Nitsumɔhe Nine Kɛ Shisharamɔ He Saji
Wɔkɛ miishɛɛ miifɔ bo nine akɛ obashara shi yɛ wɔnitsumɔhe niji lɛ kɛ hei ni akalaa wɔwoji lɛ yɛ lɛ. Taomɔ hei ni bɛŋkɛ bo kɛ bei ni akɛyaa shisharamɔi lɛ.
Abaabɔi Shisharamɔ Yɛ Betel Ekoŋŋ: Yɛ maji babaoo anɔ lɛ, abaabɔi shisharamɔ yɛ wɔnitsumɔhe niji lɛ amli ekoŋŋ kɛjɛ June 1, 2023 kɛyaa. Kɛ́ ootao enɛ he saji krokomɛi lɛ, tswaa nitsumɔhe nine ni obaasumɔ ni oyashara shi yɛ lɛ. Ofainɛ, kɛ́ oná COVID-19 hela lɛ eko, tsitsi loo flu henɔ ko emɔ bo, loo okɛ mɔ ko ni ená COVID-19 eshãra nyɛsɛɛ nɛɛ, kaayashara shi yɛ nitsumɔhe nine ko.
Britain
Shisharamɔi
Nibii Ni Bo Diɛŋtsɛ Obaashara Shi Okwɛ
“Wɔyinɔsane”: Shisharamɔ nɛɛ baahã ona bɔ ni shiɛmɔ nitsumɔ lɛ je shishi yɛ Britain kɛ Ireland, kɛ bɔ ni eshwere.
“Biblia Lɛ Yɛ Britain”: Shisharamɔ nɛɛ baahã ona Bibliai srɔtoi ni ŋmɛnɛ lɛ ewa akɛ obaana lɛ, ni ehãa wɔnaa bɔ ni atee hiɛ yɛ Biblia shishitsɔɔmɔ mli yɛ afii ohai abɔ ni eho lɛ amli kɛbashi ŋmɛnɛ.
Britain Nitsumɔhe Nine Lɛ Dipatmɛnt Srɔtoi Lɛ: Shisharamɔ nɛɛ baahã ona mfonirii kɛ vidioi ni miitsɔɔ nitsumɔi ni atsuɔ yɛ Britain Nitsumɔhe Nine lɛ.
Ju kɛyashi Sohaa
Ajeɔ nitsumɔ shishi leebi 8:00 kɛyashi gbɛkɛ 5:00.
Ofainɛ, kɛ́ nyɛyi fa lɛ, nyɛhãa alea kɛtsɔa hiɛ dani nyɛba.
Nitsumɔ Ni Wɔtsuɔ
Wɔkwɛɔ Biblia tsɔsemɔ nitsumɔ ni Yehowa Odasefoi tsuɔ yɛ maji tamɔ Britain, Ireland, kɛ Malta lɛ nɔ. Wɔkwɛɔ ni atsɔɔ Biblia kasemɔ woji ashishi kɛyaa wiemɔi srɔtoi amli, wiemɔi lɛ ekomɛi ji, Britain Mumuii Awiemɔ, Irish, Scottish Gaelic, kɛ Welsh. Wɔfeɔ vidioi kɛ nibii ni atswaa aboɔ toi hu.