War ka hio Témoin be Jéhovah a mgbongara wésara mae be mbwa
Té Wén 14
War ka hio Témoin be Jéhovah a mgbongara wésara mae be mbwa
Wén be hio Témoin be Jéhovah mo mèsè angara a ngé te ngimo e? (1)
E mgbongiri wesara mae be hio Témoin be Jéhovah meng? (2)
Hio mboli ka mbwa ngdangsi mo mgbongiri ne mo è fouti yo meng? (3)
Ó a ba zoua a zang eglise ndang ndang e nde? (4)
Hio gasa wesara mae ka è de a zang bèle ndang-ndang ne wangé nde? (5)
Ngé kando tom a è de a gasa mgbandi ka zo mo a zou wén so be hio Témoin be Jéhovah fet a zou nou, ne hi ma mgbandi mgbongiri mo a zang hio lé ne doka e nde? (6)
1. Wén be hio Témoin be Jéhovah mo mèsè angara a bèle 1870. Songsi è sa mbwa nde hio wanyambi Bible. Ma, ka hoa bèle 1931, mbwa ba ling mo Bible Témoin be Jéhovah. (Ésaïe 43:10) Songsi mbwa dok na, ma mèsè mbwa te bo ne hio gili Témoin ne doka ka osi wén so a zang hio lé 230.
2. Soulo eglise be hio Témoin be Jéhovah wesiri mae ze tar a zang yenga ndang. È sa me ne dede sila nde me ne ne zo war ka mbwa wesari mae. (aHébreu 10:24, 25) Bible a doung a goun osa mo fet ha ngimo wesara mae ki. Wesara mae ki anguiri ne kari ka ne goa So. Ha soulo wesara mae ke è a bea hi gima so ne sila ndang. (aÉphésien 5:18, 19) E le a ki ne gbelea, è ani mboli na.—Matthieu 10:8.
3. Soulo a pénte hio eglise wesiri mae ka zang toua so be mbwa ka è sa nde Toua mo Kongakando. Yo ne ma gbele toua mengi ka hio ma Témoins mo dede sila de yo è fouti mbwa a tom a na. Ha zang toua Kongakando ke è lem kpa hio seka mo ne hio getakate, ne hio ma mo mengi na. Hio mboli fet ka mbwa ngdangsi mo mgbongiri ne mo, è fouti yo ne war ha mo ne dede sila ka hio wi a ha. E ngdéa hi ngongong ha mo mo ha hio wi ka ngoy mo ha be ma mo.—2 aCorinthien 9:7.
4. Ha zang eglise ndang ndang,hio ancien, ka è sa fine mbwa nde hio surveillant ayo. Yo ne mbwa mgbongiri osa mo a zang hio eglise. (1 Timothée 3:1-7; 5:17) Hio wi ka hako a mbwa ne hio wantom mo hako. (1 Timothée 3:8-10, 12, 13) Mbwa bo ne gasa pén olo hio wi mo eglise na. (2 aCorinthien 1:24) Mbwa bo ne hio gasa ling wan na. (Matthieu 23:8-10) Mbwa yol laa ka doung ne te ne olo hio wi na. E fouti mbwa wén zou tom ka mbwa de na fet. Hio ancien de tom eglise ne gbelea. Mbwa hako ne mbola a ngimo ka wolamo téka.—Jacques 5:14-16; 1 Pierre 5:2, 3.
5. Hio Témoin be Jéhovah a mgbongara fine hio gasa wesara mae bèle ndang-ndang. Ha ngimo a eglise ne doka a kpa mae mo ze ma osamo Bible ka doung ne te. Yo ka a ngimo ki hio mbombé disciple lema kpa batême.—Matthieu 3:13-17; 28:19, 20.
6. Mgbandi ka zo mo a zou wén so be hio Témoin be Jéhovah a zou nou fet a New York. Ha ki hio ma ancien ka ingo wén so ne dedea ka è sa mbwa nde wan pam wesara mae, a zoka mo a zou hio eglise mo zou nou fet. Hio Témoin ne hio ma mgbandi mgbongiri mo fine a zang hio lé 100. Ha ki ne hio wantom ka de tom ne gbelea a mgbongiri hio mbéti so mo tomsi a zou nou fet. Yo ka fine a ki a è mgbongiri tom osa wén so. Ha wén gue me lem ne ma soé ne zo mgbandi mgbongiri mo be hio Témoin be Jéhovah ka doung sanga ne me na e nde?