Be ni bɔfo Petro tsĩ “bei ni abaasaa nibii fɛɛ” lɛ tã lɛ, no mli lɛ, eegba gbalɛ ko ni kɔɔ be kplaŋŋ ko he, ni be nɛɛ baaje shishi be ni awó Kristo Maŋtsɛ lɛ, ni ebaatsa nɔ aahu kɛyashi Kristo afii 1000 nɔyeli lɛ baaba naagbee.

1. 1914​—Awó Yesu Kristo Maŋtsɛ yɛ ŋwɛi. Ato jamɔ krɔŋŋ shishi ekoŋŋ ahã Nyɔŋmɔ webii lɛ yɛ afi 1919

   Naagbee Gbii Lɛ

2. HARMAGEDON​—Kristo Afii 1,000 Nɔyeli Lɛ baaje shishi, ni adesai anɔkwafoi ni yɔɔ shikpɔŋ lɛ nɔ lɛ anine baashɛ “bei ni abaasaa nibii fɛɛ” lɛ mli jɔɔmɔi lɛ anɔ

   Afii 1,000 Nɔyeli

3. AFII 1,000 NƆYELI LƐ NAAGBEE​—Yesu baagbe nitsumɔ ni akɛwo edɛŋ akɛ esaa nibii fɛɛ lɛ naa, ni ebaaku sɛɛ ekɛ Maŋtsɛyeli lɛ ahã e-Tsɛ

   Paradeiso Kɛmiiya Naanɔ

YESU NƆYELI LƐ BAAHà. . .

• awo Nyɔŋmɔ gbɛ́i lɛ hiɛ nyam ekoŋŋ

• helatsɛmɛi aná hewalɛ ekoŋŋ

• mɛi ni egbɔlɔ lɛ atsɔmɔ oblahii kɛ oblayei ekoŋŋ

• gbohii lɛ aba wala mli ekoŋŋ

• adesai anɔkwafoi aye emuu ekoŋŋ

• shikpɔŋ lɛ atsɔ Paradeiso ekoŋŋ