NIKASEMƆ 4
Bɔ Ni Ooofee Okase Nyɔŋmɔ He Nii
Obaanyɛ okase Yehowa he nii kɛtsɔ Biblia lɛ kanemɔ nɔ. Jeeŋmɔ beebe ni Nyɔŋmɔ hala adesai komɛi koni amɛŋmala esusumɔi amɛshwie shi. Atsɛ́ɔ nakai niŋmaai lɛ akɛ Biblia. Wɔkaseɔ Nyɔŋmɔ he nii ŋmɛnɛ kɛtsɔɔ Biblia lɛ kanemɔ nɔ. Akɛni Yehowa wiemɔ, loo eshɛɛ sane yɔɔ Biblia lɛ mli hewɔ lɛ, atsɛ́ɔ lɛ hu akɛ Nyɔŋmɔ Wiemɔ. Wɔbaanyɛ wɔhe nɔ ni Biblia lɛ kɛɔ lɛ wɔye, ejaakɛ Yehowa maleee kɔkɔɔkɔ. “Nyɔŋmɔ nyɛŋ emale.” (Hebribii 6:18) Anɔkwale lɛ yɛ Nyɔŋmɔ Wiemɔ lɛ mli.—Yohane 17:17.
Biblia lɛ ji nikeenii ni jara wa fe fɛɛ ni Nyɔŋmɔ kɛha wɔ lɛ ateŋ ekome. Etamɔ wolo ko ni tsɛ ko ni yɔɔ suɔmɔ eŋma ebii. Egbaa wɔ shiwoo ni Nyɔŋmɔ kɛha akɛ ebaatsake shikpɔŋ lɛ efee lɛ he ko ni jɛmɛ shihilɛ ŋɔɔ waa diɛŋtsɛ lɛ he sane—paradeiso. Ekɛɔ wɔ nɔ ni efee tsutsu ko, nɔ ni efeɔ bianɛ, kɛ nɔ ni ebaafee yɛ wɔsɛɛ be mli eha ebii ni yeɔ anɔkwa lɛ. Eyeɔ ebuaa wɔ hu koni wɔná wɔnaagbai anaa tsabaa ni wɔná miishɛɛ.—2 Timoteo 3:16, 17.
Yehowa Odasefoi ji Nyɔŋmɔ nanemɛi; amɛbaaye amɛbua bo koni onu nɔ ni Biblia lɛ tsɔɔ lɛ shishi. Bo lɛ kɛɛmɔ amɛ akɛ oosumɔ ni okase Biblia lɛ. Amɛheee shika yɛ enɛ hewɔ. (Mateo 10:8) Kɛfata he lɛ, obaanyɛ oya Kristofoi akpeei. Afeɔ enɛ yɛ jamɔhei ni atsɛ́ɔ jɛmɛ akɛ Maŋtsɛyeli Asai lɛ amli. Kɛ otee Kristofoi akpeei lɛ, obaaná Nyɔŋmɔ he nilee oyayaayai.
Obaanyɛ okase Nyɔŋmɔ he nii kɛjɛ nibii ni efee lɛ amli. Ákɛ nɔkwɛmɔnɔ lɛ, Biblia lɛ kɛɔ akɛ: “Nyɔŋmɔ bɔ ŋwɛi kɛ shikpɔŋ.” (1 Mose 1:1) Beni Yehowa bɔ “ŋwɛi” lɛ, efee hulu. Agbɛnɛ mɛni no kɛɔ wɔ yɛ Nyɔŋmɔ he? Ekɛɔ wɔ akɛ Yehowa yɛ hewalɛ kpeteŋkpele. Lɛ pɛ ji mɔ ni baanyɛ afee nɔ ko ni yɔɔ hewalɛ waa tamɔ hulu lɛ. Ekɛɔ wɔ hu akɛ, Yehowa le nii, ejaakɛ ebiɔ nilee dani anyɛ afee hulu ni haa wɔ dɔlɛ kɛ la ni gbooo kɔkɔɔkɔ lɛ.
Yehowa adebɔɔ nibii tsɔɔ akɛ esumɔɔ wɔ. Susumɔ aduawai srɔtoi ni yɔɔ shikpɔŋ nɔ lɛ fɛɛ he okwɛ. Kulɛ Yehowa baanyɛ ekɛ aduawa kome pɛ aha wɔ—aloo ehaŋ wɔ eko kwraa. Yɛ no najiaŋ lɛ, Yehowa ha wɔ aduawai srɔtoi babaoo kɛ amɛhenɔi, daramɔi, sui kɛ ŋɔɔmɔi srɔtoi babaoo diɛŋtsɛ. Enɛ tsɔɔ akɛ Yehowa jeee Nyɔŋmɔ ni sumɔɔ mɔ kɛkɛ shi emli hi, ni esusuɔ mɔ he ni emli jɔ waa hu.—Lala 104:24.
Ekolɛ Obaasumɔ Enɛ Hu
ESSENTIAL BIBLE TEACHINGS
Namɔ Ji Biblia lɛ Ŋmalɔ?
Kɛ́ gbɔmɛi ŋma lɛ, ani eja gbɛ akɛ abaatsɛ lɛ akɛ Nyɔŋmɔ Wiemɔ? Namɔ susumɔi loo wiemɔi yɔɔ Biblia lɛ mli?
ASAFOŊ KPEEI
Mɛni Yaa Nɔ Yɛ Maŋtsɛyeli Asa Lɛ Nɔ?
Bo diɛŋtsɛ kwɛmɔ Asa lɛ mli koni ona nɔ ni yaa nɔ yɛ jɛmɛ.
TAFÃA KRƐDƐƐ
Mɛni Hewɔ Esa Akɛ Okase Biblia Lɛ?
Biblia lɛ miiye eebua mɛi akpekpei abɔ yɛ jeŋ fɛɛ koni amɛná shihilɛ mli sanebimɔi ni he hiaa lɛ ahetoo. Ani obaasumɔ ni oná sanebimɔi nɛɛ ahetoo?
OKƐ YEHOWA ABƆ NAANYO
“Yehowa . . . Bɔ nibii fɛɛ”
Ani ole nɔ klɛŋklɛŋ ni Nyɔŋmɔ bɔ? Kwɛmɔ vidio lɛ koni okɛ Caleb ale bɔ ni abɔ nibii kɛtsara nɔ ahã.
