Nitsumɔhe Nine Kɛ Shisharamɔ He Saji
Wɔkɛ miishɛɛ miifɔ bo nine akɛ obashara shi yɛ wɔnitsumɔhe niji lɛ kɛ hei ni akalaa wɔwoji lɛ yɛ lɛ. Taomɔ hei ni bɛŋkɛ bo kɛ bei ni akɛyaa shisharamɔi lɛ.
Abaabɔi Shisharamɔ Yɛ Betel Ekoŋŋ: Yɛ maji babaoo anɔ lɛ, abaabɔi shisharamɔ yɛ wɔnitsumɔhe niji lɛ amli ekoŋŋ kɛjɛ June 1, 2023 kɛyaa. Kɛ́ ootao enɛ he saji krokomɛi lɛ, tswaa nitsumɔhe nine ni obaasumɔ ni oyashara shi yɛ lɛ. Ofainɛ, kɛ́ oná COVID-19 hela lɛ eko, tsitsi loo flu henɔ ko emɔ bo, loo okɛ mɔ ko ni ená COVID-19 eshãra nyɛsɛɛ nɛɛ, kaayashara shi yɛ nitsumɔhe nine ko.
Germany
Bi Gbɛ Kɛhã Shisharamɔ Lɛ
Ani esa akɛ ohã wɔle kɛtsɔ hiɛ akɛ obaaba shisharamɔ dani be ni okɛbaaba lɛ ashɛ? Hɛɛ. Bɔ ni afee ni mɛi ni baa shisharamɔ lɛ ayi akafa tsɔ ni amɛhe fi amɛ lɛ, wɔmiibi ni mɛi fɛɛ ni baasumɔ akɛ amɛba lɛ, ahã wɔle kɛtsɔ hiɛ, ekɔɔɔ he eko amɛyifalɛ.
Kɛ́ ohãko wɔle kɛtsɔ hiɛ akɛ oosumɔ ni oba shisharamɔ lɛ, ani obaanyɛ oba? Kɛ́ ohãaa wɔle kɛtsɔ hiɛ ni oba lɛ, ekolɛ, wɔnáŋ mɔ ko ni kɛ bo baaya shisharamɔ lɛ. Akɛni hei ni adamɔɔ kɛkwɛɔ nibii lɛ daraaa tsɔ hewɔ lɛ, mɛi fioo pɛ anyɛɔ akɛyaa shisharamɔ gbi fɛɛ gbi.
Mɛɛ be esa akɛ obashɛ shi kɛhã shisharamɔ lɛ? Bɔ ni afee ni anyɛ akɛ bo aje shisharamɔ lɛ shishi mra lɛ, ofainɛ ni oshɛ jɛmɛ kɛhooo kwraa lɛ ŋmɛlɛtswaa kome dani be ni ahã bo lɛ ashɛ.
Te obaafee tɛŋŋ ohã ale akɛ obaaba shisharamɔ lɛ? Klikimɔ “Hã Ale Akɛ Obaaba Shisharamɔ” lɛ nɔ.
Kɛ́ ohã ale akɛ obaaba shisharamɔ lɛ, ani obaanyɛ otsake be lɛ loo ofo mli kwraa? Hɛɛ. Klikimɔ “Kwɛmɔ loo Tsakemɔ Be Ni Okɛbaaba Shara Shi” lɛ nɔ.
Kɛ́ be ni oosumɔ ni okɛba shisharamɔ lɛ jeee be ni akɛbaa shisharamɔ hu? Fɔɔ saiti lɛ nɔ yaa. Kɛ́ mɔ ko hala akɛ ebaaba shisharamɔ shi etsake be lɛ loo efo mli lɛ, mɔ kroko baanyɛ aná hegbɛ ni eba.
Shisharamɔi
Nitsumɔ Ni Wɔtsuɔ
Wɔkwɛɔ Yehowa Odasefoi ashiɛmɔ nitsumɔ lɛ nɔ yɛ Austria, Germany, Liechtenstein, Luxembourg, kɛ Switzerland. Nibii ni obaana lɛ baahã ole Yehowa Odasefoi ashiɛmɔ nitsumɔ lɛ he yinɔsane yɛ Central Europe maji nɛɛ anɔ. Nitsumɔhe nine lɛ printiɔ woji kɛmajeɔ asafoi ni fa fe 25,000 yɛ maji aaafee 100 anɔ.