AKRABATSA 18A
Yehowa Bɔɔ Wɔ Kɔkɔ Yɛ Ta Wulu Ni Baa Lɛ He
Gbalɛi babaoo yɛ Biblia lɛ mli ni bɔɔ wɔ kɔkɔ yɛ naagbee ta ko ni baaba lɛ he, ni yɛ ta nɛɛ mli lɛ Yehowa baakpãtã mɛi fɛɛ ni teɔ shi amɛwoɔ lɛ kɛ ewebii lɛ ahiɛ. Gbalɛi nɛɛ ateŋ fioo komɛi nɛ. Kadimɔ nibii ni je amɛhe yɛ kɔkɔbɔi nɛɛ amli lɛ, ni okadi hu akɛ Yehowa ekwɛ koni adesai fɛɛ anu kɔkɔbɔi nɛɛ ni amɛfee he nɔ ko.
BLEMA ISRAEL GBII LƐ AMLI
EZEKIEL: “‘Matsɛ klante mawo [Gog] yɛ migɔji lɛ fɛɛ anɔ,’ Nuŋtsɔ Ofe Yehowa kɛɛ.”—Eze. 38:18-23.
YEREMIA: ‘Yehowa diɛŋtsɛ baakojo gbɔmɛi fɛɛ. Ni ekɛ mɛi fɔji lɛ baahã klante.’—Yer. 25:31-33.
DANIEL: “Nyɔŋmɔ ni yɔɔ ŋwɛi lɛ baato maŋtsɛyeli ko . . . shishi. . . . Ebaajwara maŋtsɛyelii nɛɛ fɛɛ ni ebaakpãtã amɛhiɛ.”—Dan. 2:44.
KLƐŊKLƐŊ AFII 100 Ŋ.B.
YESU: “Amanehulu kpeteŋkpele ni anako enɔ dã kɛjɛ je lɛ shishijee . . . baaba.”—Mat. 24:21, 22.
PAULO: ‘Yesu ni ebɔfoi ni yɔɔ hewalɛ lɛ fata ehe lɛ baatɔ owele yɛ mɛi ni leee Nyɔŋmɔ lɛ anɔ.’—2 Tes. 1:6-9.
PETRO: “Yehowa gbi lɛ baaba tamɔ julɔ, . . . ni abaana shikpɔŋ lɛ kɛ emli nitsumɔi lɛ faŋŋ.”—2 Pet. 3:10.
YOHANE: “Klante kakadaŋŋ ni naa ba jɛɔ [Yesu daaŋ] koni ekɛbãmɔ jeŋmaji lɛ.”—Kpo. 19:11-18.
WƆBEI NƐƐ AMLI
Atsɔɔ Biblia lɛ shishi kɛtee wiemɔi srɔtoi amli fe woji krokomɛi fɛɛ, ni eji wolo hu ni aja fe fɛɛ
YEHOWA TSUJI NI YƆƆ ŊMƐNƐ LƐ . . .
-
Jaraa Biblia kasemɔ woji akpekpei abɔ yɛ wiemɔi ohai abɔ mli
-
Kɛ ŋmɛlɛtswai akpekpei ohai abɔ shiɛɔ daa afi
