Té Wén 5

Mo ka So ngoya mo de ha zou nou ne ge?

Jéhovah mgbongara nou a wén ge? (1, 2)

Mèsè nou bo ne paradis na a wén ge? (3)

Ngé mo a be ho a hio ngdanga wi nde? (4)

Ha ngimo ka be tè Jésus be de ge ne hio wanzele, hio gbelawi ne hio fio wi nde? (5, 6)

Mo to nde me kpa hio dede mo ka be tè ke, lema nde me de ne ge? (7)

1. Jéhovah mgbongara nou mo to nde hio wi a doung a yo kpo ne kpo ne tóte. A ba ngoy nde zou nou fet a lem ne hio dede wi ka lema doungo a zoua ne tóte. (Psaume 115:16; Ésaïe 45:18) So lem ngdangsi nou ndang ne ndang na; yo be doung kpo ne kpo.​—⁠Psaume 104:5; Zo-ti-fa-tene 1:⁠4.

2. Songsi nde wène a de wi, So mgbongara dede paradis a ma mgbalko nou. A sa mbgandi ki nde fo mo Éden. Yo a ki a ba ngdé bosi wowi ne bosi mgboko, Adam ne Ève. So ba ngoy nde mbwa mgbè hio bèm ne doka a lem zou nou fet. Hapata ne hon ne hon, mbwa de zou nou fet a tè paradis.​—⁠Genèse 1:28; 2:​8, 15.

3. Adam ne Ève dea sembo ne war ka mbwa dea ne gnalo mo kafi mbonga be So. Mengi Jéhovah yino mbwa a zang fo mo Éden. Ne Paradis yoa. (Genèse 3:1-6, 23) Ma tazou Jéhovah bisi a takara mo bèa mo songsi na. Wène gonanou nde a be de ma soé ndang nou fet a tè paradis, mo to nde hio wi a doung a yo kpo ne kpo. Ma So be de meng nde?​—⁠Psaume 37:29.

4. Mo to nde nou a tè paradis, lema nde è kousi hio ngdanga wi fet youne. (Psaume 37:38) E be de yo a Harmaguédon, gasa bilo ka So be tè ne yo mo karsi ne hio ngdanga mo fet. Hapata, è be ngdé Satan a zomgbo azang bèle 1 000. Engi ngoy mo to nde ma ngdanga wi lem bo fine, mo ngdangsi zou nou na. Ka ne hio wantom be So ndang a be kpasi.​—⁠Apocalypse 16:​14, 16; 20:​1-3.

5. Hapata Jésus Christ be tè Kongawan mo nou fet lem bèle 1 000. (Apocalypse 20:⁠6) Ne hon ne hon, wène be kousi sembo youne a te o fet. O te bo ne hio wi ka doung mzéng, ka bo fine ne sembo na, touka Adam ne Ève songsi nde mbwa de sembo. Ha ngimo ingi zele bo fine na, gbela ne fio kara ne kinong. Hio wi ka ba doung ne zele è be kpasisi mbwa, hio gbela wi be kifi hio bé-ngali ne hio bé-zounga.​—⁠Job 33:25; Ésaïe 33:24; Apocalypse 21:​3, 4.

6. Ha ngimo bèle 1 000 mo wan be Jésus, hio wi ka pam wén So fet ka doung a ki be mgbongiri nou fet a tè paradis. (Luc 23:43) Hio doka wi ka féa, è be tounsi mbwa a zou nou. (Kusala 24:15) Ka mbwa dea mo ka sila So ngoya, mbwa be mgbon kpo ne kpo a zou nou. Ka bona, è be gbè mbwa ne kinong.​—⁠Jean 5:​28, 29; Apocalypse 20:​11-15.

7. Mo ka So ba takiri songsi a wén nou te bo ne kpasawen. Me ngoya mo kpa hio dede mo ndong ka be tè ke? Mengi, me mgbon ka mo yambi mo ing Jéhovah, ne me mgbon ka mo de mo ka wène ana. Yo lema dounga ne mo ka ngay na, ka me nea hio wesara mae be hio Témoin be Jéhovah a zang toua So be mbwa ka doung sanga ne me.​—⁠­Ésaïe 11:9; aHébreu 10:​24, 25.

[Foto ha li mbeti 10]

Paradis yoa

 [Foto ha li mbeti 11]

Hapata Harmaguédon, è be mgbongiri nou a tè paradis