Yɛ fã nɛɛ mli lɛ, wɔbaana bɔ ni basabasafeelɔi komɛi tutua Paulo, bɔ ni amɔ lɛ ni awo lɛ tsuŋ, kɛ bɔ ni efã ehemɔkɛyeli lɛ he yɛ Roma amralofoi srɔtoi ahiɛ. Yɛ shihilɛi nɛɛ fɛɛ amli lɛ, Paulo tee nɔ eye Nyɔŋmɔ Maŋtsɛyeli lɛ he odase. Be ni osusuɔ saji ni taa mɔ tsuiŋ ni muɔ Bɔfoi lɛ awolo lɛ naa lɛ he lɛ, bi ohe akɛ, ‘Te mafee tɛŋŋ makase sane kpakpa shiɛlɔ ni yɔɔ ekãa ni kɛ hiɛdɔɔ tsuɔ nii nɛɛ?’