Té Wén 4

Zabolo ne ó?

Satan Zabolo​—⁠goute a ndo? (1, 2)

Satan osiri hio wi meng? (3-7)

Ha wén ge o lema yol a songsi Zabolo e nde? (7)

1. “Zabolo” ne wi ka to dalo ate mawi mo de ngdanga mo ne wène. Goto ling “Satan” ngoy mo to nde wan ngana wan kafi wén. Hio ling ndong ke lema ne wan kafi So. Songsi wène ba doung ne ma dede ange ka bo ne ngdanga mo ndang na ha ngon a pète So. Hapata a te bo a souote, ne a ngoya nde hio wi a sombili wène fine touka So. Ma ka ne So ndang ka è lema mo sombili wène.​—⁠Matthieu 4:​8-10.

2. Ange ke, Satan kouo ne ma gok mo to ne wén a Ève. A toa hio wén dalo a wène, hapata wène kafa nou So. Yo meki ka Satan ngdangsa mo ka è sa nde “nou mbonga” be So, ka è lema sa fine doungonou be So a zang kousso ngon fet. Satan towa mbasi nde So lem ba wan ne dedea na, ne wène doa o ne ma dede mo. Satan towa ngouri wa fine nde mawi ndang mo pam wén So a zou nou bona. Ne dea mo mengi Satan dea te wa touka gasa wan ngana be So. Goto a go è sa wène nde Satan Zabolo.​—⁠Genèse 3:​1-5; Job 1:​8-11; Apocalypse 12:⁠9.

3. Ne war gon-zang, Satan osara hio wi mo sombili wène. (2 Corinthiens 11:​3, 14) Ma war ndang ka a ba mo osiri ne hio wi ne ngdanga war sombala mo. Ka ma war sombala mo osi ne hio wén dalo a zou So, a de ne mo ka lema sila Satan. (Jean 8:44) Hio wi ka ne a hio ngdanga war sombala mo takiri a sila mbwa nde mbwa sombili ne kpasa So, ma ne mgbaksara wén mbwa go ne Satan. Yo ne wène a doung ‘so mo nzan ke.’​—⁠2 aCorinthien 4:⁠4.

4. Satan ba fine sombala hio ngdanga so mo osiri ne hio wi ngdé ha si ngaya bèa. Hio mawi sombili mo pam mbwa, be hio ma ne mo de ngdanga mo ne dan mbwa, hio ma mo ing doungonou mo mgbisiri, hio ma fine ne mo de kifi. Ka ne Satan a doung touka ngaya ka ousi te a ngdong hio mo ndong ke fet. Mo doung ne dedea ha li So, o lem ba mo be hio ngdanga so ndang ne ndang na.​—⁠Deutéronome 18:​10-12; Kusala 19:​18, 19.

5. Satan a osara fine hio wi ne war loukoso kando be mbwa fine ne goa hio mgbongara mo ne war polotik. Hio ma takiri nde ne lé be mbwa ne kando be mbwa a de pénte pén be hio olo wi. Ma yo bo ne kpasa wén na. (Kusala 10:​34, 35) Hio mawi a ngdéa sila ha zou hio gasa wi ka komande lé mo to nde mbwa karsi bone be hio wi. Ka mbwa ngdéa sila ha mo ndong mbwa kafa kongakando be So, ka doung ne ndanga yina mo karsi ne hio pasi bo fet.​—⁠Daniel 2:⁠44.

6. Satan osara wi ne pouso mbwa a hio hel mo ka dena. Jéhovah ingo nde hio ngdanga deamo ndong lema dea ngdanga ne o, yo go a ana o mo kafi yo. (aGalate 6:​7, 8) Hio mawi lema ana me, nde me de ngdanga mo hine mbwa. Ma ka tazou me a bisi na yo ne Satan a ngoe nde me de hio mo mengi.​—⁠1 aCorinthien 6:​9, 10; 15:⁠33.

7. Satan lema tèa fine ne war déa ngaya mo ne me, ne kafa me mo to nde me ngdé Jéhovah. Hio mawi ka me ngoya mbwa ­pénte lema dea ngambi a zou enge me te boa yamba Bible. Hio ma be mam me. Ma me ngoe mo éfi a sila ó nde? Ó a ha me touno nde? Satan ngoe ka mo ngdé ké a sila me mo to nde me ngdé war yamba mo mo ing Jéhovah. Ngdé Satan a pén zou me na! (Matthieu 10:​34-39; 1 Pierre 5:​8, 9) Ka me yol a songsi Zabolo me be ha tóte a Jéhovah, me be osi nde me hako a nou mbonga bèa.​—aProverbe 27:11.

 [Foto ha li mbeti 9]

Ngdanga war sombala mo, sombala hio ngdanga so, ngoya lé be me pénte a osara hio wi

[Foto ha li mbeti 9]

Yol a songsi Satan ne mgbon ka mo yambi mo ing Jéhovah