛni, ni mɛni hewɔ?

4. Mɛni hewɔ Hiob ŋa lɛ kɛɛ lɛ akɛ ‘elomɔ Nyɔŋmɔ koni egbo’ lɛ? (Kwɛmɔ mfoniri lɛ.)

5. Taakɛ obaana yɛ mfoniri ni ji enyɔ lɛ mli lɛ, Yehowa jɔɔ Hiob yɛ mɛɛ gbɛ nɔ, ni mɛni hewɔ?

6. Kɛji ákɛ wɔye Yehowa anɔkwa tamɔ Hiob lɛ, mɛɛ jɔɔmɔi wɔnine baashɛ nɔ?

Sanebimɔi ni fata he:

1. Kanemɔ Hiob 1:1-22.

   Te Kristofoi ni yɔɔ ŋmɛnɛ lɛ aaafee tɛŋŋ amɛkase Hiob? (Hiob 1:1; Fil. 2:15; 2 Pet. 3:14)

2. Kanemɔ Hiob 2:1-13.

   Mɛɛ gbɛ̀i srɔtoi enyɔ ni kɛ amɛhe kpãaa gbee Hiob kɛ eŋa lɛ kɛfee amɛnii yɛ Satan yiwaa lɛ he? (Hiob 2:9, 10; Abɛi 19:3; Mika 7:7; Mal. 3:14)

3. Kanemɔ Hiob 42:10-17.

   1. Mɛɛ nibii ni je amɛhe anaa yɛ nyɔmɔwoo ni Hiob nine shɛ nɔ lɛ kɛ nɔ ni Yesu nine shɛ nɔ yɛ amɛ anɔkwayeli shihilɛ gbɛ ni amɛkɔ lɛ mli? (Hiob 42:12; Fil. 2:9-11)

   2. Jɔɔmɔi ni Hiob nine shɛ nɔ yɛ emuuyeli mli ni ehiɛ kɛha Nyɔŋmɔ lɛ mli lɛ woɔ wɔ hewalɛ yɛ mɛɛ gbɛ nɔ? (Hiob 42:10, 12; Heb. 6:10; Yak. 1:2-4, 12; 5:11)

Sane 27

1. Namɔ ji nuu ni hiɛ kpelebii yɛ mfoniri lɛ mli lɛ, ni namɔ ekɛyiɔ lɛ?

2. Mɛni ba Israelbii lɛ anɔ be ni Yosef gbo sɛɛ?

3. Mɛni hewɔ Mizraimbii lɛ she Israelbii lɛ gbeyei lɛ?

4. Mɛɛ famɔ Farao kɛha yei ni yeɔ buaa Israel yei yɛ amɛfɔmɔ mli lɛ?

Sanebimɔi ni fata he:

1. Kanemɔ 2 Mose 1:6-22.

   1. Mɛɛ gbɛ nɔ Yehowa je shishi akɛ eeeha shiwoo ni ekɛha Abraham lɛ aba mli yɛ? (2 Mose 1:7; 1 Mose 12:2; Bɔf. 7:17)

   2. Hebri yei ni fɔ́ɔ yei lɛ jie bulɛ kpo yɛ krɔŋkrɔŋ ni wala ji lɛ he yɛ mɛɛ gbɛ nɔ? (2 Mose 1:17; 1 Mose 9:6)

   3. Mɛɛ gbɛ nɔ atsɔ awo yei ni fɔ́ɔ yei lɛ anyɔmɔ yɛ anɔkwa ni amɛye Yehowa lɛ hewɔ? (2 Mose 1:20, 21; Abɛi 19:17)

   4. Mɛɛ mɔdɛŋ Satan bɔ koni efite Yehowa yiŋtoo ni kɔɔ Abraham shiwoo Seshi lɛ he lɛ? (2 Mose 1:22; Mat. 2:16)

Sane 28

1. Namɔ ji abifao ni yɔɔ mfoniri lɛ mli lɛ, ni namɔ wao mli ehiɛ lɛ?

2. Mɛni Mose mami fee koni ekɛhere eyiwala ni akagbe lɛ?

3. Namɔ ji gbekɛ yoo fioo ni yɔɔ mfoniri lɛ mli lɛ, ni mɛni efee?

4. Be ni Farao biyoo lɛ na abifao lɛ, mɛni Miriam kɛɛ lɛ?

5. Mɛni maŋtsɛ biyoo lɛ kɛɛ Mose mami?

Sanebimɔ ni fata he:

1. Kanemɔ 2 Mose 2:1-10.

   Mɛɛ hegbɛ Mose mami ná koni etsɔse ebi lɛ ni etsɔɔ Mose nii yɛ egbekɛbiiashi, ni mɛɛ nɔkwɛmɔnɔ enɛ feɔ kɛhaa fɔlɔi ŋmɛnɛ? (2 Mose 2:9, 10; 5 Mose 6:6-9; Abɛi 22:6; Efe. 6:4; 2 Tim. 3:15)

Sane 29

1. Nɛgbɛ Mose da yɛ, shi mɛni ele yɛ efɔlɔi ahe?

2. Mɛni Mose fee be ni eye afii 40 lɛ?

3. Mɛni Mose kɛɛ Israelnyo ko ni nɔɔ lɛ, ni mɛɛ hetoo nuu lɛ kɛha lɛ?

4. Mɛni hewɔ Mose jo foi kɛjɛ Mizraim lɛ?

5. Nɛgbɛ Mose jo foi kɛtee, ni namɔ ekɛkpe yɛ jɛmɛ?

6. Mɛni Mose fee be ni ejo foi kɛshi Mizraim afii 40 mli lɛ?

Sanebimɔi ni fata he:

1. Kanemɔ 2 Mose 2:11-25.

   Yɛ afii babaoo ni akɛtsɔse Mose yɛ Mizraimbii anilee mli lɛ fɛɛ sɛɛ lɛ, mɛɛ gbɛ nɔ etsɔ ejie anɔkwa ni eyeɔ Yehowa kɛ ewebii lɛ kpo yɛ? (2 Mose 2:11, 12; Heb. 11:24)

2. Kanemɔ Bɔf. 7:22-29.

   Mɛni wɔbaanyɛ wɔkase kɛjɛ mɔdɛŋ ni Mose kome bɔ koni ehere Israelbii lɛ kɛjɛ Mizraim nyɔŋyeli mli lɛ mli? (Bɔf. 7:23-25; 1 Pet. 5:6, 10)

Sane 30

1. Te atsɛ́ɔ gɔŋ ni onaa yɛ mfoniri lɛ mli lɛ tɛŋŋ?

2. Tsɔɔmɔ naakpɛɛ nii ni Mose na be ni ekɛ etooi lɛ tee gɔŋ lɛ nɔ lɛ.

3. Mɛni gbee ko kɛɛ kɛjɛ jwɛi ni tsoɔ lɛ mli, ni namɔ gbee ni?

4. Mɛni Mose kɛɛ be ni Nyɔŋmɔ kɛɛ lɛ akɛ ebaanyiɛ E-webii lɛ ahiɛ kɛshi Mizraim lɛ?

5. Mɛni Nyɔŋmɔ kɛɛ Mose akɛ ekɛɛ gbɔmɛi lɛ kɛji amɛbi lɛ mɔ ni tsu lɛ lɛ?

6. Te Mose aaafee tɛŋŋ etsɔɔ akɛ Nyɔŋmɔ ji mɔ ni tsu lɛ?

Sanebimɔi ni fata he:

1. Kanemɔ 2 Mose 3:1-22.

   Yɛ mɛɛ gbɛ nɔ Mose niiashikpamɔ lɛ haa wɔnáa nɔmimaa akɛ, kɛji ákɛ wɔnuɔ he akɛ wɔhe esako kɛha teokrase nitsumɔ ko po lɛ, Yehowa baaye abua wɔ? (2 Mose 3:11, 13; 2 Kor. 3:5, 6)

2. Kanemɔ 2 Mose 4:1-20.

   1. Mɛɛ Mose subaŋ ko tsake yɛ be mli ni eye afii 40 yɛ Midian lɛ, ni mɛni mɛi ni taoɔ hegbɛi yɛ asafo lɛ mli lɛ baanyɛ akase kɛjɛ enɛ mli? (2 Mose 2:11, 12; 4:10, 13; Mika 6:8; 1 Tim. 3:1, 6, 10)

   2. Kɛji ákɛ Yehowa tsɔ esafo lɛ nɔ ekã wɔ po lɛ, mɛɛ hekɛnɔfɔɔ Mose nɔkwɛmɔnɔ lɛ baanyɛ eha wɔná? (2 Mose 4:12-14; Lala 103:14; Heb. 12:4-11)

Sane 31

1. Mɛɛ hewalɛ naakpɛɛ nii ni Mose kɛ Aaron fee lɛ ná yɛ Israelbii lɛ anɔ?

2. Mɛni Mose kɛ Aaron kɛɛ Farao, ni mɛɛ hetoo Farao kɛha?

3. Taakɛ onaa yɛ mfoniri lɛ mli lɛ, mɛni ba be mli ni Aaron shɛ́ etso lɛ efɔ̃ shikpɔŋ lɛ?

4. Mɛɛ gbɛ nɔ Yehowa tsɔ etsɔɔ Farao nɔ ko naa, ni mɛni Farao fee yɛ enɛ he?

5. Mɛni ba yɛ haomɔ ni ji nyɔŋma lɛ sɛɛ?

Sanebimɔi ni fata he:

1. Kanemɔ 2 Mose 4:27-31 kɛ 5:1-23.

   Mɛni Farao tsɔɔ be mli ni ekɛɛ akɛ: “Mileee Yehowa” lɛ? (2 Mose 5:2; 1 Sam. 2:12; Rom. 1:21)

2. Kanemɔ 2 Mose 6:1-13, 26-30.

   1. Mɛɛ shishinumɔ naa Yehowa haaa Abraham, Isak, kɛ Yakob ale lɛ lɛ? (2 Mose 3:13, 14; 6:3; 1 Mose 12:8)

   2. Te wɔnuɔ he wɔhaa tɛŋŋ be mli ni Mose kɛɛ akɛ ehe esako kɛha nitsumɔ lɛ, ní yɛ fɛɛ sɛɛ lɛ Yehowa tee nɔ ekɛ lɛ tsu nii lɛ? (2 Mose 6:12, 30; Luka 21:13-15)

3. Kanemɔ 2 Mose 7:1-13.

   1. Mɛɛ okadi Mose kɛ Aaron to kɛha Nyɔŋmɔ tsuji ni yɔɔ ŋmɛnɛ lɛ be ni amɛkɛ ekãa jaje Yehowa kojomɔi lɛ amɛtsɔɔ Farao lɛ? (2 Mose 7:2, 3, 6; Bɔf. 4:29-31)

   2. Mɛɛ gbɛ nɔ Yehowa tsɔ ejie ehewalɛ ni fe Mizraim nyɔŋmɔi lɛ anɔ̃ lɛ kpo etsɔɔ? (2 Mose 7:12; 1 Kron. 29:12)

Sane 32

1. Kwɛmɔ mfonirii ni yɔɔ biɛ lɛ ni otsɔɔ klɛŋklɛŋ haomɔi etɛ ni Yehowa kɛba Mizraim nɔ lɛ mli.

2. Mɛni ji srɔtofeemɔ ni yɔɔ klɛŋklɛŋ haomɔi etɛ lɛ kɛ haomɔi ni eshwɛ lɛ teŋ?

3. Mɛni ji haomɔi ni ji ejwɛ, enumɔ, kɛ ekpaa lɛ?

4. Tsɔɔmɔ haomɔi ni ji kpawo, kpaanyɔ kɛ nɛɛhu lɛ mli.

5. Mɛni Yehowa kɛɛ Israelbii lɛ akɛ amɛfee dani haomɔ ni ji nyɔŋma lɛ aba?

6. Mɛni ji haomɔ ni ji nyɔŋma lɛ, ni mɛni ba yɛ no sɛɛ?

Sanebimɔi ni fata he:

1. Kanemɔ 2 Mose 7:19–8:23.

   1. Eyɛ mli akɛ Mizraim ŋkunyaayelɔi lɛ nyɛ amɛfee klɛŋklɛŋ haomɔi enyɔ ni Yehowa kɛba lɛ eko moŋ, shi anyɛ amɛnɔ ni amɛkpɛlɛ mɛni nɔ yɛ haomɔ ni ji etɛ lɛ sɛɛ? (2 Mose 8:18, 19; Mat. 12:24-28)

   2. Mɛɛ gbɛ nɔ haomɔ ni ji ejwɛ lɛ feɔ nyɛmɔ ni Yehowa yɔɔ ni ekɛaabu ewebii ahe lɛ he nɔkwɛmɔnɔ yɛ, ni te enɛ ni Nyɔŋmɔ webii le lɛ haa amɛnuɔ he amɛhaa tɛŋŋ yɛ “amanehulu kpeteŋkpele” ni agba afɔ shi ni kã amɛhiɛ lɛ he? (2 Mose 8:22, 23; Kpoj. 7:13, 14; 2 Kron. 16:9)

2. Kanemɔ 2 Mose 8:24; 9:3, 6, 10, 11, 14, 16, 23-25; kɛ 10:13-15, 21-23.

   1. Mɛɛ kui enyɔ Haomɔi Nyɔŋma lɛ ha abale amɛ, ni te enɛ saa bɔ ni wɔsusuɔ nakai kui enyɔ lɛ ahe lɛ he ŋmɛnɛ ehaa tɛŋŋ? (2 Mose 8:10, 18, 19; 9:14)

   2. Yɛ mɛɛ gbɛ nɔ 2 Mose 9:16 yeɔ ebuaa wɔ koni wɔnu nɔ hewɔ ni Yehowa eŋmɛ Satan gbɛ koni ehi shi kɛbashi ŋmɛnɛ lɛ shishi? (Rom. 9:21, 22)

3. Kanemɔ 2 Mose 12:21-32.

   Yɛ mɛɛ gbɛ nɔ Hehoo lɛ ha yiwalaheremɔ fee nɔ ni mɛi babaoo nine baanyɛ ashɛ nɔ, ni Hehoo lɛ kɔɔ mɛni he? (2 Mose 12:21-23; Yoh. 1:29; Rom. 5:18, 19, 21; 1 Kor. 5:7)

Sane 33

1. Israel hii enyiɛ shi Mizraim kɛfata yei kɛ gbekɛbii ahe, ni namɛi hu fata amɛhe kɛtee?

2. Be mli ni Farao ha Israelbii lɛ tee lɛ, te enu he eha tɛŋŋ, ni mɛni efee?

3. Mɛni Yehowa fee ni ekɛtsĩ Mizraimbii lɛ anaa koni amɛkatutua ewebii lɛ?

4. Mɛni ba be ni Mose kpã etso lɛ mli ekɛtsɔɔ Ŋshɔ Tsuru lɛ nɔ lɛ, ni mɛni Israelbii lɛ fee?

5. Mɛni ba be ni Mizraimbii lɛ shá foi kɛbote ŋshɔ lɛ mli kɛtiu Israelbii lɛ?

6. Mɛɛ gbɛ nɔ Israelbii lɛ tsɔɔ yɛ akɛ amɛná miishɛɛ, ni amɛmiida Yehowa shi akɛ ehere amɛyiwala lɛ?

Sanebimɔi ni fata he:

1. Kanemɔ 2 Mose 12:33-36.

   Mɛɛ gbɛ nɔ Yehowa kwɛ koni awo afii babaoo ni ewebii lɛ kɛye nyɔŋ yɛ Mizraimbii lɛ ashishi lɛ he nyɔmɔ? (2 Mose 3:21, 22; 12:35, 36)

2. Kanemɔ 2 Mose 14:1-31.

   Te Mose wiemɔi ni aŋma afɔ shi yɛ 2 Mose 14:13, 14 lɛ kɔɔ Yehowa tsuji ni yɔɔ ŋmɛnɛ ní Harmagedon ta ni baa lɛ kã amɛhiɛ lɛ ahe ehaa tɛŋŋ? (2 Kron. 20:17; Lala 91:8)

3. Kanemɔ 2 Mose 15:1-8, 20, 21.

   1. Mɛni hewɔ esa akɛ Yehowa tsuji alá yijiemɔ lalai amɛha lɛ lɛ? (2 Mose 15:1, 2; Lala 105:2, 3; Kpoj. 15:3, 4)

   2. Mɛɛ Yehowa yijiemɔ he nɔkwɛmɔnɔ Miriam kɛ yei lɛ ni yɔɔ Ŋshɔ Tsuru lɛ naa lɛ fee kɛha Kristofoi yei ni yɔɔ ŋmɛnɛ lɛ? (2 Mose 15:20, 21; Lala 68:12)

Sane 34

1. Yɛ mfoniri lɛ mli lɛ, mɛni gbɔmɛi lɛ halaa yɛ shikpɔŋ lɛ, ni te atsɛ́ɔ lɛ tɛŋŋ?

2. Mɛɛ famɔ Mose kɛha gbɔmɛi lɛ yɛ mana lɛ halamɔ he?

3. Mɛni Yehowa kɛɛ gbɔmɛi lɛ akɛ amɛfee yɛ gbi ni ji ekpaa lɛ nɔ, ni mɛni hewɔ?

4. Mɛɛ naakpɛɛ nii Yehowa feɔ kɛ́ akɛ mana lɛ eko to kɛha gbi ni ji kpawo lɛ?

5. Bei enyiɛ Yehowa kɛ mana lɛ̀ gbɔmɛi lɛ?

Sanebimɔi ni fata he:

1. Kanemɔ 2 Mose 16:1-36 kɛ 4 Mose 11:7-9.

   1. Mɛni 2 Mose 16:8 tsɔɔ yɛ bɔ ni ehe hiaa ni wɔkɛ bulɛ aha mɛi ni atsɔ teokrase nɔ ahala amɛ yɛ Kristofoi asafo lɛ mli lɛ he? (Heb. 13:17)

   2. Mɛɛ gbɛ nɔ atsɔ akai Israelbii lɛ daa gbi yɛ ŋa lɛ nɔ, yɛ bɔ ni esa akɛ amɛkɛ amɛhe afɔ Yehowa nɔ lɛ he? (2 Mose 16:14-16, 35; 5 Mose 8:2, 3)

   3. Te Yesu kɛ okadifeemɔ shishinumɔ tsɔɔ mana lɛ mli eha tɛŋŋ, ni nɛkɛ “aboloo ni jɛ ŋwɛi” nɛɛ he baa sɛɛnamɔ kɛhaa wɔ yɛ mɛɛ gbɛ nɔ? (Yoh. 6:31-35, 40)

2. Kanemɔ Yoshua 5:10-12.

   Afii enyiɛ Israelbii lɛ kɛye mana, enɛ ka amɛ yɛ mɛɛ gbɛ nɔ, ni mɛni wɔbaanyɛ wɔkase kɛjɛ sane nɛɛ mli? (2 Mose 16:35; 4 Mose 11:4-6; 1 Kor. 10:10, 11)

Sane 35

1. Be mli ni Israelbii lɛ shi Mizraim sɛɛ mli aaafee nyɔji enyɔ lɛ, nɛgbɛ amɛyabɔ ŋsara yɛ?

2. Mɛni Yehowa kɛɛ eesumɔ ni gbɔmɛi lɛ afee, ni mɛɛ hetoo amɛha?

3. Mɛni hewɔ Yehowa kɛ tɛi tɛtrɛbii enyɔ ha Mose lɛ?

4. Yɛ Kitai Nyɔŋma lɛ sɛɛ lɛ, mɛɛ mlai krokomɛi hu Yehowa kɛha Israelbii lɛ?

5. Mɛɛ mlai enyɔ Yesu Kristo kɛɛ akɛ nomɛi ji nɔ ni fe fɛɛ lɛ?

Sanebimɔi ni fata he:

1. Kanemɔ 2 Mose 19:1-25; 20:1-21; 24:12-18; kɛ 31:18.

   Mɛɛ gbɛ nɔ wiemɔi ni aŋmala ashwie shi yɛ 2 Mose 19:8 lɛ yeɔ ebuaa wɔ ni wɔnuɔ nɔ ni Kristofoi ahenɔjɔɔmɔ ni afeɔ lɛ tsɔɔ lɛ shishi? (Mat. 16:24; 1 Pet. 4:1-3)

2. Kanemɔ 5 Mose 6:4-6; 3 Mose 19:18; kɛ Mateo 22:36-40.

   Mɛɛ gbɛ nɔ Kristofoi tsɔɔ amɛjieɔ suɔmɔ ni amɛyɔɔ kɛha Nyɔŋmɔ kɛ naanyo lɛ kpo? (Mar. 6:34; Bɔf. 4:20; Rom. 15:2)

Sane 36

1. Mɛni gbɔmɛi lɛ feɔ yɛ mfoniri lɛ mli lɛ, ni mɛni hewɔ?

2. Mɛni hewɔ Yehowa mli fu lɛ, ni mɛni Mose fee be mli ni ena nɔ ni gbɔmɛi lɛ feɔ lɛ?

3. Mɛni Mose kɛɛ hii lɛ ekomɛi akɛ amɛfee?

4. Mɛni nii esa akɛ nɛkɛ sane nɛɛ atsɔɔ wɔ?

Sanebimɔi ni fata he:

1. Kanemɔ 2 Mose 32:1-35.

   1. Mɛɛ gbɛ nɔ nɛkɛ sane nɛɛ tsɔɔ bɔ ni Yehowa feɔ enii yɛ apasa jamɔ ni akɛfutuɔ anɔkwa jamɔ lɛ he? (2 Mose 32:4-6, 10; 1 Kor. 10:7, 11)

   2. Mɛɛ henɔkwɛmɔ jogbaŋŋ esa akɛ Kristofoi kɛtsu nii yɛ hiɛtserɛjiemɔ ni amɛhalaa, tamɔ lalai kɛ jooi lɛ mli? (2 Mose 32:18, 19; Efe. 5:15, 16; 1 Yoh. 2:15-17)

   3. Yɛ mɛɛ gbɛ nɔ Levi akutso lɛ fee nɔkwɛmɔnɔ kpakpa yɛ bɔ ni amɛtsu jalɛ nifeemɔ he nii lɛ mli? (2 Mose 32:25-28; Lala 18:26)

Sane 37

1. Te atsɛ́ɔ tsũ ni yɔɔ mfoniri lɛ mli lɛ tɛŋŋ, ni mɛni atsuɔ yɛ jɛmɛ?

2. Mɛni hewɔ Yehowa kɛɛ Mose akɛ efee buu lɛ bɔ ni abaanyɛ afamɔ yɛ gbɛ ni waaa nɔ lɛ?

3. Mɛɛ adeka ma tsũ bibioo lɛ mli yɛ buu lɛ naagbee gbɛ lɛ, ni mɛni yɔɔ adeka lɛ mli?

4. Namɔ Yehowa hala koni efee osɔfonukpa, ni mɛni osɔfonukpa lɛ feɔ?

5. Tsĩi nibii etɛ ni yɔɔ tsũ agbo lɛ mli lɛ agbɛi atã.

6. Mɛɛ nibii enyɔ yɔɔ kpeebuu lɛ kpo lɛ nɔ, ni mɛni akɛfeɔ?

Sanebimɔi ni fata he:

1. Kanemɔ 2 Mose 25:8-40; 26:1-37; 27:1-8; kɛ 28:1.

   Kerubim ni yɔɔ “odase adeka lɛ” nɔ lɛ damɔ shi kɛha mɛni? (2 Mose 25:20, 22; 4 Mose 7:89; 2 Maŋ. 19:15)

2. Kanemɔ 2 Mose 30:1-10, 17-21; 34:1, 2; kɛ Hebribii 9:1-5.

   1. Mɛni hewɔ Yehowa ma bɔ ni ehe hiaa ni osɔfoi ni sɔmɔɔ yɛ kpeebuu lɛ mli lɛ ahe atse lɛ nɔ mi lɛ, ni te esa akɛ enɛ asa wɔhe aha tɛŋŋ ŋmɛnɛ? (2 Mose 30:18-21; 40:30, 31; Heb. 10:22)

   2. Yɛ mɛɛ gbɛ nɔ bɔfo Paulo tsɔɔ yɛ akɛ kpeebuu lɛ kɛ Mla kpaŋmɔ lɛ be eho yɛ be mli ni eŋma ewolo lɛ eyaha Hebri Kristofoi lɛ? (Heb. 9:1, 9; 10:1)

Sane 38

1. Mɛni okadiɔ yɛ wein yibii kusha ni yɔɔ mfoniri lɛ mli lɛ he, ni nɛgbɛ akɛjɛ?

2. Mɛni hewɔ Mose tsu maŋ shikpálɔi 12 kɛtee Kanaan shikpɔŋ lɛ nɔ lɛ?

3. Mɛɛ amaniɛ maŋ shikpálɔi nyɔŋma lɛ babɔ Mose?

4. Mɛɛ gbɛ nɔ maŋ shikpálɔi enyɔ lɛ tsɔɔ yɛ akɛ amɛyɛ hekɛnɔfɔɔ yɛ Yehowa mli, ni mɛni ji amɛgbɛi?

5. Mɛni hewɔ Yehowa mli fu lɛ, ni mɛni ekɛɛ Mose?

Sanebimɔi ni fata he:

1. Kanemɔ 4 Mose 13:1-33.

   1. Namɛi ahala ni amɛyakpá shikpɔŋ lɛ shi lɛ, ni mɛɛ hegbɛ ni hi jogbaŋŋ amɛná? (4 Mose 13:2, 3, 18-20)

   2. Mɛni hewɔ Yoshua kɛ Kaleb susumɔ yɔɔ srɔto yɛ maŋ shikpálɔi krokomɛi lɛ anɔ̃ lɛ he lɛ, ni mɛni enɛ tsɔɔ wɔ? (4 Mose 13:28-30; Mat. 17:20; 2 Kor. 5:7)

2. Kanemɔ 4 Mose 14:1-38.

   1. Mɛɛ kɔkɔbɔɔ ni kɔɔ huhuuhu ni awieɔ ashiɔ Yehowa shikpɔŋ nɔ najiaŋdamɔlɔi lɛ he lɛ esa akɛ wɔbo toi? (4 Mose 14:2, 3, 27; Mat. 25:40, 45; 1 Kor. 10:10)

   2. Mɛɛ gbɛ nɔ 4 Mose 14:24 tsɔɔ yɛ akɛ Yehowa yɛ etsulɔ fɛɛ tsulɔ he miishɛɛ? (1 Maŋ. 19:18; Abɛi 15:3)

Sane 39

1. Namɛi te shi wo hegbɛ ni Mose kɛ Aaron yɔɔ lɛ, ni mɛni amɛkɛɛ Mose?

2. Mɛni Mose kɛɛ Kora kɛ esɛɛnyiɛlɔi 250 lɛ akɛ amɛfee?

3. Mɛni Mose kɛɛ gbɔmɛi lɛ, ni mɛni ba be ni ekpa wiemɔ nɔŋŋ lɛ?

4. Mɛni ba Kora kɛ esɛɛnyiɛlɔi 250 lɛ anɔ?

5. Mɛni Eleazar ni ji Aaron binuu lɛ, kɛ mɛi ni gboi lɛ aŋɛsui lɛ fee, ni mɛni hewɔ?

6. Mɛni hewɔ Yehowa ha Aaron tso lɛ gbá afoforo lɛ? (Kwɛmɔ mfoniri lɛ.)

Sanebimɔi ni fata he:

1. Kanemɔ 4 Mose 16:1-17:14.

   1. Mɛni Kora kɛ esɛɛnyiɛlɔi lɛ fee, ni mɛni hewɔ eji atua ni atseɔ ashiɔ Yehowa lɛ? (4 Mose 16:9, 10, 18; 3 Mose 10:1, 2; Abɛi 11:2)

   2. Mɛɛ jwɛŋmɔ ni ejaaa Kora kɛ “asafo lɛ mli onukpai” 250 lɛ ná? (4 Mose 16:1-3; Abɛi 15:33; Yes. 49:7)

2. Kanemɔ 4 Mose 17:16-26 kɛ 26:10.

   1. Mɛni Aaron tso lɛ ni gbá afoforo lɛ tsɔɔ, ni mɛni hewɔ Yehowa fã ni akɛto kpaŋmɔ adeka lɛ mli lɛ? (4 Mose 17:20, 23, 25)

   2. Mɛɛ nii ni he hiaa wɔbaanyɛ wɔkase kɛjɛ Aaron tso lɛ he okadi lɛ mli? (4 Mose 17:25; Bɔf. 20:28; Fil. 2:14; Heb. 13:17)

Sane 40

1. Mɛɛ gbɛ nɔ Yehowa tsɔ ekwɛ Israelbii lɛ anɔ be mli ni amɛyɔɔ ŋa lɛ nɔ lɛ?

2. Mɛɛ huhuuhu Israelbii lɛ wie be ni amɛbɔ ŋsara yɛ Kadesh lɛ?

3. Mɛɛ gbɛ nɔ Yehowa tsɔ eha gbɔmɛi lɛ kɛ amɛ kooloi lɛ ná nu?

4. Namɔ kɛ nine tsɔɔ ehe yɛ mfoniri lɛ mli lɛ, ni mɛni hewɔ efeɔ nakai lɛ?

5. Mɛni hewɔ Yehowa mli fu Mose kɛ Aaron lɛ, ni te egbala amɛtoi eha tɛŋŋ?

6. Mɛni ba yɛ Hor Gɔŋ lɛ he, ni namɔ batsɔ Israel osɔfonukpa?

Sanebimɔi ni fata he:

1. Kanemɔ 4 Mose 20:1-13, 22-29 kɛ 5 Mose 29:4.

   1. Mɛni wɔkaseɔ kɛjɛɔ gbɛ nɔ ni Yehowa tsɔ ekwɛ Israelbii lɛ anɔ yɛ ŋa lɛ nɔ lɛ mli? (5 Mose 29:4; Mat. 6:31; Heb. 13:5; Yak. 1:17)

   2. Te Yehowa bu ehiɛ nyam ni Mose kɛ Aaron wooo yɛ Israelbii lɛ ahiɛ lɛ eha tɛŋŋ? (4 Mose 20:12; 1 Kor. 10:12; Kpoj. 4:11)

   3. Mɛni wɔbaanyɛ wɔkase yɛ bɔ ni Mose fee enii eha yɛ tsɔsemɔ ni Yehowa kɛha lɛ lɛ he lɛ mli? (4 Mose 12:3; 20:12, 27, 28; 5 Mose 32:4; Heb. 12:7-11)

Sane 41

1. Mɛni ebala tso lɛ he yɛ mfoniri lɛ mli lɛ, ni mɛni hewɔ Yehowa kɛɛ Mose akɛ ekɛtsotsoro jɛmɛ lɛ?

2. Te gbɔmɛi lɛ ahiɛ esɔɔɔ nibii fɛɛ ni Nyɔŋmɔ efee eha amɛ lɛ tɛŋŋ?

3. Be mli ni Yehowa ha onufui kɔmɔ gbɔmɛi lɛ ni ekɛgbala amɛtoi lɛ, mɛni amɛkɛɛ Mose afee?

4. Mɛni hewɔ Yehowa kɛɛ Mose afee akɔɔble onufu lɛ?

5. Mɛni wɔbaanyɛ wɔkase kɛjɛ sane nɛɛ mli?

Sanebimɔi ni fata he:

1. Kanemɔ 4 Mose 21:4-9.

   1. Mɛɛ kɔkɔbɔɔ huhuuhu ni Israelbii lɛ wie amɛshi nibii ni Yehowa toɔ he gbɛjianɔ ehaa amɛ lɛ kɛhaa wɔ? (4 Mose 21:5, 6; Rom. 2:4)

   2. Te Israelbii lɛ kɛ akɔɔble onufu lɛ tsu nii yɛ afii ohai abɔ ni nyiɛ sɛɛ lɛ mli lɛ amɛha tɛŋŋ, ni mɛni Maŋtsɛ Hezekia fee? (4 Mose 21:9; 2 Maŋ. 18:1-4)

2. Kanemɔ Yohane 3:14, 15.

   Akɔɔble onufu lɛ ni akɛtsotsoro tso he lɛ feɔ Yesu Kristo sɛŋmɔ lɛ he mfoniri jogbaŋŋ yɛ mɛɛ gbɛ nɔ? (Gal. 3:13; 1 Pet. 2:24)

Sane 42

1. Namɔ ji Balak, ni mɛni hewɔ etsu koni ayatsɛ́ Bileam kɛba lɛ?

2. Mɛni hewɔ Bileam teji lɛ kã shi yɛ gbɛ lɛ nɔ lɛ?

3. Mɛni teji lɛ kɛɛ Bileam?

4. Mɛni ŋwɛibɔfo ko kɛɛ Bileam?

5. Be mli ni Bileam bɔ mɔdɛŋ akɛ ebaalomɔ Israel lɛ, mɛni ba?

Sanebimɔi ni fata he:

1. Kanemɔ 4 Mose 21:21-35.

   Mɛni hewɔ Israel gbe Amorbii a-Maŋtsɛ Sihon kɛ Bashan Maŋtsɛ Og lɛ? (4 Mose 21:21, 23, 33, 34)

2. Kanemɔ 4 Mose 22:1-40.

   Mɛni hewɔ Bileam bɔ mɔdɛŋ koni elomɔ Israel lɛ, ni mɛni wɔbaanyɛ wɔkase kɛjɛ enɛ mli? (4 Mose 22:16, 17; Abɛi 6:16, 18; 2 Pet. 2:15; Yuda 11)

3. Kanemɔ 4 Mose 23:1-30.

   Eyɛ mli akɛ Bileam wie tamɔ Yehowa jálɔ moŋ, shi mɛɛ gbɛ nɔ enifeemɔi tsɔɔ nɔ kroko? (4 Mose 23:3, 11-14; 1 Sam. 15:22)

4. Kanemɔ 4 Mose 24:1-25.

   Te Biblia mli sane nɛɛ woɔ hemɔkɛyeli ni wɔyɔɔ yɛ bɔ ni Yehowa tsuɔ eyiŋtoi ahe nii lɛ mli hewalɛ ehaa tɛŋŋ? (4 Mose 24:10; Yes. 54:17)

Sane 43

1. Namɛi ji hii enyɔ ni kɛ Mose damɔ shi yɛ mfoniri lɛ mli lɛ?

2. Mɛni Yehowa kɛɛ Yoshua?

3. Mɛni hewɔ Mose kwɔ kɛtee Nebo Gɔŋ lɛ yiteŋ lɛ, ni mɛni Yehowa kɛɛ lɛ?

4. Afii enyiɛ Mose ye dani egbo?

5. Mɛni hewɔ gbɔmɛi lɛ ye awerɛho lɛ, shi mɛni hewɔ esa akɛ amɛná miishɛɛ?

Sanebimɔi ni fata he:

1. Kanemɔ 4 Mose 27:12-23.

   Mɛɛ gbɛnaa nii ni tsii Yehowa kɛha Yoshua, ni mɛɛ gbɛ nɔ Yehowa tsɔɔ ekwɛɔ E-webii anɔ ŋmɛnɛ? (4 Mose 27:15-19; Bɔf. 20:28; Heb. 13:7)

2. Kanemɔ 5 Mose 3:23-29.

   Mɛni hewɔ Yehowa haaa Mose kɛ Aaron aya shiwoo shikpɔŋ lɛ nɔ lɛ, ni mɛni wɔbaanyɛ wɔkase kɛjɛ enɛ mli? (5 Mose 3:25-27; 4 Mose 20:12, 13)

3. Kanemɔ 5 Mose 31:1-8, 14-23.

   Mɛɛ gbɛ nɔ naagbee wiemɔ ni Mose kɛ Israel wie lɛ tsɔɔ akɛ ekɛ heshibaa kpɛlɛ tsɔsemɔ ni Yehowa kɛha lɛ lɛ nɔ? (5 Mose 31:6-8, 23)

4. Kanemɔ 5 Mose 32:45-52.

   Te esa akɛ Nyɔŋmɔ Wiemɔ lɛ asa wɔshihilɛi ahe eha tɛŋŋ? (5 Mose 32:47; 3 Mose 18:5; Heb. 4:12)

5. Kanemɔ 5 Mose 34:1-12.

   Eyɛ mli akɛ Mose kɛ ehiŋmɛi enaaa Yehowa moŋ, shi mɛni 5 Mose 34:10 lɛ tsɔɔ yɛ wekukpaa ni yɔɔ ekɛ Yehowa teŋ lɛ he? (2 Mose 33:11, 20; 4 Mose 12:8)

Sane 44

1. Nɛgbɛ Rahab hi?

2. Namɛi ji hii enyɔ ni yɔɔ mfoniri lɛ mli lɛ, ni mɛni hewɔ amɛyɔɔ Yeriko lɛ?

3. Mɛni Yeriko maŋtsɛ lɛ fã Rahab koni efee, ni mɛɛ hetoo ekɛha?

4. Mɛɛ gbɛ nɔ Rahab tsɔ eye ebua hii enyɔ lɛ, ni mɛni ebi ni amɛfee amɛha lɛ?

5. Mɛɛ shiwoo maŋ shikpálɔi enyɔ lɛ kɛha Rahab?

Sanebimɔi ni fata he:

1. Kanemɔ Yoshua 2:1-24.

   Mɛɛ gbɛ nɔ Yehowa shiwoo ni aŋma yɛ 2 Mose 23:28 lɛ tsɔ eba mli be ni Israelbii lɛ kɛ Yeriko wu ta lɛ? (Yosh. 2:9-11)

2. Kanemɔ Hebribii 11:31.

   Te Rahab nɔkwɛmɔnɔ lɛ maa bɔ ni hemɔkɛyeli he hiaa lɛ nɔ mi ehaa tɛŋŋ? (Rom. 1:17; Heb. 10:39; Yak. 2:25)

Sane 45

1. Mɛɛ naakpɛɛ nii Yehowa fee koni Israelbii lɛ anyɛ afo Yordan Faa lɛ?

2. Mɛɛ hemɔkɛyeli nifeemɔ esa akɛ Israelbii lɛ ajie lɛ kpo amɛtsɔɔ koni no aha amɛfo Yordan Faa lɛ?

3. Mɛni hewɔ Yehowa kɛɛ Yoshua akɛ ehala tɛi agboi 12 yɛ faa lɛ mli lɛ?

4. Be ni osɔfoi lɛ je Yordan mli nɔŋŋ lɛ, mɛni ba?

Sanebimɔi ni fata he:

1. Kanemɔ Yoshua 3:1-17.

   1. Taakɛ sane nɛɛ tsɔɔ lɛ, mɛni esa akɛ wɔfee koni Yehowa ajɔɔ wɔ ni eye ebua wɔ? (Yosh. 3:13, 15; Abɛi 3:5; Yak. 2:22, 26)

   2. Be mli ni Israelbii lɛ fo Yordan Faa lɛ kɛtee Shiwoo Shikpɔŋ lɛ nɔ lɛ, no mli lɛ te faa lɛ yɔɔ tɛŋŋ, ni te ewoɔ Yehowa gbɛi lɛ hiɛ nyam ehaa tɛŋŋ? (Yosh. 3:15; 4:18; Lala 66:5-7)

2. Kanemɔ Yoshua 4:1-18.

   Mɛɛ yiŋtoo he nii tɛi 12 ni akɔlɔ yɛ Yordan ni akɛyamamɔ shi yɛ Gilgal lɛ tsu? (Yosh. 4:4-7)

Sane 46

1. Mɛni Yehowa kɛɛ tabilɔi lɛ kɛ osɔfoi lɛ akɛ amɛkɛ gbii ekpaa afee?

2. Mɛni akɛɛ hii lɛ afee yɛ gbi kpawo lɛ nɔ?

3. Mɛni onaa ni Yeriko gbogboi lɛ feɔ yɛ mfoniri lɛ mli lɛ?

4. Mɛni hewɔ kpãa tsuru tsotsoro samfɛlɛ lɛ naa lɛ?

5. Mɛni Yoshua kɛɛ tabilɔi lɛ akɛ amɛfee maŋbii lɛ, ni jwiɛtɛi, shika, akɔɔble, kɛ dade lɛ hu?

6. Mɛni akɛɛ maŋ shikpálɔi enyɔ lɛ afee?

Sanebimɔi ni fata he:

1. Kanemɔ Yoshua 6:1-25.

   1. Te nyiɛmɔ ni Israelbii lɛ nyiɛ kɛbɔle Yeriko yɛ gbi ni ji kpawo lɛ nɔ lɛ tamɔ Yehowa Odasefoi ashiɛmɔ nitsumɔ yɛ naagbee gbii nɛɛ amli lɛ eha tɛŋŋ? (Yosh. 6:15, 16; Yes. 60:22; Mat. 24:14; 1 Kor. 9:16)

   2. Mɛɛ gbɛ nɔ gbalɛ ni aŋma yɛ Yoshua 6:26 lɛ ba mli yɛ aaafee afii 500 sɛɛ, ni mɛni enɛ tsɔɔ wɔ yɛ Yehowa wiemɔ lɛ he? (1 Maŋ. 16:34; Yes. 55:11)

Sane 47

1. Mɛɛ nuu kɛ nibii ni ekɔlɔ kɛjɛ Yeriko lɛ toɔ bu mli yɛ mfoniri lɛ mli lɛ, ni namɛi yeɔ buaa lɛ lɛ?

2. Mɛni hewɔ hiɛdɔɔ yɔɔ Akan kɛ eweku lɛ nifeemɔ lɛ he waa lɛ?

3. Be mli ni Yoshua bi Yehowa nɔ hewɔ ni aye Israelbii lɛ anɔ yɛ ta ni awu yɛ Ai lɛ mli lɛ, mɛni Yehowa kɛɛ?

4. Be mli ni akɛ Akan kɛ eweku lɛ ba Yoshua ŋɔɔ lɛ, mɛni afee amɛ?

5. Mɛɛ nɔ ko ni he hiaa kojomɔ ni akɛba Akan nɔ lɛ tsɔɔ wɔ?

Sanebimɔi ni fata he:

1. Kanemɔ Yoshua 7:1-26.

   1. Mɛni Yoshua sɔlemɔ lɛ tsɔɔ yɛ wekukpaa ni kã ekɛ e-Bɔlɔ lɛ teŋ lɛ he? (Yosh. 7:7-9; Lala 119:145; 1 Yoh. 5:14)

   2. Mɛni Akan nɔkwɛmɔnɔ lɛ tsɔɔ, ni enɛ ji kɔkɔbɔɔ kɛha wɔ yɛ mɛɛ gbɛ nɔ? (Yosh. 7:11, 14, 15; Abɛi 15:3; 1 Tim. 5:24; Heb. 4:13)

2. Kanemɔ Yoshua 8:1-29.

   Ákɛ aŋkroaŋkroi lɛ, mɛɛ Kristofoi asafo lɛ he sɔ̃ kã wɔnɔ ŋmɛnɛ? (Yosh. 7:13; 3 Mose 5:1; Abɛi 28:13)

Sane 48

1. Mɛɛ srɔtofeemɔ yɔɔ Gibeonbii lɛ kɛ maji ni bɛŋkɛ Kanaan lɛ ateŋ?

2. Taakɛ atɛŋ yɛ mfoniri lɛ mli lɛ, mɛni Gibeonbii lɛ fee, ni mɛni hewɔ?

3. Mɛɛ shiwoo Yoshua kɛ Israelbii lɛ kɛha Gibeonbii lɛ, shi gbii etɛ sɛɛ lɛ mɛni amɛna?

4. Be mli ni maji krokomɛi lɛ anɔ maŋtsɛmɛi lɛ nu akɛ Gibeonbii lɛ kɛ Israel eyafee toiŋjɔlɛ kpaŋmɔ lɛ, mɛni ba?

Sanebimɔi ni fata he:

1. Kanemɔ Yoshua 9:1-27.

   1. Akɛni Yehowa kɛɛ Israel maŋ lɛ akɛ ‘amɛfite shikpɔŋ lɛ nɔ bii fɛɛ’ hewɔ lɛ, mɛɛ sui Gibeonbii lɛ ahiɛ ni ekpataaa lɛ maa nɔ mi? (Yosh. 9:22, 24; Mat. 9:13; Bɔf. 10:34, 35; 2 Pet. 3:9)

   2. Akɛni Yoshua ye kpaŋmɔ ni ekɛ Gibeonbii lɛ fee lɛ nɔ hewɔ lɛ, mɛɛ nɔkwɛmɔnɔ kpakpa efee kɛha Kristofoi ŋmɛnɛ? (Yosh. 9:18, 19; Mat. 5:37; Efe. 4:25)

2. Kanemɔ Yoshua 10:1-5.

   Mɛɛ gbɛ nɔ asafo babaoo lɛ tsɔɔ amɛkaseɔ Gibeonbii lɛ ŋmɛnɛ, ni mɛni no haa afeɔ amɛ? (Yosh. 10:4; Zak. 8:23; Mat. 25:35-40; Kpoj. 12:17)

Sane 49

1. Mɛni Yoshua wieɔ yɛ mfoniri lɛ mli lɛ, ni mɛni hewɔ?

2. Mɛɛ gbɛ nɔ Yehowa tsɔ eye ebua Yoshua kɛ etabilɔi lɛ?

3. Henyɛlɔi amaŋtsɛmɛi enyiɛ Yoshua ye amɛnɔ kunim, ni afii enyiɛ ekɛye amɛnɔ kunim lɛ?

4. Mɛni hewɔ Yoshua ja Kanaan shikpɔŋ lɛ mli lɛ?

5. Afii enyiɛ Yoshua ye dani egbo, ni no sɛɛ lɛ mɛni ba gbɔmɛi lɛ anɔ?

Sanebimɔi ni fata he:

1. Kanemɔ Yoshua 10:6-15.

   Akɛni wɔle akɛ Yehowa ha hulu lɛ kɛ nyɔɔŋtsere lɛ wa kɛdamɔ shi eha Israel hewɔ lɛ, mɛɛ hekɛnɔfɔɔ wɔyɔɔ ŋmɛnɛ? (Yosh. 10:8, 10, 12, 13; Lala 18:4; Abɛi 18:10)

2. Kanemɔ Yoshua 12:7-24.

   Namɔ tuuntu ha aye maŋtsɛmɛi 31 anɔ kunim yɛ Kanaan lɛ, ni mɛni hewɔ enɛ he hiaa wɔ ŋmɛnɛ lɛ? (Yosh. 12:7; 24:11-13; 5 Mose 31:8; Luka 21:9, 25-28)

3. Kanemɔ Yoshua 14:1-5.

   Te ajara shikpɔŋ lɛ mli aha Israel akutsei lɛ tɛŋŋ, ni mɛni enɛ tsɔɔ yɛ shikpɔji ni yɔɔ Paradeiso lɛ he? (Yosh. 14:2; Yes. 65:21; Ezek. 47:21-23; 1 Kor. 14:33)

4. Kanemɔ Kojolɔi 2:8-13.

   Taakɛ Yoshua fee yɛ Israel lɛ, namɛi tsĩɔ hemɔkɛyeli kwamɔ naa ŋmɛnɛ? (Koj. 2:8, 10, 11; Mat. 24:45-47; 2 Tes. 2:3-6; Tito 1:7-9; Kpoj. 1:1; 2:1, 2)

Sane 50

1. Namɛi ji kojolɔi lɛ, ni te atsɛ́ɔ amɛteŋ mɛi komɛi tɛŋŋ?

2. Mɛɛ hegbɛ krɛdɛɛ Debora yɔɔ, ni mɛni fata enɛ he?

3. Be mli ni Maŋtsɛ Yabin kɛ etatsɛnukpa Sisera wo Israelbii lɛ ahe gbeyei lɛ, mɛɛ Yehowa wiemɔ Debora kɛha Kojolɔ Barak, ni namɔ ekɛɛ akɛ yijiemɔ lɛ baaha?

4. Mɛɛ gbɛ nɔ Yael tsɔɔ yɛ akɛ eji yoo ni yɔɔ ekãa?

5. Be mli ni Maŋtsɛ Yabin gbo lɛ, mɛni ba?

Sanebimɔi ni fata he:

1. Kanemɔ Kojolɔi 2:14-22.

   Te fee tɛŋŋ ni Israelbii lɛ ha Yehowa mli fu amɛ, ni mɛni wɔkaseɔ kɛjɛɔ enɛ mli? (Koj. 2:20; Abɛi 3:1, 2; Ezek. 18:21-23)

2. Kanemɔ Kojolɔi 4:1-24.

   Mɛɛ nibii ni kɔɔ hemɔkɛyeli kɛ ekãafeemɔ he Kristofoi yei ni yɔɔ ŋmɛnɛ lɛ baanyɛ akase kɛjɛ Debora kɛ Yael nɔkwɛmɔnɔ lɛ mli? (Koj. 4:4, 8, 9, 14, 21, 22; Abɛi 31:30; 1 Kor. 16:13)

3. Kanemɔ Kojolɔi 5:1-31.

   M̀ɛɛ gbɛ nɔ abaanyɛ akɛ Barak kɛ Debora kunimyeli lala lɛ atsu nii akɛ sɔlemɔ yɛ Harmagedon ta ni baa lɛ he? (Koj. 5:3, 31; 1 Kron. 16:8-10; Kpoj. 7:9, 10; 16:16; 19:19-21)

Sane 51

1. Te fee tɛŋŋ ni Naomi bahi Moab shikpɔŋ lɛ nɔ?

2. Namɛi ji Rut kɛ Orpa?

3. Be ni Naomi kɛɛ Rut kɛ Orpa akɛ amɛku amɛsɛɛ kɛya amɛmaŋbii lɛ aŋɔɔ lɛ, te amɛhere nɔ amɛha tɛŋŋ?

4. Namɔ ji Boaz, ni eye ebua Rut kɛ Naomi yɛ mɛɛ gbɛ nɔ?

5. Te atsɛ́ɔ bi ní Boaz kɛ Rut fɔ lɛ tɛŋŋ, ni mɛni hewɔ esa akɛ wɔkai lɛ lɛ?

Sanebimɔi ni fata he:

1. Kanemɔ Rut 1:1-17.

   1. Mɛɛ anɔkwa suɔmɔ he miishɛjemɔ wiemɔi Rut wie? (Rut 1:16, 17)

   2. Sú ni Rut jie lɛ kpo lɛ tamɔ nɔ ni “tooi krokomɛi” lɛ jieɔ lɛ kpo amɛtsɔɔ mɛi ni afɔ amɛ mu ni yɔɔ shikpɔŋ nɔ ŋmɛnɛ lɛ pɛpɛɛpɛ yɛ mɛɛ gbɛ nɔ? (Yoh. 10:16; Zak. 8:23)

2. Kanemɔ Rut 2:1-23.

   Rut fee nɔkwɛmɔnɔ kpakpa kɛha oblayei ni yɔɔ ŋmɛnɛ lɛ yɛ mɛɛ gbɛ nɔ? (Rut 2:17, 18; Abɛi 23:22; 31:15)

3. Kanemɔ Rut 3:5-13.

   1. Te Boaz bu suɔmɔ ni Rut yɔɔ akɛ ekɛ lɛ baabote gbalashihilɛ mli moŋ fe nɔ ni ekɛ oblanyo aaahi shi lɛ eha tɛŋŋ?

   2. Mɛni Rut subaŋ lɛ tsɔɔ wɔ yɛ anɔkwa suɔmɔ he? (Rut 3:10; 1 Kor. 13:4, 5)

4. Kanemɔ Rut 4:7-17.

   Kristofoi hii ni yɔɔ ŋmɛnɛ lɛ baanyɛ afee amɛnii tamɔ Boaz yɛ mɛɛ gbɛ nɔ? (Rut 4:9, 10; 1 Tim. 3:1, 12, 13; 5:8)

Sane 52

1. Te fee tɛŋŋ ni Israelbii lɛ bote haomɔ babaoo mli lɛ, ni mɛni hewɔ?

2. Mɛni hewɔ Yehowa kɛɛ Gideon akɛ asraafoi ni ehala lɛ ayi fa tsɔ̃ lɛ?

3. Mɛi enyiɛ eshwɛ beni Gideon kɛɛ hii ni sheɔ gbeyei lɛ akɛ amɛku amɛsɛɛ amɛya shia lɛ?

4. Kwɛmɔ mfoniri lɛ, ni otsɔɔ bɔ ni Yehowa fee etse Gideon asraafoi lɛ ayifalɛ lɛ nɔ kɛbashɛ hii 300 pɛ lɛ mli.

5. Te Gideon to ehii 300 lɛ ahe gbɛjianɔ eha tɛŋŋ, ni mɛɛ gbɛ nɔ Israel tsɔ eye kunim yɛ ta lɛ mli?

Sanebimɔi ni fata he:

1. Kanemɔ Kojolɔi 6:36-40.

   1. Gideon ná nɔmimaa yɛ Yehowa suɔmɔnaa nii he yɛ mɛɛ gbɛ nɔ?

   2. Te wɔɔfee tɛŋŋ wɔle Yehowa suɔmɔnaa nii ŋmɛnɛ? (Abɛi 2:3-6; Mat. 7:7-11; 2 Tim. 3:16, 17)

2. Kanemɔ Kojolɔi 7:1-25.

   1. Mɛni wɔbaanyɛ wɔkase kɛjɛ hii 300 ni hiɛ yɔɔ amɛhe nɔ lɛ anɔkwɛmɔnɔ lɛ mli, kɛ́ wɔkɛ amɛ to mɛi ni hiɛ kãaa shi lɛ anɔ̃ lɛ he lɛ? (Koj. 7:3, 6; Rom. 13:11, 12; Efe. 5:15-17)

   2. Taakɛ mɛi 300 lɛ kase nii kɛtsɔ amɛhiŋmɛii ni amɛkɛkwɛ Gideon lɛ nɔ lɛ, mɛɛ gbɛ nɔ wɔ hu wɔɔtsɔ wɔkase nii kɛtsɔ wɔhiŋmɛii ni wɔkɛaakwɛ Yesu Kristo ni ji Gideon Kpeteŋkpele lɛ nɔ? (Koj. 7:17; Mat. 11:29, 30; 28:19, 20; 1 Pet. 2:21)

   3. Mɛɛ gbɛ nɔ Kojolɔi 7:21 lɛ yeɔ ebuaa wɔ koni wɔkɛ miishɛɛ asɔmɔ yɛ he fɛɛ he ni akɛaaha wɔ yɛ Yehowa asafo lɛ mli lɛ? (1 Kor. 4:2; 12:14-18; Yak. 4:10)

3. Kanemɔ Kojolɔi 8:1-3.

   Be mli ni wɔtsuɔ béi ni kã wɔkɛ nyɛmi nuu loo nyɛmi yoo ko teŋ lɛ he nii lɛ, mɛni wɔbaanyɛ wɔkase kɛjɛ gbɛ nɔ ni Gideon tsɔ esaa béi ni kã ekɛ Efraimbii lɛ ateŋ lɛ mli? (Abɛi 15:1; Mat. 5:23, 24; Luka 9:48)

Sane 53

1. Namɔ ji Yefta, ni mɛɛ be mli ehi shi?

2. Yefta wo Yehowa shi yɛ mɛni he?

3. Mɛni hewɔ Yefta ye awerɛho be ni eyaye Amonbii lɛ anɔ kunim ni eku esɛɛ kɛba shia lɛ?

4. Mɛni Yefta biyoo lɛ kɛɛ beni enu epapa shiwoo lɛ?

5. Mɛni hewɔ gbɔmɛi lɛ sumɔɔ Yefta biyoo lɛ?

Sanebimɔi ni fata he:

1. Kanemɔ Kojolɔi 10:6-18.

   Mɛɛ kɔkɔbɔɔ esa akɛ wɔbo toi yɛ sane ni tsɔɔ anɔkwa ni Israelbii lɛ yeee Yehowa lɛ mli? (Koj. 10:6, 15, 16; Rom. 15:4; Kpoj. 2:10)

2. Kanemɔ Kojolɔi 11:1-11, 29-40.

   1. Te wɔfeɔ tɛŋŋ wɔleɔ akɛ biyoo ni Yefta kɛha akɛ “shãa afɔle” lɛ etsɔɔɔ akɛ abaashã lɛ yɛ la mli tamɔ akɛ kooloo shãa afɔle lɛ? (Koj. 11:31; 3 Mose 16:24; 5 Mose 18:10, 12)

   2. Yefta kɛ ebiyoo lɛ ha akɛ afɔleshãa nɔ̃ yɛ mɛɛ gbɛ nɔ?

   3. Mɛni wɔbaanyɛ wɔkase kɛjɛ sú ni Yefta yɔɔ yɛ shiwoo ni ekɛha Yehowa lɛ he lɛ mli? (Koj. 11:35, 39; Jaj. 5:3, 4; Mat. 16:24)

   4. Yefta biyoo lɛ ji nɔkwɛmɔnɔ kpakpa kɛha Kristofoi oblahii kɛ oblayei yɛ be-fɛɛ sɔɔmɔ lɛ ni amɛbaatiu sɛɛ akɛ amɛnitsumɔ lɛ mli yɛ mɛɛ gbɛ nɔ? (Koj. 11:36; Mat. 6:33; Fil. 3:8)

Sane 54

1. Te atsɛ́ɔ nuu ni he wa fe fɛɛ ni ehi shi pɛŋ lɛ tɛŋŋ, ni namɔ ha lɛ ehewalɛ lɛ?

2. Taakɛ onaa yɛ mfoniri lɛ mli lɛ, gbi ko lɛ, mɛni Samson fee jata agbo ko?

3. Mɛɛ teemɔŋ sane ko Samson kɛɔ Delila yɛ mfoniri lɛ mli lɛ, ni mɛɛ gbɛ nɔ enɛ ha Filistibii lɛ bamɔ lɛ kɛtee?

4. Te fee tɛŋŋ ni Samson nyɛ egbe ehenyɛlɔi Filistibii 3,000 lɛ yɛ gbi nɔ ni egbo lɛ?

Sanebimɔi ni fata he:

1. Kanemɔ Kojolɔi 13:1-14.

   Manoa kɛ eŋa fee nɔkwɛmɔnɔ kpakpa efɔ shi kɛha fɔlɔi yɛ amɛbii lɛ atsɔsemɔ mli yɛ mɛɛ gbɛ nɔ? (Koj. 13:8; Lala 127:3; Efe. 6:4)

2. Kanemɔ Kojolɔi 14:5-9 kɛ 15:9-16.

   1. Mɛni ji nɔ ni Samson he saji ni kɔɔ jata ni egbe, taŋkpeei heei ni akɛfimɔ lɛ lɛ ní etserɛ mli, kɛ teji kadaa ni ekɛgbe hii 1,000 lɛ ahe lɛ jieɔ lɛ kpo yɛ bɔ ni Yehowa mumɔ krɔŋkrɔŋ lɛ tsuɔ nii ehaa lɛ he?

   2. Mumɔ krɔŋkrɔŋ lɛ yeɔ ebuaa wɔ ŋmɛnɛ yɛ mɛɛ gbɛ nɔ? (Koj. 14:6; 15:14; Zak. 4:6; Bɔf. 4:31)

3. Kanemɔ Kojolɔi 16:18-31.

   Te naanyobɔɔ fɔŋ ná Samson nɔ hewalɛ eha tɛŋŋ, ni mɛni wɔbaanyɛ wɔkase kɛjɛ enɛ mli? (Koj. 16:18, 19; 1 Kor. 15:33)

Sane 55

1. Te atsɛ́ɔ gbekɛ nuu bibioo ni yɔɔ mfoniri lɛ mli lɛ tɛŋŋ, ni namɛi fata ehe lɛ?

2. Mɛni he Hana sɔle yɛ be ko be ni etee Yehowa kpeebuu lɛ mli lɛ, ni te Yehowa ha lɛ hetoo eha tɛŋŋ?

3. Afii enyiɛ Samuel eye beni aŋɔ lɛ kɛtee ní eyasɔmɔ yɛ Yehowa kpeebuu lɛ mli lɛ, ni daa afi lɛ mɛni emami feɔ ehaa lɛ?

4. Te atsɛ́ɔ Eli bihii lɛ tɛŋŋ, ni mɛɛ gbɔmɛi nɛkɛ amɛji?

5. Mɛɛ gbɛ nɔ Yehowa tsɔ etsɛ́ Samuel, ni mɛɛ shɛɛ sane E-kɛha lɛ?

6. Mɛni Samuel batsɔ be ni ebada lɛ, ni mɛni ba be ni egbɔ lɛ?

Sanebimɔi ni fata he:

1. Kanemɔ 1 Samuel 1:1-28.

   1. Mɛɛ nɔkwɛmɔnɔ kpakpa Elkana fee efɔ shi eha wekuyitsei yɛ bɔ ni anyiɛɔ hiɛ yɛ anɔkwa jamɔ nifeemɔi amli lɛ mli? (1 Sam. 1:3, 21; Mat. 6:33; Fil. 1:10)

   2. Mɛni wɔbaanyɛ wɔkase kɛjɛ Hana nɔkwɛmɔnɔ ni efee yɛ bɔ ni atsuɔ naagba ni mli wa waa he nii ahaa lɛ mli? (1 Sam. 1:10, 11; Lala 55:23; Rom. 12:12)

2. Kanemɔ 1 Samuel 2:11-36.

   Yɛ mɛɛ gbɛ nɔ Eli kɛ bulɛ ha ebihii lɛ fe Yehowa, ni enɛ baanyɛ efee kɔkɔbɔɔ kɛha wɔ yɛ mɛɛ gbɛ nɔ? (1 Sam. 2:22-24, 27, 29; 5 Mose 21:18-21; Mat. 10:36, 37)

3. Kanemɔ 1 Samuel 4:16-18.

   Mɛɛ oshara saji srɔtoi ejwɛ akɛjɛ ta lɛ naa kɛba, ni te esa Eli he eha tɛŋŋ?

4. Kanemɔ 1 Samuel 8:4-9.

   Israel tɔ̃ Yehowa nɔ waa yɛ mɛɛ gbɛ nɔ, ni te wɔɔfee tɛŋŋ wɔkɛ anɔkwayeli afi e-Maŋtsɛyeli lɛ sɛɛ ŋmɛnɛ? (1 Sam. 8:5, 7; Yoh. 17:16; Yak. 4:4)

Sane 56

1. Mɛni Samuel feɔ yɛ mfoniri lɛ mli lɛ, ni mɛni hewɔ?

2. Mɛni hewɔ Yehowa sumɔɔ Saul sane waa lɛ, ni mɛɛ nuu nɛkɛ eji?

3. Te atsɛ́ɔ Saul binuu lɛ tɛŋŋ, ni mɛni ebinuu lɛ fee?

4. Mɛni hewɔ Saul diɛŋtsɛ shã afɔle lɛ moŋ fe nɔ ni eeemɛ ni Samuel aba ni ebashã lɛ?

5. Mɛɛ nibii wɔbaanyɛ wɔkase kɛjɛ saji ni kɔɔ Saul he lɛ amli?

Sanebimɔi ni fata he:

1. Kanemɔ 1 Samuel 9:15-21 kɛ 10:17-27.

   Mɛɛ gbɛ nɔ Saul heshibaa sú lɛ ye ebua lɛ ni etsi ehe kɛjɛ oyaiyeli ni ekɛaatɔ owele he be ni hii komɛi wie wiemɔi ni bulɛ bɛ mli yɛ ehe lɛ? (1 Sam. 9:21; 10:21, 22, 27; Abɛi 17:27)

2. Kanemɔ 1 Samuel 13:5-14.

   Mɛɛ esha Saul fee yɛ Gilgal? (1 Sam. 10:8; 13:8, 9, 13)

3. Kanemɔ 1 Samuel 15:1-35.

   1. Mɛɛ esha ni hiɛdɔɔ yɔɔ mli Saul fee yɛ ekɛ Amalekbii amaŋtsɛ Agag sane lɛ mli? (1 Sam. 15:2, 3, 8, 9, 22)

   2. Saul bɔ mɔdɛŋ koni ejie enaa ní ekɛ enifeemɔ lɛ he sɔ̃yeli lɛ afɔ̃ mɛi krokomɛi anɔ yɛ mɛɛ gbɛ nɔ? (1 Sam. 15:24)

   3. Mɛɛ kɔkɔbɔɔ esa akɛ wɔbo toi ŋmɛnɛ be ni awoɔ wɔ ŋaa lɛ? (1 Sam. 15:19-21; Lala 141:5; Abɛi 9:8, 9; 11:2)

Sane 57

1. Te atsɛ́ɔ gbekɛ nuu ni yɔɔ mfoniri lɛ mli lɛ tɛŋŋ, ni te wɔfeɔ tɛŋŋ wɔleɔ akɛ eji ekãalɔ?

2. Nɛgbɛ David hi shi yɛ, ni te atsɛ́ɔ epapa kɛ enii tɛŋŋ?

3. Mɛni hewɔ Yehowa kɛɛ Samuel akɛ eya Ishai shia yɛ Betlehem lɛ?

4. Mɛni ba be ni Ishai kɛ ebihii kpawo lɛ ba Samuel ŋɔɔ lɛ?

5. Be ni akɛ David ba lɛ, mɛni Yehowa kɛɛ Samuel?

Sanebimɔi ni fata he:

1. Kanemɔ 1 Samuel 17:34, 35.

   Saji nɛɛ maa nɔ mi akɛ David ji ekãalɔ, ni ekɛ ehe fɔɔ Yehowa nɔ yɛ mɛɛ gbɛ nɔ? (1 Sam. 17:37)

2. Kanemɔ 1 Samuel 16:1-14.

   1. Mɛɛ gbɛ nɔ Yehowa wiemɔi ni yɔɔ 1 Samuel 16:7 lɛ yeɔ ebuaa wɔ ni wɔkafee mɛi ni kwɛɔ mɛi ahiɛaŋ, koni wɔkpoo jwɛŋmɔ fɔŋ ni aaaná yɛ bɔ ni mɔ ko ji yɛ kponɔgbɛ lɛ hewɔ? (Bɔf. 10:34, 35; 1 Tim. 2:4)

   2. Mɛɛ gbɛ nɔ Saul nɔkwɛmɔnɔ lɛ tsɔɔ yɛ akɛ kɛ́ Yehowa jie emumɔ krɔŋkrɔŋ lɛ kɛjɛ mɔ ko nɔ lɛ, mumɔ fɔŋ ko loo mligbɛ kanyamɔi kɛha efɔŋfeemɔ bayeɔ najiaŋ? (1 Sam. 16:14; Mat. 12:43-45; Gal. 5:16)

Sane 58

1. Goliat ye Israel asraafoi lɛ ahe fɛo yɛ mɛni he?

2. Te Goliat da agbo ha tɛŋŋ, ni mɛni Maŋtsɛ Saul wo shi akɛ ekɛbaaha nuu ni baagbe Goliat lɛ?

3. Mɛni David wie be ni Saul kɛɛ lɛ akɛ enyɛŋ ekɛ Goliat awu akɛni David ji gbekɛ kɛkɛ hewɔ lɛ?

4. David jie hekɛnɔfɔɔ ni eyɔɔ yɛ Yehowa mli lɛ kpo yɛ hetoo ni eha Goliat lɛ mli yɛ mɛɛ gbɛ nɔ?

5. Taakɛ onaa yɛ mfoniri lɛ mli lɛ, mɛni David kɛgbe Goliat, ni mɛni Filistibii lɛ fee yɛ enɛ sɛɛ?

Sanebimɔi ni fata he:

1. Kanemɔ 1 Samuel 17:1-54.

   1. Mɛni ji nɔ titri hewɔ ni David sheee gbeyei lɛ, ni te wɔɔfee tɛŋŋ wɔná ekãa ni eyɔɔ lɛ eko? (1 Sam. 17:37, 45; Efe. 6:10, 11)

   2. Mɛni hewɔ esa akɛ Kristofoi akpoo akaŋshii mumɔ ni tamɔ Goliat nɔ̃ lɛ be mli ni amɛkɛ amɛhe woɔ shwɛmɔi loo hiɛtserɛjiemɔi amli lɛ? (1 Sam. 17:8; Gal. 5:26; 1 Tim. 4:8)

   3. David wiemɔi lɛ tsɔɔ akɛ eyɛ hemɔkɛyeli akɛ Nyɔŋmɔ baafi esɛɛ yɛ mɛɛ gbɛ nɔ? (1 Sam. 17:45-47; 2 Kron. 20:15)

   4. Mɛɛ gbɛ nɔ sane nɛɛ tsɔɔ yɛ akɛ nɔmɔ lɛ jeee tawuu folo ko kɛkɛ ni kã asraafoi akui enyɔ ateŋ, shi moŋ eji ta diɛŋtsɛ ni kã apasa nyɔŋmɔi kɛ anɔkwa Nyɔŋmɔ ni ji Yehowa lɛ teŋ? (1 Sam. 17:43, 46, 47)

   5. Shwɛɛnii ni afɔ amɛ mu lɛ kaseɔ David nɔkwɛmɔnɔ ni kɔɔ he ní akɛaafɔ Yehowa nɔ lɛ he yɛ mɛɛ gbɛ nɔ? (1 Sam. 17:37; Yer. 1:17-19; Kpoj. 12:17)

Sane 59

1. Mɛni hewɔ Saul ye David he awuŋa lɛ, shi Saul bi Yonatan sú yɛ srɔto yɛ mɛɛ gbɛ nɔ?

2. Mɛni ba gbi ko be ni David miitswa saŋku eeha Saul lɛ?

3. Mɛni Saul kɛɛ esa akɛ David afee dani eŋɔ ebiyoo Mikal akɛ eŋa, ni mɛni hewɔ Saul wie nakai lɛ?

4. Taakɛ mfoniri lɛ tsɔɔ lɛ, mɛni ba nɔ ni ji shii etɛ nɔ be ni David miitswa saŋku eeha Saul lɛ?

5. Mikal ye ebua kɛhere David yiwala yɛ mɛɛ gbɛ nɔ, ni yɛ no sɛɛ lɛ, mɛni ehe bahia ni David kɛ afii kpawo afee?

Sanebimɔi ni fata he:

1. Kanemɔ 1 Samuel 18:1-30.

   1. Suɔmɔ ni mli wa ni kã David kɛ Yonatan teŋ lɛ feɔ anɔkwa suɔmɔ ni baakã “tooi krokomɛi” lɛ kɛ “asafo kuu bibioo” lɛ teŋ lɛ he okadi yɛ mɛɛ gbɛ nɔ? (1 Sam. 18:1; Yoh. 10:16; Luka 12:32; Zak. 8:23)

   2. Akɛni Yonatan ji mɔ ni yɔɔ hegbɛ akɛ eyeɔ Saul sɛɛ akɛ maŋtsɛ hewɔ lɛ, mɛɛ gbɛ nɔ 1 Samuel 18:4 jieɔ heshibaa ni sa kadimɔ ni Yonatan yɔɔ kɛha mɔ ni ahala lɛ akɛ maŋtsɛ lɛ kpo yɛ?

   3. Saul nɔkwɛmɔnɔ lɛ tsɔɔ akɛ awuŋayeli baanyɛ aha mɔ ko afee esha ni hiɛdɔɔ yɔɔ mli yɛ mɛɛ gbɛ nɔ, ni mɛɛ kɔkɔbɔɔ enɛ kɛhaa wɔ? (1 Sam. 18:7-9, 25; Yak. 3:14-16)

2. Kanemɔ 1 Samuel 19:1-17.

   Mɛɛ gbɛ nɔ Yonatan kɛ lɛ diɛŋtsɛ ewala wo oshara mli be ni ewie wiemɔi ni yɔɔ 1 Samuel 19:4, 5 lɛ? (1 Sam. 19:1, 6)

Sane 60

1. Te atsɛ́ɔ yoo ni baa ekɛ David abakpe yɛ mfoniri lɛ mli lɛ tɛŋŋ, ni mɛɛ gbɔmɔ nɛkɛ eji?

2. Namɔ ji Nabal?

3. Mɛni hewɔ David tsu ehii lɛ ekomɛi kɛtee Nabal ŋɔɔ koni ebaye ebua amɛ lɛ?

4. Mɛni Nabal kɛɛ David hii lɛ, ni te David fee enii yɛ he eha tɛŋŋ?

5. Mɛɛ gbɛ nɔ Abigail tsɔɔ yɛ akɛ eji yoo nilelɔ?

Sanebimɔi ni fata he:

1. Kanemɔ 1 Samuel 22:1-4.

   David weku lɛ fee nɔkwɛmɔnɔ kpakpa yɛ bɔ ni esa akɛ wɔye wɔbua wɔhe yɛ Kristofoi asafo lɛ mli lɛ yɛ mɛɛ gbɛ nɔ? (Abɛi 17:17; 1 Tes. 5:14)

2. Kanemɔ 1 Samuel 25:1-43.

   1. Mɛni hewɔ awieee Nabal he ekpakpa kwraa nakai lɛ? (1 Sam. 25:2-5, 10, 14, 21, 25)

   2. Mɛni ŋamɛi ni ji Kristofoi ni yɔɔ ŋmɛnɛ lɛ baanyɛ akase kɛjɛ Abigail nɔkwɛmɔnɔ lɛ mli? (1 Sam. 25:32, 33; Abɛi 31:26; Efe. 5:24)

   3. Mɛɛ nibii fɔji enyɔ Abigail tsĩ David naa koni ekafee? (1 Sam. 25:31, 33; Rom. 12:19; Efe. 4:26)

   4. Mɛɛ gbɛ nɔ bɔ ni David fee enii yɛ Abigail wiemɔi lɛ ahe lɛ yeɔ ebuaa hii ni yɔɔ ŋmɛnɛ lɛ koni amɛná jwɛŋmɔ ni Yehowa hiɛ yɛ yei ahe lɛ eko? (Bɔf. 21:8, 9; Rom. 2:11; 1 Pet. 3:7)

Sane 61

1. Mɛni David kɛ Abishai fee be mli ni Saul wɔɔ yɛ eŋsara lɛ mli lɛ?

2. Mɛɛ saji David bi Saul?

3. Nɛgbɛ David tee be ni eshi Saul masɛi lɛ?

4. Mɛni ha David ye awerɛho waa ni eŋma lala ko ni ŋɔɔ lɛ?

5. Afii enyiɛ David eye be ni awó lɛ maŋtsɛ yɛ Hebron lɛ, ni te atsɛ́ɔ ebihii lɛ ekomɛi tɛŋŋ?

6. Yɛ sɛɛ mli lɛ, nɛgbɛ David baye maŋtsɛ yɛ?

Sanebimɔi ni fata he:

1. Kanemɔ 1 Samuel 26:1-25.

   1. Mɛɛ sú David wiemɔi ni yɔɔ 1 Samuel 26:11 lɛ jieɔ lɛ kpo yɛ teokrase gbɛjianɔtoo he? (Lala 37:7; Rom. 13:2)

   2. Be mli ni wɔbɔɔ mɔdɛŋ waa ni wɔkɛ mɛi aye yɛ mɔbɔnalɛ naa shi amɛjieee hiɛsɔɔ kpo amɛtsɔɔɔ wɔ lɛ, mɛɛ gbɛ nɔ David wiemɔi ni yɔɔ 1 Samuel 26:23 lɛ yeɔ ebuaa wɔ ni wɔhiɛ jwɛŋmɔ ni ja? (1 Maŋ. 8:32; Lala 18:21)

2. Kanemɔ 2 Samuel 1:26.

   Kristofoi ni yɔɔ ŋmɛnɛ lɛ baanyɛ aná ‘suɔmɔ ni mli wa kɛha amɛhe’ tamɔ David kɛ Yonatan nɔ̃ lɛ nɔŋŋ eko yɛ mɛɛ gbɛ nɔ? (1 Pet. 4:8; Kol. 3:14; 1 Yoh. 4:12)

3. Kanemɔ 2 Samuel 5:1-10.

   1. Afii enyiɛ David kɛye nɔ akɛ maŋtsɛ, ni te ajara be nɛɛ mli aha tɛŋŋ? (2 Sam. 5:4, 5)

   2. Mɛni ha David shwere waa lɛ, ni enɛ feɔ kaimɔnɔ ko kɛhaa wɔ ŋmɛnɛ yɛ mɛɛ gbɛ nɔ? (2 Sam. 5:10; 1 Sam. 16:13; 1 Kor. 1:31; Fil. 4:13)

Sane 62

1. Yɛ Yehowa yelikɛbuamɔ naa lɛ, mɛni ba Kanaan shikpɔŋ lɛ nɔ yɛ naagbee mli?

2. Mɛni ba gbi ko gbɛkɛnaashi be ni David damɔ emaŋtsɛwe lɛ yiteŋ lɛ?

3. Mɛni hewɔ Yehowa mli fu David waa lɛ?

4. Taakɛ mfoniri lɛ tsɔɔ lɛ, namɔ Yehowa tsu ní ekɛ David ayawie ehe eshai lɛ ahe, ni mɛni nakai nuu lɛ kɛɛ ebaaba David nɔ?

5. Mɛɛ haomɔi ba David nɔ?

6. Namɔ baye Israel nɔ maŋtsɛ yɛ David sɛɛ?

Sanebimɔi ni fata he:

1. Kanemɔ 2 Samuel 11:1-27.

   1. Ní wɔɔtsu nii waa yɛ Yehowa sɔɔmɔ mli lɛ buɔ wɔhe yɛ mɛɛ gbɛ nɔ?

   2. Mɛni ha David fee esha lɛ, ni mɛɛ kɔkɔbɔɔ enɛ feɔ kɛha Yehowa tsuji ni yɔɔ ŋmɛnɛ lɛ? (2 Sam. 11:2; Mat. 5:27-29; 1 Kor. 10:12; Yak. 1:14, 15)

2. Kanemɔ 2 Samuel 12:1-18.

   1. Mɛni asafoŋ onukpai kɛ fɔlɔi baanyɛ akase kɛjɛ gbɛ nɔ ni Natan tsɔ ekɛ ŋaawoo ha David lɛ mli? (2 Sam. 12:1-4; Abɛi 12:18; Mat. 13:34)

   2. Mɛni hewɔ Yehowa kɛ David ye yɛ mɔbɔnalɛ naa lɛ? (2 Sam. 12:13; Lala 32:5; 2 Kor. 7:9, 10)

Sane 63

1. Mɛɛ sane Yehowa bi Salomo, ni te eha hetoo tɛŋŋ?

2. Akɛni Yehowa ná nɔ ni Salomo bi lɛ he miishɛɛ hewɔ lɛ, mɛni Yehowa wo shi akɛ ebaaha lɛ?

3. Mɛɛ sane ko ni mli wa waa yei enyɔ komɛi kɛba Salomo ŋɔɔ?

4. Taakɛ onaa yɛ mfoniri lɛ mli lɛ, te Salomo ye sane lɛ tɛŋŋ?

5. Te shihilɛ lɛ yɔɔ tɛŋŋ be mli ni Salomo yeɔ maŋtsɛ lɛ, ni mɛni hewɔ?

Sanebimɔi ni fata he:

1. Kanemɔ 1 Maŋtsɛmɛi 3:3-28.

   1. Mɛni hii ni akɛ gbɛnaa nii ewo amɛdɛŋ yɛ Yehowa asafo ni yɔɔ ŋmɛnɛ lɛ mli lɛ baanyɛ akase kɛjɛ Salomo wiemɔi ni jɛ tsui mli ni yɔɔ 1 Maŋtsɛmɛi 3:7 lɛ mli? (Lala 119:105; Abɛi 3:5, 6)

   2. Nɔ ni Salomo bi lɛ feɔ nɔkwɛmɔnɔ kpakpa yɛ nibii ni sa ni abaanyɛ asɔle yɛ he lɛ he yɛ mɛɛ gbɛ nɔ? (1 Maŋ. 3:9, 11; Abɛi 30:8, 9; 1 Yoh. 5:14)

   3. Bɔ ni Salomo saa yei enyɔ lɛ ateŋ béi lɛ haa wɔnáa mɛɛ hekɛnɔfɔɔ yɛ Salomo Kpeteŋkpele ni ji Yesu Kristo lɛ wɔsɛɛ be mli nɔyeli lɛ mli? (1 Maŋ. 3:28; Yes. 9:5, 6; 11:2-4)

2. Kanemɔ 1 Maŋtsɛmɛi 5:9-14.

   1. Mɛɛ gbɛ nɔ Yehowa ha Salomo nibimɔ akɛ eha lɛ toiboo tsui lɛ hetoo yɛ? (1 Maŋ. 5:9)

   2. Yɛ mɔdɛŋ ni mɛi bɔ koni amɛbabo Salomo nilee lɛ toi hewɔ lɛ, mɛɛ su esa akɛ wɔná yɛ Nyɔŋmɔ Wiemɔ lɛ kasemɔ he? (1 Maŋ. 5:9, 14; Yoh. 17:3; 2 Tim. 3:16)

Sane 64

1. Afii enyiɛ ehé Salomo dani egbe Yehowa sɔlemɔtsu lɛ maa naa, ni mɛni hewɔ tsũ lɛ maa hé shika babaoo lɛ?

2. Tsũi wuji enyiɛ yɔɔ sɔlemɔtsu lɛ mli, ni mɛni akɛma tsũ ni yɔɔ mligbɛ lɛ mli?

3. Be ni agbe sɔlemɔtsu lɛ naa lɛ, mɛni Salomo wie yɛ esɔlemɔ lɛ mli?

4. Yehowa tsɔɔ akɛ ehiɛ esɔ Salomo sɔlemɔ lɛ yɛ mɛɛ gbɛ nɔ?

5. Mɛni Salomo ŋamɛi lɛ ha ebɔi feemɔ, ni mɛni ba Salomo nɔ?

6. Mɛni ha Yehowa mli fu Salomo lɛ, ni mɛni Yehowa kɛɛ lɛ?

Sanebimɔi ni fata he:

1. Kanemɔ 1 Kronika 28:9, 10.

   Taakɛ David wiemɔi ni yɔɔ 1 Kronika 28:9, 10 lɛ tsɔɔ lɛ, mɛni esa akɛ wɔkɛ mɔdɛŋbɔɔ afee yɛ wɔ daa gbi shihilɛi amli? (Lala 19:15; Fil. 4:8, 9)

2. Kanemɔ 2 Kronika 6:12-21, 32-42.

   1. Mɛɛ gbɛ nɔ Salomo tsɔɔ yɛ akɛ Ŋwɛi Flooflo Nyɔŋmɔ lɛ nyɛŋ ahi tsũi ni adesai ma lɛ eko eko mli? (2 Kron. 6:18; Bɔf. 17:24, 25)

   2. Mɛni Salomo wiemɔi ni yɔɔ 2 Kronika 6:32, 33 lɛ tsɔɔ yɛ Yehowa he? (Bɔf. 10:34, 35; Gal. 2:6)

3. Kanemɔ 2 Kronika 7:1-5.

   Taakɛ bɔ ni Yehowa anunyam ní Israelbii lɛ na lɛ kanya amɛ ni amɛjie eyi lɛ, te esa akɛ bɔ ni Yehowa ejɔɔ ewebii eha lɛ hesusumɔ aná wɔnɔ hewalɛ eha tɛŋŋ ŋmɛnɛ? (2 Kron. 7:3; Lala 22:23; 34:2; 96:2)

4. Kanemɔ 1 Maŋtsɛmɛi 11:9-13.

   Salomo shihilɛ gbɛ lɛ tsɔɔ bɔ ni ehe hiaa ni aye anɔkwa kɛyashi naagbee yɛ mɛɛ gbɛ nɔ? (1 Maŋ. 11:4, 9; Mat. 10:22; Kpoj. 2:10)

Sane 65

1. Te atsɛ́ɔ hii enyɔ ni yɔɔ mfoniri lɛ mli lɛ tɛŋŋ, ni namɛi ni?

2. Mɛni Ahia fee atade ni ewo lɛ, ni mɛni ji nakai nifeemɔ lɛ shishi?

3. Mɛni Salomo bɔ mɔdɛŋ akɛ ebaafee Yerobeam?

4. Mɛni hewɔ gbɔmɛi lɛ wó Yerobeam maŋtsɛ yɛ akutsei nyɔŋma lɛ nɔ lɛ?

5. Mɛni hewɔ Yerobeam fee shika tsinabi amagai enyɔ lɛ, ni mɛni ba shikpɔŋ lɛ nɔ be fioo ko sɛɛ?

6. Mɛni ba akutsei enyɔ maŋtsɛyeli lɛ kɛ Yehowa sɔlemɔtsu ni yɔɔ Yerusalem lɛ nɔ?

Sanebimɔi ni fata he:

1. Kanemɔ 1 Maŋtsɛmɛi 11:26-43.

   Mɛɛ gbɔmɔ nɛkɛ Yerobeam ji, ni mɛni Yehowa wo shi akɛ ebaafee eha lɛ kɛji ebo Nyɔŋmɔ kitai lɛ atoi? (1 Maŋ. 11:28, 38)

2. Kanemɔ 1 Maŋtsɛmɛi 12:1-33.

   1. Mɛni fɔlɔi kɛ asafoŋ onukpai baanyɛ akase kɛjɛ nɔkwɛmɔnɔ gbonyo ni Rehabeam fee yɛ hewalɛ ni akɛtsuɔ nii yɛ gbɛ fɔŋ nɔ lɛ mli? (1 Maŋ. 12:13; Jaj. 7:7; 1 Pet. 5:2, 3)

   2. Namɛi aŋɔɔ esa akɛ oblahii kɛ oblayei bibii ni yɔɔ ŋmɛnɛ lɛ aya koni amɛná gbɛtsɔɔmɔ ni anyɛɔ akɛ he fɔɔ nɔ be mli ni amɛkpɛɔ amɛyiŋ yɛ shihilɛ mli saji ni hiɛdɔɔ yɔɔ mli lɛ ahe lɛ? (1 Maŋ. 12:6, 7; Abɛi 1:8, 9; 2 Tim. 3:16, 17; Heb. 13:7)

   3. Mɛni ha Yerobeam fee hei enyɔ kɛha tsinabi amaga jamɔ lɛ, ni enɛ tsɔɔ akɛ ebɛ hemɔkɛyeli kwraa yɛ Yehowa mli yɛ mɛɛ gbɛ nɔ? (1 Maŋ. 11:37; 12:26-28)

   4. Namɔ nyiɛ akutsei nyɔŋma maŋtsɛyeli lɛ mli bii lɛ ahiɛ be ni amɛtse atua amɛshi anɔkwa jamɔ lɛ? (1 Maŋ. 12:32, 33)

Sane 66

1. Namɔ ji Izebel?

2. Mɛni hewɔ gbi ko lɛ, Maŋtsɛ Ahab fee enii mɔbɔmɔbɔ lɛ?

3. Mɛni Izebel fee koni ehé Nabot weintrom lɛ yɛ edɛŋ eha ewu Ahab?

4. Namɔ Yehowa tsu ni eyagbala Izebel toi?

5. Taakɛ onaa yɛ mfoniri lɛ mli lɛ, mɛni ba be ni Yehu tee Izebel ŋɔɔ yɛ maŋtsɛwe lɛ?

Sanebimɔi ni fata he:

1. Kanemɔ 1 Maŋtsɛmɛi 16:29-33 kɛ 18:3, 4.

   Te shihilɛ ni yɔɔ Israel lɛ fite kwraa eha tɛŋŋ yɛ Maŋtsɛ Ahab yinɔ? (1 Maŋ. 14:9)

2. Kanemɔ 1 Maŋtsɛmɛi 21:1-16.

   1. Nabot jie ekãa kɛ anɔkwayeli kɛha Yehowa kpo yɛ mɛɛ gbɛ nɔ? (1 Maŋ. 21:1-3; 3 Mose 25:23-28)

   2. Mɛni wɔbaanyɛ wɔkase kɛjɛ Ahab nɔkwɛmɔnɔ lɛ mli yɛ bɔ ni aaafee akpee nijiaŋwujee naa lɛ mli? (1 Maŋ. 21:4; Rom. 5:3-5)

3. Kanemɔ 2 Maŋtsɛmɛi 9:30-37.

   Mɛni wɔbaanyɛ wɔkase kɛjɛ ekãa ni Yehu kɛfeɔ Yehowa suɔmɔnaa nii lɛ mli? (2 Maŋ. 9:4-10; 2 Kor. 9:1, 2; 2 Tim. 4:2)

Sane 67

1. Namɔ ji Yehoshafat, ni mɛɛ be ehi shi?

2. Mɛni hewɔ Israelbii lɛ sheɔ gbeyei lɛ, ni mɛni amɛteaŋ mɛi pii fee?

3. Mɛɛ hetoo Yehowa kɛha Yehoshafat be ni esɔle lɛ?

4. Mɛni Yehowa fee dani ta be lɛ shɛ?

5. Mɛni wɔbaanyɛ wɔkase yɛ Yehoshafat he?

Sanebimɔi ni fata he:

1. Kanemɔ 2 Kronika 20:1-30.

   1. Yɛ mɛɛ gbɛ nɔ Yehoshafat tsɔɔ nɔ ni esa akɛ Nyɔŋmɔ tsuji anɔkwafoi afee kɛ́ amɛkɛ shihilɛi ni yɔɔ gbeyei kpe? (2 Kron. 20:12; Lala 25:15; 62:1)

   2. Akɛni be fɛɛ be lɛ, Yehowa yɛ gbɛjianɔtoo ko ni etsɔɔ nɔ ekɛ ewebii ni ekɛ amɛ tsuɔ nii lɛ wieɔ hewɔ lɛ, mɛɛ gbɛjianɔtoo nɔ etsɔɔ ekɛ wɔ wieɔ yɛ ŋmɛnɛ? (2 Kron. 20:14, 15; Mat. 24:45-47; Yoh. 15:15)

   3. Be ni “Nyɔŋmɔ Ofe lɛ gbi wulu lɛ nɔ ta” lɛ baaje shishi lɛ, wɔshidaamɔ lɛ baatamɔ Yehoshafat nɔ̃ lɛ pɛpɛɛpɛ yɛ mɛɛ gbɛ nɔ? (2 Kron. 20:15, 17; 32:8; Kpoj. 16:14, 16)

   4. Akɛni gbɛgbalɔi kɛ maŋsɛɛ sanekpakpa shiɛlɔi kaseɔ Levibii lɛ hewɔ lɛ, mɛɛ yelikɛbuamɔ nɛkɛ amɛkɛhaa yɛ jeŋ muu fɛɛ shiɛmɔ nitsumɔ lɛ mli ŋmɛnɛ? (2 Kron. 20:19; Rom. 10:13-15; 2 Tim. 4:2)

Sane 68

1. Namɛi ji mɛi etɛ ni yɔɔ mfoniri lɛ mli lɛ, ni mɛni ba gbekɛ nuu fioo lɛ nɔ?

2. Elia sɔle yɛ mɛni he kɛha gbekɛ lɛ, ni mɛni ba sɛɛ mli?

3. Te atsɛ́ɔ Elia yelikɛbualɔ lɛ tɛŋŋ?

4. Mɛni hewɔ aha Elisha tee Shunem yoo ko shia lɛ?

5. Mɛni Elisha fee, ni mɛni ba gbekɛ ni egbo lɛ nɔ?

6. Mɛɛ hewalɛ Yehowa yɔɔ taakɛ ajie lɛ kpo kɛtsɔ Elia kɛ Elisha nɔ lɛ?

Sanebimɔi ni fata he:

1. Kanemɔ 1 Maŋtsɛmɛi 17:8-24.

   1. Mɛɛ gbɛ nɔ atsɔ aka heshibaa kɛ hemɔkɛyeli ni Elia yɔɔ lɛ akwɛ? (1 Maŋ. 17:9; 19:1-4, 10)

   2. Mɛni hewɔ hemɔkɛyeli ni Zarefat yoo okulafo lɛ jie lɛ kpo lɛ sa kadimɔ waa lɛ? (1 Maŋ. 17:12-16; Luka 4:25, 26)

   3. Mɛɛ gbɛ nɔ Zarefat okulafo lɛ niiashikpamɔ lɛ maa anɔkwale ni yɔɔ Yesu wiemɔi ni aŋmala yɛ Mateo 10:41, 42 lɛ mli lɛ nɔ mi? (1 Maŋ. 17:10-12, 17, 23, 24)

2. Kanemɔ 2 Maŋtsɛmɛi 4:8-37.

   1. Mɛni Shunem yoo lɛ tsɔɔ wɔ yɛ gbɔfeemɔ sú he? (2 Maŋ. 4:8; Luka 6:38; Rom. 12:13; 1 Yoh. 3:17)

   2. Mɛɛ gbɛ̀i anɔ wɔɔtsɔ wɔjie mlihilɛ nifeemɔi akpo wɔtsɔɔ Nyɔŋmɔ tsuji ni yɔɔ ŋmɛnɛ lɛ? (Bɔf. 20:35; 28:1, 2; Gal. 6:9, 10; Heb. 6:10)

Sane 69

1. Mɛni gbekɛ yoo fioo lɛ kɛɔ awula lɛ yɛ mfoniri lɛ mli lɛ?

2. Namɔ ji awula ni yɔɔ mfoniri lɛ mli lɛ, ni mɛni gbekɛ yoo fioo lɛ feɔ yɛ awula lɛ shia?

3. Mɛni Elisha hã etsulɔ lɛ yakɛɛ Naeman, ni mɛni hewɔ Naeman mli fu waa lɛ?

4. Mɛni ba be ni Naeman bo etsuji lɛ atoi lɛ?

5. Mɛni hewɔ Elisha kpoo Naeman nikeenii lɛ, shi mɛni Gehazi fee?

6. Mɛni ba Gehazi nɔ, ni mɛni wɔbaanyɛ wɔkase kɛjɛ enɛ mli?

Sanebimɔi ni fata he:

1. Kanemɔ 2 Maŋtsɛmɛi 5:1-27.

   1. Israel gbekɛ yoo fioo lɛ nɔkwɛmɔnɔ lɛ baanyɛ awo gbekɛbii ni yɔɔ ŋmɛnɛ lɛ hewalɛ yɛ mɛɛ gbɛ nɔ? (2 Maŋ. 5:3; Lala 8:3; 148:12, 13)

   2. Mɛni hewɔ ehi jogbaŋŋ akɛ wɔɔha Naeman niiashikpamɔ lɛ ahi wɔjwɛŋmɔ mli be mli ni akɛ Ŋmalɛ mli ŋaawoo haa wɔ lɛ? (2 Maŋ. 5:15; Heb. 12:5, 6; Yak. 4:6)

   3. Mɛɛ nibii wɔbaanyɛ wɔkase kɛjɛ srɔtofeemɔ ni yɔɔ Elisha nɔkwɛmɔnɔ lɛ kɛ Gehazi nɔkwɛmɔnɔ lɛ teŋ lɛ mli? (2 Maŋ. 5:9, 10, 14-16, 20; Mat. 10:8; Bɔf. 5:1-5; 2 Kor. 2:17)

Sane 70

1. Namɔ ji Yona, ni mɛni Yehowa kɛɛ efee?

2. Akɛni Yona sumɔɔɔ ni eyaa he ni Yehowa kɛɛ eya lɛ hewɔ lɛ, mɛni Yona fee?

3. Mɛni Yona kɛɛ amlakui lɛ ni amɛfee bɔni afee ni ahum lɛ akpa tswaa?

4. Taakɛ onaa yɛ mfoniri lɛ mli lɛ, mɛni ba be ni Yona tee nu lɛ shishi lɛ?

5. Gbii enyiɛ Yona ye yɛ loo agbo lɛ musu mli, ni mɛni efee yɛ jɛmɛ?

6. Nɛgbɛ Yona tee be ni eje kpo kɛjɛ loo agbo lɛ musu mli lɛ, ni mɛni enɛ tsɔɔ wɔ?

Sanebimɔi ni fata he:

1. Kanemɔ Yona 1:1–2:1.

   Yɛ anɔkwale mli lɛ, te Yona bu enitsumɔ akɛ eyashiɛ etsɔɔ Ninivebii lɛ eha tɛŋŋ? (Yona 1:2, 3; Abɛi 3:7; Jaj. 8:12)

2. Kanemɔ Yona 2:2, 3, 11.

   Yona nɔkwɛmɔnɔ lɛ haa wɔnáa hekɛnɔfɔɔ akɛ Yehowa baaha wɔsɔlemɔi lɛ ahetoo yɛ mɛɛ gbɛ nɔ? (Lala 22:25; 34:7; 1 Yoh. 5:14)

3. Kanemɔ Yona 3:1-10.

   1. Eyɛ mli akɛ yɛ shishijee lɛ, Yona kpoo nitsumɔ ni akɛha lɛ lɛ moŋ, shi mɛɛ hewalɛwoo wɔnáa kɛjɛɔ anɔkwale ni eji akɛ Yehowa tee nɔ ekɛ lɛ tsu nii lɛ mli? (Lala 103:14; 1 Pet. 5:10)

   2. Mɛni Yona niiashikpamɔ ni kɔɔ Ninivebii lɛ ahe lɛ tsɔɔ wɔ yɛ mɛi ni yɔɔ wɔshikpɔŋkuku lɛ mli ni wɔɔtsɔ hiɛ wɔkojo amɛ lɛ he? (Yona 3:6-9; Jaj. 11:6; Bɔf. 13:48)

Sane 71

1. Namɔ ji Yesaia, mɛɛ be ehi shi, ni mɛni Yehowa jie kpo etsɔɔ lɛ?

2. Mɛni ji wiemɔ “paradeiso” lɛ shishinumɔ, ni mɛni ekaiɔ bo?

3. Mɛni Yehowa kɛɛ Yesaia aŋma yɛ Paradeiso hee lɛ he?

4. Mɛni hewɔ Adam kɛ Hawa laaje amɛshia fɛfɛo lɛ?

5. Mɛɛ shiwoo Yehowa kɛhaa mɛi ni sumɔɔ lɛ lɛ?

Sanebimɔi ni fata he:

1. Kanemɔ Yesaia 11:6-9.

   1. Te Nyɔŋmɔ Wiemɔ lɛ tsɔɔ bɔ ni toiŋjɔlɛ ni baahi gbɔmɛi kɛ kooloi ateŋ yɛ jeŋ hee lɛ mli lɛ baatamɔ eha tɛŋŋ? (Lala 148:10, 13; Yes. 65:25; Ezek. 34:25)

   2. Yesaia wiemɔi lɛ miiná emlibaa yɛ mumɔŋ shishinumɔ naa yɛ Yehowa webii ateŋ ŋmɛnɛ yɛ mɛɛ gbɛ nɔ? (Rom. 12:2; Efe. 4:23, 24)

   3. Namɔ esa ákɛ akɛ tsakemɔi ni adesai feɔ yɛ amɛsubaŋi amli ŋmɛnɛ kɛ agbɛnɛ hu yɛ jeŋ hee lɛ mli lɛ he yijiemɔ lɛ aha? (Yes. 48:17, 18; Gal. 5:22, 23; Fil. 4:7)

2. Kanemɔ Kpojiemɔ 21:3, 4.

   1. Mɛɛ gbɛ nɔ Ŋmalɛi lɛ haa aleɔ akɛ shihilɛ ni Nyɔŋmɔ diɛŋtsɛ kɛ adesai baahi mli lɛ tsɔɔ akɛ ekɛ amɛ baahi shi yɛ shikpɔŋ nɔ yɛ mfonirifeemɔ shishinumɔ naa, shi etsɔɔɔ akɛ ebaaba ebahi shikpɔŋ nɔ? (3 Mose 26:11, 12; 2 Kron. 6:18; Yes. 66:1; Kpoj. 21:2, 3, 22-24)

   2. Mɛɛ yaafonui kɛ piŋmɔi nɛkɛ abaafo sɛɛ lɛ? (Luka 8:49-52; Rom. 8:21, 22; Kpoj. 21:4)

Sane 72

1. Namɔ ji nuu ni yɔɔ mfoniri lɛ mli lɛ, ni mɛni hewɔ ebote haomɔ babaoo mli lɛ?

2. Mɛɛ woji Hezekia kɛshwie Nyɔŋmɔ hiɛ lɛ, ni mɛni he Hezekia sɔle yɛ?

3. Mɛɛ maŋtsɛ nɛkɛ Hezekia ji, ni mɛɛ shɛɛ sane Yehowa kɛha lɛ kɛtsɔ gbalɔ Yesaia nɔ?

4. Mɛni Yehowa bɔfo lɛ fee Ashurbii lɛ, taakɛ wɔnaa yɛ mfoniri lɛ mli lɛ?

5. Eyɛ mli akɛ akutsei enyɔ maŋtsɛyeli lɛ ná toiŋjɔlɛ yɛ be kukuoo ko mli moŋ, shi mɛni ba sɛɛ mli be ni Hezekia gbo lɛ?

Sanebimɔi ni fata he:

1. Kanemɔ 2 Maŋtsɛmɛi 18:1-36.

   1. Rabshake ni ji Ashurbii anaawielɔ lɛ bɔ mɔdɛŋ ni egbɔjɔ Israelbii lɛ ahemɔkɛyeli yɛ mɛɛ gbɛ nɔ? (2 Maŋ. 18:19, 21; 2 Mose 5:2; Lala 64:4)

   2. Mɛɛ gbɛ nɔ Yehowa Odasefoi tsɔɔ amɛkaseɔ Hezekia nɔkwɛmɔnɔ lɛ be mli ni amɛkɛ shitee-kɛ-wolɔi yeɔ? (2 Maŋ. 18:36; Lala 39:2; Abɛi 26:4; 2 Tim. 2:24)

2. Kanemɔ 2 Maŋtsɛmɛi 19:1-37.

   1. Yehowa webii kaseɔ Hezekia ŋmɛnɛ yɛ haomɔ bei amli yɛ mɛɛ gbɛ nɔ? (2 Maŋ. 19:1, 2; Abɛi 3:5, 6; Heb. 10:24, 25; Yak. 5:14, 15)

   2. Mɛɛ shihilɛi srɔtoi etɛ mli aye Maŋtsɛ Sanherib nɔ kunim yɛ, ni namɔ he mfoniri efeɔ yɛ gbalɛ naa? (2 Maŋ. 19:32, 35, 37; Kpoj. 20:2, 3)

3. Kanemɔ 2 Maŋtsɛmɛi 21:1-6, 16.

   Mɛni hewɔ abaanyɛ akɛɛ akɛ Manase ji maŋtsɛmɛi ni yitseiaŋ wa fe fɛɛ ni eye Yerusalem nɔ pɛŋ lɛ ateŋ mɔ kome lɛ? (2 Kron. 33:4-6, 9)

Sane 73

1. Afii enyiɛ Yosia eye be ni ebatsɔ maŋtsɛ lɛ, ni be ni eye maŋtsɛ afii kpawo sɛɛ lɛ, mɛni eje shishi efee?

2. Mɛni onaa ni Yosia feɔ yɛ klɛŋklɛŋ mfoniri lɛ mli lɛ?

3. Be ni hii lɛ tsuɔ nii yɛ sɔlemɔtsu lɛ he lɛ, mɛni osɔfonukpa lɛ na?

4. Mɛni hewɔ Yosia tserɛ etadei lɛ yɛ ehe lɛ?

5. Mɛɛ shɛɛ sane ni jɛ Yehowa ŋɔɔ gbalɔyoo Hulda kɛha Yosia?

Sanebimɔi ni fata he:

1. Kanemɔ 2 Kronika 34:1-28.

   1. Mɛɛ nɔkwɛmɔnɔ Yosia fee kɛha mɛi ni ekolɛ ehe baahia ni amɛŋmɛ amɛtsui shi yɛ shihilɛi ni mli wawai amli yɛ amɛgbekɛbiiashi lɛ? (2 Kron. 33:21-25; 34:1, 2; Lala 27:10)

   2. Mɛɛ nitsumɔi ni sa kadimɔ Yosia kɛ ehe wo mli yɛ enɔyeli afi ni ji 8, afi ni ji 12 kɛ afi ni ji 18 lɛ mli bɔni afee ni anɔkwa jamɔ ashwere? (2 Kron. 34:3, 8)

   3. Mɛni wɔbaanyɛ wɔkase kɛjɛ Maŋtsɛ Yosia kɛ Osɔfonukpa Hilkia nɔkwɛmɔnii lɛ amli yɛ nɔ ni kɔɔ wɔjamɔhei lɛ ni wɔɔsaa jɛmɛ jogbaŋŋ lɛ he lɛ? (2 Kron. 34:9-13; Abɛi 11:14; 1 Kor. 10:31)

Sane 74

1. Namɔ ji oblanyo ni yɔɔ mfoniri lɛ mli lɛ?

2. Mɛɛ jwɛŋmɔ Yeremia ná yɛ gbalɔ ni eeebatsɔ lɛ he, shi mɛni Yehowa kɛɛ lɛ?

3. Mɛɛ shɛɛ sane Yeremia tee nɔ ekɛha gbɔmɛi lɛ?

4. Mɛɛ gbɛ nɔ osɔfoi lɛ ka akɛ amɛaatsĩ Yeremia naa, shi mɛɛ gbɛ nɔ etsɔɔ yɛ akɛ esheee gbeyei?

5. Mɛni ba be ni Israelbii lɛ tsakeee amɛshihilɛ gbɛ̀i fɔji lɛ?

Sanebimɔi ni fata he:

1. Kanemɔ Yeremia 1:1-8.

   1. Taakɛ Yeremia nɔkwɛmɔnɔ lɛ jieɔ lɛ kpo lɛ, mɛni haa mɔ ko he saa kɛha Yehowa sɔɔmɔ? (2 Kor. 3:5, 6)

   2. Mɛɛ hewalɛwoo Yeremia nɔkwɛmɔnɔ lɛ kɛhaa Kristofoi oblahii kɛ oblayei bibii ni yɔɔ ŋmɛnɛ lɛ? (Jaj. 12:1; 1 Tim. 4:12)

2. Kanemɔ Yeremia 10:1-5.

   Mɛɛ nɔkwɛmɔnɔ ni sa jogbaŋŋ Yeremia kɛtsu nii kɛtsɔɔ bɔ ni sɛɛnamɔ ko kwraa bɛ amagai ní akɛ hiɛ aaafɔ amɛnɔ lɛ he lɛ? (Yer. 10:5; Yes. 46:7; Hab. 2:19)

3. Kanemɔ Yeremia 26:1-16.

   1. Mɛɛ gbɛ nɔ shwɛɛnii ni afɔ amɛ mu lɛ kɛ famɔ ni Yehowa kɛha Yeremia akɛ ‘ekajie wiemɔ kome yɛ mli’ lɛ tsuɔ nii jogbaŋŋ yɛ be mli ni amɛkɛ kɔkɔbɔɔ shɛɛ sane lɛ haa ŋmɛnɛ lɛ? (Yer. 26:2; 5 Mose 4:2; Bɔf. 20:27)

   2. Mɛɛ nɔkwɛmɔnɔ fɛfɛo Yeremia fee efɔ shi eha Yehowa Odasefoi ni yɔɔ ŋmɛnɛ lɛ yɛ be mli ni amɛjajeɔ Yehowa kɔkɔbɔɔ amɛtsɔɔ jeŋmaji lɛ? (Yer. 26:8, 12, 14, 15; 2 Tim. 4:1-5)

4. Kanemɔ 2 Maŋtsɛmɛi 24:1-17.

   Mɛɛ mɔbɔ sane jɛ anɔkwa ni Yuda eyayeee Yehowa lɛ mli kɛba? (2 Maŋ. 24:2-4, 14)

Sane 75

1. Namɛi ji oblahii ejwɛ ni yɔɔ mfoniri lɛ mli lɛ, ni mɛni hewɔ amɛyɔɔ Babilon lɛ?

2. Mɛni Nebukadnezar eto eyiŋ akɛ ekɛ oblahii ejwɛ lɛ baafee, ni mɛɛ fãmɔi ekɛha etsuji lɛ?

3. Mɛni Daniel bi ni afee aha amɛ yɛ nɔ ni lɛ kɛ enanemɛi lɛ baaye kɛ nɔ ni amɛbaanu lɛ he?

4. Be ni Daniel kɛ enanemɛi etɛ lɛ ye shwiebaa gbii nyɔŋma sɛɛ lɛ, te amɛgbɔmɔtsei batamɔ ha tɛŋŋ kɛ́ akɛto oblahii krokomɛi lɛ anɔ̃ he lɛ?

5. Te ana Daniel kɛ enanemɛi etɛ lɛ tɛŋŋ yɛ maŋtsɛwe lɛ, ni mɛɛ gbɛ nɔ amɛbafee mɛi ni he esa fe osɔfoi kɛ nilelɔi lɛ?

Sanebimɔi ni fata he:

1. Kanemɔ Daniel 1:1-21.

   1. Mɛɛ mɔdɛŋbɔɔ nɛkɛ he hiaa kɛji wɔmiisumɔ ni wɔwu wɔshi kaai ní wɔye wɔgbɔjɔmɔi anɔ kunim lɛ? (Dan. 1:8; 1 Mose 39:7, 10; Gal. 6:9)

   2. Mɛɛ gbɛ̀i anɔ abaanyɛ alaka oblahii kɛ oblayei bibii ŋmɛnɛ loo abaanyɛ anyɛ amɛnɔ koni amɛkɛ amɛhe awo nifeemɔ ko ni mɛi komɛi baana lɛ akɛ eji ‘niyenii ni ŋɔɔ waa’ lɛ mli? (Dan. 1:8; Abɛi 20:1; 2 Kor. 6:17–7:1)

   3. Biblia mli amaniɛbɔɔ ni kɔɔ Hebribii oblahii ejwɛ lɛ ahe lɛ yeɔ ebuaa wɔ koni wɔyɔse mɛni yɛ je lɛŋ nilee ni aaatiu sɛɛ lɛ he? (Dan. 1:20; Yes. 54:13; 1 Kor. 3:18-20)

Sane 76

1. Taakɛ anaa yɛ mfoniri lɛ mli lɛ mɛni baa Yerusalem kɛ Israelbii lɛ anɔ lɛ?

2. Namɔ ji Ezekiel, ni mɛɛ nibii ni haa mɔ he jɔ̃ɔ ehe Yehowa kɛtsɔɔ lɛ?

3. Akɛni Israelbii lɛ bɛ bulɛ ko kwraa kɛha Yehowa hewɔ lɛ, mɛɛ shiwoo ekɛha?

4. Be ni Israelbii lɛ tse atua amɛshi Maŋtsɛ Nebukadnezar lɛ, mɛni efee?

5. Mɛni hewɔ Yehowa ŋmɛ gbɛ ni hiɛkpatamɔ kpeteŋkpele nɛɛ ba Israelbii lɛ anɔ lɛ?

6. Yɛ mɛɛ gbɛ nɔ Israelbii ashikpɔŋ lɛ bakã shi efolo ní mɔ ko mɔ ko ehiii nɔ lɛ, ni ekã shi nakai kɛyashi mɛɛ be?

Sanebimɔi ni fata he:

1. Kanemɔ 2 Maŋtsɛmɛi 25:1-26.

   1. Namɔ ji Zedekia, mɛni ba enɔ, ni yɛ mɛɛ gbɛ nɔ enɛ ha Biblia mli gbalɛ ba mli? (2 Maŋ. 25:5-7; Ezek. 12:13-15)

   2. Yehowa shwa namɛi yɛ anɔkwa ni Israel yeee lɛ fɛɛ hewɔ? (2 Maŋ. 25:9, 11, 12, 18, 19; 2 Kron. 36:14, 17)

2. Kanemɔ Ezekiel 8:1-18.

   Kristendom ekase Israelbii hemɔkɛyeli kwalɔi ni jáa hulu lɛ yɛ mɛɛ gbɛ nɔ? (Ezek. 8:16; Yes. 5:20, 21; Yoh. 3:19-21; 2 Tim. 4:3)

Sane 77

1. Mɛɛ fãmɔ Babilon maŋtsɛ Nebukadnezar kɛha gbɔmɛi lɛ?

2. Mɛni hewɔ Daniel nanemɛi etɛ lɛ kulaaa shi amɛhaaa shika amaga lɛ?

3. Be ni Nebukadnezar ha Hebribii etɛ lɛ hegbɛ ekoŋŋ ni amɛkula shi lɛ, mɛɛ gbɛ nɔ amɛtsɔɔ yɛ akɛ amɛyɛ hekɛnɔfɔɔ yɛ Yehowa mli?

4. Mɛni Nebukadnezar ha ehii lɛ fee Shadrak, Meshak kɛ Abednego?

5. Mɛni Nebukadnezar na be ni ekwɛ flɔnɔɔ lɛ mli lɛ?

6. Mɛni hewɔ maŋtsɛ lɛ jie Shadrak, Meshak kɛ Abednego Nyɔŋmɔ lɛ yi lɛ, ni amɛbafeɔ mɛni he nɔkwɛmɔnɔ kɛhaa wɔ?

Sanebimɔi ni fata he:

1. Kanemɔ Daniel 3:1-30.

   1. Mɛɛ su ní Hebribii oblahii etɛ lɛ jie lɛ kpo esa akɛ Nyɔŋmɔ tsuji fɛɛ akase be mli ni amɛkɛ anɔkwayeli he kaa kpeɔ lɛ? (Dan. 3:17, 18; Mat. 10:28; Rom. 14:7, 8)

   2. Mɛɛ nikasemɔ ni he hiaa Yehowa Nyɔŋmɔ tsɔɔ Nebukadnezar? (Dan. 3:28, 29; 4:34, 35)

Sane 78

1. Mɛni ba be ni Babilon maŋtsɛ lɛ ŋmɛ okpɔlɔ wulu ko ni ekɛ kpuji kɛ tsɛŋsii ni eyaloo kɛjɛ Yehowa sɔlemɔwe ni yɔɔ Yerusalem lɛ ye nii ni ekɛnu nii lɛ?

2. Mɛni Belshazar kɛɛ enilelɔi lɛ, shi mɛni amɛnyɛɛɛ amɛfee?

3. Mɛni maŋtsɛ lɛ mami kɛɛ lɛ akɛ efee?

4. Mɛni hewɔ Nyɔŋmɔ tsu nine lɛ koni ebaŋma nii yɛ gbogbo lɛ he taakɛ Daniel kɛɛ maŋtsɛ lɛ?

5. Te Daniel tsɔɔ wiemɔi ni aŋmala yɛ gbogbo lɛ he lɛ ashishi eha tɛŋŋ?

6. Mɛni ba be ni Daniel wieɔ lolo lɛ?

Sanebimɔi ni fata he:

1. Kanemɔ Daniel 5:1–6:1.

   1. Tsɔɔmɔ srɔtofeemɔ ni yɔɔ Nyɔŋmɔ gbeyeishemɔ kɛ gbeyei ni mɔ́ Belshazar be ni ena niŋmaa lɛ yɛ gbogbo lɛ he lɛ mli. (Dan. 5:6, 7; Lala 19:10; Rom. 8:35-39)

   2. Mɛɛ gbɛ nɔ Daniel tsɔ ejie ekãa kpele kpo be ni ekɛ Belshazar kɛ maŋ onukpai lɛ wieɔ lɛ? (Dan. 5:17, 18, 22, 26-28; Bɔf. 4:29)

   3. Daniel yitso 5 lɛ maa jeŋ muu fɛɛ maŋtsɛ ni Yehowa ji lɛ nɔ mi yɛ mɛɛ gbɛ nɔ? (Dan. 4:17, 25; 5:21)

Sane 79

1. Namɔ ji Dario, ni te ebuɔ Daniel tɛŋŋ?

2. Mɛni hii komɛi ni yeɔ awuŋa ha Dario fee?

3. Mɛni Daniel fee be ni enu akɛ awo mla hee lɛ?

4. Mɛni hewɔ Dario hao aahu akɛ enyɛɛɛ ewɔ lɛ, ni enɔ jetsɛremɔ lɛ mɛni efee?

5. Te Daniel ha Dario hetoo eha tɛŋŋ?

6. Mɛni ba hii gbohii ni bɔ mɔdɛŋ ni amɛgbe Daniel lɛ anɔ, ni mɛni Dario ŋma yaha gbɔmɛi fɛɛ ni yɔɔ emaŋtsɛyeli lɛ mli lɛ?

Sanebimɔi ni fata he:

1. Kanemɔ Daniel 6:2-29.

   1. Ŋaa ni atsɔ koni agbe Daniel lɛ kaiɔ wɔ nɔ ni shitee-kɛ-wolɔi bɔɔ mɔdɛŋ ni amɛfee koni atsĩ Yehowa Odasefoi anitsumɔ lɛ naa yɛ wɔbe nɛɛ mli lɛ yɛ mɛɛ gbɛ nɔ? (Dan. 6:8; Lala 94:20; Yes. 10:1; Rom. 8:31)

   2. Nyɔŋmɔ tsuji ni yɔɔ ŋmɛnɛ lɛ baanyɛ akase Daniel yɛ heshibaa ni ajieɔ lɛ kpo atsɔɔ “hegbɛi ni yeɔ nɔ lɛ” mli yɛ mɛɛ gbɛ nɔ? (Dan. 6:6, 11; Rom. 13:1; Bɔf. 5:29)

   3. Wɔbaanyɛ wɔkase nɔkwɛmɔnɔ ni tsɔɔ sɔɔmɔ ni Daniel kɛhaa Yehowa “daa nɛɛ” lɛ yɛ mɛɛ gbɛ nɔ? (Dan. 6:16, 20; Fil. 3:16; Kpoj. 7:15)

Sane 80

1. Mɛni Israelbii lɛ feɔ taakɛ mfoniri lɛ tsɔɔ lɛ?

2. Te Koresh fee tɛŋŋ eha Yehowa gbalɛ ni ekɛha kɛtsɔ Yesaia nɔ lɛ ba mli?

3. Mɛni Koresh kɛɛ Israelbii ni nyɛɛɛ amɛku amɛsɛɛ kɛya Yerusalem lɛ?

4. Mɛni Koresh kɛha gbɔmɛi lɛ koni amɛkɛku sɛɛ kɛya Yerusalem ekoŋŋ?

5. Bei enyiɛ Israelbii lɛ ye dani amɛyashɛ Yerusalem?

6. Afii enyiɛ ho kɛjɛ be ni aha shikpɔŋ lɛ bakã shi efolo ni mɔ ko mɔ ko ehiii nɔ lɛ?

Sanebimɔi ni fata he:

1. Kanemɔ Yesaia 44:28 kɛ 45:1-4.

   1. Yehowa ma nɔ mi akɛ gbalɛ ni kɔɔ Koresh he lɛ baaba mli anɔkwale yɛ mɛɛ gbɛ nɔ? (Yes. 55:10, 11; Rom. 4:17)

   2. Mɛni Yesaia gbalɛ ni kɔɔ Koresh he lɛ tsɔɔ wɔ yɛ nyɛmɔ ni Yehowa Nyɔŋmɔ yɔɔ ni ekɛgbaa nɔ ni baaba wɔsɛɛ lɛ he? (Yes. 42:9; 45:21; 46:10, 11; 2 Pet. 1:20)

2. Kanemɔ Ezra 1:1-11.

   Mɛɛ gbɛ nɔ wɔɔtsɔ ‘wɔwo’ mɛi ni yɔɔ nyɛmɔ akɛ amɛaatsu be-fɛɛ sɔɔmɔ nitsumɔ lɛ ‘nijiaŋ,’ taakɛ mɛi ni nyɛɛɛ aku amɛsɛɛ kɛya Yerusalem ekoŋŋ lɛ fee lɛ? (Ezra 1:4, 6; Rom. 12:13; Kol. 4:12)

Sane 81

1. Gbɔmɛi ayifalɛ enyiɛ fã gbɛ kakadaŋŋ kɛjɛ Babilon kɛtee Yerusalem lɛ, shi mɛni amɛna be ni amɛshɛ jɛmɛ lɛ?

2. Mɛɛ nibii Israelbii lɛ je shishi amɛmamɔ be ni amɛshɛ jɛmɛ lɛ, shi mɛni amɛhenyɛlɔi lɛ fee?

3. Namɛi ji Hagai kɛ Zakaria, ni mɛni amɛkɛɛ gbɔmɛi lɛ?

4. Mɛni hewɔ Tatnai ŋma wolo kɛtee Babilon lɛ, ni mɛɛ hetoo enine shɛ nɔ?

5. Mɛni Ezra fee be ni ená ele akɛ ehe miihia ni asaa Nyɔŋmɔ sɔlemɔtsu lɛ mli lɛ?

6. Yɛ mfoniri lɛ mli lɛ mɛni he Ezra sɔleɔ yɛ lɛ, yɛ mɛɛ gbɛ nɔ aha esɔlemɔ lɛ hetoo, ni mɛni enɛ tsɔɔ wɔ?

Sanebimɔi ni fata he:

1. Kanemɔ Ezra 3:1-13.

   Kɛji wɔyaje akutso ko mli be ko, ni Nyɔŋmɔ webii asafo bɛ jɛmɛ lɛ, mɛni esa akɛ wɔya nɔ wɔfee? (Ezra 3:3, 6; Bɔf. 17:16, 17; Heb. 13:15)

2. Kanemɔ Ezra 4:1-7.

   Mɛɛ nɔkwɛmɔnɔ Zerubabel fee kɛha Yehowa webii yɛ futufutu hemɔkɛyeli he? (2 Mose 34:12; 1 Kor. 15:33; 2 Kor. 6:14-17)

3. Kanemɔ Ezra 5:1-5, 17 kɛ 6:1-22.

   1. Mɛni hewɔ shitee-kɛ-wolɔi lɛ nyɛɛɛ amɛtsĩ sɔlemɔtsu lɛ mãa he nitsumɔ lɛ naa lɛ? (Ezra 5:5; Yes. 54:17)

   2. Yudafoi onukpai lɛ anifeemɔ lɛ woɔ Kristofoi asafoŋ onukpai ahewalɛ koni amɛtao Yehowa gbɛtsɔɔmɔ be mli ni amɛkɛ shitee-kɛ-wolɔi yeɔ lɛ yɛ mɛɛ gbɛ nɔ? (Ezra 6:14; Lala 32:8; Rom. 8:31; Yak. 1:5)

4. Kanemɔ Ezra 8:21-23, 28-36.

   Dani wɔbaaje nifeemɔ gbɛ ko ni wɔbaakɔ lɛ shishi lɛ, mɛɛ nɔkwɛmɔnɔ ni Ezra fee ebaafee nɔ ni sa akɛ wɔɔkase? (Ezra 8:23; Lala 127:1; Abɛi 10:22; Yak. 4:13-15)

Sane 82

1. Namɛi ji Mordekai kɛ Ester?

2. Mɛni hewɔ Maŋtsɛ Ahashwerosh taoɔ ŋa hee lɛ, ni namɔ ehala?

3. Namɔ ji Haman, ni mɛni ha emli wo la waa lɛ?

4. Mɛni mla afee, ni mɛni Ester fee sɛɛ mli be ni enine shɛ Mordekai shɛɛ lɛ nɔ lɛ?

5. Mɛni ba Haman nɔ, ni mɛni ba Mordekai nɔ?

6. Mɛɛ gbɛ nɔ atsɔ ahere Israelbii lɛ ayiwala kɛjɛ amɛhenyɛlɔi lɛ adɛŋ?

Sanebimɔi ni fata he:

1. Kanemɔ Ester 2:12-18.

   Ester fee sɛɛnamɔ ni yɔɔ “mumɔ ni he jɔ ni yɔɔ kpoo” ni aaaná lɛ he nɔkwɛmɔnɔ yɛ mɛɛ gbɛ nɔ? (Ester 2:15; 1 Pet. 3:1-5)

2. Kanemɔ Ester 4:1-17.

   Taakɛ aha Ester hegbɛ ni ekɛtsu nii kɛfĩ anɔkwa jamɔ sɛɛ lɛ, mɛɛ hegbɛ wɔ hu wɔyɔɔ ŋmɛnɛ ni wɔkɛtsɔɔ bɔ ni wɔhetuu-kɛ-hamɔ kɛ anɔkwayeli kɛha Yehowa lɛ ji? (Ester 4:13, 14; Mat. 5:14-16; 24:14)

3. Kanemɔ Ester 7:1-6.

   Taakɛ Ester ji lɛ, Nyɔŋmɔ webii babaoo ni yɔɔ ŋmɛnɛ lɛ ebatsɔmɔ mɛi ni abaanyɛ awa amɛyi yɛ mɛɛ gbɛ nɔ? (Ester 7:4; Mat. 10:16-22; 1 Pet. 2:12)

Sane 83

1. Akɛni Yerusalem maŋ lɛ bɛ gbogboi ni bɔle he hewɔ lɛ, te Israelbii lɛ nu he amɛha tɛŋŋ?

2. Namɔ ji Nehemia?

3. Mɛni ji Nehemia nitsumɔ, ni mɛni hewɔ ehe hiaa waa lɛ?

4. Mɛɛ saji haaa Nehemia mii ashɛ ehe lɛ, ni mɛni efee?

5. Maŋtsɛ Artashasta jie mlijɔlɛ kpo etsɔɔ Nehemia yɛ mɛɛ gbɛ nɔ?

6. Te Nehemia to tsumaa nitsumɔ lɛ he gbɛjianɔ eha tɛŋŋ bɔni afee ni Israelbii lɛ ahenyɛlɔi lɛ akanyɛ amɛtsĩ naa?

Sanebimɔi ni fata he:

1. Kanemɔ Nehemia 1:4-6 kɛ 2:1-20.

   Mɛɛ gbɛ nɔ Nehemia tsɔ etao Yehowa gbɛtsɔɔmɔ? (Neh. 2:4, 5; Rom. 12:12; 1 Pet. 4:7)

2. Kanemɔ Nehemia 3:3-5.

   Mɛni asafoŋ onukpai kɛ asafoŋ sɔɔlɔi baanyɛ akase kɛjɛ bɔ ni Tekoabii lɛ asú yɔɔ srɔto yɛ “amɛbladei” lɛ anɔ̃ he lɛ mli? (Neh. 3:5, 27; 2 Tes. 3:7-10; 1 Pet. 5:5)

3. Kanemɔ Nehemia 3:33–4:17.

   1. Yɛ shitee-kɛ-woo ni naa wa lɛ fɛɛ sɛɛ lɛ, mɛni kanya Israelbii lɛ ni amɛtee nɔ amɛtswa gbogboi lɛ? (Neh. 3:38; 4:2, 3; Lala 50:15; Yes. 65:13, 14)

   2. Yɛ mɛɛ gbɛ nɔ Israelbii lɛ anɔkwɛmɔnɔ lɛ woɔ wɔ hewalɛ ŋmɛnɛ?

4. Kanemɔ Nehemia 6:15.

   Anɔkwale ni eji akɛ agbe Yerusalem gbogboi lɛ tswaa lɛ naa yɛ nyɔji enyɔ pɛ mli lɛ tsɔɔ wɔ mɛni yɛ hewalɛ ni hemɔkɛyeli yɔɔ lɛ he? (Lala 56:4, 5; Mat. 17:20; 19:26)

Sane 84

1. Namɔ ji yoo ni yɔɔ mfoniri lɛ mli lɛ?

2. Mɛni Gabriel kɛɛ Maria?

3. Mɛɛ gbɛ nɔ Gabriel ha Maria le akɛ ebaafɔ, eyɛ mli akɛ ekɛ nuu ehiko shi moŋ?

4. Be ni Maria yasara ewekunyo Elisabet lɛ, mɛni ba?

5. Mɛni Yosef susu be ni ená ele akɛ Maria ená musu lɛ, shi mɛni hewɔ etsake ejwɛŋmɔ lɛ?

Sanebimɔi ni fata he:

1. Kanemɔ Luka 1:26-56.

   1. Mɛni Luka 1:35 lɛ jieɔ lɛ kpo yɛ Maria musu kotoku ni ekolɛ emuu ni ayeee ni aná kɛjɛ Adam mli lɛ baaha efee nɔ ni bɛ krɔŋŋ lɛ he, be ni aŋɔ Nyɔŋmɔ Bi lɛ wala kɛjɛ mumɔŋ shihilɛhe lɛ kɛbawo Maria musuŋ lɛ? (Hag. 2:11-13; Yoh. 6:69; Heb. 7:26; 10:5)

   2. Yɛ mɛɛ gbɛ nɔ Yesu nine shɛ woo nɔ po dani afɔ lɛ? (Luka 1:41-43)

   3. Mɛɛ nɔkwɛmɔnɔ fɛfɛo Maria fee kɛha Kristofoi ní nine shɛɔ sɔɔmɔ hegbɛi krɛdɛɛi komɛi anɔ ŋmɛnɛ lɛ? (Luka 1:38, 46-49; 17:10; Abɛi 11:2)

2. Kanemɔ Mateo 1:18-25.

   Eyɛ mli ákɛ akɛ gbɛi Imanuel lɛ wooo Yesu moŋ, shi nɔ ni ebatsu akɛ adesa lɛ ha nɔ ni gbɛi nɛɛ tsɔɔ lɛ bafee anɔkwale yɛ mɛɛ gbɛ nɔ? (Mat. 1:22, 23; Yoh. 14:8-10; Heb. 1:1-3)

Sane 85

1. Namɔ ji abifao bibioo ni yɔɔ mfoniri lɛ mli lɛ, ni nɛgbɛ Maria kɛ lɛ fɔ̃ɔ lɛ?

2. Mɛni hewɔ afɔ Yesu yɛ kooloi atsũ mli yɛ kooloi ateŋ lɛ?

3. Namɛi boteɔ kooloi atsũ lɛ mli yɛ mfoniri lɛ mli lɛ, ni mɛni ŋwɛibɔfo ko ekɛɛ amɛ?

4. Mɛni hewɔ Yesu ji mɔ krɛdɛɛ lɛ?

5. Mɛni hewɔ abaanyɛ atsɛ́ Yesu akɛ Nyɔŋmɔ Bi lɛ?

Sanebimɔi ni fata he:

1. Kanemɔ Luka 2:1-20.

   1. Mɛɛ gbɛfaŋnɔ Kaisare Augusto ná yɛ Yesu fɔmɔ he gbalɛ mlibaa mli? (Luka 2:1-4; Mika 5:1)

   2. Te aaafee tɛŋŋ ní aŋkro ko aaabafata mɛi ni atsɛ́ɔ amɛ ‘gbɔmɛi ní aná amɛhe tsuijurɔ’ lɛ ahe? (Luka 2:14; Mat. 16:24; Yoh. 17:3; Bɔf. 3:19; Heb. 11:6)

   3. Kɛji Yudafoi tookwɛlɔi heshibalɔi lɛ yɛ yiŋtoi ni amɛaadamɔ nɔ amɛná miishɛɛ yɛ Kpɔlɔ ko fɔmɔ he lɛ, mɛɛ nɔdaamɔnɔ ni nɔ kwɔ Nyɔŋmɔ tsuji yɔɔ ŋmɛnɛ ni baaha amɛná miishɛɛ? (Luka 2:10, 11; Efe. 3:8, 9; Kpoj. 11:15; 14:6)

Sane 86

1. Namɛi ji hii ni yɔɔ mfoniri lɛ mli lɛ, ni mɛni hewɔ amɛteŋ mɔ kome kɛ ewao tsɔɔ ŋulami lɛ?

2. Mɛni hewɔ Maŋtsɛ Herode mli wo la waa lɛ, ni mɛni efee?

3. Nɛgbɛ ŋulami ni kpɛ́ɔ waa lɛ nyiɛ hii lɛ ahiɛ kɛtee, shi mɛni hewɔ amɛku amɛsɛɛ kɛtee amɛmaŋ kɛtsɔ gbɛ kroko nɔ lɛ?

4. Mɛni mla Herode wo, ni mɛni hewɔ?

5. Mɛni Yehowa kɛɛ Yosef akɛ efee?

6. Namɔ ha ŋulami hee lɛ kpɛ́ lɛ, ni mɛni hewɔ?

Sanebimɔ ni fata he:

1. Kanemɔ Mateo 2:1-23.

   Afii enyiɛ Yesu eye be ni ŋulamiiaŋkwɛlɔi lɛ basara lɛ lɛ, ni no mli lɛ nɛgbɛ eyɔɔ? (Mat. 2:1, 11, 16)

Sane 87

1. Kɛ́ okwɛ mfoniri lɛ mli lɛ, afii enyiɛ Yesu eye, ni nɛgbɛ eyɔɔ lɛ?

2. Mɛni Yosef kɛ eweku lɛ feɔ daa afi?

3. Mɛni hewɔ Yosef kɛ Maria ku amɛsɛɛ kɛtee Yerusalem ekoŋŋ yɛ gbi kome sɛɛ be mli ni amɛfãa gbɛ kɛyaa shia lɛ?

4. Nɛgbɛ Yosef kɛ Maria na Yesu yɛ, ni mɛni hewɔ gbɔmɛi ni yɔɔ jɛmɛ lɛ anaa kpɛ amɛhe lɛ?

5. Mɛni Yesu kɛɛ enyɛ Maria?

6. Mɛɛ gbɛ nɔ wɔbaanyɛ wɔfee tamɔ Yesu yɛ Nyɔŋmɔ he nikasemɔ mli?

Sanebimɔi ni fata he:

1. Kanemɔ Luka 2:41-52.

   1. Eyɛ mli akɛ Mla lɛ biɔ ni hii pɛ aya daa afi gbii juji lɛ ashishi moŋ, shi mɛɛ nɔkwɛmɔnɔ kpakpa Yosef kɛ Maria fee kɛha fɔlɔi ŋmɛnɛ? (Luka 2:41; 5 Mose 16:16; 31:12; Abɛi 22:6)

   2. Yesu fee nɔkwɛmɔnɔ kpakpa kɛha gbekɛbii ni yɔɔ ŋmɛnɛ lɛ koni amɛba amɛhe shi amɛha amɛfɔlɔi yɛ mɛɛ gbɛ nɔ? (Luka 2: 51; 5 Mose 5:16; Abɛi 23:22; Kol. 3:20)

2. Kanemɔ Mateo 13:53-56.

   Mɛɛ Yesu heloonaa nyɛmimɛi hii ejwɛ atsĩ amɛgbɛi atã yɛ Biblia lɛ mli, ni sɛɛ mli lɛ akɛ amɛteŋ mɛi enyɔ tsu nii yɛ Kristofoi asafo lɛ mli yɛ mɛɛ gbɛ nɔ? (Mat. 13:55; Bɔf. 12:17; 15:6, 13; 21:18; Gal. 1:19; Yak. 1:1; Yuda 1)

Sane 88

1. Namɛi ji hii enyɔ ni yɔɔ mfoniri lɛ mli lɛ?

2. Te abaptisiɔ mɔ ahaa tɛŋŋ?

3. Namɛi Yohane baptisiɔ amɛ?

4. Mɛɛ yiŋtoo krɛdɛɛ ko hewɔ ni Yesu bi ní Yohane abaptisi lɛ lɛ?

5. Mɛɛ gbɛ nɔ Nyɔŋmɔ tsɔɔ yɛ akɛ ená he miishɛɛ akɛ abaptisi Yesu?

6. Mɛni ba be ni Yesu yahi he ko ni etse ehe banee gbii 40 lɛ?

7. Namɛi ji Yesu klɛŋklɛŋ sɛɛnyiɛlɔi loo kaselɔi lɛ ekomɛi, ni mɛni ji klɛŋklɛŋ naakpɛɛ nii ni efee?

Sanebimɔi ni fata he:

1. Kanemɔ Mateo 3:13-17.

   Mɛɛ nɔkwɛmɔnɔ Yesu fee efɔ shi kɛha ekaselɔi lɛ abaptisimɔ? (Lala 40:8, 9; Mat. 28:19, 20; Luka 3:21, 22)

2. Kanemɔ Mateo 4:1-11.

   Yɛ mɛɛ gbɛ nɔ ŋaa gbɛ ni Yesu tsɔ nɔ ekɛ Ŋmalɛi lɛ tsu nii lɛ woɔ wɔ hewalɛ ni wɔkase Biblia lɛ daa? (Mat. 4:5-7; 2 Pet. 3:17, 18; 1 Yoh. 4:1)

3. Kanemɔ Yohane 1:29-51.

   Yohane Baptisilɔ lɛ tsɔɔ ekaselɔi lɛ agbɛ kɛtee namɔ ŋɔɔ, ni wɔbaanyɛ wɔkase lɛ ŋmɛnɛ yɛ mɛɛ gbɛ nɔ? (Yoh. 1:29, 35, 36; 3:30; Mat. 23:10)

4. Kanemɔ Yohane 2:1-12.

   Yesu klɛŋklɛŋ naakpɛɛ nii lɛ tsɔɔ akɛ Yehowa kɛ nibii kpakpai haa E-tsuji yɛ mɛɛ gbɛ nɔ? (Yoh. 2:9, 10; Lala 84:12; Yak. 1:17)

Sane 89

1. Mɛni hewɔ ahɔ̃ɔ kooloi yɛ sɔlemɔwe lɛ?

2. Mɛni ha Yesu mli fu waa lɛ?

3. Taakɛ onaa yɛ mfoniri lɛ mli lɛ, mɛni Yesu feɔ lɛ, ni mɛɛ famɔ ekɛha hii ni hɔ̃ɔ okpoi lɛ?

4. Be mli ni Yesu sɛɛnyiɛlɔi lɛ na nɔ ni efeɔ lɛ, mɛni amɛkai?

5. Mɛɛ kpokpaa nɔ Yesu yatsɔ be ni efãa gbɛ kɛkuɔ esɛɛ kɛyaa Galilea lɛ?

Sanebimɔ ni fata he:

1. Kanemɔ Yohane 2:13-25.

   Kɛ́ wɔsusu bɔ ni Yesu mli fu mɛi ni tsakeɔ shika yɛ sɔlemɔwe lɛ he lɛ, mɛɛ jwɛŋmɔ ni ja esa akɛ wɔná yɛ jarayeli nifeemɔi ahe yɛ Maŋtsɛyeli Asa lɛ nɔ? (Yoh. 2:15, 16; 1 Kor. 10:24, 31-33)

Sane 90

1. Mɛni hewɔ Yesu ewa edamɔ shi yɛ nubu ko he yɛ Samaria lɛ, ni mɛni ekɛɔ yoo lɛ?

2. Mɛni hewɔ yoo lɛ naa kpɛ ehe lɛ, ni mɛni Yesu kɛɛ yoo lɛ, ni mɛni hewɔ?

3. Mɛɛ nu yoo lɛ susu akɛ Yesu wieɔ he lɛ, shi mɛɛ nu diɛŋtsɛ he Yesu wieɔ lɛ?

4. Mɛni hewɔ yoo lɛ naa kpɛ ehe yɛ nibii ni Yesu le yɛ ehe lɛ he lɛ, ni te fee tɛŋŋ ni Yesu le saji nɛɛ?

5. Mɛni wɔbaanyɛ wɔkase kɛjɛ sane ni kɔɔ yoo lɛ he yɛ nubu lɛ he lɛ mli?

Sanebimɔi ni fata he:

1. Kanemɔ Yohane 4:5-43.

   1. Be mli ni wɔnyiɛɔ Yesu nɔkwɛmɔnɔ lɛ sɛɛ lɛ, mɛɛ subaŋ esa akɛ wɔjie lɛ kpo yɛ mɛi ni hiɛ hewolo nɔ sui srɔtoi loo amɛjɛ shihilɛi srɔtoi amli lɛ ahe? (Yoh. 4:9; 1 Kor. 9:22; 1 Tim. 2:3, 4; Tito 2:11)

   2. Mɛɛ mumɔŋ sɛɛnamɔi mɔ ko náa kɛ́ ebatsɔ Yesu kaselɔ lɛ? (Yoh. 4:14; Yes. 58:11; 2 Kor. 4:16)

   3. Yɛ mɛɛ gbɛ nɔ wɔbaanyɛ wɔjie hiɛsɔɔ kpo tamɔ bɔ ni Samariayoo lɛ ni sumɔɔ ni egba nɔ ni ekase lɛ he sane etsɔɔ lɛ fee lɛ? (Yoh. 4:7, 28; Mat. 6:33; Luka 10:40-42)

Sane 91

1. Yɛ mfoniri lɛ mli lɛ, nɛgbɛ Yesu tsɔɔ nii yɛ lɛ, ni namɛi tara emasɛi kpaakpa lɛ?

2. Te atsɛ́ɔ ebɔfoi 12 lɛ agbɛii tɛŋŋ?

3. Mɛɛ Maŋtsɛyeli he sane Yesu shiɛɔ lɛ?

4. Mɛni Yesu tsɔɔ gbɔmɛi lɛ akɛ amɛbi kɛ́ amɛmiisɔle lɛ?

5. Mɛni Yesu wie yɛ bɔ ni esa akɛ gbɔmɛi kɛ amɛhe aye aha lɛ he?

Sanebimɔi ni fata he:

1. Kanemɔ Mateo 5:1-12.

   Mɛɛ gbɛ̀i anɔ wɔbaanyɛ wɔtsɔɔ yɛ akɛ wɔhiɛ yɛ wɔmumɔŋ hiamɔ nii lɛ anɔ? (Mat. 5:3; Rom. 10:13-15; 1 Tim. 4:13, 15, 16)

2. Kanemɔ Mateo 5:21-26.

   Mateo 5:23, 24 lɛ maa nɔ mi akɛ wekukpãa ni kã wɔ kɛ wɔnyɛmimɛi ateŋ lɛ náa wekukpãa ni kã wɔ kɛ Yehowa teŋ lɛ nɔ hewalɛ yɛ mɛɛ gbɛ nɔ? (Mat. 6:14, 15; Lala 133:1; Kol. 3:13; 1 Yoh. 4:20)

3. Kanemɔ Mateo 6:1-8.

   Mɛɛ sui komɛi ni haa anaa mɔ ko akɛ eebu ehe jalɔ esa akɛ Kristofoi akpoo? (Luka 18:11, 12; 1 Kor. 4:6, 7; 2 Kor. 9:7)

4. Kanemɔ Mateo 6:25-34.

   Mɛni Yesu tsɔɔ yɛ bɔ ni ehe hiaa ní aná hekɛnɔfɔɔ yɛ Yehowa mli kɛha wɔ heloonaa hiamɔ nibii lɛ he? (2 Mose 16:4; Lala 37:25; Fil. 4:6)

5. Kanemɔ Mateo 7:1-11.

   Mɛni abɛbua ni mli kã shi faŋŋ ní anaa yɛ Mateo 7:5 lɛ tsɔɔ wɔ? (Abɛi 26:12; Rom. 2:1; 14:10; Yak. 4:11, 12)

Sane 92

1. Namɔ ji gbekɛ yoo ni yɔɔ mfoniri lɛ mli lɛ tsɛ, ni mɛni hewɔ ekɛ eŋa lɛ fɛɛ tsui baye waa lɛ?

2. Mɛni Yairo fee be ni ena Yesu lɛ?

3. Mɛni ba be mli ni Yesu yaa Yairo shia lɛ, ni mɛɛ amaniɛbɔɔ akɛbaha Yairo yɛ gbɛ lɛ nɔ?

4. Mɛni hewɔ mɛi ni yɔɔ Yairo shia lɛ ŋmɔ Yesu lɛ?

5. Mɛni Yesu fee be mli ni ekɛ ekaselɔi etɛ kɛ gbekɛ yoo lɛ tsɛ kɛ enyɛ tee gbekɛ yoo lɛ tsũ lɛ mli lɛ?

6. Namɔ hu Yesu tée lɛ shi kɛjɛ gbohii ateŋ, ni mɛni enɛ tsɔɔ?

Sanebimɔi ni fata he:

1. Kanemɔ Luka 8:40-56.

   Yesu jie mɔbɔnalɛ kɛ hiɛshikamɔ kpo etsɔɔ yoo ni lá hoɔ lɛ lɛ yɛ mɛɛ gbɛ nɔ, ni mɛni Kristofoi onukpai ni yɔɔ ŋmɛnɛ lɛ baanyɛ akase kɛjɛ enɛ mli? (Luka 8:43, 44, 47, 48; 3 Mose 15:25-27; Mat. 9:12, 13; Kol. 3:12-14)

2. Kanemɔ Luka 7:11-17.

   Mɛni hewɔ mɛi ni amɛsuɔlɔi egboi lɛ baanyɛ aná miishɛjemɔ kpele kɛjɛ hetoo ni Yesu kɛha Nain yoo okulafo lɛ mli lɛ? (Luka 7:13; 2 Kor. 1:3, 4; Heb. 4:15)

3. Kanemɔ Yohane 11:17-44.

   Yesu tsɔɔ akɛ ejeee tɔ̃mɔ akɛ aaaye awerɛho yɛ suɔlɔ ko gbele he yɛ mɛɛ gbɛ nɔ? (Yoh. 11:33-36, 38; 2 Sam. 18:33; 19:1-4)

Sane 93

1. Mɛɛ nɔ fɔŋ ko ba Yohane Baptisilɔ lɛ nɔ, ni te Yesu nu he eha tɛŋŋ?

2. Mɛɛ gbɛ nɔ Yesu tsɔ eha asafo babaoo ni nyiɛ esɛɛ lɛ niyenii, ni niyenii falɛ enyiɛ shwɛ?

3. Mɛni hewɔ kaselɔi lɛ atsui fã yɛ nyɔɔŋ lɛ mli lɛ, ni mɛni ba Petro nɔ?

4. Yesu lɛ gbɔmɛi akpei abɔ nɔ ni ji shii enyɔ nɔ yɛ mɛɛ gbɛ nɔ?

5. Mɛni hewɔ be mli ni Yesu baaye shikpɔŋ lɛ nɔ akɛ Nyɔŋmɔ Maŋtsɛ lɛ baafee be ni yɔɔ miishɛɛ waa lɛ?

Sanebimɔi ni fata he:

1. Kanemɔ Mateo 14:1-32.

   1. Amaniɛbɔɔ ni yɔɔ Mateo 14:23-32 lɛ haa wɔyɔseɔ mɛni yɛ Petro subaŋ he?

   2. Nɔ ni aŋma afɔ̃ shi yɛ Ŋmalɛ lɛ mli lɛ tsɔɔ akɛ Petro he basa ni eye esu ni ji nii ni efeɔ kpalakpala lɛ nɔ yɛ mɛɛ gbɛ nɔ? (Mat. 14:27-30; Yoh. 18:10; 21:7; Bɔf. 2:14, 37-40; 1 Pet. 5:6, 10)

2. Kanemɔ Mateo 15:29-38.

   Yesu jie bulɛ kpo etsɔɔ heloonaa niyenii ní jɛ e-Tsɛ lɛ ŋɔɔ lɛ yɛ mɛɛ gbɛ nɔ? (Mat. 15:37; Yoh. 6:12; Kol. 3:15)

3. Kanemɔ Yohane 6:1-21.

   Kristofoi ni yɔɔ ŋmɛnɛ lɛ baanyɛ anyiɛ Yesu nɔkwɛmɔnɔ lɛ sɛɛ yɛ bulɛ kpojiemɔ kɛha nɔyeli lɛ yɛ mɛɛ gbɛ nɔ? (Yoh. 6:15; Mat. 22:21; Rom. 12:2; 13:1-4)

Sane 94

1. Mɛni he ŋwane bɔfoi lɛ jeɔ be mli ni amɛkuɔ amɛsɛɛ kɛjɛɔ gbɛfãa kakadaŋŋ ko mli amɛbaa lɛ?

2. Mɛni hewɔ Yesu tsɛ́ gbekɛ nuu fioo ko ni ekɛ lɛ badamɔ bɔfoi lɛ ateŋ lɛ?

3. Esa akɛ bɔfoi lɛ akase bɔ ni amɛaafee amɛtsɔmɔ tamɔ gbekɛbii yɛ mɛɛ gbɛ nɔ?

4. Mɛɛ gbɛ nɔ Yesu tsɔɔ yɛ nyɔji fioo komɛi asɛɛ akɛ esumɔɔ gbekɛbii asane?

Sanebimɔi ni fata he:

1. Kanemɔ Mateo 18:1-4.

   Mɛni hewɔ Yesu kɛ abɛbuai tsu nii ni ekɛtsɔɔ nii lɛ? (Mat. 13:34, 36; Mar. 4:33, 34)

2. Kanemɔ Mateo 19:13-15.

   Mɛɛ gbekɛbii bibii asui esa akɛ wɔkase bɔni afee ni wɔná Maŋtsɛyeli jɔɔmɔi amli gbɛfaŋnɔ? (Lala 25:9; 138:6; 1 Kor. 14:20)

3. Kanemɔ Marko 9:33-37.

   Mɛni Yesu tsɔɔ ekaselɔi lɛ yɛ hegbɛ taomɔ kɛha gbɛihemɔ he? (Mar. 9:35; Mat. 20:25, 26; Gal. 6:3; Fil. 2:5-8)

4. Kanemɔ Marko 10:13-16.

   Yesu ji mɔ ko ni anyɛɔ abɛŋkɛɔ lɛ yɛ mɛɛ gbɛ nɔ, ni mɛni Kristofoi onukpai baanyɛ akase kɛjɛ enɔkwɛmɔnɔ lɛ mli? (Mar. 6:30-34; Fil. 2:1-4; 1 Tim. 4:12)

Sane 95

1. Mɛɛ sane nuu ko bi Yesu, ni mɛni hewɔ?

2. Bei komɛi lɛ, mɛni Yesu kɛtsɔɔ mɛi anii, ni mɛni wɔná wɔle momo yɛ Yudafoi lɛ kɛ Samariabii ahe?

3. Yɛ sane ni Yesu gba lɛ mli lɛ, mɛni ba Yudanyo ko nɔ yɛ be mli ni Yudanyo lɛ fãa gbɛ kɛtsɔɔ gbɛ ni yaa Yeriko lɛ nɔ lɛ?

4. Mɛni ba be ni Yudanyo osɔfo ko kɛ Levinyo ko baho yɛ gbɛ lɛ nɔ lɛ?

5. Namɔ yeɔ ebua Yudanyo ni apila lɛ yɛ mfoniri lɛ mli lɛ?

6. Be ni Yesu gbe sane lɛ naa lɛ, mɛɛ sane ebi, ni te nuu lɛ ha hetoo eha tɛŋŋ?

Sanebimɔi ni fata he:

1. Kanemɔ Luka 10:25-37.

   1. Yɛ nɔ najiaŋ ni Yesu aaaha hetoo tɛ̃ɛ lɛ, yɛ mɛɛ gbɛ nɔ eye ebua nuu ko ni le Mla lɛ mli jogbaŋŋ lɛ koni esusu nii ahe? (Luka 10:26; Mat. 16:13-16)

   2. Mɛɛ gbɛ nɔ Yesu tsɔ ekɛ nɔkwɛmɔnii tsu nii ekɛwie eshi jwɛŋmɔ ni ejaaa ní mɛi ni boɔ wiemɔ ni ehaa lɛ toi lɛ aaaná lɛ? (Luka 10:36, 37; 18:9-14; Tito 1:9)

Sane 96

1. Mɛni Yesu fee be mli ni efãa gbɛ kɛkpaa maŋ lɛ mli fɛɛ lɛ?

2. Be ni Yohane ebaptisi Yesu sɛɛ aaafee afii etɛ lɛ, mɛni Yesu kɛɛ ebɔfoi lɛ?

3. Namɛi ji mɛi ni yɔɔ mfoniri lɛ mli lɛ, ni mɛni Yesu fee eha yoo lɛ?

4. Mɛni hewɔ hetoo ni Yesu kɛha jamɔ mli hiɛnyiɛlɔi lɛ yɛ be mli ni amɛte shi amɛwo lɛ lɛ ha amɛhiɛ gboi lɛ?

5. Be ni Yesu kɛ ebɔfoi lɛ bɛŋkɛ Yeriko maŋ lɛ, mɛni Yesu fee eha shwilafoi nibalɔi enyɔ lɛ?

6. Mɛni hewɔ Yesu fee naakpɛɛ nii lɛ?

Sanebimɔi ni fata he:

1. Kanemɔ Mateo 15:30, 31.

   Mɛɛ Yehowa hewalɛ lɛ he nifeemɔ ko ni yɔɔ naakpɛɛ atsɔ Yesu nɔ ajie kpo atsɔɔ, ni te esa akɛ enɛ aná jeŋ hee lɛ he shiwoo ni Yehowa kɛha lɛ he shishinumɔ ni wɔyɔɔ lɛ nɔ hewalɛ eha tɛŋŋ? (Lala 37:29; Yes. 33:24)

2. Kanemɔ Luka 13:10-17.

   Naakpɛɛ nibii wuji komɛi ni Yesu fee yɛ Hejɔɔmɔ Gbi lɛ nɔ lɛ feɔ hejɔlɛ ni adesai baaná yɛ Yesu Afii Akpe Nɔyeli lɛ mli lɛ he mfoniri yɛ mɛɛ gbɛ nɔ? (Luka 13:10-13; Lala 46:10; Mat. 12:8; Kol. 2:16, 17; Kpoj. 21:1-4)

3. Kanemɔ Mateo 20:29-34.

   Amaniɛbɔɔ nɛɛ tsɔɔ akɛ Yesu yɛ dekã ni ekɛaaye ebua mɛi yɛ mɛɛ gbɛ nɔ, ni mɛni wɔbaanyɛ wɔkase kɛjɛ enɛ mli? (5 Mose 15:7; Yak. 2:15, 16; 1 Yoh. 3:17)

Sane 97

1. Be ni Yesu ba akrowa bibioo ko ni bɛŋkɛ Yerusalem lɛ, mɛni ekɛɛ ekaselɔi lɛ akɛ amɛfee?

2. Taakɛ onaa yɛ mfoniri lɛ mli lɛ, mɛni ba be ni Yesu bɛŋkɛ maŋtiase ni yɔɔ Yerusalem lɛ?

3. Mɛni gbekɛbii bibii lɛ fee be mli ni amɛna ni Yesu miitsa shwilafoi kɛ obubuafoi lɛ?

4. Mɛni Yesu kɛɛ osɔfoi ni mli efu waa lɛ?

5. Wɔbaanyɛ wɔfee wɔnii tamɔ gbekɛbii ni jie Yesu yi lɛ yɛ mɛɛ gbɛ nɔ?

6. Mɛni kaselɔi lɛ taoɔ akɛ amɛle?

Sanebimɔi ni fata he:

1. Kanemɔ Mateo 21:1-17.

   1. Yerusalem ni Yesu bote akɛ Maŋtsɛ lɛ yɛ srɔto kwraa yɛ Romabii abeaŋ tatsɛmɛi ni eye kunim lɛ anɔ̃ lɛ he yɛ mɛɛ gbɛ nɔ? (Mat. 21:4, 5; Zak. 9:9; Fil. 2:5-8; Kol. 2:15)

   2. Mɛɛ nikasemɔ oblahii kɛ oblayei bibii baanyɛ akase kɛjɛ Lala 118 lɛ ní Israel gbekɛbii hii lɛ tsɛ́ yisɛɛ be ni Yesu boteɔ sɔlemɔwe lɛ? (Mat. 21:9, 15; Lala 118:25, 26; 2 Tim. 3:15; 2 Pet. 3:18)

2. Kanemɔ Yohane 12:12-16.

   Mɛni tɛŋ bɛlɛoi ni mɛi lɛ kɛtsu nii kɛnyá Yesu he lɛ damɔ shi kɛha? (Yoh. 12:13; Fil. 2:10; Kpoj. 7:9, 10)

Sane 98

1. Hii ni yɔɔ mfoniri lɛ mli lɛ ateŋ namɔ ji Yesu, ni namɛi fata ehe lɛ?

2. Mɛni osɔfoi lɛ bɔ mɔdɛŋ akɛ amɛbaafee Yesu, ni mɛni ekɛɛ amɛ?

3. Mɛni bɔfoi lɛ bi Yesu?

4. Mɛni hewɔ Yesu kɛɛ ebɔfoi lɛ nibii komɛi ni baaya nɔ yɛ shikpɔŋ nɔ be mli ni eyeɔ nɔ akɛ Maŋtsɛ yɛ ŋwɛi lɛ?

5. Mɛɛ nibii Yesu kɛɛ ebaaba dani ekɛ nibii fɔji fɛɛ ni yaa nɔ yɛ shikpɔŋ nɔ lɛ baaba naagbee?

Sanebimɔi ni fata he:

1. Kanemɔ Mateo 23:1-39.

   1. Eyɛ mli akɛ Ŋmalɛi lɛ tsɔɔ akɛ je lɛŋ sablai ni akɛtsuɔ nii lɛ baanyɛ afee nɔ ni sa moŋ, shi mɛni Yesu wiemɔi ni yɔɔ Mateo 23:8-11 lɛ jieɔ lɛ kpo yɛ sablai ni akɛwoɔ mɔ yiteŋ mulu ní akɛaatsu nii yɛ Kristofoi asafo lɛ mli lɛ he? (Bɔf. 26:25; Rom. 13:7; 1 Pet. 2:13, 14)

   2. Mɛni Farisifoi lɛ bɔ mɔdɛŋ ni amɛkɛtsu nii koni amɛkɛtsĩ mɛi anaa ni amɛkabatsɔmɔ Kristofoi, ni yɛ mɛɛ gbɛ nɔ jamɔ mli hiɛnyiɛlɔi kɛ ŋaatsɔi ni tamɔ nakai nɔŋŋ etsu nii yɛ ŋmɛnɛŋmɛnɛ beaŋ? (Mat. 23:13; Luka 11:52; Yoh. 9:22; 12:42; 1 Tes. 2:16)

2. Kanemɔ Mateo 24:1-14.

   1. Mateo 24:13 lɛ maa bɔ ni tsuishiŋmɛɛ he hiaa ha lɛ nɔ mi yɛ mɛɛ gbɛ nɔ?

   2. Mɛni wiemɔ “kɛyawulaa shi” ni yɔɔ Mateo 24:13 lɛ tsɔɔ? (Mat. 16:27; Rom. 14:10-12; 2 Kor. 5:10)

3. Kanemɔ Marko 13:3-10.

   Mɛɛ wiemɔ yɔɔ Marko 13:10 ni tsɔɔ akɛ esa ákɛ akɛ oyaiyeli ashiɛ sanekpakpa lɛ, ni te esa akɛ Yesu wiemɔi nɛɛ aná wɔnɔ hewalɛ eha tɛŋŋ? (Rom. 13:11, 12; 1 Kor. 7:29-31; 2 Tim. 4:2)

Sane 99

1. Taakɛ anaa yɛ mfoniri lɛ mli lɛ, mɛni hewɔ Yesu kɛ ebɔfoi 12 lɛ eba ŋwɛitsu agbo ko mli lɛ?

2. Namɔ ji nuu ni jeɔ kpo lɛ, ni mɛni eyaafee?

3. Be ni aye Hehoo niyenii lɛ agbe naa lɛ, mɛɛ niyenii krɛdɛɛ ko Yesu to he gbɛjianɔ kɛje shishi?

4. Mɛɛ sane ko ni ba Hehoo lɛ kaiɔ Israelbii lɛ, ni mɛni sane niyenii krɛdɛɛ nɛɛ kaiɔ Yesu sɛɛnyiɛlɔi lɛ?

5. Be ni aye Nuŋtsɔ lɛ Gbɛkɛnaashi Niyenii lɛ agbe naa lɛ, mɛni Yesu kɛɛ esɛɛnyiɛlɔi lɛ, ni mɛni amɛfee?

Sanebimɔi ni fata he:

1. Kanemɔ Mateo 26:14-30.

   1. Mɛɛ gbɛ nɔ Mateo 26:15 lɛ tsɔɔ yɛ akɛ Yesu sɛɛ gbɛ ní Yuda tsɔɔ lɛ ji nɔ ko ni eje gbɛ efee?

   2. Mɛɛ yiŋtoi enyɔ Yesu lá ni afɔse ashwie shi lɛ tsuɔ he nii? (Mat. 26:27, 28; Yer. 31:31-33; Efe. 1:7; Heb. 9:19, 20)

2. Kanemɔ Luka 22:1-39.

   Satan bote Yuda mli yɛ mɛɛ shishinumɔ naa? (Luka 22:3; Yoh. 13:2; Bɔf. 1:24, 25)

3. Kanemɔ Yohane 13:1-20.

   1. Kɛji wɔkwɛ amaniɛbɔɔ ni yɔɔ Yohane 13:2 lɛ, ani abaanyɛ ashwa Yuda yɛ nɔ ni efee lɛ hewɔ, ni mɛni Nyɔŋmɔ tsuji baanyɛ akase kɛjɛ enɛ mli? (1 Mose 4:7; 2 Kor. 2:11; Gal. 6:1; Yak. 1:13, 14)

   2. Mɛɛ nɔkwɛmɔnɔ ni hewalɛ yɔɔ mli ní abaanyɛ akase nii kɛjɛ mli Yesu kɛha? (Yoh. 13:15; Mat. 23:11; 1 Pet. 2:21)

4. Kanemɔ Yohane 17:1-26.

   Yesu sɔle koni esɛɛnyiɛlɔi lɛ ‘afee ekome’ yɛ mɛɛ shishinumɔ naa? (Yoh. 17:11, 21-23; Rom. 13:8; 14:19; Kol. 3:14)

Sane 100

1. Be ni Yesu kɛ ebɔfoi lɛ shi ŋwɛitsu lɛ mli lɛ, nɛgbɛ amɛtee, ni mɛni ekɛɛ amɛ akɛ amɛfee?

2. Mɛni Yesu bana be mli ni eku esɛɛ kɛba he ni bɔfoi lɛ yɔɔ lɛ, ni shii enyiɛ sɔŋŋ enɛ tee nɔ?

3. Namɛi ba abɔɔ lɛ mli lɛ, ni mɛni Yuda Iskariot fee taakɛ atsɔɔ yɛ mfoniri lɛ mli lɛ?

4. Mɛni hewɔ Yuda shɔ Yesu naa lɛ, ni mɛni Petro fee?

5. Mɛni Yesu kɛɛ Petro, shi mɛni hewɔ Yesu ekɛɛɛ Nyɔŋmɔ koni etsu ŋwɛibɔfoi kɛba lɛ?

Sanebimɔi ni fata he:

1. Kanemɔ Mateo 26:36-56.

   1. Gbɛ ni Yesu tsɔ nɔ ewo esɛɛnyiɛlɔi lɛ aŋaa lɛ ji nɔkwɛmɔnɔ kpakpa kɛha Kristofoi onukpai ŋmɛnɛ yɛ mɛɛ gbɛ nɔ? (Mat. 20:25-28; 26:40, 41; Gal. 5:17; Efe. 4:29, 31, 32)

   2. Te Yesu bu heloonaa tawuu nii ni akɛaatsu nii ashi naanyo gbɔmɔ lɛ eha tɛŋŋ? (Mat. 26:52; Luka 6:27, 28; Yoh. 18:36)

2. Kanemɔ Luka 22:39-53.

   Be ni bɔfo ko jie ehe kpo etsɔɔ Yesu yɛ Getsemane abɔɔ lɛ mli koni ewo lɛ hewalɛ lɛ, ani no tsɔɔ akɛ Yesu miigbɔjɔ yɛ ehemɔkɛyeli mli? Tsɔɔmɔ mli. (Luka 22:41-43; Yes. 49:8; Mat. 4:10, 11; Heb. 5:7)

3. Kanemɔ Yohane 18:1-12.

   Yɛ mɛɛ gbɛ nɔ Yesu bu ekaselɔi lɛ ahe kɛjɛ eshitee-kɛ-wolɔi lɛ adɛŋ, ni mɛni wɔbaanyɛ wɔkase kɛjɛ nɛkɛ nɔkwɛmɔnɔ nɛɛ mli? (Yoh. 10:11, 12; 18:1, 6-9; Heb. 13:6; Yak. 2:25)

Sane 101

1. Namɔ ji mɔ titri ni ha agbe Yesu lɛ?

2. Mɛni bɔfoi lɛ fee be ni jamɔ mli hiɛnyiɛlɔi lɛ bamɔ Yesu kɛtee lɛ?

3. Mɛni ba yɛ osɔfonukpa Kaiafa shia lɛ?

4. Mɛni hewɔ Petro je kpo ni eyafó lɛ?

5. Be ni akɛ Yesu ku sɛɛ kɛba Pilato ŋɔɔ ekoŋŋ lɛ, mɛni osɔfonukpai lɛ bolɔ amɛkɛɛ?

6. Mɛni ba Yesu nɔ mrã mli yɛ Sohaa shwane mli, ni mɛɛ shiwoo Yesu kɛha efɔŋfeelɔ ni asɛŋ lɛ yɛ sɛŋmɔtso nɔ yɛ Yesu masɛi lɛ?

7. Nɛgbɛ abaana Paradeiso ni Yesu wie he lɛ yɛ?

Sanebimɔi ni fata he:

1. Kanemɔ Mateo 26:57-75.

   Yudafoi akojomɔhe wulu lɛ mli bii lɛ tsɔɔ akɛ amɛtsui eyi kɛ efɔŋfeemɔ yɛ mɛɛ gbɛ nɔ? (Mat. 26:59, 67, 68)

2. Kanemɔ Mateo 27:1-50.

   Mɛni hewɔ wɔbaanyɛ wɔkɛɛ akɛ heshwamɔ ni Yuda jie lɛ kpo lɛ jeee nɔ ni yɔɔ krɔŋŋ lɛ? (Mat. 27:3, 4; Mar. 3:29; 14:21; 2 Kor. 7:10, 11)

3. Kanemɔ Luka 22:54-71.

   Mɛni wɔbaanyɛ wɔkase kɛjɛ kwamɔ ni Petro kwá Yesu yɛ gbɛkɛ ni atsɔɔ esɛɛ gbɛ ni amɔ lɛ lɛ mli? (Luka 22:60-62; Mat. 26:31-35; 1 Kor. 10:12)

4. Kanemɔ Luka 23:1-49.

   Te Yesu fee enii yɛ bɔ ni akɛ lɛ ye yɛ gbɛ ni ejaaa nɔ lɛ he tɛŋŋ, ni mɛɛ nikasemɔ wɔbaanyɛ wɔkase kɛjɛ enɛ mli? (Luka 23:33, 34; Rom. 12:17-19; 1 Pet. 2:23)

5. Kanemɔ Yohane 18:12-40.

   Mɛni tsɔɔ akɛ eyɛ mli akɛ gbɔmɔ gbeyeishemɔ ha Petro kumɔ be kukuoo ko moŋ, shi ebaná hewalɛ ekoŋŋ ni ebatsɔ bɔfo ko ni bɔɔ mɔdɛŋ waa? (Yoh. 18:25-27; 1 Kor. 4:2; 1 Pet. 3:14, 15; 5:8, 9)

6. Kanemɔ Yohane 19:1-30.

   1. Mɛɛ jwɛŋmɔ ni ŋmɛɔ pɛpɛɛpɛ Yesu yɔɔ yɛ heloonaa nibii ahe? (Yoh. 2:1, 2, 9, 10; 19:23, 24; Mat. 6:31, 32; 8:20)

   2. Yesu naagbee wiemɔi lɛ ji sanejajemɔ ni tsɔɔ akɛ eye kunim yɛ jeŋ muu fɛɛ maŋtsɛ ni Yehowa ji lɛ sɛɛfimɔ mli yɛ mɛɛ gbɛ nɔ? (Yoh. 16:33; 19:30; 2 Pet. 3:14; 1 Yoh. 5:4)

Sane 102

1. Mɛɛ yoo yɔɔ mfoniri lɛ mli lɛ, ni namɛi ji hii enyɔ lɛ, ni nɛgbɛ amɛyɔɔ?

2. Mɛni hewɔ Pilato kɛɛ osɔfoi lɛ koni amɛha asraafoi ayabu Yesu gbonyobu lɛ he lɛ?

3. Mɛni bɔfo ko fee yɛ Yesu gbele sɛɛ gbi ni ji etɛ lɛ nɔ leebi maŋkpa lɛ, shi mɛni osɔfoi lɛ fee?

4. Mɛni hewɔ efee yei komɛi naakpɛɛ be mli ni amɛbakwɛ Yesu gbonyobu lɛ mli lɛ?

5. Mɛni hewɔ Petro kɛ Yohane jo foi kɛtee Yesu gbonyobu lɛ he lɛ, ni mɛni amɛyana?

6. Mɛni ba Yesu gbonyo lɛ nɔ, shi mɛni efee bɔni afee ni etsɔɔ ekaselɔi lɛ akɛ eyɛ wala mli?

Sanebimɔi ni fata he:

1. Kanemɔ Mateo 27:62-66 kɛ 28:1-15.

   Yɛ mɛɛ gbɛ nɔ osɔfonukpai lɛ, Farisifoi kɛ onukpai lɛ fee esha amɛshi mumɔ krɔŋkrɔŋ lɛ yɛ be mli ni atée Yesu shi lɛ? (Mat. 12:24, 31, 32; 28:11-15)

2. Kanemɔ Luka 24:1-12.

   Yɛ mɛɛ gbɛ nɔ amaniɛbɔɔ ni kɔɔ Yesu shitee lɛ he lɛ tsɔɔ akɛ Yehowa buɔ yei akɛ odasefoi ni abaanyɛ akɛ he afɔ̃ amɛnɔ? (Luka 24:4, 9, 10; Mat. 28:1-7)

3. Kanemɔ Yohane 20:1-12.

   Mɛɛ gbɛ nɔ Yohane 20:8, 9 lɛ yeɔ ebuaa wɔ koni wɔna bɔ ni ehe hiaa ni wɔŋmɛ wɔtsui shi kɛji wɔnuuu Biblia mli gbalɛ ko mlibaa shishi jogbaŋŋ lɛ? (Abɛi 4:18; Mat. 17:22, 23; Luka 24:5-8; Yoh. 16:12)

Sane 103

1. Mɛni Maria kɛɛ nuu ko ni esusuɔ akɛ eji tromsaalɔ lɛ, shi mɛni ha ena akɛ Yesu diɛŋtsɛ ni?

2. Mɛni ba be mli ni kaselɔi enyɔ komɛi nyiɛ kɛmiiya Emao akrowa lɛ mli lɛ?

3. Mɛɛ naakpɛɛ nɔ ko ba be ni kaselɔi enyɔ lɛ kɛɛ bɔfoi lɛ akɛ amɛna Yesu lɛ?

4. Shii enyiɛ Yesu ejie ehe kpo etsɔɔ esɛɛnyiɛlɔi lɛ?

5. Mɛni Toma kɛɛ be ni enu akɛ kaselɔi lɛ ena Nuŋtsɔ lɛ, shi mɛni ba gbii kpaanyɔ sɛɛ?

Sanebimɔi ni fata he:

1. Kanemɔ Yohane 20:11-29.

   Ani Yesu wiemɔi ni yɔɔ Yohane 20:23 lɛ miitsɔɔ akɛ adesai yɛ hegbɛ ni amɛkɛ mɛi ahe eshai keɔ amɛ? Tsɔɔmɔ mli. (Lala 49:3, 8; Yes. 55:7; 1 Tim. 2:5, 6; 1 Yoh. 2:1, 2)

2. Kanemɔ Luka 24:13-43.

   Mɛɛ gbɛ nɔ wɔɔtsɔ wɔsaa wɔtsui lɛ koni ekpɛlɛ Biblia mli anɔkwalei lɛ anɔ? (Luka 24:32, 33; Ezra 7:10; Mat. 5:3; Bɔf. 16:14; Heb. 5:11-14)

Sane 104

1. Kaselɔi enyiɛ kɛ amɛhiŋmɛii na Yesu be ko, ni mɛni he ekɛ amɛ wie?

2. Mɛni ji Nyɔŋmɔ Maŋtsɛyeli lɛ, ni te shikpɔŋ nɔ shihilɛ baatamɔ eha tɛŋŋ yɛ be mli ni Yesu yeɔ nɔ akɛ Maŋtsɛ afii akpe lɛ?

3. Gbii enyiɛ Yesu tee nɔ ekɛjie ehe kpo etsɔɔ ekaselɔi lɛ, shi amrɔ nɛɛ mɛni eshwɛ ni ebaafee?

4. Dani Yesu aaashi ekaselɔi lɛ, mɛni ekɛɛ amɛ akɛ amɛfee?

5. Mɛni yaa nɔ yɛ mfoniri lɛ mli lɛ, ni te ebalɛ tɛŋŋ ni anaaa Yesu dɔŋŋ lɛ?

Sanebimɔi ni fata he:

1. Kanemɔ 1 Korintobii 15:3-8.

   Mɛni hewɔ bɔfo Paulo baanyɛ ekɛ nɔmimaa awie Yesu shitee lɛ he lɛ, ni mɛɛ nibii Kristofoi ni yɔɔ ŋmɛnɛ lɛ baanyɛ amɛkɛ nɔmimaa awie he? (1 Kor. 15:4, 7, 8; Yes. 2:2, 3; Mat. 24:14; 2 Tim. 3:1-5)

2. Kanemɔ Bɔfoi lɛ Asaji 1:1-11.

   Nɛgbɛ shiɛmɔ nitsumɔ lɛ gbɛ eshwã kɛyashi, taakɛ agba afɔ̃ shi yɛ Bɔfoi lɛ Asaji 1:8 lɛ? (Bɔf. 6:7; 9:31; 11:19-21; Kol. 1:23)

Sane 105

1. Taakɛ atsɔɔ yɛ mfoniri lɛ mli lɛ, mɛni ba Yesu sɛɛnyiɛlɔi ni mɛɔ yɛ Yerusalem lɛ anɔ?

2. Mɛɛ naakpɛɛ nii gbɔi ni eba Yerusalem lɛ ye he odase?

3. Mɛni Petro gbála mli etsɔɔ gbɔmɛi lɛ?

4. Te gbɔmɛi lɛ nu he amɛha tɛŋŋ be ni amɛbo Petro toi sɛɛ lɛ, ni mɛni ekɛɛ amɛ akɛ amɛfee?

5. Mɛi enyiɛ abaptisi yɛ Pentekoste gbi lɛ nɔ yɛ afi 33 Ŋ.B.?

Sanebimɔi ni fata he:

1. Kanemɔ Bɔfoi lɛ Asaji 2:1-47.

   1. Petro wiemɔi ni yɔɔ Bɔfoi lɛ Asaji 2:23, 36 lɛ tsɔɔ akɛ Yuda maŋ muu lɛ fɛɛ yeɔ fɔ́ yɛ Yesu gbele lɛ he yɛ mɛɛ gbɛ nɔ? (1 Tes. 2:14, 15)

   2. Petro fee nɔkwɛmɔnɔ kpakpa yɛ Ŋmalɛi lɛ amli ni ejɛɔ ekɛ mɛi susuɔ nii ahe lɛ mli yɛ mɛɛ gbɛ nɔ? (Bɔf. 2:16, 17, 29, 31, 36, 39; Kol. 4:6)

   3. Yɛ mɛɛ gbɛ nɔ Petro kɛ “ŋwɛi maŋtsɛyeli lɛ naa samfei lɛ” ni Yesu wo lɛ shi akɛ ekɛbaaha lɛ lɛ tsu nii klɛŋklɛŋ kwraa? (Bɔf. 2:14, 22-24, 37, 38; Mat. 16:19)

Sane 106

1. Mɛni ba Petro kɛ Yohane nɔ gbi ko shwane be mli ni amɛmiiya sɔlemɔwe lɛ?

2. Mɛni Petro kɛɛ nuu obubuafo ko, ni mɛni Petro kɛha lɛ ni jara wa kwraa fe shika?

3. Mɛni hewɔ jamɔ mli hiɛnyiɛlɔi lɛ amli efu waa lɛ, ni mɛni amɛfee Petro kɛ Yohane?

4. Mɛni Petro kɛɛ jamɔ mli hiɛnyiɛlɔi lɛ, ni mɛɛ kɔkɔbɔɔ bɔfoi lɛ anine shɛ nɔ?

5. Mɛni hewɔ jamɔ mli hiɛnyiɛlɔi lɛ ye awuŋa lɛ, shi mɛni ba be ni awo bɔfoi lɛ atsuŋ nɔ ni ji shii enyɔ nɔ lɛ?

6. Mɛɛ hetoo bɔfoi lɛ kɛha be ni akɛ amɛ ba Akuashɔŋ lɛ asa lɛ nɔ lɛ?

Sanebimɔi ni fata he:

1. Kanemɔ Bɔfoi lɛ Asaji 3:1-10.

   Eyɛ mli akɛ ahako wɔ hewalɛ akɛ wɔfee naakpɛɛ nii ŋmɛnɛ moŋ, shi yɛ mɛɛ gbɛ nɔ Petro wiemɔi ni jeɔ kpo yɛ Bɔfoi lɛ Asaji 3:6 lɛ yeɔ ebuaa wɔ koni wɔhiɛ asɔ bɔ ni Maŋtsɛyeli shɛɛ sane lɛ jara wa ha lɛ? (Yoh. 17:3; 2 Kor. 5:18-20; Fil. 3:8)

2. Kanemɔ Bɔfoi lɛ Asaji 4:1-31.

   Kɛji wɔkɛ shitee-kɛ-woo kpe yɛ shiɛmɔ nitsumɔ lɛ mli lɛ, esa akɛ wɔkase wɔnyɛmimɛi klɛŋklɛŋ afii 100 lɛ mli Kristofoi lɛ yɛ mɛɛ gbɛ nɔ? (Bɔf. 4:29, 31; Efe. 6:18-20; 1 Tes. 2:2)

3. Kanemɔ Bɔfoi lɛ Asaji 5:17-42.

   Mɛi ni amɛjeee Odasefoi lɛ ekomɛi ejie hiɛshikamɔ kpo yɛ shiɛmɔ nitsumɔ lɛ he yɛ blema kɛ ŋmɛnɛŋmɛnɛ beaŋ fɛɛ yɛ mɛɛ gbɛ nɔ? (Bɔf. 5:34-39)

Sane 107

1. Namɔ ji Stefano, ni mɛni Nyɔŋmɔ yeɔ ebuaa lɛ ni efeɔ?

2. Mɛni Stefano kɛɛ ni no ha jamɔ mli hiɛnyiɛlɔi lɛ amli fu waa lɛ?

3. Be ni hii lɛ gbala Stefano kɛtee maŋ lɛ sɛɛ lɛ, mɛni amɛyafee lɛ?

4. Namɔ ji oblanyo ni damɔ atadei lɛ ahe yɛ mfoniri lɛ mli lɛ?

5. Dani Stefano baagbo lɛ, mɛni esɔle ebi Yehowa?

6. Kɛ́ wɔmiisumɔ ni wɔkase Stefano lɛ, mɛni esa akɛ wɔfee kɛji mɔ ko fee wɔ efɔŋ ko?

Sanebimɔi ni fata he:

1. Kanemɔ Bɔfoi lɛ Asaji 6:8-15.

   Mɛɛ shishiumɔ nifeemɔi jamɔ mli hiɛnyiɛlɔi ebɔ mɔdɛŋ ni amɛkɛtsu nii koni amɛkɛtsĩ Yehowa Odasefoi ashiɛmɔ nitsumɔ lɛ naa? (Bɔf. 6:9, 11, 13)

2. Kanemɔ Bɔfoi lɛ Asaji 7:1-60.

   1. Mɛni ye ebua Stefano ni enyɛ efã sanekpakpa lɛ he kɛmɔ shi yɛ Akuashɔŋ lɛ hiɛ lɛ, ni mɛni wɔbaanyɛ wɔkase kɛjɛ enɔkwɛmɔnɔ lɛ mli? (Bɔf. 7:51-53; Rom. 15:4; 2 Tim. 3:14-17; 1 Pet. 3:15)

   2. Mɛɛ su esa akɛ wɔjie lɛ kpo yɛ mɛi ni teɔ shi woɔ wɔnitsumɔ lɛ ahe? (Bɔf. 7:58-60; Mat. 5:44; Luka 23:33, 34)

Sane 108

1. Yɛ Stefano gbele lɛ sɛɛ lɛ mɛni Saulo fee?

2. Be mli ni Saulo nyiɛ gbɛ kɛmiiya Damasko lɛ, mɛɛ naakpɛɛ nɔ ko ba?

3. Mɛni Yesu kɛɛ Saulo akɛ efee?

4. Mɛɛ fãmɔi Yesu kɛha Anania, ni te fee tɛŋŋ ni Saulo na nii ekoŋŋ lɛ?

5. Mɛɛ gbɛi akɛbale Saulo yɛ sɛɛ mli, ni akɛ lɛ tsu nii yɛ mɛɛ gbɛ nɔ?

Sanebimɔi ni fata he:

1. Kanemɔ Bɔfoi lɛ Asaji 8:1-4.

   Mɛɛ gbɛ nɔ yiwaa ni naa wa ni ba Kristofoi asafo ni ato shishi ehee lɛ nɔ lɛ ye ebua ní Kristofoi ahemɔkɛyeli lɛ agbɛ ashwã, ni mɛɛ nɔ ko ni tamɔ no nɔŋŋ eba mli yɛ ŋmɛnɛŋmɛnɛ beaŋ? (Bɔf. 8:4; Yes. 54:17)

2. Kanemɔ Bɔfoi lɛ Asaji 9:1-20.

   Mɛɛ nitsumɔi etɛ Yesu esaa eto akɛ ekɛbaaha Saulo? (Bɔf. 9:15; 13:5; 26:1; 27:24; Rom. 11:13)

3. Kanemɔ Bɔfoi lɛ Asaji 22:6-16.

   Wɔbaanyɛ wɔtamɔ Anania yɛ mɛɛ gbɛ nɔ, ni mɛni hewɔ nakai ni wɔɔfee lɛ he hiaa lɛ? (Bɔf. 22:12; 1 Tim. 3:7; 1 Pet. 1:14-16; 2:12)

4. Kanemɔ Bɔfoi lɛ Asaji 26:8-20.

   Saulo tsakemɔ kɛmiiba Kristojamɔ mli lɛ bafeɔ hewalɛwoo jɛɛhe kɛha mɛi ni yɔɔ hefatalɔi ni heee yeee ŋmɛnɛ lɛ yɛ mɛɛ gbɛ nɔ? (Bɔf. 26:11; 1 Tim. 1:14-16; 2 Tim. 4:2; 1 Pet. 3:1-3)

Sane 109

1. Namɔ ji nuu ni kula shi yɛ mfoniri lɛ mli lɛ?

2. Mɛni bɔfo ko kɛɛ Kornelio?

3. Mɛni Nyɔŋmɔ ha Petro na be mli ni eyɔɔ Simon tsũ lɛ yiteŋ yɛ Yopa lɛ?

4. Mɛni hewɔ Petro kɛɛ Kornelio akɛ ekakula shi ni eja lɛ lɛ?

5. Mɛni hewɔ kaselɔi Yudafoi ni kɛ Petro nyiɛ lɛ anaa ekpɛ amɛhe lɛ?

6. Mɛni ehe hiaa ni wɔkase kɛjɛ saramɔ ni Petro yasara Kornelio lɛ mli?

Sanebimɔi ni fata he:

1. Kanemɔ Bɔfoi lɛ Asaji 10:1-48.

   Mɛni Petro wiemɔi ni anaa yɛ Bɔfoi lɛ Asaji 10:42 lɛ tsɔɔ yɛ Maŋtsɛyeli lɛ he sanekpakpa lɛ shiɛmɔ nitsumɔ lɛ he? (Mat. 28:19; Mar. 13:10; Bɔf. 1:8)

2. Kanemɔ Bɔfoi lɛ Asaji 11:1-18.

   Mɛɛ su Petro jie lɛ kpo be ni gbɛtsɔɔmɔ ni Yehowa kɛha yɛ Jeŋmajiaŋbii lɛ ahe lɛ bafee faŋŋ lɛ, ni te wɔɔfee tɛŋŋ wɔkase enɔkwɛmɔnɔ lɛ? (Bɔf. 11:17, 18; 2 Kor. 10:5; Efe. 5:17)

Sane 110

1. Namɔ ji oblanyo ni yɔɔ mfoniri lɛ mli lɛ, nɛgbɛ eyɔɔ, ni te atsɛ́ɔ enyɛ kɛ enaa tɛŋŋ?

2. Mɛni Timoteo kɛɛ be ni Paulo bi lɛ kɛji ebaasumɔ ni efata lɛ kɛ Sila he koni amɛyashiɛ amɛtsɔɔ gbɔmɛi ni yɔɔ shɔŋŋ lɛ?

3. Nɛgbɛ ji he klɛŋklɛŋ kwraa ni atsɛ́ Yesu sɛɛnyiɛlɔi lɛ akɛ Kristofoi yɛ?

4. Be ni Paulo, Sila kɛ Timoteo shi Antiokia lɛ, mɛɛ maji komɛi amɛyasara?

5. Timoteo ye ebua Paulo yɛ mɛɛ gbɛ nɔ, ni mɛɛ sane esa akɛ oblahii kɛ oblayei bibii ni yɔɔ ŋmɛnɛ lɛ abibii amɛhe?

Sanebimɔi ni fata he:

1. Kanemɔ Bɔfoi lɛ Asaji 9:19-30.

   Mɛɛ gbɛ nɔ bɔfo Paulo tsɔ ekɛ hiɛtɛ̃ɛ tsu nii be mli ni ekɛ sanekpakpa lɛ he shitee-kɛ-woo kpe lɛ? (Bɔf. 9:22-25, 29, 30; Mat. 10:16)

2. Kanemɔ Bɔfoi lɛ Asaji 11:19-26.

   Mɛɛ gbɛ nɔ amaniɛbɔɔ ni jeɔ kpo yɛ Bɔfoi lɛ Asaji 11:19-21, 26 lɛ tsɔɔ yɛ akɛ Yehowa mumɔ lɛ miikudɔ shiɛmɔ nitsumɔ lɛ ni eeto he gbɛjianɔ hu?

3. Kanemɔ Bɔfoi lɛ Asaji 13:13-16, 42-52.

   Yɛ mɛɛ gbɛ nɔ Bɔfoi lɛ Asaji 13:51, 52 lɛ tsɔɔ akɛ kaselɔi lɛ eŋmɛɛɛ gbɛ ni shitee-kɛ-woo aje amɛnijiaŋ wui lɛ? (Mat. 10:14; Bɔf. 18:6; 1 Pet. 4:14)

4. Kanemɔ Bɔfoi lɛ Asaji 14:1-6, 19-28.

   Yɛ mɛɛ gbɛ nɔ wiemɔ ni ji ‘amɛtu amɛ amɛwo Yehowa dɛŋ’ lɛ yeɔ ebuaa koni wɔkafee yeyeeye fe nine be mli ni wɔyeɔ wɔbuaa mɛi heei lɛ? (Bɔf. 14:21-23; 20:32; Yoh. 6:44)

5. Kanemɔ Bɔfoi lɛ Asaji 16:1-5.

   Suɔmɔ mli ni Timoteo jɛ eŋmɛ gbɛ ni afo lɛ ketia lɛ maa bɔ ni ehe hiaa ni wɔfee ‘nii fɛɛ yɛ sanekpakpa lɛ hewɔ’ lɛ nɔ mi yɛ mɛɛ gbɛ nɔ? (Bɔf. 16:3; 1 Kor. 9:23; 1 Tes. 2:8)

6. Kanemɔ Bɔfoi lɛ Asaji 18:1-11, 18-22.

   Mɛni Bɔfoi lɛ Asaji 18:9, 10 lɛ tsɔɔ yɛ Yesu diɛŋtsɛ he ni ekɛwoɔ shiɛmɔ nitsumɔ lɛ mli koni ekudɔ nitsumɔ lɛ he, ni mɛɛ nɔmimaa enɛ kɛhaa wɔ ŋmɛnɛ? (Mat. 28:20)

Sane 111

1. Namɔ ji gbekɛ nuu ni kã shikpɔŋ yɛ mfoniri lɛ mli lɛ, ni mɛni ba enɔ?

2. Mɛni Paulo fee be ni ena akɛ gbekɛ nuu lɛ egbo lɛ?

3. Nɛgbɛ Paulo kɛ Timoteo kɛ mɛi ni fata amɛhe lɛ fãa gbɛ kɛyaa lɛ, ni mɛni ba be ni amɛyawá yɛ Mileeto lɛ?

4. Mɛɛ kɔkɔbɔɔ gbalɔ Agabo kɛha Paulo, ni yɛ mɛɛ gbɛ nɔ eba mli taakɛ gbalɔ lɛ kɛɛ lɛ?

Sanebimɔi ni fata he:

1. Kanemɔ Bɔfoi lɛ Asaji 20:7-38.

   1. Taakɛ Paulo wiemɔi ni aŋma afɔ̃ shi yɛ Bɔfoi lɛ Asaji 20:26, 27 lɛ tsɔɔ lɛ, mɛɛ gbɛ nɔ wɔɔtsɔ wɔhi shi akɛ mɛi ni ‘yeee mɔ ko mɔ ko lá yi sɔ̃’? (Ezek. 33:8; Bɔf. 18:6, 7)

   2. Mɛni hewɔ esa akɛ onukpai afee mɛi ni “hiɛɔ tsɔɔmɔ lɛ naa anɔkwa wiemɔ lɛ mli” be mli ni amɛtsɔɔ nii lɛ? (Bɔf. 20:17, 29, 30; Tito 1:7-9; 2 Tim. 1:13)

2. Kanemɔ Bɔfoi lɛ Asaji 26:24-32.

   Te Paulo kɛ Romanyo ni eji lɛ tsu nii eha tɛŋŋ bɔni afee ni egbe shiɛmɔ nitsumɔ ni Yesu kɛha lɛ lɛ naa? (Bɔf. 9:15; 16:37, 38; 25:11, 12; 26:32; Luka 21:12, 13)

Sane 112

1. Mɛni ba lɛlɛ ni Paulo ta mli lɛ nɔ be ni eho Kreta ŋshɔkpɔ lɛ he fioo lɛ?

2. Mɛni Paulo kɛɛ mɛi ni yɔɔ lɛlɛ lɛ mli lɛ?

3. Te fee tɛŋŋ ni lɛlɛ lɛ bɔi jwaramɔ lɛ?

4. Mɛɛ famɔi asraafonyo nukpa ni kwɛɔ amɛnɔ lɛ kɛha, ni mɛi enyiɛ yashɛ ŋshɔ lɛ naa shweshweeshwe?

5. Te atsɛ́ɔ ŋshɔkpɔ ni amɛyasha shi yɛ nɔ lɛ tɛŋŋ, ni mɛni ba Paulo nɔ be ni kɔɔyɔŋ tsakemɔ lɛ hi saŋŋ lɛ?

Sanebimɔi ni fata he:

1. Kanemɔ Bɔfoi lɛ Asaji 27:1-44.

   Hekɛnɔfɔɔ ni wɔyɔɔ yɛ bɔ ni Biblia mli saji ni aŋmala lɛ ji anɔkwale ha lɛ mli waa be mli ni wɔkaneɔ Paulo nu hiɛ gbɛfãa kɛmiiya Roma lɛ he sane lɛ yɛ mɛɛ gbɛ nɔ? (Bɔf. 27:16-19, 27-32; Luka 1:3; 2 Tim. 3:16, 17)

2. Kanemɔ Bɔfoi lɛ Asaji 28:1-14.

   Kɛji nɔ ko etsirɛ wɔŋjalɔi ni yɔɔ Melita lɛ ni amɛfee bɔfo Paulo kɛ mɛi ni fata ehe ní amɛkɛ lɛlɛ lɛ yasha shi lɛ “ejurɔ pii” lɛ, mɛni esa akɛ etsirɛ Kristofoi ni amɛjie lɛ kpo, ni titri lɛ yɛ mɛɛ gbɛ nɔ? (Bɔf. 28:1, 2; Heb. 13:1, 2; 1 Pet. 4:9)

Sane 113

1. Namɛi Paulo shiɛ etsɔɔ be mli ni eji gboklɛfonyo yɛ Roma lɛ?

2. Namɔ ji saralɔ ni tá okpɔlɔ lɛ he yɛ mfoniri lɛ mli lɛ, ni mɛni efeɔ ehaa Paulo?

3. Namɔ ji Epafrodito, ni mɛni ehiɛ kɛku esɛɛ kɛtee Filipi lɛ?

4. Mɛni hewɔ Paulo ŋma wolo eyaha enaanyo Filemon ni esumɔɔ lɛ waa lɛ?

5. Mɛni Paulo fee be ni aŋmɛɛ ehe lɛ, ni mɛni ba enɔ sɛɛ mli?

6. Namɔ Yehowa kɛtsu nii kɛŋmala Biblia mli naagbee woji lɛ, ni mɛni he Kpojiemɔ wolo lɛ wieɔ?

Sanebimɔi ni fata he:

1. Kanemɔ Bɔfoi lɛ Asaji 28:16-31 kɛ Filipibii 1:13.

   Te Paulo kɛ ebe tsu nii eha tɛŋŋ be mli ni eyɔɔ tsuŋwoo mli yɛ Roma lɛ, ni mɛɛ hewalɛ ehemɔkɛyeli ni hosooo lɛ ná yɛ Kristofoi asafo lɛ nɔ? (Bɔf. 28:23, 30; Fil. 1:14)

2. Kanemɔ Filipibii 2:19-30.

   Mɛɛ wiemɔi ni tsɔɔ hiɛsɔɔ Paulo kɛtsu nii yɛ Timoteo kɛ Epafrodito he, ni te wɔɔfee tɛŋŋ wɔkase enɔkwɛmɔnɔ lɛ? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)

3. Kanemɔ Filemon 1-25.

   1. Mɛni hewɔ Paulo wo Filemon hewalɛ koni efee nɔ ni sa lɛ, ni enɛ bafeɔ gbɛtsɔɔmɔ kɛhaa onukpai ŋmɛnɛ yɛ mɛɛ gbɛ nɔ? (Filem. 9; 2 Kor. 8:8; Gal. 5:13)

   2. Paulo wiemɔi ni yɔɔ Filemon 13, 14 lɛ tsɔɔ akɛ ejie bulɛ kpo eha mɛi krokomɛi ni yɔɔ asafo lɛ mli lɛ ahenilee yɛ mɛɛ gbɛ nɔ? (1 Kor. 8:7, 13; 10:31-33)

4. Kanemɔ 2 Timoteo 4:7-9.

   Taakɛ bɔfo Paulo ji lɛ, te wɔɔfee tɛŋŋ wɔná nɔmimaa akɛ Yehowa baawo wɔ nyɔmɔ kɛ́ wɔhiɛ emuuyeli mli kɛyashi naagbee lɛ? (Mat. 24:13; Heb. 6:10)

Sane 114

1. Mɛni hewɔ Biblia lɛ wieɔ okpɔŋɔi ni yɔɔ ŋwɛi ahe lɛ?

2. Te atsɛ́ɔ ta ni Nyɔŋmɔ kɛ gbɔmɛi fɔji baawu yɛ shikpɔŋ nɔ lɛ tɛŋŋ, ni mɛɛ yiŋtoo hewɔ abaawu ta nɛɛ?

3. Taakɛ wɔnaa yɛ mfoniri lɛ mli lɛ namɔ baanyiɛ ta ni abaawu lɛ hiɛ, mɛni hewɔ ebú maŋtsɛ fai lɛ, ni mɛni eklante ni ehiɛ lɛ tsɔɔ?

4. Kɛji wɔmiisusu Biblia Mli Sane 10, 15 kɛ 33 lɛ ahe lɛ, mɛni hewɔ esaaa akɛ efeɔ wɔ naakpɛɛ akɛ Nyɔŋmɔ baakpata gbɔmɛi fɔji ahiɛ lɛ?

5. Mɛɛ gbɛ nɔ Biblia Mli Sane 36 kɛ 76 lɛ tsɔɔ wɔ yɛ akɛ Nyɔŋmɔ baakpata gbɔmɛi fɔji ahiɛ kɛji amɛkɛɔ po akɛ amɛmiisɔmɔ lɛ?

Sanebimɔi ni fata he:

1. Kanemɔ Kpojiemɔ 19:11-16.

   1. Mɛɛ gbɛ nɔ Ŋmalɛi lɛ feɔ lɛ faŋŋ yɛ akɛ Yesu Kristo ji mɔ ni ta okpɔŋɔ yɛŋ lɛ nɔ lɛ? (Kpoj. 1:5; 3:14; 19:11; Yes. 11:4)

   2. Yɛ mɛɛ gbɛ nɔ Yesu atade ni aŋɔtsɔ lá mli lɛ maa nɔ mi akɛ ekunimyeli lɛ baaba lɛ shikome nyɔŋlo ni ebaafee nɔ ni eye emuu hu lɛ? (Kpoj. 14:18-20; 19:13; Yes. 63:1-6)

   3. Namɛi eeenyɛ efee akɛ amɛfata tai ni tara okpɔŋɔi yɛji anɔ kɛnyiɛ Yesu sɛɛ lɛ ahe? (Kpoj. 12:7; 19:14; Mat. 25:31, 32)

Sane 115

1. Mɛɛ shihilɛi Biblia lɛ tsɔɔ akɛ wɔbaaná mli ŋɔɔmɔ yɛ shikpɔŋ nɔ Paradeiso lɛ mli lɛ?

2. Mɛɛ shiwoo Biblia lɛ kɛhaa mɛi ni baahi shi yɛ Paradeiso lɛ?

3. Mɛɛ be Yesu kɛ tsakemɔ ni yɔɔ naakpɛɛ nɛɛ baaba?

4. Be mli ni Yesu yɔɔ shikpɔŋ nɔ lɛ, mɛni efee koni ekɛtsɔɔ nɔ ni ebaatsu he nii be ni ébatsɔ Nyɔŋmɔ Maŋtsɛyeli lɛ nɔ Maŋtsɛ lɛ?

5. Mɛni Yesu kɛ enanemɛi ŋwɛi nɔyelɔi lɛ baakwɛ ni amɛtsu he nii be mli ni amɛyeɔ shikpɔŋ lɛ nɔ kɛjɛɔ ŋwɛi lɛ?

Sanebimɔi ni fata he:

1. Kanemɔ Kpojiemɔ 5:9, 10.

   Mɛni hewɔ wɔbaanyɛ wɔná nɔmimaa akɛ mɛi ni baaye nɔ yɛ shikpɔŋ lɛ nɔ yɛ Afii Akpe Nɔyeli lɛ mli lɛ baafee maŋtsɛmɛi kɛ osɔfoi ni yɔɔ musuŋtsɔlɛ kɛ mɔbɔnalɛ hu lɛ? (Efe. 4:20-24; 1 Pet. 1:7; 3:8; 5:6-10)

2. Kanemɔ Kpojiemɔ 14:1-3.

   Tsɛ lɛ kɛ Toobi lɛ gbɛi ní aŋma yɛ mɛi 144,000 lɛ ahiɛnaa lɛ tsɔɔ mɛni? (1 Kor. 3:23; 2 Tim. 2:19; Kpoj. 3:12)

Sane 116

1. Mɛni ehe hiaa akɛ wɔle bɔni afee ni wɔnyɛ wɔhi shi kɛya naanɔ?

2. Te wɔɔfee tɛŋŋ wɔkase Yehowa Nyɔŋmɔ kɛ Yesu he nii, taakɛ wɔnaa ni gbekɛ yoo fioo lɛ kɛ enanemɛi lɛ feɔ yɛ mfoniri lɛ mli lɛ?

3. Mɛɛ wolo kroko hu onaa yɛ mfoniri lɛ mli lɛ, ni mɛni hewɔ esa akɛ wɔkane daa lɛ?

4. Kɛfata Yehowa kɛ Yesu he nii ní wɔɔkase lɛ he lɛ, mɛni hu esa akɛ wɔfee koni wɔná naanɔ wala?

5. Mɛni wɔkaseɔ kɛjɛɔ Biblia Mli Sane 69 lɛ mli?

6. Mɛni gbekɛ nuu fioo Samuel nɔkwɛmɔnɔ kpakpa ni yɔɔ Biblia Mli Sane 55 lɛ mli lɛ tsɔɔ?

7. Te wɔɔfee tɛŋŋ wɔnyiɛ Yesu Kristo nɔkwɛmɔnɔ lɛ sɛɛ, ni kɛji wɔnyɛ wɔfee enɛ lɛ, mɛni wɔbaanyɛ wɔfee wɔsɛɛ?

Sanebimɔi ni fata he:

1. Kanemɔ Yohane 17:3.

   Mɛɛ gbɛ nɔ Ŋmalɛi lɛ tsɔɔ yɛ akɛ Yehowa Nyɔŋmɔ kɛ Yesu Kristo he nilee ni aaaná lɛ tsɔɔ babaoo fe saji kɛkɛ ni aaakpé awo yitsoŋ lɛ? (Mat. 7:21; Yak. 2:18-20; 1 Yoh. 2:17)

2. Kanemɔ Lala 145:1-21.

   1. Mɛni ji yiŋtoi babaoo ni wɔyɔɔ hewɔ ni esa akɛ wɔjie Yehowa yi lɛ ekomɛi? (Lala 145:8-11; Kpoj. 4:11)

   2. Yehowa “hi ha mɛi fɛɛ” yɛ mɛɛ gbɛ nɔ, ni esa akɛ enɛ agbala wɔ kɛbɛŋkɛ lɛ yɛ mɛɛ gbɛ nɔ? (Lala 145:9; Mat. 5:43-45)

   3. Kɛji wɔsumɔɔ Yehowa yɛ wɔtsui mli lɛ, mɛni no baakanya wɔ ni wɔfee? (Lala 119:171, 172, 175; 145:11, 12, 21)