Hako a hio mawi mo de mo ka sila So ngoya
Té Wén 15
Hako a hio mawi mo de mo ka sila So ngoya
Ha wén ge lema nde me osi a hio mawi mo ka me yambi e nde? (1)
Me lema toa dede wén ke a ó? (2)
Deamo be me lema dea ge ne hio mawi e nde? (2)
Ha ngué te ngimo me lema osa wén hine eglise e nde? (3)
1. Sising, Bible osa me hio dede mo pénte. Ingo mo ke lema hako a me mo to nde me ba pata deamo be hio Chrétien. (aÉphésien 4:22-24) Ingo mo ke ne gasa mo pénte mo to nde me kpa touno mo kpo ne kpo. (Jean 17:3) Mo ndang, hio mawi fine ngoya mo ze dede wén ke mo to nde mbwa kpasi. Hio kpasa Chrétien fet lema osa wén témoin. Yo ne ma mbonga be So.—Romains 10:10; 1 aCorinthien 9:16; 1 Timothée 4:16.
2. Me lema angara ne osa hio wi ka doung sanga ne me dede mo ka me yamba. To yo ha hio wi mo nam be me, hio ngdidan be me, hio dan me, hio wi ka me ne mbwa de tom mgbandi ndang. Ka me a dea yo, doung ne dedea ne ba sila me. (2 Timothée 2:24, 25) Tazou me a bisi na nde, hio wi ngoy ka mo zo ne deamo, pén hio wén ka è to. Dede deamo bo lema dea nde hio wi a ze wén ka o ngoy mo to.—Matthieu 5:16; 1 Pierre 3:1, 2, 16.
3. Ma ngimo be tè, ka me be de mo fet ka è ana me, mo to nde me osi wén so hine hio Témoin be Jéhovah mo eglise ka me ne a yo. Yo ne ma gasa mo pénte a zang ngaya be me mo ne a songsi. (Matthieu 24:14) Me be doung ma ne tóte pénte ka me hako a mawi mo te wantom be Jéhovah, ne mo kpa touno mo kpo ne kpo na!—1 aThessalonicien 2:19, 20.
