NIKASEMƆ 13
Hã Ana Bɔ Ni Abaafee Akɛtsu Nii
Yesaia 48:17
NƆ NI ESA AKƐ OFEE: Wa otoibolɔi lɛ ni amɛna bɔ ni osane lɛ kɔɔ amɛhe hã, ní otsɔɔ amɛ bɔ ni amɛbaafee amɛkɛtsu nii.
BƆ NI OBAAFEE LƐ OHÃ:
-
Susumɔ otoibolɔi lɛ ahe. Jwɛŋmɔ nɔ hewɔ ni osane lɛ he hiaa otoibolɔi lɛ nɔ, ni okwɛ akɛ mɛni yɔɔ owiemɔ lɛ mli ní kɛji owie he lɛ, amɛbaaná he sɛɛ waa.
-
Owiemɔ lɛ mli fɛɛ lɛ, tsɔɔmɔ otoibolɔi lɛ nɔ ni esa akɛ amɛfee. Kɛjɛ owiemɔ lɛ shishijee tɔ̃ɔ lɛ, esa akɛ amɛteŋ mɔ fɛɛ mɔ ana akɛ ebaaná wiemɔ lɛ he sɛɛ. Kɛ́ oowie oti fɛɛ oti he lɛ, tsɔɔmɔ bɔ ni abaafee akɛtsu nii. Kaawo owiemɔ lɛ afua; hã ana nɔ tuuntu ni owieɔ he lɛ.
