ARTICLE MƆ YAMBI 42
Ing nɛ sila mɛ fɛt nde mɛa zang kpasawen
“Ma ɛnɛ ambari soko hio kuliwen fɛt, nɛ ɛnɛ apam ɛ ndɔng ka dung nɛ dedea.”—1 ATHES. 5:21.
GIMA 142 E bata beku ti e ngangu
AYE SO E YEKE BÂ NI *
1. Hazu ge zu hio wi tɛ bo nɛ tum?
LASO, gbâ ti abungbi ti vorongo Nzapa ayeke dä so atene ala yeke aChrétien nga so ala yeke voro Nzapa na lege so lo yeda na ni. Ndani la li ti azo mingi aga kirikiri. Ala yeke hunda terê ti ala: “Eskê tâ bungbi ti vorongo Nzapa ayeke oko, wala abungbi ti vorongo Nzapa kue anzere na lo?” Eskê e aTémoin ti Jéhovah e hinga biani so e yeke fa tâ tënë nga so fason so e yeke voro na Jéhovah ayeke oko lege so anzere na lo? Eskê lege ayeke dä ti hinga ni biani? Zia e bâ aye so afa ni.
2. Mɔ nɛ ndang nɛ 1 aThessalonicien 1:5 hazu ge ga bazengele Paul ingɔ soeki nɛ saa nde wɛnɛ ha zang kpasawen nde?
2 Bazengele Paul ahinga lani biani so lo yeke na yâ ti tâ tënë. (Diko 1 aThessalonicien 1:5.) Lo mä na bê ape gï ndali ti so terê ti lo anzere. Me lo manda lani Mbeti ti Nzapa nzoni. Lo mä na bê lani so “atënë kue ti yâ ti Mbeti ti Nzapa, a sû ni na gbe ti yingo ti Nzapa”. (2 Tim. 3:16). Aye so lo manda afa na lo nyen? Na yâ ti Mbeti ti Nzapa, Paul awara aye so afa biani so Jésus ayeke Messie so a mû zendo ti lo; akota zo ti Nzapa ti aJuif asoro ti sara sanka ti aye so. Akota zo ti Nzapa so, so ayeke sara ye ti handango lê ti azo, atene so ala yeke sara kua na iri ti Nzapa me asarango ye ti ala afa so ala bere tënë ti lo (Tite 1:16). Paul asara ye tongana ala ape, lo soro sorongo pëpe ambage ti Mbeti ti Nzapa so lo ye ti mä na bê na ni. Lo yeke lani nduru ti sara ye alingbi na “ye kue so bê ti Nzapa aye” nga ti fa ni na azo.—Kus. 20:27.
3. Eskê ɔ bezoin mɔ kpa kiforo wen ha hio anamɔ bɔ fɛt gding ɔ ingɔ nɛ saa nde ɔa zang kpasawen? (Zɔk fin encadré “ Akusala ti Jéhovah nga na abibe ti lo ayeke mingi, e peut ti diko ni kue pëpe.’”)
3 Ambeni zo abâ so azo so ayeke na yâ ti tâ bungbi ti vorongo Nzapa adoit ti wara kiringo tënë na ahunda ti ala kue, même ati so a kiri tënë na ni na yâ ti Bible ape. Eskê a yeke na lege ni ti pensé tongaso? Bâ tapande ti Paul. Lo wa lani amba ti lo Chrétien ti “gi ti bâ wala aye kue ayeke tâ tënë” me lo tene nga so gbâ ti aye ayeke dä so lo mä yâ ni ape (1 aThes. 5:21). Lo tene nga lo tene: “E hinga gï mbage ti aye,” “e yeke bâ ye na tatara ti wen, me ye ni asigi polele pëpe.” (1 aCor. 13:9, 12). Paul amä lani yâ ti aye kue ape; e nga kue. Me Paul ahinga akota tâ tënë na ndö ti aye so Jéhovah aleke na bê ti lo ti sara. Aye so Paul ahinga ni asara si lo hinga biani so lo yeke na yâ ti tâ tënë.
4. Mɛng ɔ lɛma ingɔ nɛ sila ɔ fɛt nde ɔa zang kpasawen? Hio getemɔ ɔ be zɔk ha zu hio kpasa Chrétien?
4 Mbeni ye so e peut ti sara ti hinga na bê ti e kue so e yeke na yâ ti tâ tënë ayeke ti haka tapande ti vorongo Nzapa so Jésus azia na aye so aTémoin ti Jéhovah ayeke sara laso. Na yâ ti article so, e yeke bâ so atâ Chrétien (1) ake vorongo yanda, (2) ane iri ti Jéhovah, (3) aye tâ tënë nga (4) andoye terê ngangu.
Ɔ KAFI GƆA SƐKATE
5. Getemɔ Jésus osa ɔ ha zu dede lifar gɔa Sɔ? Mɛng ga ɔ lɛma deamɔ lɛm nɛ mɔ ka wɛnɛ osa?
5 So Jésus aye Jéhovah mingi, lo voro gï lo oko na ngoi so lo yeke lani na yayu nga na ngoi so lo yeke lani na sese (Luc 4:8). Lo fa na adisciple ti lo ti sara nga tongaso. Lâ oko Jésus wala adisciple ti lo so ayeke be-ta-zo asara kua na ayanda ti voro na Nzapa ape. Zo apeut ti bâ Nzapa ape, tongaso zo oko apeut ti sara mbeni ye so akpa lo ape (És. 46:5). Ka ti azo so ambeni zo apensé so ala yeke nzoni-kue, ala sara image ti ala nga ala yeke voro ala so ayeke tongana nyen? Na use Commandement ti aCommandement bale-oko, Jéhovah atene: “A lingbi mo leke ndali ti mo wani pëpe mbeni statue so a leke ni na kode, wala mbeni ye so akpa mbeni ye so ayeke na yayu wala na ndö ti sese . . . Mo kuku na gbe ti ala pëpe.” (Ex. 20:4, 5). Atënë so ayeke polele na azo so aye ti zia ngia na bê ti Nzapa.
6. Gete exemple mɔ gɔa Sɔ hio Témoin bɛ Jéhovah ha baa pata mɛsɛ?
6 Azo ti sungo mbaï atene so akozo Chrétien ayeke voro lani gï Nzapa oko. Mbeni buku (History of the Christian Church) atene so ziango ayanda na aplace ti vorongo Nzapa “ayeke son lani bê” ti akozo Chrétien mingi. Laso, aTémoin ti Jéhovah amû tapande so akozo Chrétien azia. E yeke sambela pëpe image ti “asaint” wala a-ange; e yeke sambela même Jésus ape. E yeke bara drapeau ape wala e yeke sara pëpe mbeni ye ti voro kodro ti e. Atâa nyen la mbeni zo agi ti pusu e ti sara, e leke na bê ti e ti ngbâ ti sara ye alingbi na tënë ti Jésus so: “A yeke gï Jéhovah Nzapa ti mo si mo doit ti voro lo.”—Mat. 4:10.
7. Getemɔ ha osi nɛ saa nde gbaa soko ha soko hio Témoin bɛ Jéhovah nɛ olo hio tua Sɔ?
7 Laso, azo mingi aye ti mä akota zo ti nzapa so iri ti ala awu mingi. Ala ye akota zo ti nzapa so mingi, a sara si ala yeke voro même ala. Gbâ ti azo ayeke gue na eglize ti ala, ayeke vo ambeti ti ala nga ayeke mû nginza na ala wala na abungbi so ala yeke mû maboko na ni. Ambeni zo ayeda na atënë kue so ala tene. A nzere na ala mingi ti bâ akota zo so mo bâ mo tene Jésus la ala bâ lo. Me ti atâ wakua ti Jéhovah, ala yeke na akota zo ti nzapa ape. Atâa so e yeke ne azo so ayeke mû li ni, e yeda na fango ye ti Jésus so ayeke polele, so atene: “Ala kue ayeke aita.” (Mat. 23:8-10). E yeke voro azo ape, atâa ala yeke akota zo ti nzapa wala akota zo ti poroso. E yeke mû nga maboko pëpe na eglize ti ala wala bungbi ti poroso ti ala. Me e duti ti e nde na dunia so. Na yâ ti aye so, e yeke ti e nde na mingi ti abungbi ti vorongo nzapa so ala tene ala yeke aChrétien.—Jean 18:36.
Ɔ HA ZIO HA LING JÉHOVAH
Atâ Chrétien ayeke na ngia ti fa ye na azo na ndö ti Jéhovah (Bâ paragraphe 8-10) *
8. Ɔ ingɔ mɛng nde Jéhovah ngoy mɔ tɔ nde ɛ ha gloire ha ling wa fin hio wi nɛ dɔka a ing yo?
8 Mbeni lâ, Jésus asambela, atene: “Babâ, mû gloire na iri ti mo.” Jéhovah wani angbâ na yayu kâ, lo kiri tënë na sambela so na kota go lo tene lo yeke mû gloire na iri ti lo (Jean 12:28). Na ngoi ti kua ti fango tënë ti Jésus kue, lo mû gloire na iri ti Babâ ti lo (Jean 17:26). Tongaso, a yeke na lege ni ti tene atâ Chrétien aduti na ngia ti sara kua na iri ti Nzapa nga ti fa ni na azo.
9. Mɛng ga hio bosi chrétien osa nde mbua haa zio ha ling Sɔ?
9 Kete na peko ti so congrégation ti akozo Chrétien abâ gigi, Jéhovah ‘abi lê ti lo na mbage ti azo ti amara ti soro na popo ti ala mbeni bungbi ti azo ndali ti iri ti lo.’ (Kus. 15:14). A-Chrétien so ayeke lani na ngia ti sara kua na iri ti Nzapa nga ti fa ni na azo. Ala sara lani kua na iri ti Nzapa mingi na fango tënë nga na yâ ti ambeti so ala sû. * Ala fa lani so ala yeke mbeni bungbi ti azo ndali ti iri ti Nzapa.—Kus. 2:14, 21.
10. Hio getemɔ osa nde hio Témoin bɛ Jéhovah nɛ ma wesara may bɛ hio wi ha wen zu Jéhovah?
10 Eskê aTémoin ti Jéhovah ayeke mbeni bungbi ti azo ndali ti iri ti Jéhovah? Bâ aye so afa ni. Laso, akota zo ti nzapa mingi asara kue ti honde iri ti Nzapa. Ala zi ni na yâ ti aBible ti ala nga, na yâ ti ambeni ye, ala ke na azo ti sara kua na ni na ngoi ti abungbi ti ala. * Eskê mbeni zo apeut ti ke so gï aTémoin ti Jéhovah la ane iri ti Jéhovah tongana ti so a doit ti sara? E la e sara si iri ti Nzapa amû ndo mingi ahon tanga ti abungbi ti vorongo nzapa kue. Tongaso, e yeke sara ye kue so e peut ti sara ti sara ye alingbi na iri ti e: Témoin ti Jéhovah (És. 43:10-12). E sigi na Mbeti ti Nzapa ti fini dunia ahon kutu 240, na yâ ni iri ti Jéhovah ayeke na aplace so a zi ni dä na yâ ti ambeni Bible. Nga, e sara kua na iri ti Jéhovah na yâ ti ambeti ti e na ayanga ti kodro ahon saki oko.
Ɔ NGOY KPASAWEN
11. Mɛng ga hio bosi Chrétien osa nde mbua ngoya soeki kpasawen?
11 Jésus aye lani tâ tënë, so ti tene, tâ tënë na ndö ti Nzapa nga aye so lo leke na bê ti lo ti sara. Jésus asara lani ye alingbi na tâ tënë nga lo fa ni na azo (Jean 18:37). Atâ disciple ti Jésus aye nga lani tâ tënë mingi (Jean 4:23, 24). Bazengele Pierre airi bungbi ti vorongo Nzapa ti aChrétien “lege ti tâ tënë.” (2 Pi. 2:2). Ndali ti so akozo Chrétien aye tâ tënë mingi, ala ke abango ndo ti abungbi ti vorongo nzapa, angobo nga na abango ndo ti azo so ague nde na tâ tënë (aCol. 2:8). Legeoko nga laso, atâ Chrétien asara kue ti ‘ngbâ ti tambela na yâ ti tâ tënë’ na lege so aye kue so ala mä na bê na ni nga fason so ala vivre na ni ague tâ oko na Bible.—3 Jean 3, 4.
12. Ka Bebungbi zɔa nde ɛ bezoin mɔ changé zang fason ka ɔ ze nɛ zang ma wen, mbua ha dea ge nde? Mbua ha dea mɔngɔ hazu ge nde?
12 A-Témoin ti Jéhovah atene ape so ala mä yâ ti atënë kue so ayeke na yâ ti Bible. Na ambeni ngoi, ala fa nda ti mbeni tënë ti Bible na lege ni ape wala fason so a leke na aye na yâ ti congrégation ayeke na lege ni ape. Ye so asara si li ti e akpe ape. Bible afa polele so awakua ti Nzapa ayeke mä yâ ti tâ tënë nzoni mingi tongana ngoi ayeke hon (aCol. 1:9, 10). Jéhovah ayeke fa tâ tënë yeke yeke, na e doit ti duti nduru ti kanga bê juska na ngoi so e mä yâ ti tâ tënë nzoni (aProv. 4:18). Tongana Bebungbi abâ so a bezoin ti changé fason so e yeke sara na mbeni ye wala e comprendre mbeni ye, hio ala yeke sara ni. Laso, a-eglize mingi achangé afango ye ti ala ndali ti so ala ye ti nzere na azo ti ala wala ala ye ti tene azo ti dunia aye ala. Me aTémoin ti Jéhovah ayeke sara achangement ndali ti so ala ye ti ga nduru mingi na Nzapa nga ala ye ti voro Nzapa tongana ti so Jésus asara lani (Jacq. 4:4). E yeke sara achangement pëpe ndali ti so bango ndo ti azo ti dunia achangé, me ndali ti so e mä yâ ti Bible nzoni. E ye tâ tënë.—1 aThes. 2:3, 4.
Ɔ NGOY MAY PENTƐ
13. Gete deamɔ ga ɛ zɔa pentɛ ha soko hio kpasa Chrétien? Mɛng ga ɛ zɔka yo nɛ saa mɛsɛ ha soko hio Temoin bɛ Jéhovah?
13 Na popo ti asarango ye kue so a hinga na akozo Chrétien, ndoye la ayeke kota mingi. Jésus atene: “A yeke na lege ti ye so si azo kue ayeke hinga ande so ala yeke adisciple ti mbi: tongana ala yeke na ndoye na popo ti ala.” (Jean 13:34, 35). Laso, aTémoin ti Jéhovah na yâ ti dunia kue aye terê nga ala yeke beoko. E yeke nde na tanga ti abungbi ti vorongo nzapa, ndali ti so e yeke tongana sewa oko atâa so kodro ti e nga na angobo ti e ayeke nde nde. E bâ ni na ngoi ti abungbi ti e nga na akota bungbi ti e. Ye so asara si e hinga biani so e yeke voro Jéhovah na lege so lo yeda na ni.
14. Mɔ nɛ ndang nɛ aColossien 3:12-14, gete gasamɔ ɔ lɛma dea mɔ osi nde ɔ ngoya may nɛ ngaya nde?
14 Bible awa e ti ‘ndoye terê ngangu na popo ti e’. (1 Pi. 4:8). Mbeni lege ti ndoye terê ngangu tongaso ayeke ti pardonné mba nga ti kanga bê na mba. E yeke gi nga alege ti mû ye mingi na azo nga ti yamba azo kue na yâ ti congrégation, même ala so peut-être ason bê ti e. (Diko aColossien 3:12-14.) Tongana e yeke na mara ti ndoye so, e fa so e yeke atâ Chrétien.
«MƐKARAMƆ KA NDANG»
15. Nɛ gete hio wal ga ɔ ha kuo exemple mɔ gɔa Sɔ ka hio bosi Chrétien gdea nde?
15 E yeke mû tapande ti vorongo Nzapa so akozo Chrétien azia na ambeni lege nde. Na tapande, a leke aye na yâ ti bungbi ti e tongana ti ala. E yeke na asurveillant so ayeke gue na ando nde nde, a-ancien nga na awakua ti mungo maboko tongana ti so ala yeke na ni lani (aPhil. 1:1; Tite 1:5). Bango ndo ti e na ndö ti bungbingo koli na wali nga na mariage, bango na nene ni mênë nga nzara so e yeke na ni ti bata congrégation si azo so asara siokpari si achangé bê ti ala ape asara sioni na ni ape ayeke tongana ti akozo Chrétien.—Kus. 15:28, 29; 1 aCor. 5:11-13; 6:9, 10; aHéb. 13:4.
16. Getemɔ ga aÉphésien 4:4-6 osa ha ɔ nde?
16 Jésus atene lani so azo mingi ayeke tene so ala yeke adisciple ti ni, me ala kue la ayeke duti atâ disciple ni ape (Mat. 7:21-23). Bible atene kozo awe so na lâ ti nda ni, azo mingi ‘ayeke sara ye mo bâ mo tene ala voro Nzapa na bê ti ala kue’. (2 Tim. 3:1, 5). Me Bible atene na e polele so “mabe”, wala bungbi ti vorongo Nzapa, so Nzapa ayeda na ni “ayeke oko”.—Diko aÉphésien 4:4-6.
17. Hio gete wi mɛsɛ ga ha ba pata Jésus fin mbua ha zang kpasa tua gɔ Sɔ nde?
17 Azo wa la ayeke na yâ ti tâ bungbi ti vorongo Nzapa laso? E bâ fade aye so afa ni. E bâ fade tapande ti vorongo Nzapa so Jésus nga na akozo Chrétien azia ni. Kiringo tënë ni ayeke gï oko: aTémoin ti Jéhovah. Pasa la e yeke na ni ti duti wakua ti Jéhovah nga ti hinga tâ tënë na ndö ti Jéhovah nga na aye so lo leke na bê ti lo ti sara. Zia e hinga na bê ti e kue so e yeke na yâ ti tâ tënë.
GIMA 3 Ngangu ti e, beku ti e, confiance ti e
^ par. 5 Na yâ ti article so, e yeke bâ tapande ti tâ vorongo Nzapa so Jésus azia, nga e yeke bâ tongana nyen la akozo disciple ti lo amû tapande ni. E yeke bâ nga aye so afa so aTémoin ti Jéhovah ayeke mû tapande ti tâ vorongo Nzapa so laso.
^ par. 9 Bâ encadré “Akozo Chrétien ayeke di lani iri ti Nzapa?” na yâ ti Tour ti Ba Ndo ti lango 1 ti août 2010, l. 6.
^ par. 10 Na tapande, na ngu 2008, Pape Benoît XVI ahunda ti tene “a sara kua na iri ti Nzapa ape wala a di ni ape” na ngoi ti abungbi ti Eglize Catholique, na yâ ti abia wala na yâ ti asambela.
^ par. 63 NDA TI FOTO: Bungbi ti Jéhovah asigi na Mbeti ti Nzapa ti fini dunia na ayanga ti kodro ahon 200, tongaso si azo apeut ti diko Bible so iri ti Nzapa ayeke na yâ ni na yanga ti kodro ti ala.
