1. Gete ma raison nɛ tɛ ha zua Jésus weka hio disciple bɛa nɛ hio ma sami nde?

 JÉSUS ahaka lani songo ti lo na adisciple ti lo na songo ti mbeni berger na ataba ti lo (Jean 10:14). Hakango ye so alingbi na ni. Ataba ahinga berger ti ala na ala yeke mä lo. Mbeni zo so avoyagé abâ so tënë so ayeke tâ tënë. Lo tene: “E ye lani ti mû ambeni taba na foto nga e gi ti tene ala ga nduru na e. Me ala mû peko ti e ape ndali ti so ala hinga go ti e ape. Mo ye ti bâ, mbeni kete molenge-koli so ayeke berger aga, gï so lo iri ala, ala mû peko ti lo.”

2-3. a) Mɛng ga hio disciple bɛ Jésus osa nde mbua zea gɛl wa? b) Getemɔ ɔ be zɔk ha zang article kɛ fin nɛ mɔ gdonga?

² Ye so asi na zo so avoyagé so adabe ti e na tënë so Jésus atene na ndö ti ataba ti lo, so ti tene adisciple ti lo. Lo tene: “Ala yeke mä go ti mbi.” (Jean 10:16). Me so Jésus ayeke na yayu so, tongana nyen la e peut ti tene so e yeke mä go ti lo? Mbeni kota ye so e yeke sara ti fa so e yeke mä go ti Maître ti e ayeke ti sara ye alingbi na afango ye ti lo.—Mat. 7:24, 25.

³ Na yâ ti article so nga na ti peko, e yeke bâ ambeni fango ye ti Jésus. Tongana ti so e yeke bâ, Jésus afa na e so a yeke nzoni ti zia ti sara ambeni ye nga a yeke nzoni ti sara ambeni ye. E yeke bâ kozoni aye use so berger so ayeke nzoni mingi ahunda na e ti zia ti sara ni.

4. Mɔ nɛ ndang nɛ Luc 12:29, getemɔ lɛma dea nde sila ɔ adung ka ha ngɔn?

⁴ Diko Luc 12:29. Jésus ahunda na adisciple ti lo ti “zia ti duti na bê so ayeke gï na nduzu” na ndö ti aye so ala yeke na  bezoin ni. E hinga so awango ti Jésus ayeke lakue awango ti ndara nga ayeke na lege ni. E ye ti sara ye alingbi na ni, me na ambeni ngoi a peut ti duti ngangu ti sara ni. Ngbanga ti nyen?

5. Hazu ge hio ma wi lɛma kio sila mbua ha zu hio mɔ ka mbua bezoin yo?

 ⁵ Ambeni zo apeut ti gi bê ti ala na ndö ti aye so ala bezoin ni: kobe, bongo na ndo ti lango. Peut-être ala vivre na ndo so azo mingi ayeke awayere nga a yeke ngangu ti wara kua. A peut ti duti ngangu na ala ti wara nginza so alingbi ti bâ lege ti azo ti sewa ti ala. Peut-être zo so ayeke bâ lege ti sewa ni akui, a sara si tanga ti azo ti sewa ni ayeke na nginza ape ti wara aye so ala yeke na bezoin ni. Nga, azo mingi aperdre kua ti ala ndali ti COVID-19 so amû ndo (Zo-ti. 9:11). Tongana e wara mbeni kpale so wala ambeni nde, tongana nyen la e peut ti sara ye alingbi na wango ti Jésus so lo tene ala zia ti gi bê ti ala?

6. Osimɔ ka hɔa Bazengele Pierre ha ma ngimɔ.

⁶ Na mbeni ngoi, bazengele Pierre na tanga ti abazengele ayeke na yâ ti mbeni ngö na lê ti Kota ngu ti Galilée; na ngoi so mbeni kota pupu aya, ala bâ Jésus so ayeke tambela na ndö ti ngu ni. Pierre atene: “Seigneur, tongana a yeke mo la, mû yanga na mbi ti tambela na ndö ti ngu ni ti gue na terê ti mo.” Na peko ti so Jésus atene na Pierre ti “ga,” lo descend na yâ ti ngö ni, “lo tambela na ndö ti ngu ni ti gue na terê ti Jésus.” Bâ ye so asi na pekoni. “Tongana lo bâ kota pupu ti ngu ni, mbeto agbu lo. Tongana lo to nda ti lï ngu, lo dekongo, lo tene: ‘Seigneur, sö mbi!’” Jésus ayôro maboko ti lo na lo sö lo. A yeke kota ye ti girisa ape so Pierre awara lege ti tambela na ndö ti ngu ni na ngoi so lo yeke bâ Jésus. Me  na ngoi so Pierre abâ kota pupu ti ngu ni, mbeto nga na kite ahon ndö ti lo na lo komanse ti lï ngu.—Mat. 14:24-31.

7. Getemɔ ɔ lɛma yamba nɛ wal exemple bɛ Pierre?

⁷ E peut ti manda ye na lege ti tapande ti Pierre. Na ngoi so Pierre adescend lani na yâ ti ngö ni na lê ti kota ngu ni, lo pensé ape so mbeto ti kota pupu ni ayeke sara lo nga lo yeke komanse ti lï ngu. Lo ye lani ti ngbâ ti tambela na ndö ti ngu ni juska ti si na terê ti Maître ti lo. Me ahon ti tene lê ti lo angbâ na ndö ti Jésus, mbeto ti kota pupu ni ahon ndö ti lo. Laso, e bezoin mabe ti gbu ngangu na yâ ti akpale ti e tongana ti so Pierre abezoin lani mabe si lo ngbâ ti tambela na ndö ti ngu. Tongana e yeke na confiance na Jéhovah nga na azendo ti lo encore ape, e yeke komanse ti lï ngu na lege ti yingo. Atâa e wara angangu kpale tongana nyen, e doit ti ngbâ ti sara confiance na Jéhovah nga na ngangu so lo yeke na ni ti aidé e. E peut ti sara ni tongana nyen?

8. Getemɔ lɛma haa kɔa ɔ mɔ ki sila ɔ pentɛ na ha zu hio bezoin bɔ?

⁸ Ahon ti tene e gi bê ti e na ndö ti akpale ti e, e doit ti sara confiance na Jéhovah. Girisa ape so, Jéhovah Babâ ti e so aye e amû zendo so lo yeke bâ lege ti abezoin ti e tongana e zia lo kozo (Mat. 6:32, 33). Lo sara ye lakue alingbi na zendo ti lo (Deut. 8:4, 15, 16; Ps. 37:25). Tongana Jéhovah ayeke bâ lege ti andeke nga na afleur, e yeke sûr so lo yeke mû na e kobe wala bongo (Mat. 6:26-30; aPhil. 4:6, 7). Gï tongana ti so ndoye apusu ababâ na amama so apensé na amolenge ti ala ti mû na ala aye so ala bezoin ni, ndoye apusu Babâ ti e ti yayu ti bâ lege ti awakua ti lo. E peut ti duti sûr so Jéhovah ayeke bâ lege ti e.

9. Getemɔ ɔ lɛma yamba nɛ wal mɔ ka hɔa ma couple nde?

⁹ Bâ mbeni ye so asi so afa tongana nyen la Jéhovah apeut ti bâ lege ti abezoin ti e. Mbeni couple so ayeke sara kua ti ngoi kue akpe na ngbene oto ti ala l’heure oko ti mû ambeni ita-wali na camp ti aréfugié ti gue na ala na bungbi. Ita-koli ni atene: “Na peko ti bungbi, e tisa aita-wali ni ti ga ti te ye, me e ga ti bâ so e yeke na ye oko ti mû na ala ape.” Nyen la apassé na pekoni? Ita-koli ni akiri atene: “Na ngoi so e si na yanga-da, e wara akota sac use na devant ti porte ti e so kobe asi yâ ni. E hinga zo so aga na ni ape. Jéhovah abâ lege ti e.” Ambeni ngoi na pekoni, oto ti couple ni abuba. Ala bezoin ni ti fa na tënë, ye oko, ala yeke na nginza ti leke na ni ape. Ala gue na oto ni na mbeni garage ti bâ wala wungo ti nginza oke la ala yeke leke na ni. Na pekoni, mbeni koli aga ahunda ndo atene: “Oto ti zo wa la?” Ita-koli ni atene, a yeke ti ni la, ni ga na ni ti tene a leke ni. Koli ni atene: “Tënë ayeke dä ape. Wali ti mbi aye mara oto so nga tâ gï couleur so lo ye la. Mbi mû na mo oke dä?” Ita-koli ni akä oto ti lo ni na lo na nginza so lo peut ti vo na mbeni oto nde. Lo tene: “E yeke lani na ngia mingi na hunzingo ti lango ni. E hinga so ye so asi lani gï tongaso ape. A yeke maboko ti Jéhovah la.”

10. Mɛng ga Psaume 37:5, mboa ɔ mɔ ki sila ɔ pentɛ na ha zu hio mɔ ka ɔ bezoin yo nde?

¹⁰ Tongana e mä berger so ayeke nzoni mingi na e zia ti gï bê ti e senge senge na ndö ti aye so e bezoin ni, e peut ti duti sûr so Jéhovah ayeke mû ni na e (Diko Psaume 37:5; 1 Pi. 5:7.) Gbu li na ndö ti akpale so e sara tënë ni fade na  paragraphe 5. Juska ge, peut-être Jéhovah asara kua na mbeni mokonzi ti sewa wala mbeni zo so ayeke mû azo na kua ti aidé e ti wara aye so e bezoin ni lâ oko oko. Tongana mokonzi ti sewa ni apeut ti sara ni encore ape wala tongana e perdre kua ti e,  Jéhovah ayeke mû na e aye so e bezoin ni na mbeni lege nde. Lo yeke sara ni biani. Zia e bâ mbeni ye nde so berger so ayeke nzoni mingi ahunda na e ti zia ti sara.

11. Mɔ nɛ ndang nɛ Matthieu 7:​1-⁠2, getemɔ Jésus ana ɔ mɔ gde mɔ de na nde? Hazu ge lɛma dungɔ nɛ ngaya mɔ de yo?

¹¹ Diko Matthieu 7:1, 2. Jésus ahinga so azo ayeke mbilimbili-kue ape nga mingi ni ala yeke bâ gï afaute ti amba ti ala. Ndani la lo tene: “Ala zia ti fâ ngbanga na li ti azo.” E peut ti sara kue ti fâ ngbanga na ndö ti amba ti e aChrétien ape. Me na ambeni ngoi a yeke ngangu. Tongana na ambeni ngoi, e bâ so e yeke fâ ngbanga na li ti mbeni zo, nyen la e doit ti sara? E doit ti mä Jésus na e sara kue ti zia ti fâ ngbanga na li ti zo ni.

12-13. Mɔ ba zu ha zu zɔamɔ bɛ Jéhovah ha zu wan-le David lɛma haa ko ha ɔ mɛng mɔ gde gɔna kita ha zu hio wi?

¹² E peut ti wara ye ti nzoni tongana e gbu li na ndö ti tapande ti Jéhovah. Lo yeke bâ gï nzoni so azo asara. Gbu li na ndö ti ye so lo sara na ngoi so Gbia David asara akota siokpari. Na tapande, lo sara lani lango-sioni na Bath-Shéba nga lo sara même si a fâ koli ti lo (2 Sam. 11:2-4, 14, 15, 24). Ndali ti ye so David asara, lo na azo ti sewa ti lo, so ambeni wali ti lo ayeke popo ni, abâ pasi (2 Sam. 12:10, 11). Na mbeni ngoi nde, David azia bê ti lo kue na Jéhovah ape tongana lo mû yanga ti tene a diko wungo ti akoli so ayeke sara bira, mbeni ye so Jéhovah ahunda na lo ti sara ape. Peut-être baba la apusu lo ti sara ni nga lo sara confiance na wungo ti aturugu ti lo. Nyen la asi na pekoni? Mbeni sioni kobela afa azo ti Israël 70 000.—2 Sam. 24:1-4, 10-15.

¹³ Tongana mo yeke lani dä na Israël na ngoi ni so, mo yeke bâ David tongana nyen? Mo yeke pensé so Jéhovah adoit ti pardonné lo ape? Jéhovah apensé tongaso ape. Lo bâ gï gbâ ti aye so David asara so afa so lo yeke be-ta-zo nga lo bâ so lo changé bê ti lo biani. Tongaso, Jéhovah apardonné akota siokpari so lo sara. Jéhovah ahinga so David aye lo mingi nga lo ye ti sara ye so ayeke na lege ni. A nzere na mo ape so Nzapa ti e ayeke bâ gï anzoni ye so e sara?—1 aGbia 9:4; 1 Chron. 29:10, 17.

14. Gete zɔamɔ haa kɔ ha hio chrétien mɔ gde gɔna kita ha zu hio dan mbua?

¹⁴ So Jéhovah aku pëpe ti tene e sara ye kue mbilimbili, a yeke nzoni e nga e ku pëpe ti tene amba ti e asara ye kue mbilimbili nga e doit ti bâ gï anzoni ye so ala sara. A yeke ka ngangu ape ti bâ wokongo ti amba ti e nga ti fâ ngbanga na ndö ti ala. Me mbeni zo so amû tapande ti Jéhovah ayeke sara kua nzoni legeoko na amba ti lo même tongana lo hinga awokongo ti ala. Mbeni diamant so a kpaka terê ni ape ayeke pendere ape, me mbeni zo so ayeke na ndara ahinga so a yeke duti pendere mingi nga mbeni ye ti ngangu ngere na peko ti so a kpaka ni. Tongana ti Jéhovah na Jésus, e doit ti zia lê ti e gï na ndö ti wokongo ti azo ape me na ndö ti anzoni sarango ye ti ala.

15. Hazu ge ka ɔ ba zu ha zu dungɔ nu bɛ hio wi yo be haa kɔa ɔ mɔ gde gɔna kita ha zu mbua?

¹⁵ Na ndö ti so e doit ti bâ gï anzoni sarango ye ti amba ti e, mbeni ye nde wa la apeut ti aidé e ti fâ ngbanga na ndö ti ala ape? Tara ti imaginé fason so ala yeke vivre na ni. Bâ tapande so. Mbeni lâ na yâ ti temple, Jésus abâ mbeni wali-mua so ayeke wayere abi kete lê ti nginza use so ngere ni ayeke kete mingi na yâ ti sanduku. Jésus atene ape: “Ngbanga ti nyen la lo bi ye mingi ape?” Ahon ti tene  Jésus abâ gï wungo ti nginza so lo bi, lo bâ ye so apusu lo nga na dutingo ti lo na lo gonda lo ndali so lo sara ye kue so lo peut ti sara.—Luc 21:1-4.

16. Getemɔ mɛ lɛma yamba nɛ wal mɔ ka hɔa Veronica?

¹⁶ Ye so asi na ita-wali Veronica afa na e ndani so a yeke kota ye ti bâ wala dutingo ti amba ti e ayeke tongana nyen. Na yâ ti congrégation so lo yeke dä, mbeni ita-wali so ayeke bata molenge ti lo ti koli lo oko ayeke dä. Veronica atene: “Na bango ndo ti mbi lani, ala yeke ga na abungbi nga ala yeke fa tënë lakue ape. Ndali ni, mbi bâ lani ala na nzoni lê ape. Me mbeni lâ, mbi na mama ni e fa tënë. Lo fa na mbi akpale so lo wara ndali ti molenge ti lo so ayeke na mbeni kpale ti li so asara si lo ye ti duti na terê ti azo ape. Lo yeke sara ye kue so lo peut ti sara ti wara ye so ala bezoin ni nga ti ngbâ ti kpengba songo ti ala na Jéhovah. Na ambeni ngoi, ndali ti kpale ti molenge ni lo bâ so a yeke nzoni ala sara bungbi na mbeni congrégation nde.” Veronica atene na nda ni atene: “Mbi hinga ape so gigi ti lo ayeke ngangu tongaso. Ti fadeso, mbi ye ita-wali so mingi nga mbi ne lo ndali ti aye kue so lo yeke sara ti voro Jéhovah.”

17. Getemɔ Jacques 2:8 ana ɔ mɔ de nde? Ɔ lɛma dea yo mɛng nde?

¹⁷ Nyen la e doit ti sara tongana e bâ so e fâ  ngbanga na ndö ti mbeni ita? E doit ti girisa ape so a hunda na e ti ye aita ti e. (Diko Jacques 2:8.) A yeke nzoni e sambela nga Jéhovah na bê ti e kue, e voro yanga na lo ti aidé e ti zia ti fâ ngbanga na ndö ti azo. E lingbi ti sara ye alingbi na asambela ti e na lege so e mû li ni ti sara lisoro na zo so e fâ ngbanga na ndö ti lo so. Ye so apeut ti sara si e hinga lo nzoni. E peut ti hunda lo ti tene e na lo e fa tënë wala ti tisa lo ti te kobe na e. Tongana e hinga ita ti e nzoni ahon ti kozo, e peut ti sara ye tongana Jéhovah na Jésus ti bâ gï anzoni ye so lo sara. Tongana e sara tongaso, e fa so e mä berger so ayeke nzoni mingi so ahunda na e ti zia ti fâ ngbanga na li ti azo.

18. Mɛng ga ɔ lɛma osa nde ɔa zea gɛl Berger ka yo nɛ dedea pentɛ nde?

¹⁸ Tongana ti so avrai taba ayeke mä go ti berger ti ala, adisciple ti Jésus ayeke mä nga go ti lo. Tongana e sara ngangu ti zia ti gi bê ti e na ndö ti aye so e bezoin ni nga ti zia ti fâ ngbanga na ndö ti amba ti e, Jéhovah nga na Jésus ayeke sara tufa na ndö ti a-effort ti e. E peut ti ngbâ ti mä go ti berger so ayeke nzoni mingi atâa e yeke ti “kete kundu ti ataba” wala e yeke ti “ambeni taba”. (Luc 12:32; Jean 10:11, 14, 16). Na yâ ti article ti peko, e yeke bâ aye use so Jésus ahunda na adisciple ti lo ti sara.