Nitsumɔhe Nine Kɛ Shisharamɔ He Saji
Wɔkɛ miishɛɛ miifɔ bo nine akɛ obashara shi yɛ wɔnitsumɔhe niji lɛ kɛ hei ni akalaa wɔwoji lɛ yɛ lɛ. Taomɔ hei ni bɛŋkɛ bo kɛ bei ni akɛyaa shisharamɔi lɛ.
Abaabɔi Shisharamɔ Yɛ Betel Ekoŋŋ: Yɛ maji babaoo anɔ lɛ, abaabɔi shisharamɔ yɛ wɔnitsumɔhe niji lɛ amli ekoŋŋ kɛjɛ June 1, 2023 kɛyaa. Kɛ́ ootao enɛ he saji krokomɛi lɛ, tswaa nitsumɔhe nine ni obaasumɔ ni oyashara shi yɛ lɛ. Ofainɛ, kɛ́ oná COVID-19 hela lɛ eko, tsitsi loo flu henɔ ko emɔ bo, loo okɛ mɔ ko ni ená COVID-19 eshãra nyɛsɛɛ nɛɛ, kaayashara shi yɛ nitsumɔhe nine ko.
South Africa
Bi Gbɛ Kɛhã Shisharamɔ Lɛ
Ani esa akɛ ohã wɔle kɛtsɔ hiɛ akɛ obaaba shisharamɔ dani be ni okɛbaaba lɛ ashɛ? Hɛɛ. Bɔ ni afee ni mɛi ni baa shisharamɔ lɛ ayi akafa tsɔ ni amɛhe fi amɛ lɛ, wɔmiibi ni mɛi fɛɛ ni baasumɔ akɛ amɛba lɛ, ahã wɔle kɛtsɔ hiɛ, ekɔɔɔ he eko amɛyifalɛ. Hã wɔle kɛtsɔ hiɛ kɛhooo kwraa lɛ otsi dani be ni okɛbaaba lɛ ashɛ. Kɛ́ obaaba yɛ hejɔɔmɔ gbi nɔ lɛ, no lɛ, ofainɛ wɔmiisumɔ ni ohã wɔle mra kwraa kɛtsɔ hiɛ.
Kɛ́ ohãko wɔle kɛtsɔ hiɛ akɛ oosumɔ ni oba shisharamɔ lɛ, ani obaanyɛ oba? Kɛ́ ohãaa wɔle kɛtsɔ hiɛ ni oba lɛ, ekolɛ, wɔnáŋ mɔ ko ni kɛ bo baaya shisharamɔ lɛ. Akɛni hei ni adamɔɔ kɛkwɛɔ nibii lɛ daraaa tsɔ hewɔ lɛ, mɛi fioo pɛ anyɛɔ akɛyaa shisharamɔ gbi fɛɛ gbi.
Mɛɛ be esa akɛ obashɛ shi kɛhã shisharamɔ lɛ? Bɔ ni afee ni anyɛ akɛ bo aje shisharamɔ lɛ shishi mra lɛ, ofainɛ ni oshɛ jɛmɛ kɛhooo kwraa lɛ ŋmɛlɛtswaa kome dani be ni ahã bo lɛ ashɛ.
Te obaafee tɛŋŋ ohã ale akɛ obaaba shisharamɔ lɛ? Klikimɔ “Hã Ale Akɛ Obaaba Shisharamɔ” lɛ nɔ.
Kɛ́ ohã ale akɛ obaaba shisharamɔ lɛ, ani obaanyɛ otsake be lɛ loo ofo mli kwraa? Hɛɛ. Klikimɔ “Kwɛmɔ Loo Tsakemɔ Be Ni Okɛbaaba Shisharamɔ” lɛ nɔ.
Kɛ́ be ni oosumɔ ni okɛba shisharamɔ lɛ jeee be ni akɛbaa shisharamɔ hu? Fɔɔ saiti lɛ nɔ yaa. Kɛ́ mɔ ko hala akɛ ebaaba shisharamɔ shi etsake be lɛ loo efo mli lɛ, mɔ kroko baanyɛ aná hegbɛ ni eba.
Shisharamɔi
1 Robert Broom Drive East
Rangeview
KRUGERSDORP
1739
SOUTH AFRICA
+27 11-761-1002
E-mail: InboxBTHLTours.ZA@jw.org
Bethel Home: Ajeɔ shisharamɔ lɛ shishi yɛ Bethel Home lɛ, akwɛɔ vidio kuku ko yɛ jɛmɛ kɛjeɔ shisharamɔ lɛ shishi. Be ni osharaa shi lɛ, obaakwɛ vidioi komɛi ni baahã ona nitsumɔi komɛi ni atsuɔ yɛ Betel kɛ bɔ ni Betel nitsumɔ lɛ fĩɔ wɔjamɔ lɛ sɛɛ lɛ. Gbekɛbii baanyɛ amɛkɛ Caleb kɛ Sophia asha foto yɛ he ni afee Caleb kɛ Sophia he mfonirii lɛ yɛ.
Woji Akalamɔhe Ni Ji 2 Lɛ: Obaakwɛ vidioi etɛ ni tsɔɔ sɛɛnamɔ ni yɔɔ wɔwoji lɛ ni atsɔɔ shishi kɛyaa maŋbii lɛ awiemɔi amli ni akalaa lɛ he. He ko yɛ biɛ ni kɛ́ oyadamɔ lɛ, obaana tsɔji wuji enyɔ ni wɔkɛprintiɔ woji lɛ ni miitsu nii. Nɔ ko hu ni sa kadimɔ waa ni obaana ji, blema Bibliai komɛi ni yɔɔ maŋbii lɛ awiemɔ mli ni Nyɔŋmɔ gbɛ́i lɛ je kpo yɛ mli lɛ.
Woji Akalamɔhe Ni Ji 3 Lɛ: He ko yɛ biɛ ni kɛ́ oyadamɔ lɛ obaana he ni atoɔ woji ni akala lɛ yɛ lɛ, kɛ vidio ko ni miitsɔɔ hei ni akɛ woji lɛ baaya lɛ. Obaakwɛ vidioi etɛ yɛ biɛ ni baahã ona bɔ ni amamɔɔ Maŋtsɛyeli Asai, bɔ ni afeɔ akɛ woji yaa hei srɔtoi, kɛ bɔ ni afeɔ nibii ni atswaa aboɔ toi kɛ vidioi lɛ ahãa.
He Ni Gbɔi Jɔɔ Amɛhe Yɛ: Afee biɛ tamɔ paaki fɛfɛo ko ni mɛi baa shisharamɔ lɛ baanyɛ amɛye niyenii ni amɛkɛba lɛ yɛ biɛ. Biɛ ji he ni tsɔji wuji mamɔɔ, ni biɛ nɔŋŋ tsɔji fɛɛ mamɔɔ yɛ hejɔɔmɔ gbii anɔ.
Tsɔji: Akɛ tsɔji holeɔ mɛi ni eba shisharamɔ lɛ kɛyaa hei srɔtoi ni ahereɔ gbɔi yɛ lɛ fɛɛ.
Nitsumɔ Ni Wɔtsuɔ
Wɔkalaa woji srɔtoi yɛ wiemɔi ni fa fe 150 amli, ni wɔkɛyaa asafoi akpei abɔ amli yɛ maji 20 anɔ. Wɔtsɔɔ Biblia lɛ kɛ Biblia kasemɔ woji kɛ vidioi ashishi kɛyaa wiemɔi ni fa fe 20 amli. Wɔnitsumɔhe nine lɛ tsɔɔ Regional Design/Construction Department lɛ nɔ eyeɔ ebuaa ni amamɔɔ Maŋtsɛyeli Asai yɛ Afrika maji 42 anɔ.