MƆ YAMBI 8
Ha zu ge Sɔ gdea wal ha hio gdanga mɔ nɛ bɔnɛ nde?
1. Hio gdanga mɔ gutɛ mɛng nde?
Sɔ gdea wal ha hio wi mɔ ba wan ha zang dɔka bɛlɛ mɔ ha kɔ ha ɔ mɔ ing nde konga-wan pɛ hio wi lɛm kusi hio ngaya mɔ ndang na
Hio gdanga mɔ gutɛ ha zu nu ha ngimɔ ka Satan ba tɔ dalo. Satan badung nɛ ma telenge ka tɛ bo nɛ sɛmbɔ ha tɛ wa na, “ma atɛ bhɔn ha zang kpasa wen na.” (Jean 8:44). A ngoy mɔtɔ nde ɛ lukisi wɛnɛ. Ngase ka nɛ Sɔ ndang ka lɛma nde hio wi a lukisi wɛnɛ. Satan tɔa dalo ha bɔsi bhoko, Eve, a nɛa nɛ Eve mɔ ze nu wa pen nu Sɔ. Adam nɛa pata Eve, a kafa nu Sɔ. Desizion ka Adam kuo dea nde bɔnɛ nɛ fio a hɔ ha pata.—Tɔli 1 Timothée 2:14.
Ha osara Eve mɔ kafi nu Sɔ, Satan gbosara lifar kafa nu Sɔ mɔtɔ nde Sɔ adung wan-le mɔ nzan fɛt. Dɔka wi nɛa pata Satan mbua kafa Konga-kandɔ pɛ Sɔ. Mɛngi Satan tɛa “wan-le nzan”.—Tɔli Jean 14:30; 1 Jean 5:19.
2. Ma gdanga mɔ ba dung ha zang hio mɔ ka Sɔ ba de soe ki nde?
Ma gdanga mɔ ndang bo ha zang mɔ ka Sɔ ba doy na. Hio wi nɛ hio telenge ka Sɔ doya lɛma nde mbua de hio mɔ ka Sɔ ana ha mbua (Deutéronome 32:4, 5). Sɔ doya ɔ a ha ɔ liberté mɔ gba sokomɔ mɔ ing dede mɔ hi nɛ gdanga mɔ. Liberté ki ha wal ha ɔ mɔ osi ha Sɔ nde ɔ ngoya wɛnɛ.—Tɔli Jacques 1:13-15; 1 Jean 5:3.
3. Ha zu ge Sɔ gdea lifar ha gdanga mɔ gbo mɛsɛ nde?
Gbɛl kotomɔ ka kafa nu angara ha Eden, Jéhovah gdea wal ha hio wi mɔ tɔ nde mbua dung nɛ tɛ nɛ konga-wan pɛa ha zang ma ngimɔ. Ha zu ge nde? Mɔ osi ngaya fɛt ka hio wi de mɔ ba nɛ wan lɛm tɛ nɛ dede mɔ ha hio wi na (Zo-ti-fa-tene 7:29; 8:9). Hio bɛlɛ 6 000 ka pena osi nɛ saa nde wen ki nɛ kpasa wen. Konga-kandɔ pɛ hio wi lɛm karsi bulo hio gdanga mɔ, gdanga gɔna kita hi nɛ zɛlɛ na.—Tɔli Jérémie 10:23; Rome 9:17.
Ma, hio wi ka mɛkara Konga-kandɔ pɛ Sɔ be kpa dedemɔ ha pata (Ésaïe 48:17, 18). Ha zang bengimɔ Jéhovah be tukili Konga-kandɔ pɛ hio wi fɛt. Ka nɛ hio wi ka ngoy nde Sɔ adung wan-le pɛ mbua ha be bhɔn bin ha zu nu.—Ésaïe 11:9.—Tɔli Daniel 2:44.
Zɔ vidéo Ha zu ge Sɔ gdea mɔ tɔ nde hio wi ha zɔ bɔnɛ nde?
4. Ɛngɛ ka Sɔ baa sila wa kɛri nɛkɛ ngbosara wal ha ɔ mɔ de ge nde?
Satan tɔa nde hio wi zea nu Jéhovah ha zu wɛnɛa ha mɔ ha mbua. Mɛ lɛma osa nde wen ki nɛ dalo nde? Ɛyi! Ɛngɛ ka Sɔ baa sila mɔ kɛri nɛ ha ɔ wal mɔ osi sima ɔ ngoy nɛ Konga-kandɔ pɛ Sɔ wala nɛ bɛ hio wi. Ɔ be osi yo nɛ wal hio mɔ ka ɔ de ha zang tunɔ bɔ.—Tɔli Jacques 5:11; aProverbe 27:11.
5. Ɔ be osi mɛng nde Sɔ nɛ wan-le bɔ nde?
Hio mɔ ka ɔ ngoy mɔ de ha be osi nde ɔ ngoya mɔ tɔ nde Sɔ adung wan-le bɔ wala ɔ ngoy na
Ka ɔ ki mɔ gɔsɔ lɛm nɛ mɔ ka Bible osa nɛ deamɔ lɛm nɛ yo, ɔ osi nde yo nɛ Sɔ ha dung wan-le bɔ (Jean 4:23). Tuka ɛngɛ ka Jésus dea, ɔ be kafi mɔtɔ nde Satan a tɛ wan-le bɔ ka ɔ kafa mɔ le ha zang mɔ politiki fin nɛ dea bulo.—Tɔli Jean 17:14.
Satan ku nɛ ngaya pɛa mɔ il nɛ hio wi ha dea gdanga mɔ. Ka ɔ kafa hio gdanga mɔ gdɔng, hio ma dan ɔ nɛ hio nam bɔ be mam ɔ be gdɔki wal ha ɔ (1 Pierre 4:3, 4). Mɛngi, ba dede desizion: ɔ be wesiritɛ hinɛ hio wi ka mɛkara Sɔ nde? Hio bhonga pɛa nɛ dedea pentɛ ka ngoy pɛa puso wɛnɛ mɔ ha ɔ ɔ be demɔ lɛm nɛ yo nde? Ka ɔ ba dede desizion, ɔ osi nde Satan nɛ wan tɔ yɛlɛ ha ngimɔ ka ba tɔ nde wi ndang mɔ ze nu Sɔ ha si gdanga mɔ bona.—Tɔli 1 Korente 6:9, 10; 15:33.
Ngoy ka Sɔ nɛ yo ha wal pɛ hio wi osi ha ɔ nde gdanga mɔ nɛ bɔnɛ be kari bin. Hio wi ka mɛkari hio wen ndɔng be kpa tunɔ mɔ kpo nɛ kpo ha zu nu.—Tɔli Jean 3:16.
