Fã 1 Hiɛkpamɔ Wiemɔ
Klɛŋklɛŋ wolo ni yɔɔ Biblia lɛ mli lɛ tsɔɔ wɔ bɔ ni fee ni Yehowa bɔ nibii fɛfɛji fɛɛ ni wɔnaa yɛ ŋwɛi kɛ shikpɔŋ lɛ nɔ lɛ. Kɛ́ fɔlɔ ji bo lɛ, ye obua obi lɛ ni ena akɛ, nibii ni Nyɔŋmɔ bɔ lɛ eko fɛɛ eko yɛ henɔi srɔtoisrɔtoi babaoo. Hã ena faŋŋ akɛ, Nyɔŋmɔ hã esoro adesai kwraa yɛ kooloi ahe. Yehowa bɔ adesai bɔ ni amɛbaanyɛ amɛwie, amɛjwɛŋ, amɛlá, amɛsɔle, ni amɛkɛ amɛniji kɛ amɛjwɛŋmɔ afee nibii srɔtoisrɔtoi. Ye obua obi lɛ ni ena akɛ, Yehowa yɛ hewalɛ, ehiɛ kã shi, esumɔɔ wɔteŋ mɔ fɛɛ mɔ, ni esumɔɔ nibii fɛɛ ni ebɔ lɛ.
YƐ FÃ NƐƐ MLI
NIKASEMƆ 1
Nyɔŋmɔ Bɔ Ŋwɛi Kɛ Shikpɔŋ
Biblia lɛ kɛɛ Nyɔŋmɔ bɔ ŋwɛi kɛ shikpɔŋ. Ani ole mɔ ni ebɔ dani ebɔ nibii krokomɛi fɛɛ? Kɛ́ okane sane nɛɛ lɛ, obaale.
NIKASEMƆ 2
Nyɔŋmɔ Bɔ Klɛŋklɛŋ Nuu Kɛ Yoo Lɛ
Nyɔŋmɔ bɔ klɛŋklɛŋ nuu kɛ yoo lɛ ni ekɛ amɛ wo Eden abɔɔ lɛ mli. Ekɛɛ amɛ akɛ amɛfɔ ni amɛsaa shikpɔŋ lɛ nɔ fɛɛ ni etsɔ paradeiso.