Yesu tsɔɔ mɛi akɛ, Nyɔŋmɔ Maŋtsɛyeli lɛ baatsu adesai anaagbai lɛ fɛɛ ahe nii. (Mateo 6:10) Egba nɔkwɛmɔnii enyɔ ni nyiɛ sɛɛ nɛɛ yɛ Mateo 13:44-46 lɛ, koni wɔna bɔ ni ehe hiaa waa akɛ wɔbaale Nyɔŋmɔ Maŋtsɛyeli lɛ he anɔkwale lɛ:

•   Nuu ko miitsu nii yɛ shikpɔŋ ko nɔ, ni trukaa lɛ, eyana jwetri ko ni akɛtee.

•   Jarayelɔ gbɛfalɔ ko ni miitao adiagbai kpakpai lɛ yana adiagba kome ni jara wa.

 Hii enyɔ lɛ fɛɛ ná he miishɛɛ akɛ amɛbaahɔ̃ɔ nibii fɛɛ ni amɛyɔɔ lɛ koni amɛnine ashɛ jwetri ni amɛna lɛ nɔ. Hii nɛɛ feɔ mɛi ni naa Maŋtsɛyeli lɛ akɛ ehe hiaa waa lɛ ahe mfoniri. Amɛnaa akɛ ehe hiaa waa aahu akɛ, amɛkɛ nibii wuji shãa afɔle koni amɛnine ashɛ ejɔɔmɔi lɛ anɔ. (Luka 18:29, 30) Obaana mɛi enyɔ komɛi ni amɛsane lɛ tamɔ hii ni Yesu wie amɛhe lɛ, yɛ vidio nɛɛ mli.