Jéhovah doya Ève, bosi bhoko. A tɛa nɛ wɛnɛ ha Adam. Ève tɛa ko pɛa.​—Marc 10:6.

Jéhovah doya mbua fɛt nɛ dedea, gdangamɔ ndang bo ha tɛ mbua na.

Fɔ Eden nɛ̂ bhandi pɛ mbua. Yo nɛ̂ Paradis, ma dede bhandi pentɛ. Mɛ be kpa ha zanga ma gasa nana li, hio waya te nɛ hio sari.

Jéhovah ba dung ha tɔa wen ha mbua. Wɛnɛ ha osa mɔ ha mbua. Ka mbua ba ze so nu wa, mbua be dung nɛ tunɔ mɔ kpo nɛ kpo ha zang Paradis ha zu nu.

Jéhovah ba osi ha Adam nɛ Ève ma waya te ha zang fɔ. A tɔa mbua nde, ka mbua yɔnga yo mbua be fe.

Ma telenge dea ngaya zu nɛ Sɔ. Telenge kɛ nɛ̂ Satan Zabolo.

Satan ngoya nde Adam nɛ Ève a ze nu Sɔ na. Mɔngɔ a kuo ma gɔk mɔ tɔ nɛ wen ha Ève. A tɔa ha Ève nde ka wɛnɛ yɔnga waya te kɛ, a lɛm fe na, a be tɛ tuka Sɔ. Tangere, yo nɛ̂ yɛlɛ.—1 Timothée 2:​14.