NIKASEMƆ 10
Tsakemɔ Bɔ Ni Owieɔ Ohãa Lɛ Mli
Abɛi 8:4, 7
NƆ NI ESA AKƐ OFEE: Wó ogbee nɔ loo ba lɛ shi, tsakemɔ ogbee mli, ni otsake foi ni okɛwieɔ lɛ hu mli, koni nɔ ni owieɔ lɛ mli akã shi faŋŋ, ni ekanya mɛi.
BƆ NI OBAAFEE LƐ OHÃ:
-
Wó ogbee nɔ loo ba lɛ shi. Kɛ́ oomamɔ otii anɔ mi loo ookanya otoibolɔi lɛ, wó ogbee nɔ. Feemɔ nakai nɔŋŋ kɛ́ ookane kojomɔi kɛmiijɛ Ŋmalɛ lɛ mli. Kɛ́ oowie gbeyei nɔ ko loo tsuiyeli nɔ ko he, loo ootao otoibolɔi lɛ akpa nɔ ko gbɛ lɛ, ba ogbee shi.
-
Tsakemɔ ogbee mli. Kɛ́ oowie nɔ ko ni yɔɔ miishɛɛ he lɛ, wiemɔ tamɔ mɔ ko ni ená miishɛɛ, ni kɛ́ oowie awerɛho loo tsuiyeli sane ko lɛ, wiemɔ tamɔ mɔ ko ni yɛ nakai shihilɛ lɛ mli. Kɛ́ oowie nɔ ko ni da he, loo ootsɔɔ he ko ni jekɛ lɛ, hã ana yɛ ogbee mli.
-
Tsakemɔ foi ni okɛwieɔ lɛ mli. Kɛ́ oowie nɔ ko ni yɔɔ miishɛɛ he lɛ, wiemɔ oyayaayai fioo fe bɔ ni owieɔ lɛ. Kɛ́ oowie otii ni he hiaa ahe lɛ, ŋmɛɛ otsui shi.
