Té Wén 10

Hio deamo ka So kafa

E lema takara ge a zou mo ka doung ne ngdanga li So e? (1)

Osi hio ma ngdanga deamo ne war doungonou be wowi ne mgboko ka de na? (2)

Ma Chrétien lema takara ge a zou toa dalo e? (3) Ne bio mbari mboli? (3) zou? (3) deamo ne ngaya? (4) sombala hio démon? (5) ne Noa doko pénte? (6)

E be de meng mo kafi ne hio ngdanga deamo ndong ke e nde? (7)

1. Hio wantom be So ngoya dede mo. Ma lema nde mbwa yambi fine mo kafi ngdanga mo. (Psaume 97:10) Engi ngoy mo to nde è kafi ne sila ndang, hio deamo fet ka So kafa. Ma, hio ma deamoa ne ngé te a e nde?

2. Dea wanza: Doungonou be wowi ne mgboko songsi ne mariage, pio nanga bele ne war wanza, oanou be wi ne sari, oanou be wowi ne mgboko a zang nam ndang, oanou be wowi ne dan wa wowi, fet ne hio gasa sembo a li So. (Lévitique 18:6; aRomains 1:​26, 27; 1 aCorinthien 6:​9, 10) Ka wowi ne mgboko doung mgbandi ndang, ma mbwa te de mariage na, lema nde mbwa gon soko. Ka bo na lema, nde mbwa de mariage.​—⁠aHébreu 13:⁠4.

3. Dalo, bio mbari mboli, zou: Jéhovah So lem to dalo na. (Tite 1:⁠2) Mo to nde wène a ngoy mawi lema nde wi ki a kafi toa dalo. (aProverbe 6:​16-19; aColossien 3:​9, 10) Bio mbari mboli ngdé ka a sila wi kpo wo kpa mo ne doka. Goto a go Chrétien lem bi mbari mboli touka hio loterie ne soa wi be hio yanga na. (aÉphésien 5:​3-5) Hio Chrétien fine lem zou mo na, mbwa hè mo zou na, mbwa lem kou hio mo be mawi hapata wa na.​—⁠Exode 20:15; aÉphésien 4:⁠28.

4. Ngambi ne deamo ne ngaya: Ka é ngdé war a na ngambi lema nèa ne mawi a deamo ne ngaya. (Genèse 4:​5-8) Wi ka de mo ne ngaya lem tè ngdidan be So ndang na. (Psaume 11:5; aProverbe 22:​24, 25) Yo bo ne dedea nde ka mawi dea ngdanga mo ne me, me kifiri fine ngdanga mo ha wène ne te me na. Kifiri ngdanga mo ha wen ngdanga na.​—⁠aProverbe 24:29; aRomain 12:​17-21.

5. Dea mo kifi ne goa ngdanga so: Hio mawi go ne ngdanga so nde a hako a mbwa mo karisi ne zele. Hio ma pio zele a te dan mbwa mo to nde te mbwa yim mbwa fé. Hio ngaya ka doung a ngdong deamo mengi fet goute ne Satan. Hio Chrétien lem tèa sanga ne hio ngdanga deamo mengi ndang ne ndang na. (Deutéronome 18:​9-13) Ka hio mawi ngoy mo pi zele ate me, dede mo mo pam ne te me ne mo doung sanga ne Jéhovah.​—⁠aProverbe 18:⁠10.

6. Noa doko pénte: Yo bo ne ngdanga mo mo no be vin, biere ne hio ma doko ka mgbanzi li na. (Psaume 104:15; 1 Timothée 5:23) Ma noa pénte, ne tèa touka bala doko ne ngdanga mo a li So. (1 aCorinthien 5:​11-13; 1 Timothée 3:8) Noa doko pénte lema ngdangsa te me wan-te, ne lema ngdangsa fine nam be me. Doko lema dea nde me teki ne hasa a zang osara mo be Satan.​—⁠aProverbe 23:​20, 21, 29-35.

7. Hio wi ka de mo ka doung ne ngdanga li So “lem ho a Kongakando be So na.” (aGalate 5:​19-21) Ka me ngoya So kpasawen, ka me ngoy mo ha tóte a wène, me be ngdé hio ngdanga deamo ndong fet. ­(1 Jean 5:⁠3) Yambi mo kafi ne sila ndang mo ka doung ne ngdanga li So. (aRo­main 12:⁠9) De ngdidan hine hio wi ka ngoy mo ha tóte a So. (aProverbe 13:20) Hio Chrétien ka ingo wén So ne dedea lema hako ha me. (Jacques 5:14) Ha zou engi fet, ani So mo hako a me ne war goa mo.​—⁠aPhilippien 4:​6, 7, 13.

 [Foto ha li mbeti 20, 21]

So kafa noa doko pénte; ne zou bio mbari mboli, ne deamo ngaya