1-2. (a) Hazu ge yo nɛ ngaya nɛ hio wi pentɛ mɛsɛ mɔ de confiance nɛ hio wi ka mbua nɛ commandement? (b) Getemɔ ɔ be zɔk ha zang article kɛ nde?

 LASO, a yeke ngangu na azo mingi ti sara confiance na azo so ayeke na komandema. Ala bâ so agouvernement nga na andia so a lu abata gï azo so ayeke na mosoro nga so ayeke na ngangu, me a-aidé awayere mingi ape. A yeke na lege ni so Bible atene: “Komandema ti zo na ndö ti mba ti lo aga gï na sioni na mba ti lo ni.” (Zo-ti. 8:9). Na ndö ni, sarango ye ti ambeni kota zo ti nzapa ayeke na lege ni oko ape, a sara si ambeni zo ayeke na confiance na Nzapa ape. Tongaso, tongana mbeni zo ayeda ti manda Bible, a yeke kete ye ape ti tene e aidé lo ti sara confiance na Jéhovah nga na azo so ayeke sara kua na iri ti lo na sese ge.

² Ti tâ tënë ni, gï azo so ayeke manda Bible la abezoin ti manda ti sara confiance na Jéhovah nga na bungbi ti lo ape. Même tongana e sara na Jéhovah ngu mingi awe, e doit ti girisa lâ oko ape so fason so Jéhovah ayeke sara na aye ayeke lakue nzoni mingi. Na ambeni ngoi, ambeni ye apeut ti sara si a yeke ngangu na e ti sara confiance na Jéhovah. Na yâ ti article so, e yeke bâ aye ota so na yâ ni mabe ti e apeut ti wara tara: (1) na ngoi so e diko ambeni mbaï ti Bible, (2) na ngoi so bungbi ti Jéhovah afa na e mbeni ye ti sara, nga (3) na ngoi ti akpale so ayeke si ande.

3. Mɛng ga hio ma histoire mɔ Bible lɛma dea nde ɔ de confiance ha Jéhovah na?

 ³ Na ngoi so e yeke diko Bible, e peut ti hunda terê ti e na ndö ti fason so Jéhovah asara ye na ambeni zo nga na ndö ti ambeni desizion so lo mû. Na tapande, na mbeti ti Nombre, Jéhovah ahunda ti tene a fâ mbeni zo ti Israël so ague ti ro keke na lango ti Sabbat. Na use mbeti ti Samuel, a fa na e so angu ngbangbo mingi na pekoni, Jéhovah apardonné Gbia David so asara lango-sioni nga afâ zo (Nom. 15:32, 35; 2 Sam. 12:9, 13). E peut ti hunda terê ti e, e tene: ‘Ngbanga ti nyen la Jéhovah apardonné David so afâ zo nga asara lango-sioni me lo tene a fâ koli so asara mbeni ye so na bango ni a yeke nga mbeni kota siokpari ape?’ Ti kiri tënë na hunda so, zia e bâ aye ota so a yeke nzoni e girisa ape na ngoi so e yeke diko Bible.

4. Mɛng ga Genèse 18:​20, 21 fin nɛ Deutéronome 10:​17 dea nde ɔ nɛ confiance pentɛ ha hio desizion bɛ Jéhovah na nde?

⁴ Lakue la Bible ayeke fa anzene nzene tënë kue na ndö ti mbeni mbaï ape. Na tapande, e hinga so David achangé bê ti lo lani biani na peko ti aye so lo sara (Ps. 51:2-4). Me koli so adoro ndia ti Sabbat so asara ye lani tongana nyen? Eskê lo sara vundu ndali ti ye so lo sara lani? Eskê lo doro andia ti Jéhovah kozo awe? Eskê lo sara sanka ti awango so a mû na lo kozo wala lo ke même ni? Bible afa ape. Me e peut ti hinga biani so Jéhovah ‘asara ye ti kirikiri lâ oko ape.’ (Deut. 32:4). Mingi ni azo ayeke mû adesizion ague oko na tënë so ala mä, wala bango ndo so ala yeke na ni na lege ni ape na ndö ti amba ti ala wala ambeni ye nde na asara si ala yeke fâ ngbanga na lege ni ape. Me Jéhovah ayeke hinga aye kue awe si lo mû desizion. (Diko Genèse 18:20, 21; Deutéronome 10:17.) Tongana e hinga ye mingi na ndö ti Jéhovah nga na aye so lo hunda na e ti sara, e yeke sara confiance mingi na adesizion ti lo. Même tongana e diko Bible na e yeke na ahunda so e peut ti wara kiringo tënë ni laso ape, aye so e hinga na ndö ti Nzapa alingbi awe ti sara si e hinga biani so lo ‘yeke mbilimbili na yâ ti alege ti lo kue’.—Ps. 145:17.

5. Mɛng ga ɛngɛ ɔ bo zeng fɛt na kɛ dea nde yo nɛ ngaya nɛ ɔ mɔ gon kita nɛ wala? (Bâ nga encadré “ So eyeke mbilimbili-kue ape asara si bango ndo ti e na ndo ti fango ngbanga ayeke na lege ni kue ape.”)

 ⁵ E peut ti fâ ngbanga lakue na lege ni ape ndali ti so e yeke mbilimbili-kue ape. Nzapa asara e na image ti lo, tongaso e ye mingi ti tene a sara ye na azo na lege ni (Gen. 1:26). Me so e yeke mbilimbili-kue ape, e peut ti fâ ngbanga na lege ni ape na ndö ti ambeni ye même tongana e pensé so e hinga ye kue na ndö ni. Na tapande, girisa ape so vundu asara lani Jonas mingi so Jéhovah amû desizion ti sara nzoni bê na azo ti Ninive (Jonas 3:10–4:1). Me gbu li na ndö ti ye so asi na pekoni. Azo ti Ninive ahon 120000 so achangé bê ti ala asö fini ti ala. Na nda ni, Jonas la abezoin ti changé bango ndo ti lo, me Jéhovah ape.

6. Hazu ge ga Jéhovah lɛm osi ha ɔ na zugoto ɛngɛ wɛnɛ ha ba hio desizion?

⁶ Jéhovah abezoin pëpe ti fa na azo ndani so lo mû adesizion. A yeke tâ tënë so ândö, Jéhovah amû lege na awakua ti lo ti fa tënë ti bê ti ala na ndö ti adesizion so lo mû wala so lo ye ti mû (Gen. 18:25; Jonas 4:2, 3). Na ambeni ngoi, lo fa ndani so lo mû mbeni desizion (Jonas 4:10, 11). Ye oko, Jéhovah adoit gï ti fa na e ndani so lo mû desizion ape. So lo la lo créé e, lo bezoin ape ti tene e yeda awe si lo sara mbeni ye.—És. 40:13, 14; 55:9.

7. Getemɔ lɛma dungɔ nɛ ngaya nɛ ɔ mɔ de? Hazu ge nde?

⁷ E yeda na bê ti e kue so Jéhovah ayeke sara ye lakue na lege ni. Ye oko, a peut ti duti ngangu na e ti sara confiance na azo so ayeke sara kua na iri ti lo. Me e peut ti hunda terê ti e wala azo so ayeke komandema na yâ ti bungbi ti Jéhovah ayeke sara ye biani alingbi na fango lege ti lo wala fango lege ti ala wani. Peut-être ambeni zo ti ândö apensé lani tongaso. Gbu li na ndö ti atapande so e sara tënë ni na  paragraphe 3. Mbeni fami ti koli so adoro ndia ti Sabbat apeut ti hunda terê ti lo wala Moïse ahunda lani biani Jéhovah kozo ti dë ngbanga ti kuâ na li ti koli ni. Mbeni kamarade ti Urie zo ti mara ti Heth, so David asara lango-sioni na wali ti lo, apeut ti tene so David asara kua na ngangu ti lo ti gbia ti kpe punition so lo lingbi tâ na ni. Tâ tënë ni ayeke so, e lingbi pëpe ti tene so e sara confiance na Jéhovah tongana e sara confiance pëpe na azo so ayeke sara kua na iri ti lo ge na sese, so lo sara confiance na ala.

8. Getemɔa nɛ ndang ha zang wen kɛ ka yo ha Kusala 16:​4, 5 nɛ fason ka congrégation bɛ hio chrétien ha nɛa nɛ nɔ mɛsɛ?

⁸ Laso, Jéhovah ayeke fa lege na mbage ti bungbi ti lo so ayeke na sese na lege ti “ngbâa be-ta-zo so ayeke sara ye na ndara.” (Mat. 24:45). Legeoko tongana ti bebungbi ti akozo Chrétien, ngbâa so ayeke bâ ndo na ndö ti azo ti Nzapa na yâ ti dunia kue nga lo yeke fa lege na a-ancien so ayeke na yâ ti acongrégation. (Diko Kusala 16:4, 5.) Na pekoni, a-ancien ayeke sara kue ti sara ye alingbi na fango lege ni. E yeke fa so e sara confiance na fason so Jéhovah ayeke sara na aye tongana e sara ye alingbi na fango lege ti bungbi ti Jéhovah nga na ti a-ancien.

9. Ha gete ngimɔ ga yo lɛma dungɔ nɛ ngaya nɛ ɔ mɔ demɔ lɛm nɛ ma desizion ka hio ancien ba? Hazu ge nde?

⁹ Na ambeni ngoi, a peut ti duti ngangu na e ti sara ye alingbi na adesizion so a-ancien amû ni. Na tapande, na yâ ti angu so ahon ade ti ninga ape, a kiri a leke yâ ti acongrégation nga na acirconscription mingi. Na yâ ti ambeni ye ni, a-ancien ahunda na awafango tënë ti gue na mbeni congrégation nde tongaso si wungo ti azo so ayeke sara bungbi na yâ ti aDa ti Royaume ti e alingbi na wungo so a leke ni ndali ni.  Tongana a hunda na e ti gue na mbeni fini congrégation, peut-être a yeke ngangu na e ti quitté akamarade nga na afami ti e. Eskê Nzapa afa na a-ancien ndo so wafango tënë oko oko adoit ti gue dä? Ên-ën. Ye so apeut ti sara si a yeke ngangu na e ti sara ye alingbi na ye so a hunda na e. Me Jéhovah asara confiance na a-ancien ti mû mara ti adesizion so, e nga kue e doit ti sara confiance na ala. *

10. Mɔ nɛ ndang nɛ aHébreu 13:​17, hazu ge yo nɛ dedea mɔ de tom kɔ nɛ kɔ nɛ hio ancien?

¹⁰ Ngbanga ti nyen la a yeke nzoni e sara kua maboko na maboko na a-ancien nga e sara ye alingbi na adesizion so ala mû même tongana adesizion ni ayeke ti bê ti e ape? Ngbanga ti so na sarango tongaso e yeke mû maboko ti tene beoko angbâ na popo ti awakua ti Nzapa (aÉph. 4:2, 3). Acongrégation ayeke maï tongana azo kue asara terê ti ala kete asara ye alingbi na adesizion so bungbi ti a-ancien amû. (Diko aHébreu 13:17.) Ye so ayeke kota mingi ayeke so, e yeke fa na Jéhovah so e sara confiance na lo na lege so e sara kua maboko na maboko na azo so lo sara confiance na ala ti bâ lege ti e.—Kus. 20:28.

11. Getemɔ lɛma haa kɔ ha ɔ mɔ de confiance pentɛ nɛ osa wal bɛ hio ancien?

¹¹ E peut ti sara confiance mingi na fango lege ti a-ancien tongana e girisa ape so ala yeke sambela ti hunda yingo vulu na ngoi so ala yeke sara lisoro na ndö ti atënë so abâ congrégation. Ala yeke gbu nga li nzoni na ndö ti amama-ndia ti Bible nga ala yeke diko ambeti so bungbi ti Jéhovah asigi na ni ti fa lege na ala. Ala ye mingi ti zia ngia na bê ti Jéhovah nga ti bâ lege ti azo ti lo nzoni. Akoli be-ta-zo so ahinga so ala yeke kiri tënë na Nzapa ndali ti fason so ala yeke sara na akua ti ala (1 Pi. 5:2, 3). Gbu li na ndö ti ye so: Na yâ ti dunia so, so yâ ti azo akangbi ndali ti couleur ti terê ti ala, bungbi ti vorongo nzapa ti ala nga na aye ti poroso, azo ti Jéhovah ayeke voro oko tâ Nzapa na yâ ti beoko. Ye so asi gï ndali ti so Jéhovah amû maboko na bungbi ti lo.

12. Gete hio mɔ hio ancien lɛma zɔka ha ngimɔ ka mbua kio mɔ zɔk sima ma wi changé sila wa nde?

¹² Jéhovah amû mbeni kota kua na a-ancien so ayeke ti bata congrégation si sioni aduti na yâ ni ape. Tongana mbeni Chrétien asara mbeni kota siokpari, Jéhovah ahunda na a-ancien ti gi ti bâ wala lo peut ti ngbâ na yâ ti congrégation. Mbeni ye so ala yeke gi ti hinga ni ayeke ti bâ wala lo sara vundu biani ndali ti ye so lo sara. Lo peut ti tene so lo changé bê ti lo, me eskê lo ke biani ye so lo sara? Eskê lo leke na bê ti lo ti kiri ti sara siokpari ni so encore ape? Tongana asioni kamarade la apusu lo ti sara sioni ni, eskê lo yeda ti fâ yâ ti songo ti lo na ala? A-ancien ayeke sambela, ala yeke bâ aye so Bible atene nga ala yeke gi ti hinga bango ndo ti zo so asara sioni ni na ndö ti ye so asi. Na pekoni, ala yeke bâ wala zo ni apeut ti ngbâ na yâ ti congrégation. Na yâ ti ambeni ye ni, a doit ti bi zo ni na gigi ti bungbi.—1 aCor. 5:11-13.

13. Gete yeksamɔ ɔ lɛma kpaa ka ɛ pio ma dan ɔ wala ma fami bɔ ha dɛl?

¹³ Tongana nyen la a peut ti duti ngangu na e ti sara confiance na a-ancien? Tongana zo ni ayeke kota kamarade ti e ape, wala fami ti e ape, e peut ti yeda hio na desizion ti a-ancien. Me imaginé so zo ni ayeke mbeni kota kamarade ti e. E peut ti gi bê ti e so a-ancien ahinga ye kue na ndö ti tënë ni ape wala e peut ti hunda terê ti e wala ala fâ ngbanga ni biani tongana ti Jéhovah. Nyen la apeut ti aidé e ti ngbâ ti duti na nzoni bango ndo na ndö ti desizion so ala mû?

14. Getemɔ lɛma haa kɔ ha ɔ ka hio ancien pio ma dan ɔ wala ma fami bɔ ha dɛl?

¹⁴ A yeke nzoni e girisa ape so bingo zo na  gigi ayeke ye so Jéhovah aleke nga ayeke aidé congrégation nga peut-être ayeke aidé zo so asara sioni ni. Tongana a yeda na mbeni zo so asara sioni so ake ti changé bê ti lo ti ngbâ na yâ ti congrégation, lo peut ti pusu ambeni zo ti sara nga sioni ye (aGal. 5:9). Na ndö ni, lo peut ti hinga ape so siokpari so lo sara ayeke kota mingi, nga lo peut ti bâ pëpe ndani so lo doit ti changé pensé ti lo nga na asarango ye ti lo tongaso si lo peut ti kiri ti nzere na lê ti Jéhovah (Zo-ti. 8:11). E peut ti hinga biani so na ngoi so a-ancien ayeke mû desizion ti bâ eskê a yeke nzoni ti bi mbeni zo na gigi, ala bâ ni tongana kete ye ape. Ala hinga so legeoko tongana ti ajuge ti Israël ândö, ala “yeke fâ ngbanga na iri ti zo pëpe me na iri ti Jéhovah.”—2 Chron. 19:6, 7.

15. Hazu ge ga yo lɛma nde ɔ de confiance ha osa wal bɛ Jéhovah mɛsɛ pentɛ pen mɔ sɔngsi?

¹⁵ So aye ti ngoi so aga nduru ti hunzi, a lingbi e sara confiance mingi na fason so Jéhovah ayeke sara na aye ahon ti kozo. Ngbanga ti nyen? Na ngoi ti kota ye ti vundu, a peut ti fa na e ambeni ye ti sara so na bango ni, a yeke ngangu ti comprendre ni wala ti sara ye alingbi na ni. Tâ tënë, Jéhovah ayeke sara ande na e tënë droit tongaso ape. Peut-être lo yeke fa ande lege na e na lege ti aita so ayeke sara kua na iri ti lo. A yeke duti ande pëpe ngoi ti tene e dë kite na ye so a fa na e ti sara wala ti hunda terê ti e: ‘Eskê fango lege ni alondo biani na Jéhovah wala a yeke desizion ti aita so ayeke mû li ni?’ Eskê mo yeke sara ande confiance na Jéhovah nga na bungbi ti lo na ngoi ni so, so ayeke kota mingi so? Bango ndo ti mo na ndö ti fango lege ti azo so ayeke sara kua na iri ti Nzapa laso ayeke aidé mo ti hinga kiringo tënë na ahunda so. Tongana mo sara confiance na fango lege so e yeke wara laso nga mo sara ye alingbi na ni hio, peut-être mo yeke sara nga ande tongaso na ngoi ti kota ye ti vundu.—Luc 16:10.

16. Mɛng ga yo lɛma dungɔ nɛ ngaya nɛ ɔ mɔ de confiance ha hio desizion bɛ Jéhovah ha zang hio ngimɔ ka be tɛ?

¹⁶ E doit nga ti gbu li ti e nzoni na ndö ti fason ti sarango ye ti e ande na devant ti adesizion ti Jéhovah na hunzingo ti aye ti ngoi so. Laso, e yeke na beku ti tene azo mingi, so afami ti e so ayeke aTémoin ape ayeke na popo ni, amû desizion ti sara na Jéhovah kozo si a futi dunia so. Me na Harmaguédon, Jéhovah, na lege ti Jésus, la ayeke mû ndangba desizion na ndö ti kekereke ti ala (Mat. 25:31-33; 2 aThes. 1:7-9). A yeke e la e yeke mû ande desizion ape na ndö ti azo so Jéhovah ayeke sara nzoni bê na ala nga na azo so lo yeke sara ni na ala ape (Mat. 25:34, 41, 46). Eskê e yeke sara ande confiance na adesizion ti Jéhovah wala a yeke duti  ande mbeni tênë ti pikango gere ndali ti e? A yeke polele so e doit ti sara confiance mingi na Jéhovah laso tongaso si kekereke e sara confiance kue na lo.

17. Mɛng ga ɔ be zɔk bin dedemɔ nɛ wal hio desizion bɛ Jéhovah ha karsa hio kpogio ngimɔ kɛ nde?

¹⁷ Imaginé tongana e bâ ande aye ti peko ti desizion ti Jéhovah na yâ ti fini dunia, a yeke sara ande e tongana nyen? Abungbi ti vorongo nzapa ti wataka ayeke duti dä encore ape, abungbi ti dengo buze so ayeke sara bê ti ye wala agouvernement so ayeke sara ye ti ngangu na azo nga ayeke sara si azo abâ pasi ayeke duti dä encore ape. Kpale ti seni na gango mbakoro ayeke duti dä encore ape, nga azo so e ye ala ayeke kui encore ape. A yeke kanga Satan na asioni yingo ti lo teti ngu saki oko. Akpale ti peko ti kengo yanga ti ala ayeke duti dä encore ape (Apoc. 20:2, 3). E yeke kiri ande singila mingi na Jéhovah so e sara confiance na fason so lo yeke sara na aye.

18. Hio getemɔ ɔ lɛma yamba nɛ wal exemple bɛ hio wi mɔ Israel ka ɛ tɔa wena ha Nombre 11:​4-6 fin ha 21:⁠5?

¹⁸ Eskê ambeni ye na yâ ti fini dunia ti Nzapa apeut ti sara si a yeke ngangu na e ti sara confiance na fason so Jéhovah ayeke sara na aye? Na tapande, gbu li na ndö ti ye so asi kete na peko ti so azo ti Israël asigi na gbe ti ngbâa na Égypte. Ambeni akomanse lani ti dema terê ti ala ndali ti akobe so ala yeke te lani na Égypte so ala wara ni encore ape nga bê ti ala ake manne so Jéhovah amû na ala. (Diko Nombre 11:4-6; 21:5.) Eskê e peut ti wara mara ti apensé tongaso na peko ti kota ye ti vundu? E yeke zi ande agbagbara ye na ndö ti sese nga e yeke sara si yeke yeke sese aga Paradis, e hinga ape kua ni ayeke duti ande tongana nyen. Peut-être kua ayeke duti ande mingi ti sara nga na tongo nda ni aye apeut ti duti ngangu. Eskê e yeke dema ande terê na ndö ti aye so Jéhovah ayeke mû na e na ngoi ni so? Mbeni ye ayeke sûr: Tongana e kiri singila na Jéhovah ndali ti aye so lo mû na e laso, e yeke kiri ande singila même mingi na lo ndali ti aye so lo yeke mû na e na ngoi ni kâ.

19. Nɛ dɔ wen mɛ lɛma osa hio gasa wen mɔ article kɛ mɛng nde?

¹⁹ Fason so Jéhovah ayeke sara na aye ayeke lakue na lege ni. A lingbi e sara confiance na ni. A lingbi nga e sara confiance na azo so Jéhovah asara confiance na ala ti fa na e aye so lo hunda na e ti sara. Girisa lâ oko ape tënë so Jéhovah atene na lege ti prophète Ésaïe. Lo tene: “Tongana ala duti kpô nga ala zia bê ti ala na mbi, ala yeke wara ngangu.”—És. 30:15.