FÃ 3
Te Shihilɛ Yɔɔ Tɛŋŋ Yɛ Eden Abɔɔ Lɛ Mli?
Yehowa hã Adam kɛ Hawa nibii kpakpai babaoo. 1 Mose 1:28
Yehowa bɔ Hawa, ni ji klɛŋklɛŋ yoo lɛ, ni ekɛ lɛ hã Adam akɛ eŋa.—1 Mose 2:21, 22.
Yehowa bɔ amɛ kɛ jwɛŋmɔ kɛ gbɔmɔtsei ni eye emuu, ni kpa ko kwraa bɛ amɛhe.
Amɛhi Eden abɔɔ lɛ mli. Eden abɔɔ lɛ mli yɛ fɛo waa; kooloi yɛ jɛmɛ, aduawa tsei hu yɛ jɛmɛ, ni faa ko hoɔ kɛtsɔɔ mli.
Yehowa kɛ amɛ gba sane; etsɔɔ amɛ nii. Eji amɛbo lɛ toi kulɛ, amɛbaahi shi kɛya naanɔ yɛ abɔɔ fɛfɛo lɛ mli yɛ shikpɔŋ lɛ nɔ.
Nyɔŋmɔ kɛɛ amɛkaye tsei lɛ ateŋ ekome nɔ yibii. 1 Mose 2:16, 17
Ŋwɛibɔfoi lɛ ateŋ mɔ kome tse Nyɔŋmɔ hiɛ atua. Nakai ŋwɛibɔfo fɔŋ lɛ ji Satan Abonsam.
Yehowa tsɔɔ Adam kɛ Hawa aduawa tsei ni yɔɔ abɔɔ lɛ mli lɛ ateŋ ekome, ni ekɛɛ amɛ akɛ kɛ́ amɛye enɔ yibii lɛ eko lɛ, amɛbaagboi.
Satan sumɔɔɔ ni Adam kɛ Hawa boɔ Yehowa toi. No hewɔ lɛ, etsɔ onufu nɔ ekɛɛ yoo lɛ akɛ kɛ́ eye nakai tso lɛ nɔ yibii lɛ eko lɛ, egboŋ, shi moŋ ebaatsɔ tamɔ Nyɔŋmɔ. Nɔ ni ewie lɛ ji amale.—1 Mose 3:1-5.
Ekolɛ Obaasumɔ Enɛ Hu
ESSENTIAL BIBLE TEACHINGS
Mɛni Hewɔ Nyɔŋmɔ Bɔ Shikpɔŋ Lɛ?
Nibii fɛfɛji eyi je lɛŋ obɔ. Akɛ je lɛ eto he ko ni kɛ hulu lɛ teŋ jekɛmɔ yɛ bɔ ni sa. Akpa lɛ fio bɔ ni sa, ni foi ni ekɛbɔleɔ ehe lɛ hu yɛ bɔ ni sa jogbaŋŋ. Mɛni hewɔ Nyɔŋmɔ gbo deŋme kɛfee shikpɔŋ lɛ fɛfɛo nakai?
