1-2. Mɔ ka ɛ kpea mɔ kusi hio wi nɛ ge nde? Hazu ge ɔ bezoin yo?

NA NGOI so Adam so ayeke mbilimbili-kue asara lani siokpari, lege ti tene lo ngbâ na fini lakue lakue ayeke dä encore ape, lo na amolenge so lo yeke dü ande kue. Lo yeke lani na mbeni raison ndali ti ye so lo sara so ape. Lo sara siokpari na mbana. Kâ amolenge ti lo? Ala yeke na ye oko na yâ ti siokpari ti Adam ape (aRom. 5:12, 14). Ye so Adam asara alingbi na kuâ. Me eskê Jéhovah alingbi ti sara mbeni ye tongaso si amolenge ti Adam alingbi ti ngbâ na fini lakue lakue? En! Kete na peko ti so Adam asara siokpari, Jéhovah akomanse ti fa tongana nyen la lo yeke zi ande amolenge ti Adam kutu mingi na gbe ti ngbanga ti siokpari na kuâ (Gen. 3:15). Na ngoi so Jéhovah afa, lo tokua Molenge ti lo so ayeke na yayu ti ga “ti mû fini ti lo tongana ye so a futa ti zi azo mingi.”​—Marc 10:45; Jean 6:51.

² Ye so a futa ti zi azo ayeke nyen? Na yâ ti Mbeti ti Nzapa so aChrétien asû ândö na Grec, ye so a futa ti zi azo ayeke ngere so Jésus afuta ti kiri ti vo ye so Adam aperdre ni (1 aCor. 15:22). Ngbanga ti nyen la e bezoin ni? Ngbanga ti so ye so ayeke mbilimbili na lê ti Jéhovah, so a fa ni na yâ ti Ndia, ahunda ti tene a mû fini na place ti fini (Ex. 21:23, 24). Adam aperdre lani fini ti lo so ayeke mbilimbili-kue. Ti sara ye alingbi na mbilimbili ti Nzapa, Jésus amû fini ti lo so ayeke mbilimbili-kue (aRom. 5:17). So lo sara tongaso, lo ga “Babâ ti lakue lakue” ti azo kue so amä na bê na ye so lo futa ti zi azo.​—És. 9:6; aRom. 3:23, 24.

3. Mɔ nɛ ndang nɛ Jean 14:​31 fin ne 15:​13, hazu ge soeki Jésus nɛ sanga mɔ ku tunɔ bɛa ka yo nɛ nzeng fɛt ha sadaga nde?

³ Jésus ayeke lani nduru ti mû fini ti lo na sandaga ndali ti so lo ye mingi Babâ ti lo ti yayu nga na e. (Diko Jean 14:31;  15:13.) Ndoye so apusu lo ti leke na bê ti lo ti ngbâ be-ta-zo na yâ ti fini ti lo kue nga ti sara ye so Babâ ti lo aye. Lo sara ni na lege so lo ngbâ be-ta-zo juska na kuâ. Ye so asara si Jéhovah ayeke sara ande ye so lo leke lani na bê ti lo ti sara ndali ti azo nga na sese. Na yâ ti article so, e yeke bâ ndani so Nzapa azia si Jésus abâ pasi mingi kozo si lo kui. E yeke sara nga tënë kete na ndö ti tapande ti bazengele Jean so abâ na nene ni mingi ye so a futa ti zi azo. Na ndani, e yeke bâ tongana nyen la e lingbi ti kiri singila ndali ti ye so a futa so nga tongana nyen la e lingbi ti bâ na nene ni mingi sandaga so Jéhovah na Jésus amû ndali ti e.

4. Osi mɛng Jésus fea soeki.

⁴ Imaginé aye so asi na Jésus na ndangba lango ti fini ti lo na sese. Atâa so lo lingbi lani ti iri gbâ ti a-ange ti bata lo, lo zia si aturugu ti Rome agbu lo, ala pika lo sioni sioni (Mat. 26:52-54; Jean 18:3; 19:1). Ala pika lo na zaza so asuru terê ti lo na kä. Na pekoni, ala forcé lo ti yô mbeni nengo keke na ndö ti go ti lo so kä ayeke dä. Jésus akomanse ti gboto keke ni ti gue na ni na place so a yeke fâ lo dä, kete na pekoni ala gbu mbeni zo so ayeke luti ti yô ni na place ti lo (Mat. 27:32). Na ngoi so Jésus asi na place so a yeke fâ ande lo dä, aturugu ni apika maboko ti lo nga na gere ti lo na pointe na ndö ti keke. Nengo ti Jésus asara si akä so lo wara na place ti apointe akiri akono. Vundu asara akamarade ti lo nga mama ti lo atoto, me akota zo ti aJuif ahe lo (Luc 23:32-38; Jean 19:25). Jésus abâ pasi al’heure mingi. Bê ti lo nga na fufu ti lo asara kua mingi asara si ti wu pupu aga ngangu na lo. Jésus ahinga lani so lo ngbâ be-ta-zo, nga ngoi kete ti tene lo kui, lo tene ndangba sambela na Jéhovah. Na pekoni, lo ba li ti lo na sese, na lo kui (Marc 15:37; Luc 23:46; Jean 10:17, 18; 19:30). Lo kui lani hio ape, lo bâ pasi nga lo kui kuâ ti kamene.

5. Hali Jésus,getemɔ adung nɛ gdanga pentɛ pen fason ka ɛ gbea nɛ wɛnɛ?

⁵ Na lê ti Jésus, ye so ayeke sioni mingi ayeke pëpe fason so a fâ na lo. Ye so asara lo lani vundu mingi ayeke tënë so ala bi na li ti lo so ndali ni ala fâ lo. A bi tënë ti mvene na li ti lo atene lo yeke zo ti zongango ndo, mbeni zo so ane Nzapa nga na iri ti lo oko ape (Mat. 26:64-66). So azo alingbi lani ti bi tënë na li ti Jésus atene lo ne Nzapa ape asara lo vundu mingi na lo ye ti tene Babâ ti lo azia si ye ti kamene tongaso asi na lo ape (Mat. 26:38, 39, 42). Ngbanga ti nyen la Jéhovah azia si Molenge ti lo so lo ye lo mingi abâ pasi na akui? Zia e bâ araison ota.

6. Hazu ge lɛma nde ɛ hɛl Jésus hazu te mɔ pasi nde?

⁶ Kozo ni, a lingbi a kanga lani Jésus na ndö ti mbeni keke ti zi aJuif na gbe ti mbeni deba (aGal. 3:10, 13). Ala yeda lani ti sara ye alingbi na Ndia ti Nzapa me ala sara ni ape. Tongaso, ala lingbi na kuâ ndali ti so ala yeke amolenge ti Adam, me deba so ayeke nga na li ti ala (aRom. 5:12). Ndia so Nzapa amû na azo ti Israël atene lani so tongana mbeni zo asara mbeni siokpari so alingbi na kuâ, a lingbi a fâ lo. Na pekoni, a lingbi ti si so a kanga kuâ ti lo na ndö ti keke (Deut. 21:22, 23; 27:26). * So a kanga Jésus na ndö ti keke asara si mara so ake lo alingbi ti bâ nzoni na lege ti sandaga so lo mû.

7. Bua raison ka dea nde Sɔ a gde bem pɛa azɔk pasi nɛ getemɔ nde?

⁷ Bâ use raison so ndali ni Nzapa azia si Molenge ti lo abâ pasi. Lo yeke leke lani Jésus  ndali ti kua so lo yeke sara ande tongana Kota Prêtre ti e. Jésus ahinga lani tongana nyen la a yeke ngangu mingi ti mä yanga ti Nzapa na ngoi ti ngangu tara. So ye ni ayeke lani ngangu mingi na lo, “lo dekongo ngangu nga lo toto na ngu ti lê” na ngoi so lo yeke sambela ti hunda mungo maboko. Biani, so vundu asara lani Jésus mingi, lo comprendre e, na lo “lingbi nga ti mû maboko na [e]” na ngoi so e yeke “na yâ ti tara.” E kiri singila mingi so Jéhovah azia na ndö ti e mbeni Kota Prêtre so asara ye na nzoni bê so alingbi ti “bâ mawa ti e na ando so e woko dä”.​—aHéb. 2:17, 18; 4:14-16; 5:7-10.

8. Tar raison ka dea nde Sɔ agde nde ɛ we Jésus nɛ ngaya pentɛ nɛ wange nde?

⁸ Ota ni, Jéhovah azia si Jésus abâ pasi ngangu mingi ti kiri tënë na mbeni kpengba hunda: Eskê mbeni zo apeut ti ngbâ be-ta-zo na Jéhovah même tongana a tara lo ngangu? Satan atene ên-ën. Lo tene so azo ayeke sara na Nzapa gï ndali ti so lo mû ye na ala. Lo tene nga so legeoko tongana Adam, ala yeke sara na Jéhovah na bê ti ala kue ape (Job 1:9-11; 2:4, 5). So Jéhovah ahinga so Molenge ti lo ayeke ngbâ be-ta-zo, lo zia si a tara lo alingbi na ti so zo alingbi ti gbu ngangu dä. Jésus angbâ lani be-ta-zo na lo fa so Satan ayeke zo ti mvene.

9. Bazengele Jean gdea ɔ gete exemple nde?

⁹ Ye so aChrétien mingi ahinga na ndö ti ye so a futa ti zi azo akpengba mabe ti ala. Ala ngbâ ti fa tënë atâa so a kanga lege na ala nga ala gbu ngangu na yâ ti atara nde nde kue na yâ ti gigi ti ala kue. Bâ tapande ti bazengele Jean. Lo ngbâ lani ti fa tënë na ndö ti Christ nga na ndö ti ye so a futa ti zi azo ahon ngu 60 tongaso. Na ngoi so lo yeke nduru na ngu 100, azo ti kodro-togbia ti Rome apensé so lo peut ti ga na ala kpale, tongaso ala tokua lo na kanga na zoa ti Patmos. Sioni ti nyen la lo sara? Lo yeke “fa tënë na ndö ti Nzapa nga na ndö ti Jésus.” (Apoc. 1:9). So tâ pendere tapande ti zo so ayeke na mabe nga so agbu ngangu!

10. Mɛng ga hio mbeti ka Jean ngɛrka osa nde azɔka nɛ zio mɔ ka ɛ kpea mɔ kusi hio wi nde?

¹⁰ Na yâ ti ambeti so Jean asû, lo fa so lo ye Jésus mingi nga so lo bâ na nene ni ye so a futa ti zi azo. Ahon fani 100, lo sara tënë ti ye so a futa ti zi azo wala anzoni ye ti peko ni. Na tapande, Jean atene: “Tongana a si so mbeni zo atï na yâ ti mbeni siokpari, e yeke na mbeni zo ti mungo maboko so ayeke na terê ti Babâ ni. A yeke Jésus Christ, zo ti mbilimbili.” (1 Jean 2:1, 2). Ambeti ti Jean asara nga tënë mingi na ndö ti ndani so a yeke kota ye ti “[fa] tënë na ndö ti Jésus”. (Apoc. 19:10). A yeke polele so Jean abâ na nene ni mingi ye so a futa ti zi azo. Tongana nyen la e nga kue e lingbi ti fa so e bâ ni na nene ni mingi?

11. Getemɔ lɛma haa kɔ ha ɔ mɔ yoli hali tara nde?

¹¹ Dö sese na ye so aye ti pusu mo ti sara siokpari. Tongana e bâ biani na nene ni ye so a futa ti zi azo, e yeke pensé ape, e tene: ‘Mbi bezoin ape ti sara ngangu ti dö sese na ye so apusu mbi ti sara siokpari. Mbi peut ti sara ni, na pekoni mbi hunda pardon.’ Me, tongana mbeni ye apusu e ti sara ye so ayeke sioni, e yeke tene: ‘Ên-ën! Mbi peut ti sara mara ti ye so tongana nyen, na peko ti aye kue so Jéhovah na Jésus asara ndali ti mbi so?’ Ti dö sese, e lingbi ti hunda na Jéhovah ti mû na e ngangu, e voro yanga na lo, e tene: ‘Gue na mbi na yâ ti tara pëpe.’​—Mat. 6:13.

12. Mɛng ga ɔ lɛma deamɔ lem ne mbɔla ka yo ha 1 Jean 3:​16-18 nde?

 ¹² Ndoye aita ti mo. Tongana e sara ye na ndoye, e yeke fa nga so e bâ na nene ni ye so a futa ti zi azo. Ngbanga ti nyen? Ngbanga ti so Jésus amû fini ti lo gï ndali ti e ape, me ndali ti aita ti e nga. So lo yeke lani nduru ti kui ndali ti ala, a fa polele so lo bâ ala na nene ni mingi. (Diko 1 Jean 3:16-18.) E yeke fa so e ye aita ti e na lege ti fason so e sara ye na mbage ti ala (aÉph. 4:29, 31–5:2). Na tapande, e yeke mû maboko na ala na ngoi so terê ti ala ason wala na ngoi so ala yeke gbu ngangu na yâ ti angangu kpale, tongana ngu so asuku amû ndo. Me a yeke nzoni e sara nyen tongana mbeni ita asara mbeni ye wala atene mbeni tënë so ason bê ti e?

13. Hazu ge lɛma nde ɔ pardonné hio wi nde?

¹³ Eskê na ambeni ngoi a yeke ngangu na mo ti pardonné mbeni ita? (Lév. 19:18). Tongana a yeke tongaso, sara ye alingbi na wango so: “Ala ngbâ ti kanga bê na amba ti ala na popo ti ala, na ti pardonné mba na bê ti ala kue, même tongana mbeni zo ayeke na tënë ti dema na terê ti mba ti lo. Gï tongana ti so Jéhovah apardonné ala na bê ti lo kue, ala nga ala sara tongaso.” (aCol. 3:13). Na ngoi kue so e pardonné mbeni ita, e fa na Babâ ti e ti yayu so e kiri singila biani ndali ti ye so a futa ti zi azo. Tongana nyen la e lingbi ti ngbâ ti kiri singila mingi na Nzapa ndali ti cadeau so?

14. Ma lifar ka ɔ lɛma zɔka nɛ zio pentɛ mɔ ka ɛ kpea mɔ kusi hio wi nɛ ge nde?

¹⁴ Kiri singila na Jéhovah ndali ti ye so a futa ti zi azo. Joanna, mbeni ita-wali ti Inde so ayeke na ngu 83, atene: “Mbi pensé so a yeke kota ye ti sara tënë ti ye so a futa ti zi azo na yâ ti asambela ti mbi ti lâ oko oko nga ti kiri singila na Jéhovah ndali ni.” Lâ oko oko tongana mo oko mo yeke sambela, fa na Jéhovah aye so mo sara so ayeke na lege ni ape na hunda na lo ti pardonné mo. Tongana mo sara mbeni kota siokpari, mo bezoin nga ti tene a-ancien amû maboko na mo. Ala yeke mä mo nga na ndoye ala yeke mû na mo awango so alondo na Bible. Ala yeke sambela ndali ti mo nga ala yeke hunda na Jéhovah ti pardonné mo grâce na sandaga ti Jésus tongaso ‘si mo wara sava [na lege ti yingo].’​—Jacq. 5:14-16.

15. Hazu ge yo nɛ dedea nde ɔ ku ngimɔ mɔ tɔli mɔ hazu mɔ ka ɛ kpea mɔ kusi hio wi fin mɔ bazu ɔ ha yo nde?

¹⁵ Gbu li na ndö ti ye so a futa ti zi azo.  Rajamani, mbeni ita-wali so ayeke na ngu 73, atene: “Lakue tongana mbi diko ye na ndö ti pasi so Jésus abâ, ngu ti lê asi yâ ti lê ti mbi.” Peut-être mo nga kue a sara mo nzoni ape ti gbu li na ndö ti tongana nyen la Molenge ti Nzapa abâ lani pasi mingi. Me tongana mo gbu li mingi na ndö ti sandaga so Jésus amû, mo yeke ye lo na Babâ ti lo mingi. Ti mû maboko na mo ti gbu li na ndö ti ye so a futa ti zi azo, leke mbeni kapa ti manda ye na ndö ni.

16. Mɔ osimɔ ha hio wi hazu mɔ ka ɛ kpea mɔ kusi hio wi lɛma haa kɔ ha ɔ mɛng nde? (Zɔk foto mɔ couverture.)

¹⁶ Fa ye na azo na ndö ti ye so a futa ti zi azo. Lakue tongana e fa ye na azo na ndö ti ye so a futa ti zi azo, e yeke kiri ti bâ ni na nene ni mingi. E yeke na apendere gbakuru ti sara na kua ti fa na azo ndani so Jésus adoit lani ti kui ndali ti e. Na tapande, e lingbi ti sara kua na ye ti manda 4 ti brochure Nzoni tënë so alondo na Nzapa! Li ti tënë ti ye ti manda so ayeke “Jésus Christ ayeke zo wa?” Wala e lingbi ti gue na chapitre 5 ti buku Bible alingbi ti fa nyen na e? Li ti tënë ti chapitre so ayeke “Ye so a futa ti zi azo: Kota cadeau so Nzapa amû na e.” Nga, ngu oko oko, e yeke kiri singila mingi ndali ti ye so a futa ti zi azo na lege so e gue na Mémorial nga na bê ti e kue e tisa azo ti ga. So pasa si Jéhovah amû na e ti fa ye na azo na ndö ti Molenge ti lo!

17. Hazu ge mɔ ka ɛ kpea mɔ kusi hio wi nɛ gasa cadeau ka Sɔ haa hio wi nde?

¹⁷ Kite ayeke dä ape so e yeke na nzoni raison ti bâ na nene ni mingi ye so a futa ti zi azo nga ti ngbâ ti bâ ni na nene ni. Grâce na ni, e lingbi ti duti na kpengba songo na Jéhovah atâa so e yeke mbilimbili-kue ape. Grâce na ni, a yeke futi akusala ti Zabolo kue (1 Jean 3:8). Grâce na ni, Jéhovah ayeke sara ande si ye so lo leke ti sara ndali ti sese aga tâ tënë. Sese kue ayeke ga ande Paradis. Zo kue so mo tingbi na lo ayeke ye Jéhovah nga ayeke voro lo. Tongaso, zia lâ oko oko e gi alege ti kiri singila ndali ti ye so a futa ti zi azo, kota cadeau so Nzapa amû na azo.