1-2. (a) Ha gete ngimɔ zeng ga ɔa gba tazu ɔ nɛ ma wi ka ɔ ngoya wɛnɛ ka fea? (b) Getemɔ Jésus gdea nanga ha nu nɛ zɛ sɔngsi gding nde wɛnɛ a fey?

 ATÂA tongana azo so e ye ala akui asara ngu oke, e yeke ngbâ ti dabe ti e na ala. Lakue tongana a si na lango so ala kui na ni, e yeke pensé na ala.

² Ngu oko oko, e yeke na popo ti azo kutu mingi na yâ ti dunia so abungbi ti dabe ti ala na kua ti mbeni zo so e ye lo mingi: Jésus Christ (1 Pi. 1:8). E yeke bungbi legeoko ti dabe ti e na zo so amû fini ti lo tongana ye so a futa ti zi azo ti sö e na gbe ti siokpari na kuâ (Mat. 20:28). Ti vrai ni, Jésus aye ti tene adisciple ti lo adabe ti ala na kuâ ti lo. Na bï so na ndade ni lo kui, lo zia na sese mbeni kobe ti lakui so ayeke nde na lo mû yanga, lo tene: “Ala ngbâ ti sara ye so ti dabe ti ala na mbi.” *​—Luc 22:19.

3. Getemɔ ɔ be zɔk ha zang article kɛ?

³ Mbeni kete wungo ti azo so ayeke gue na bungbi ti Dango bê na kuâ ti Christ ayeke na beku ti wara fini na yayu. Me azo kutu mingi so ayeke na beku ti wara fini na ndö ti sese ayeke gue nga na bungbi so. Na yâ ti article so, e yeke bâ ndani so agroupe use so ayeke na nzara mingi ti gue na Mémorial ngu oko oko. E yeke bâ nga ye ti nzoni so e yeke wara tongana e gue na bungbi so. Kozoni kue, zia e bâ ambeni raison so ndali  ni aChrétien so a soro ala ti gue na yayu ayeke gue na Mémorial.

4. Hazu ge hio Chrétien ka ɛ sala mbua mɔ nɛ angɔn ha yonga mapa fin ha nɔa vin ha ngimɔ Mémorial?

⁴ Ngu oko oko, aChrétien so a soro ala ti gue na yayu so ague Mémorial ayeke te mapa nga ayeke nyon vin. Ngbanga ti nyen la a yeke na lege ni? Ti wara kiringo tënë ni, zia e bâ ye so asi na ndangba bï ti Jésus na sese. Na peko ti kobe ti Pâque, Jésus azia na sese ye so a iri ni fadeso Kobe ti Seigneur. Lo mû mapa na vin na abazengele ti lo 11 so ayeke be-ta-zo, na lo tene na ala ti te ni nga ti nyon ni. Jésus atene na ala tënë ti ambele use, wala mango terê: fini mbele na mbele ti Royaume (Luc 22:19, 20, 28-30). * Ambele so azi lege na abazengele nga na mbeni kete wungo ti azo ti ga agbia nga na aprêtre na yayu (Apoc. 5:10; 14:1). Gï tanga ti aChrétien so a soro ala ti gue na yayu so angbâ na sese, so ayeke na yâ ti ambele so, la ayeke te mapa nga ayeke nyon vin na ngoi ti Mémorial.

5. Getemɔ hio Chrétien ka ɛ sala mbua mɔ nɛ ha ngɔn ingɔ ha zu kɛkɔ ka ɛ haa mbua?

⁵ Bâ mbeni raison so ndali ni aChrétien so a soro ala ti gue na yayu aye mingi ti gue na Mémorial: A mû lege na ala ti gbu li na ndö ti beku ti ala. Jéhovah amû na ala mbeni beku so ahon gbungo li ti zo: na yayu, ala yeke wara mbeni fini so alingbi ti hinga kuâ ape nga so ayeke buba ape; ala yeke komande legeoko na Jésus Christ so awara gloire nga na tanga ti azo 144 000, na ye so ayeke kota mingi ayeke so, ala yeke bâ Jéhovah (1 aCor. 15:51-53; 1 Jean 3:2). Ala hinga so, a tisa ala ti wara aye so kue na yayu. Me ti wara aye so, ala doit ti ngbâ be-ta-zo juska na kuâ ti ala (2 Tim. 4:7, 8). Tongana aChrétien so a soro ala ti gue na yayu agbu li na ndö ti beku ti ala so, a nzere na ala mingi (Tite 2:13). Ka ti “ambeni taba”? (Jean 10:16). Ambeni raison wa la ndali ni ala yeke gue na Mémorial?

6. Hazu ge hio ma sami ha nɛa mémorial bɛlɛ ndang ndang?

⁶ Ambeni taba so ayeke gue na Mémorial ayeke te mapa nga ayeke nyon vin ni ape, me ala yeke na ngia ti duti dä. A yeke na ngu 1938 la, a tisa ti kozoni azo so ayeke na beku ti wara fini na ndö ti sese ti gue na Mémorial. Tour ti Ba Ndo ti lango 1 ti mars 1938 na Anglais atene: “A yeke na lege ni ti tene [ambeni taba] aduti dä na bungbi so nga ti bâ tongana nyen la a yeke sara ni. . . . A yeke ngoi so a yeke nzoni ala nga kue aduti na ngia.” Tongana ti so azo so a tisa ala na mbeni matanga ti mariage ayeke na ngia ti duti dä, ambeni taba ayeke na ngia ti duti dä na Mémorial.

7. Hazu ge hio ma sami ha nɛa zea Diskur mɔ mémorial?

⁷ Ambeni taba nga kue ayeke gbu li na ndö ti beku ti ala. Ala yeke gue ti mä diskur ti Mémorial so asara tënë mingi na ndö ti aye so Christ nga na azo 144 000 so ayeke komande legeoko na lo ayeke sara ndali ti azo so ayeke be-ta-zo na ngoi ti Komandema ti ngu saki oko ti Christ. Na gbe ti komandema ti gbia ti ala Jésus Christ, agbia so ayeke na yayu so ayeke sara si sese aga Paradis nga ala yeke aidé azo ti ga mbilimbili-kue. A nzere mingi na azo kutu mingi so ayeke gue na Mémorial ti imaginé tongana nyen la aprophétie ti Bible ayeke ga tâ tënë, na tapande ati so ayeke  na Ésaïe 35:5, 6; 65:21-23 nga na Apocalypse 21:3, 4. So ala bâ terê ti ala nga na azo so ala ye ala na yâ ti fini dunia, a kpengba beku so ala yeke na ni ndali ti kekereke nga a kpengba ala ti ngbâ ti sara na Jéhovah.​—Mat. 24:13; aGal. 6:9.

8. Gete ma raison nɛtɛ ha zua hio ma sami ha nɛa Mémorial?

⁸ Bâ mbeni raison nde so ndali ni ambeni taba ayeke gue na Mémorial. Ala ye ti fa so ala ye aChrétien so a soro ala ti gue na yayu nga ala ye ti mû maboko na ala. Mbeti ti Nzapa atene kozo awe so mbeni kpengba songo ayeke duti na popo ti aChrétien so a soro ala ti gue na yayu nga na ala so ayeke wara fini na ndö ti sese. Tongana nyen? Zia e bâ ambeni tapande ni.

9. Mɛng ga prophétie ka yo ha Zacharie 8:​23 osa zɔkamɔ bɛ hio ma sami ha zu hio Chrétien ka ɛ sala mbua mɔ nɛa ngɔn?

⁹ Diko Zacharie 8:23. Prophétie so afa pendere mingi bango ndo ti ambeni taba na ndö ti aita-koli nga na aita-wali so a soro ala ti gue na yayu. Tënë “Juif” nga na tënë “ala” aye ti sara tene ti même groupe: aChrétien so a soro ala ti gue na yayu so angbâ na sese (aRom. 2:28, 29). “Azo bale-oko so ayeke ti ayanga ti kodro nde nde kue” aye ti sara tënë ti ambeni taba. Ala “gbu yongoro bongo”, so ti tene, ala soro na bê ti ala wani ti ngbâ nduru na terê ti aChrétien so a soro ala ti gue na yayu, na ala bungbi legeoko na ala na yâ ti tâ vorongo Nzapa. Tongaso, a yeke na bï ti Mémorial la ambeni taba ayeke fa so ala yeke na kpengba songo na aChrétien so a soro ala ti gue na yayu na lege so ala yeke bungbi legeoko na ala.

10. Getemɔ Jéhovah dɛa soeki mɔ tɔ nde prophétie ka yoa Ézéchiel 37:​15-19, 24, 25 atɛ kpasawen nde?

¹⁰ Diko Ézéchiel 37:15-19, 24, 25. Ti tene prophétie so aga tâ tënë, Jéhovah asara si aChrétien so a soro ala ti gue na yayu nga na ambeni taba asara kua maboko na maboko na yâ ti beoko. Prophétie ni asara tënë ti anduru keke use. Azo so ayeke na beku ti gue na yayu ayeke tongana nduru keke “ti Juda”, kete mara so a soro lani agbia ti Israël na yâ ni, nga ala so ayeke na beku ti wara fini na ndö ti sese ayeke tongana nduru keke “ti Éphraïm”. * Jéhovah ayeke bungbi agroupe use so ti ga “keke oko”. A ye ti tene ala yeke sara kua beoko na gbe ti oko Gbia ti ala, Jésus Christ. Ngu oko oko, aChrétien so a soro ala ti gue na yayu nga na ambeni taba ayeke gue na Mémorial legeoko tongana “kundu oko ti ataba na gbe ti berger oko.”​—Jean 10:16.

11. Mɛng ga hio sami ka ɛ tɔa wen bɛ mbua ha Matthieu 25:​31-36, 40 osa nde mbua haa kɔ sɔngsi ha hio yamɛ Chríst?

¹¹ Diko Matthieu 25:31-36, 40. “Ataba” so a sara tënë ti ala na yâ ti parabole so aye ti sara tënë ti azo ti mbilimbili na ngoi ti nda ni so ayeke na beku ti wara fini na ndö ti sese, so ti tene, ambeni taba. Ala ngbâ ti mû maboko na tanga ti aita ti Christ so angbâ na sese na lege so ala yeke aidé ala kozoni ti sara kota kua so a mû na ala: kua ti fango tënë nga na ti sarango adisciple na yâ ti dunia kue.​—Mat. 24:14; 28:19, 20.

12-13. Nɛ gete hio ma wal nɛtɛ ga hio ma sami osa nde mbua haa kɔ ha hio yamɛ Christ?

¹² Ngu oko oko, na ayenga so aga kozo na Mémorial, ambeni taba ayeke fa so ala mû maboko na aita ti Christ na lege so ala mû mbage mingi na kapa ti tisango azo na yâ ti dunia kue ti ga na Mémorial. (Bâ encadré “ Leke terê ti mo kozo ndali ti ngoi ti Mémorial.”) Ala yeke mû nga maboko ti leke aye  kue so a doit ti leke tongaso si a sara Mémorial na yâ ti acongrégation kue na yâ ti dunia, atâa so na yâ ti mingi ti acongrégation, zo oko ayeke te mapa nga ayeke nyon vin ape. Ambeni taba ayeke na ngia mingi ti mû maboko na aita ti Christ na alege tongaso. Ataba so ahinga so Jésus ayeke bâ ye so ala yeke sara na aita ti lo tongana ye so ala sara na lo wani.​—Mat. 25:37-40.

¹³ Ambeni raison wa la ndali ni, e kue e yeke gue na Mémorial atâa beku ti e ayeke so wa?

14. Mɛng ga Jéhovah nɛ Jésus osa nde mbua ngoya ɔ pentɛ?

¹⁴ E kiri singila ndali ti ndoye so Jéhovah na Jésus afa na mbage ti e. Jéhovah afa ndoye na mbage ti e na alege mingi. Me lege so ayeke kota ahon atanga ni kue ayeke so lo tokua Molenge ti lo so lo ye lo mingi ti bâ pasi nga ti kui ndali ti e (Jean 3:16). Jésus nga afa so lo ye e mingi na lege so lo yeda ti mû fini ti lo ndali ti e (Jean 15:13). E peut lâ oko ape ti futa Jéhovah na Jésus ndali ti ndoye so ala fa na mbage ti e. Me e peut ti fa singila ti bê ti e na lege ti fason so e yeke vivre na ni lâ oko oko (aCol. 3:15). E yeke gue nga na Mémorial ndali ti so e ye ti gbu li na ndö ti ndoye so ala fa na mbage ti e nga ti fa so e ye ala.

15. Hazu ge hio chrétien ka ɛ sala mbua mɔ nɛ ha ngɔn fin nɛ hio ma sami zɔkamɔ ka ɛ kuo mɔ kpe hio wi tuka ma cadeau mɔ ngaya gɛnɛ?

¹⁵ E bâ na nene ni mingi ye so a futa ti zi azo so ayeke mbeni cadeau (Mat. 20:28). A-Chrétien so a soro ala ti gue na yayu abâ na nene ni mingi ye so a futa ti zi azo ndali ti so a sara si pendere beku ti ala aga tâ ye. So ala mä na bê na sandaga ti Christ, Jéhovah adiko ala tongana azo ti mbilimbili nga lo mû ala ti ga amolenge ti lo (aRom. 5:1; 8:15-17, 23). Ambeni taba nga akiri singila ndali ti ye so a futa ti zi azo. Ndali ti so ala mä na bê na sandaga ti Christ, ala yeke na nzoni songo na Nzapa, ala peut ti sara na lo akusala so ayeke nzoni kue nga ala yeke na beku ti ‘sigi na yâ ti kota ye ti vundu’ so ayeke ga (Apoc. 7:13-15). Mbeni lege so aChrétien so a soro ala ti gue na yayu nga na ambeni taba ayeke fa singila ti bê ti ala ndali ti ye so a futa ti zi azo ayeke so ala yeke gue na Mémorial ngu oko oko.

16. Gete ma raison nɛtɛ ha zua ɔa nɛa mémorial?

¹⁶ Mbeni raison nde so ndali ni e yeke gue na Mémorial ayeke so e ye ti mä yanga ti Jésus. Atâa beku ti e ayeke so wa, e ye ti sara ye alingbi na commandement so Jésus amû na bï so lo zia gere ti Mémorial na sese. Lo tene: “Ala ngbâ ti sara ye so ti dabe ti ala na mbi.”​—1 aCor. 11:23, 24.

17. Mɛng ga Mémorial haa kɔa ɔ mɔ tɛ sanga pentɛ nɛ Jéhovah?

¹⁷ E yeke ga nduru mingi na Jéhovah (Jacq. 4:8). Tongana ti so e bâ awe, Mémorial amû lege na e ti gbu li na ndö ti beku so Jéhovah amû na e nga na ndö ti kota ndoye so lo fa na mbage ti e (Jér. 29:11; 1 Jean 4:8-10). Tongana e gbu li na ndö ti beku ti e so ayeke tâ ye nga na ndö ti ndoye ti Nzapa na mbage ti e so angbâ lakue, e yeke ye Jéhovah mingi nga songo ti e na lo ayeke kpengba.​—aRom. 8:38, 39.

18. Ka ɔ bazu ha zu exemple bɛ Jésus yo be pusi ɔ mɔ de ge nde?

¹⁸ A yeke pusu e ti mû tapande ti Jésus (1 Pi. 2:21). E yeke diko mingi ambaï so Bible afa na ndö ndangba yenga ti Jésus na ndö ti sese, kuâ ti lo nga na zingongo ti lo na kuâ na yâ ti alango so aga kozo na Mémorial. Na  pekoni, diskur so a mû na lakui na lango ti Mémorial adabe ti e so Jésus andoye e (aÉph. 5:2; 1 Jean 3:16). Tongana e diko ye na ndö ti tapande ti sandaga ti Jésus nga e gbu li na ndö ni, a yeke pusu e ti “ngbâ ti tambela gï tongana ti so lo tambela giriri.”​—1 Jean 2:6.

19. Mɛng ga ɔ lɛma bhɔna ha zang ngoy bɛ Sɔ?

¹⁹ E yeke ye même mingi ti leke na bê ti e ti ngbâ na yâ ti ndoye ti Nzapa (Jude 20, 21). E yeke ngbâ na yâ ti ndoye ti Nzapa na lege so e yeke sara ye kue so e peut ti sara ti mä yanga ti lo, ti sara si iri ti lo aga nzoni-kue nga ti zia ngia na bê ti lo (aProv. 27:11; Mat. 6:9; 1 Jean 5:3). Guengo na Mémorial ayeke pusu e ti ye mingi ti leke na bê ti e ti ngbâ ti vivre lâ oko oko na mbeni lege so, afa na Jéhovah, atene: ‘Mbi ye ti ngbâ na yâ ti ndoye ti mo lakue.’

20. Hio gete dede raison ɔ nɛ yo mɔ nɛ ha mémorial?

²⁰ Atâa beku ti e ayeke ti wara fini ti lakue lakue na yayu wala na sese, e yeke na anzoni raison ti gue na Mémorial. Ngu oko oko, na ngoi so e bungbi ndo oko na lango so, e yeke dabe ti e na kuâ ti zo so e ye lo mingi: Jésus Christ. Ye so ayeke kota mingi ayeke so, e yeke dabe ti e na ndoye so ahon atanga ni kue so Jéhovah afa na mbage ti e so lo mû Molenge ti lo tongana ye so a futa ti zi azo. Na ngu so, e yeke sara Mémorial na lakui ti vendredi lango 15 ti avril 2022. E ye Jéhovah nga na Molenge ti lo, tongaso na lango ti dango bê na kuâ ti Jésus, mbeni ye so apeut ti duti kota na e ahon guengo na Mémorial ayeke dä ape.