Nitsumɔhe Nine Kɛ Shisharamɔ He Saji
Wɔkɛ miishɛɛ miifɔ bo nine akɛ obashara shi yɛ wɔnitsumɔhe niji lɛ kɛ hei ni akalaa wɔwoji lɛ yɛ lɛ. Taomɔ hei ni bɛŋkɛ bo kɛ bei ni akɛyaa shisharamɔi lɛ.
Abaabɔi Shisharamɔ Yɛ Betel Ekoŋŋ: Yɛ maji babaoo anɔ lɛ, abaabɔi shisharamɔ yɛ wɔnitsumɔhe niji lɛ amli ekoŋŋ kɛjɛ June 1, 2023 kɛyaa. Kɛ́ ootao enɛ he saji krokomɛi lɛ, tswaa nitsumɔhe nine ni obaasumɔ ni oyashara shi yɛ lɛ. Ofainɛ, kɛ́ oná COVID-19 hela lɛ eko, tsitsi loo flu henɔ ko emɔ bo, loo okɛ mɔ ko ni ená COVID-19 eshãra nyɛsɛɛ nɛɛ, kaayashara shi yɛ nitsumɔhe nine ko.
United States
Bi Gbɛ Kɛhã Shisharamɔ Lɛ
Ani esa akɛ ohã wɔle kɛtsɔ hiɛ akɛ obaaba shisharamɔ dani be ni okɛbaaba lɛ ashɛ? Hɛɛ. Bɔ ni afee ni mɛi ni baa shisharamɔ lɛ ayi akafa tsɔ ni amɛhe fi amɛ lɛ, wɔmiibi ni mɛi fɛɛ ni baasumɔ akɛ amɛba lɛ, ahã wɔle kɛtsɔ hiɛ, ekɔɔɔ he eko amɛyifalɛ.
Kɛ́ ohãko wɔle kɛtsɔ hiɛ akɛ oosumɔ ni oba shisharamɔ lɛ, ani obaanyɛ oba? Kɛ́ ohãaa wɔle kɛtsɔ hiɛ ni oba lɛ, ekolɛ, wɔnaŋ mɔ ko ni kɛ bo baaya shisharamɔ lɛ. Akɛni hei ni adamɔɔ kɛkwɛɔ nibii lɛ daraaa tsɔ hewɔ lɛ, mɛi fioo pɛ anyɛɔ akɛyaa shisharamɔ gbi fɛɛ gbi.
Mɛɛ be esa akɛ obashɛ shi kɛhã shisharamɔ lɛ? Bɔ ni afee ni anyɛ akɛ bo aje shisharamɔ shishi mra lɛ, ofainɛ ni oshɛ jɛmɛ kɛhooo kwraa lɛ ŋmɛlɛtswaa kome dani be ni ahã bo lɛ ashɛ.
Te obaafee tɛŋŋ ohã ale akɛ obaaba shisharamɔ lɛ? Kɛ́ nyɛyi shɛɛɛ mɛi 20 lɛ, Klikimɔ “Hã Ale Akɛ Obaaba Shisharamɔ—Wɔyi Shɛɛɛ 20” lɛ nɔ. Shi kɛ́ nyɛyi fa fe 20 lɛ, Klikimɔ “Hã Ale Akɛ Obaaba Shisharamɔ—Wɔyi Fa Fe 20” lɛ nɔ.
Kɛ́ ohã ale akɛ obaaba shisharamɔ lɛ, ani obaanyɛ otsake be lɛ loo ofo mli kwraa? Hɛɛ. Klikimɔ “Kwɛmɔ loo Tsakemɔ Be Ni Okɛbaaba Shara Shi” lɛ nɔ.
Kɛ́ be ni oosumɔ ni okɛba shisharamɔ lɛ jeee be ni akɛbaa shisharamɔ hu? Fɔɔ saiti lɛ nɔ yaa. Kɛ́ mɔ ko hala akɛ ebaaba shisharamɔ shi etsake be lɛ loo efo mli lɛ, mɔ kroko baanyɛ aná hegbɛ ni eba.
Shisharamɔi
Warwick
1 Kings Dr.
TUXEDO PARK, NY 10987
UNITED STATES
+1 845-524-3000
Nitsumɔ Ni Wɔtsuɔ
Nibii Ni Bo Diɛŋtsɛ Obaashara Shi Okwɛ
The Bible and the Divine Name (Biblia Lɛ Kɛ Nyɔŋmɔ Gbɛ́i Lɛ). Obaana blema Bibliai komɛi kɛ bɔ ni fee ni abaa Nyɔŋmɔ gbɛ́i lɛ yi yɛ Ŋmalɛ lɛ mli yɛ mɔdɛŋ ni abɔ koni ajie yɛ mli lɛ fɛɛ sɛɛ lɛ yɛ biɛ. Agbɛnɛ hu, obaana blema Bibliai srɔtoi kɛ nibii krokomɛi ni kɔɔ Biblia lɛ he lɛ ahe mfonirii srɔtoi ni tsakeɔ yɛ miziɔm lɛ.
A People for Jehovah’s Name (Mɛi Ni Yehowa Gbɛi Kã Amɛnɔ). Mfonirii kɛ nibii yɛ miziɔm nɛɛ ni baanyɛ aye abua bo ni ole Yehowa Odasefoi ashiɛmɔ nitsumɔ lɛ he yinɔsane. Nibii ni atɛŋ kɛ saji komɛi ni ba ni mɔ lɛ diɛŋtsɛ gba ni obaabo toi lɛ baaye abua bo ni ona bɔ ni Yehowa etsɔɔ ewebii lɛ gbɛ, etsɔɔ amɛ nii, ní eto amɛhe gbɛjianɔ fiofio koni amɛfee esuɔmɔnaa nii.
World Headquarters—Faith in Action. Sane ni obaabo toi yɛ miziɔm nɛɛ baatsɔɔ nitsumɔ ni Gbɛtsɔɔmɔ Kuu lɛ ajinafoi akui lɛ tsuɔ, kɛ bɔ ni amɛyeɔ amɛbuaa Yehowa Odasefoi ni amɛkɛ Ŋmalɛ naa gbɛtsɔɔmɔ akɛ wɔbua wɔhe naa kɛfee kpeei, wɔfee kaselɔi, wɔkase Yehowa he nii, ni wɔjie suɔmɔ kpo kɛtsɔɔ wɔhe lɛ atsu nii.
Shisharamɔ Ni Mɔ Ko Kɛbo Baaya
Shisharamɔ nɛɛ baahã ona ɔfis srɔtoi lɛ kɛ bɔ ni Warwick shikãmɔ yɔɔ.
Daunlodimɔ Shisharamɔ He Wolo Lɛ Eko
Patterson
100 Watchtower Dr. (2891 Route 22)
PATTERSON, NY 12563
UNITED STATES
+1 845-306-1000
Wɔtɛŋiɔ mfonirii ni anaa yɛ wɔwoji lɛ amli lɛ. Wɔfeɔ nibii ni atswaa aboɔ toi kɛ vidioi hu. Kɛ́ oba shisharamɔ lɛ, obaale Biblia skul srɔtoi lɛ ahe saji.
Daunlodimɔ Shisharamɔ He Wolo Lɛ Eko
Wallkill
900 Red Mills Rd.
WALLKILL, NY 12589
UNITED STATES
+1 845-744-6000
Klikimɔ Koni Etsɔɔ Bo Gbɛ
Daa afi lɛ, wɔprintiɔ Biblia kasemɔ woji ni fa fe akpekpei 25. Wɔkɛ woji kɛ nibii ni yɔɔ wiemɔi ni fa fe 360 amli majeɔ Yehowa Odasefoi anitsumɔhe niji yɛ je lɛ hei srɔti, kɛ Yehowa Odasefoi asafoi ni fa fe 15,000 hu yɛ United States, Canada, kɛ Caribbean lɛ.
Daunlodimɔ Shisharamɔ He Wolo Lɛ Eko